Chapter 4

[English text for this chapter is available]

| adhyāya || 4 ||
[Analyze grammar]

śrīmārkaṇḍeya uvāca |
tato'rṇavātsamuttīrya trikūṭaśikhare sthitam |
mahākanakavarṇābhe nānāvarṇaśilācite || 1 ||
[Analyze grammar]

mahāśṛṅge samāsīnaṃ rudrakoṭisamanvitam |
mahādevaṃ mahātmānamīśānamajamavyayam || 2 ||
[Analyze grammar]

sarvabhūtamayaṃ tāta manunā saha suvrata |
bhūyo vavande caraṇau sarvadevanamaskṛtau || 3 ||
[Analyze grammar]

tatkāle yugasāhasraṃ saha rudreṇa mānada |
tasminnekārṇave ghore sthito'haṃ kurunaṃdana || 4 ||
[Analyze grammar]

yudhiṣṭhira uvāca |
etacchrutvā tu me tāta paraṃ kautūhalaṃ hṛdi |
jātaṃ tatkathayasveti śṛṇvataḥ saha bāndhavaiḥ || 5 ||
[Analyze grammar]

kā sā padmapalāśākṣī tamobhūte mahārṇave |
yogivadbhramate nityaṃ rudrajāṃ svāṃ ca yābravīt || 6 ||
[Analyze grammar]

śrīmārkaṇḍeya uvāca |
etameva mayā praśnaṃ purā pṛṣṭo manuḥ svayam |
tadeva te'dya vakṣyāmi abalāyāḥ samudbhavam || 7 ||
[Analyze grammar]

vyatītāyāṃ niśāyāṃ tu brahmaṇaḥ parameṣṭhinaḥ |
tataḥ prabhāte vimale sṛjyamāneṣu jantuṣu || 8 ||
[Analyze grammar]

manuṃ praṇamya śirasā pṛcchāmyetadyudhiṣṭhira |
keyaṃ padmapalāśākṣī śyāmā caṃdranibhānanā || 9 ||
[Analyze grammar]

ekārṇave bhramatyekā rudrajāsmīti vādinī |
sāvitrī vedamātā ca hyathavā sā sarasvatī || 10 ||
[Analyze grammar]

mandākinī saricchreṣṭhā lakṣmīrvā kimatho umā |
kālarātrirbhavetsākṣātprakṛtirvā sukhocitā || 11 ||
[Analyze grammar]

etadācakṣva bhagavankā sā hyamṛtasaṃbhavā |
caratyekārṇave ghore pranaṣṭoragarākṣase || 12 ||
[Analyze grammar]

manuruvāca |
śṛṇu vatsa yathānyāyamasyā vakṣyāmi saṃbhavam |
yayā rudrasamudbhūtā yā ceyaṃ varavarṇinī || 13 ||
[Analyze grammar]

purā śivaḥ śāntatanuścacāra vipulaṃ tapaḥ |
hitārthaṃ sarvalokānāmumayā saha śaṃkaraḥ || 14 ||
[Analyze grammar]

ṛkṣaśailaṃ samāruhya tapastepe sudāruṇam |
adṛśyaḥ sarvabhūtānāṃ sarvabhūtātmako vaśī || 15 ||
[Analyze grammar]

tapatastasya devasya svedaḥ samabhavatkila |
taṃ giriṃ plāvayāmāsa sa svedo rudrasaṃbhavaḥ || 16 ||
[Analyze grammar]

tasmādāsītsamudbhūtā mahāpuṇyā saridvarā |
yā sā tvayārṇave dṛṣṭā padmapatrāyatekṣaṇā || 17 ||
[Analyze grammar]

strīrūpaṃ samavasthāya rudramārādhayatpurā |
ādye kṛtayuge tasminsamānāmayutaṃ nṛpa || 18 ||
[Analyze grammar]

tatastuṣṭo mahādeva umayā saha śaṃkaraḥ |
brūhi tvaṃ tu mahābhāge yatte manasi vartate || 19 ||
[Analyze grammar]

sariduvāca |
pralaye samanuprāpte naṣṭe sthāvarajaṃgame |
prasādāttava deveśa akṣayāhaṃ bhave prabho || 20 ||
[Analyze grammar]

saritsu sāgareṣveva parvateṣu kṣayiṣvapi |
tava prasādāddeveśa puṇyā kṣayyā bhave prabho || 21 ||
[Analyze grammar]

pāpopapātakairyuktā mahāpātakino'pi ye |
mucyante sarvapāpebhyo bhaktyā snātvā tu śaṃkara || 22 ||
[Analyze grammar]

uttare jāhnavīdeśe mahāpātakanāśinī |
bhavāmi dakṣiṇe mārge yadyevaṃ surapūjitā || 23 ||
[Analyze grammar]

svargādāgamya gaṃgeti yathā khyātā kṣitau vibho |
tathā dakṣiṇagaṅgeti bhaveyaṃ tridaśeśvara || 24 ||
[Analyze grammar]

pṛthivyāṃ sarvatīrtheṣu snātvā yallabhate phalam |
tatphalaṃ labhate martyo bhaktyā snātvā maheśvara || 25 ||
[Analyze grammar]

brahmahatyādikaṃ pāpaṃ yadāste saṃcitaṃ kvacit |
māsamātreṇa taddeva kṣayaṃ yātvavagāhanāt || 26 ||
[Analyze grammar]

