Chapter 3

[English text for this chapter is available]

| adhyāya || 3 ||
[Analyze grammar]

yudhiṣṭhira uvāca |
saptakalpakṣayā ghorāstvayā dṛṣṭā mahāmune |
na cāpīhāsti bhagavandīrghāyuriha kaścana || 1 ||
[Analyze grammar]

tvayā hyekārṇave suptaḥ padmanābhaḥ surārihā |
dṛṣṭaḥ sahasracaraṇaḥ sahasranayanodaraḥ || 2 ||
[Analyze grammar]

tvaṃ kilānugrahāttasya dahyamāne carācare |
na kṣayaṃ samanuprāpto varadānānmahātmanaḥ || 3 ||
[Analyze grammar]

kiṃ tvayāścaryabhūtaṃ hi dṛṣṭaṃ ca bhramatānagha |
etadācakṣva bhagavanparaṃ kautūhalaṃ hi me || 4 ||
[Analyze grammar]

samprāpte ca mahāghore yugasyānte mahākṣaye |
anāvṛṣṭihate loke purā varṣaśatādhike || 5 ||
[Analyze grammar]

auṣadhīnāṃ kṣaye ghore devadānavavarjite |
nirvīrye nirvaṣaṭkāre kalinā dūṣite bhṛśam || 6 ||
[Analyze grammar]

saritsarastaḍāgeṣu palvalopavaneṣu ca |
saṃśuṣkeṣu tadā brahmannirākāre yugakṣaye || 7 ||
[Analyze grammar]

janaṃ prāpte maharloke brahmakṣatraviśādayaḥ |
ṛṣayaśca mahātmāno divyatejaḥsamanvitāḥ || 8 ||
[Analyze grammar]

sthitāni kāni bhūtāni gatānyeva mahāmune |
etatsarvaṃ mahābhāga kathayasva pṛthakpṛthak || 9 ||
[Analyze grammar]

bhūtāni kāni viprendra kathaṃ siddhimavāpnuyāt |
brahmaviṣṇvindrarudrāṇāṃ kāle prāpte sudāruṇe || 10 ||
[Analyze grammar]

evamuktastataḥ so'tha dharmarājena dhīmatā |
mārkaṇḍaḥ pratyuvācedamṛṣisaṃghaiḥ samāvṛtaḥ || 11 ||
[Analyze grammar]

śrīmārkaṇḍeya uvāca |
śṛṇvantu ṛṣayaḥ sarve tvayā saha nareśvara |
mahatpurāṇaṃ pūrvoktaṃ śaṃbhunā vāyudaivate || 12 ||
[Analyze grammar]

vāyoḥ sakāśātskandena śrutametatpurātanam |
vasiṣṭhaḥ śrutavāṃstasmātparāśarastataḥ param || 13 ||
[Analyze grammar]

tasmācca jātūkarṇyena tasmāccaiva maharṣibhiḥ |
evaṃ paramparāproktaṃ śatasaṃkhyairdvijottamaiḥ || 14 ||
[Analyze grammar]

saṃhitā śatasāhasrī puroktā śaṃbhunā kila |
āloḍya sarvaśāstrāṇi vadārthaṃ tattvataḥ purā || 15 ||
[Analyze grammar]

yugarūpeṇa sā paścāccaturdhā viniyojitā |
madaprajñānusāreṇa narāṇāṃ tu maharṣibhiḥ || 16 ||
[Analyze grammar]

ārādhya paśubhartāraṃ mayā pūrvaṃ maheśvaram |
purāṇaṃ śrutametaddhi tatte vakṣyāmyaśeṣataḥ || 17 ||
[Analyze grammar]

yacchrutvā mucyate jantuḥ sarvapāpairnareśvara |
mānasaiḥ karmajaiścaiva saptajanmasu saṃcitaiḥ || 18 ||
[Analyze grammar]

saptakalpakṣayā ghorā mayā dṛṣṭāḥ punaḥpunaḥ |
prasādāddevadevasya viṣṇośca parameṣṭhinaḥ || 19 ||
[Analyze grammar]

dvādaśādityanirdagdhe jagatyekārṇavīkṛte |
śrānto'haṃ vibhramaṃstatra taranbāhubhirarṇavam || 20 ||
[Analyze grammar]

athāhaṃ salile rājannādityasamarūpiṇam |
purā puruṣamadrākṣamanādinidhanaṃ prabhum || 21 ||
[Analyze grammar]

śṛṅgaṃ caivādrirājasya bhāsayantaṃ diśo daśa |
dvitīyo'nyo manurdṛṣṭaḥ putrapautrasamanvitaḥ || 22 ||
[Analyze grammar]

agādhe bhramate so'pi tamobhūte mahārṇave |
aviśramanmuhūrtaṃ tu cakrārūḍha iva bhraman || 23 ||
[Analyze grammar]

athāhaṃ bhayādudvignastaranbāhubhirarṇavam |
tatrastho'haṃ mahāmatsyamapaśyaṃ madasaṃyutam || 24 ||
[Analyze grammar]

tato'bravītsa māṃ dṛṣṭvā ehyehīti ca bhārata |
paraṃ pradhānaḥ sarveṣāṃ matsyarūpo maheśvaraḥ || 25 ||
[Analyze grammar]

tato'haṃ tvarayā gatvā tanmukhe manujeśvara |
suśrānto vigatajñānaḥ paraṃ nirvedamāgataḥ || 26 ||
[Analyze grammar]

tato'drākṣaṃ samudrānte mahadāvartasaṃkulām |
udyattaraṃgasalilāṃ phenapuñjāṭṭahāsinīm || 27 ||
[Analyze grammar]

nadīṃ kāmagamāṃ puṇyāṃ jhaṣamīnasamākulām |
nadyāstasyāstu madhyasthā pramadā kāmarūpiṇī || 28 ||
[Analyze grammar]

nīlotpaladalaśyāmā mahatprakṣobhavāhinī |
divyahāṭakacitrāṅgī kanakojjvalaśobhitā || 29 ||
[Analyze grammar]

dvābhyāṃ saṃgṛhya jānubhyāṃ mahatpotaṃ vyavasthitā |
tāṃ manuḥ pratyuvācedaṃ kā tvaṃ divyavarāṅgane || 30 ||
[Analyze grammar]

tiṣṭhase kena kāryeṇa tvamatra surasundari |
surāsuragaṇe naṣṭe bhramase līlayārṇave || 31 ||
[Analyze grammar]

saritaḥ sāgarāḥ śailāḥ kṣayaṃ prāptā hyanekaśaḥ |
tvamekā tu kathaṃ sādhvi tiṣṭhase kāraṇaṃ mahat |
śrotumicchāmyahaṃ devi kathayasva hyaśeṣataḥ || 32 ||
[Analyze grammar]

abalovāca |
īśvarāṅgasamudbhūtā hyamṛtānāma viśrutā |
saritpāpaharā puṇyā māmāśritya bhayaṃ kutaḥ || 33 ||
[Analyze grammar]

sāhaṃ potamimaṃ tubhyaṃ gṛhītvā hyāgatā dvija |
na hyasya potasya kṣayo yatra tiṣṭhati śaṃkaraḥ || 34 ||
[Analyze grammar]

tasyāstadvacanaṃ śrutvā vismayotphullalocanaḥ |
manunā saha rājendra potārūḍho hyahaṃ tadā || 35 ||
[Analyze grammar]

kṛtāñjalipuṭo bhūtvā praṇamya śirasā vibhum |
vyāpinaṃ parameśānamastauṣamabhayapradam || 36 ||
[Analyze grammar]

sadyojātāya devāya vāmadevāya vai namaḥ |
bhave bhave namastubhyaṃ bhaktigamyāya te namaḥ || 37 ||
[Analyze grammar]

bhūrbhuvāya namastubhyaṃ rāmajyeṣṭhāya vai namaḥ |
namaste bhadrakālāya kalirūpāya vai namaḥ || 38 ||
[Analyze grammar]

acintyāvyaktarūpāya mahādevāya dhāmane |
vidmahe devadevāya tanno rudra namonamaḥ || 39 ||
[Analyze grammar]

jagatsṛṣṭivināśānāṃ kāraṇāya namonamaḥ |
evaṃ stuto mahādevaḥ pūrvaṃ sṛṣṭayā mayānagha || 40 ||
[Analyze grammar]

prasanno māvadatpaścādvaraṃ varaya suvrata || 41 ||
[Analyze grammar]