yatphalaṃ sarvavedeṣu sarvayajñeṣu śaṃkara |
avagāhena tatsarvaṃ bhavatviti matirmama || 27 ||
[Analyze grammar]

sarvadānopavāseṣu sarvatīrthāvagāhane |
tatphalaṃ mama toyena jāyatāmiti śaṃkara || 28 ||
[Analyze grammar]

mama tīre narā ye tu arcayanti maheśvaram |
te gatāstava lokaṃ syuretadeva bhavecchiva || 29 ||
[Analyze grammar]

mama kūle maheśāna umayā saha daivataiḥ |
vasa nityaṃ jagannātha eṣa eva varo mama || 30 ||
[Analyze grammar]

sukarmā vā vikarmā vā śānto dānto jitendriyaḥ |
mṛto janturmama jale gacchatādamarāvatīm || 31 ||
[Analyze grammar]

triṣu lokeṣu vikhyātā mahāpātakanāśinī |
bhavāmi devadeveśa prasanno yadi manyase || 32 ||
[Analyze grammar]

etāṃścānyānvarāndivyānprārthito nṛpasattama |
narmadayā tataḥ prāha prasanno vṛṣavāhanaḥ || 33 ||
[Analyze grammar]

śrīmaheśa uvāca |
evaṃ bhavatu kalyāṇi yattvayoktamanindite |
nānyā varārhā lokeṣu muktvā tvāṃ kamalekṣaṇe || 34 ||
[Analyze grammar]

yadaiva mama dehāttvaṃ samudbhūtā varānane |
tadaiva sarvapāpānāṃ mocinī tvaṃ na saṃśayaḥ || 35 ||
[Analyze grammar]

kalpakṣayakare kāle kāle ghore viśeṣataḥ |
uttaraṃ kūlamāśritya nivasanti ca ye narāḥ || 36 ||
[Analyze grammar]

api kīṭapataṅgāśca vṛkṣagulmalatādayaḥ |
ā dehapatanāddevi te'pi yāsyanti sadgatim || 37 ||
[Analyze grammar]

dakṣiṇaṃ kūlamāśritya ye dvijā dharmavatsalāḥ |
ā mṛtyornivasiṣyanti te gatāḥ pitṛmandire || 38 ||
[Analyze grammar]

ahaṃ hi tava vākyena kasmiṃścitkāraṇāntare |
tvattīre nivasiṣyāmi sadaiva hyumayā samam || 39 ||
[Analyze grammar]

evaṃ devi mahādevi evameva na saṃśayaḥ |
brahmendracandravaruṇaiḥ sādhyaiśca saha viṣṇunā || 40 ||
[Analyze grammar]

uttare devi te kūle vasiṣyanti mamājñayā |
dakṣiṇe pitṛbhiḥ sārddhaṃ tathānye surasundari || 41 ||
[Analyze grammar]

vasiṣyanti mayā sārddhameṣa te vara uttamaḥ |
gaccha gaccha mahābhāge martyānpāpādvimocaya || 42 ||
[Analyze grammar]

sahitā ṛṣisaṃghaiśca tathā siddhasurāsuraiḥ |
evamuktā mahādeva umayā sahito vibhuḥ || 43 ||
[Analyze grammar]

vandyamāno'tha manunā mayā cādarśanaṃ gataḥ |
tena caiṣā mahāpuṇyā mahāpātakanāśinī || 44 ||
[Analyze grammar]

kathitā pṛcchyate yā te mā te bhavatu vismayaḥ |
eṣā gaṃgā mahāpuṇyā triṣu lokeṣu viśrutā || 45 ||
[Analyze grammar]

daśābhiḥ pañcabhiḥ srotaiḥ plāvayantī diśo daśa |
śoṇo mahānadaścaiva narmadā surasā kṛtā || 46 ||
[Analyze grammar]

mandākinī daśārṇā ca citrakūṭā tathaiva ca |
tamasā vidiśā caiva karabhā yamunā tathā || 47 ||
[Analyze grammar]

citrotpalā vipāśā ca rañjanā vāluvāhinī |
ṛkṣapādaprasūtāstāḥ sarvā vai rudrasaṃbhavāḥ || 48 ||
[Analyze grammar]

sarvapāpaharāḥ puṇyāḥ sarvamaṃgaladāḥ śivāḥ |
ityetairnāmabhirdivyaiḥ stūyate vedapāragaiḥ || 49 ||
[Analyze grammar]

purāṇajñairmahābhāgairājyapaiḥ somapaistathā |
ityetatsarvamākhyātaṃ mahābhāgyaṃ narottama || 50 ||
[Analyze grammar]

manunoktaṃ purā mahyamamṛtāyāḥ samudbhavam |
puṇyaṃ pavitramatulaṃ rudrodgītamidaṃ śubham || 51 ||
[Analyze grammar]

ye narāḥ kīrtayiṣyanti bhaktyā śṛṇvanti ye'pi ca |
prātarutthāya nāmāni daśa pañca ca bhārata || 52 ||
[Analyze grammar]

te narāḥ sakalaṃ puṇyaṃ labhiṣyantyavagāhajam |
vimānenārkavarṇena ghaṇṭāśataninādinā || 53 ||
[Analyze grammar]

tyaktvā mānuṣyakaṃ bhāvaṃ yāsyanti paramāṃ gatim || 54 ||
[Analyze grammar]