Chapter 77

[English text for this chapter is available]

śrīmahādeva uvāca |
saptasaptatikaṃ devi puṣpadaṃteśvaraṃ śṛṇu |
yasya darśanamātreṇa garbhavāso na jāyate || 1 ||
[Analyze grammar]

śinirnāma dvijo devi sa cāputro'bhavatpurā |
putrārthaṃ ciṃtayāmāsa sa tapāṃsi bahūni ha || 2 ||
[Analyze grammar]

vāyubhakṣoṃ'bubhakṣaśca nirāhārordhvabāhukaḥ |
śākamūlaphalāhāraḥ parṇāśyekadvi parṇabhuk || 3 ||
[Analyze grammar]

evamādīni cānyāni tapāṃsi śreyase param |
eteṣāṃ tapasāṃ madhye tapa ekaṃ samāśraye || 4 ||
[Analyze grammar]

paraṃ vighnopaśāṃtyarthaṃ toṣayiṣye'hamī śvaram |
evaṃ saṃciṃtya manasā ūrdhvabāhūrdhvapādakaḥ |
ābhyāṃ na sa durāsādyo nāparādho bhaviṣyati || 5 ||
[Analyze grammar]

tathā cakāra sa munirvarṣāṇāṃ dvādaśaiva hi |
tapasyaṃtaṃ ca taṃ dṛṣṭvā niyame parame sthitam || 6 ||
[Analyze grammar]

vijñaptohaṃ tvayā devi maṃdare cārukaṃdare |
karotyeṣa tapaḥ krūraṃ putrahetormunirma hān || 7 ||
[Analyze grammar]

tejasā dīpayacchailaṃ śoṣayansalilāśayān |
tapasā duṣkareṇaiva kṣubhitā nākavāsinaḥ || 8 ||
[Analyze grammar]

vyāleṃdrā vyākulībhūtā lulitāścācaleśvarāḥ |
munayo vismṛtiṃ prāptāḥ kaṃpete cāpi rodasī || 9 ||
[Analyze grammar]

ayonijaḥ śinirvipraḥ putramicchatyayonijam |
 tvaṃ yonirguṇasaṃghānāṃ tvaṃ yonistapasāmapi || 10 ||
[Analyze grammar]

tvaṃ tapastvaṃ paraṃ dhāma śikhicaṃdrārkalocana |
sarveśvara suto'bhīṣṭaḥ kiṃ na viprāya dīyate || 11 ||
[Analyze grammar]

surāsuraguro kiṃ na putramasmai prayacchasi |
tapasā kṣīṇadoṣasya brahmatve bhāvitātmanaḥ || 12 ||
[Analyze grammar]

śineḥ putrapradānaṃ tvaṃ kuru madvacanācchiva |
tapasā duṣkareṇaiva gāḍhaṃ kliṣṭo mahāmuniḥ || 13 ||
[Analyze grammar]

tejāṃsi jyotiṣāmeva mahatāṃ ca vidhisthitaḥ |
aharattejasā svena tamāṃsīva divākaraḥ || 14 ||
[Analyze grammar]

tvadbhaktasya ca deveśa vyarthaḥ kasmātpariśramaḥ |
udite'rke tamāṃsīha na bhavaṃti kadācana || 15 ||
[Analyze grammar]

tvatparasya na devaśa yuktā duḥkhavibhīṣikā |
ityahaṃ prārthito devi tvayā parvataputrike || 16 ||
[Analyze grammar]

viprārthamanukaṃpārthaṃ putrārthaṃ ca viśeṣataḥ |
ākāritā mayā devi gaṇāstva dgauraveṇa tu || 17 ||
[Analyze grammar]

rudrāśca harabhaktāśca kūṣmāṃḍā gaganecarāḥ |
romaraudrā mahānīlāḥ śikhāvaṃtaḥ sakokilāḥ || 18 ||
[Analyze grammar]

anye ca vividhākārāḥ kālāsyā haripiṃgalāḥ |
jaṭājūṭadharāścitrā vīthinakṣatracāriṇaḥ || 19 ||
[Analyze grammar]

nīlagrīvā kṛṣṇamukhāḥ piṃgadhautajaṭāsaṭāḥ |
jvaro ḍiṃḍirmahākālo lāṃguliśca maheśvaraḥ || 20 ||
[Analyze grammar]

ghaṃṭākarṇo viśākhaśca pariśeṣā gaṇāśca ye |
vṛṣārūḍhāḥ kāmatulyāḥ kāmarūpabalāstathā || 21 ||
[Analyze grammar]

śūlacaṃdradharāḥ sarve sarve tulyaparākramāḥ |
mamādeśātsamāyātāḥ kṛtāṃjalipuṭāḥ sthitāḥ || 22 ||
[Analyze grammar]

stuvaṃto vividhaiḥ stotrairūcurevaṃ samāhitāḥ |
kiṃ karttavyamihāsmābhirādeśo dīyatāṃ prabho || 23 ||
[Analyze grammar]

gaṇānāṃ vacanaṃ śrutvā jñātvā bhaktiṃ ca tādṛśīm |
mahātapaḥprabhāvo'yaṃ śiniviprasya kīrttitaḥ || 24 ||
[Analyze grammar]

putrārthaṃ tapyati tapaḥ śinirbrāhmaṇasattamaḥ |
madvākyātko nu viprasya putratvaṃ saṃpradāsyati || 25 ||
[Analyze grammar]

tasyāhaṃ saṃpradāsyāmi sarvānkāmā nyathepsitān |
amaraṃ cājaraṃ putraṃ munirvāṃchati sāṃpratam || 26 ||
[Analyze grammar]

madvākyaṃ kriyatāṃ sadyo vipraḥ kleśādvimucyatām |
madbhaktasya na saṃkalpo mithyā bhavitumarhati || 27 ||
[Analyze grammar]

madīyaṃ vacanaṃ śrutvā sarve kaṃpitakaṃdharāḥ |
sarve cāvāṅmukhā jātāḥ sarve dhyānaparāyaṇāḥ || 28 ||
[Analyze grammar]

na kaścidbhāṣate kiṃcinna kaścidvīkṣate tadā |
athoktaṃ puṣpadaṃtena rabhasānmānitena tu || 29 ||
[Analyze grammar]

mama cittamavijñāya gaṇānāmanukaṃpayā |
na yāsyaṃti gaṇā deva tvāṃ vihāya mahītalam || 30 ||
[Analyze grammar]

iha sthāsyaṃti satataṃ tvatsamīpe na saṃśayaḥ |
kathaṃ yoniṃ prayāsyaṃti saṃprāpya mudamuttamām || 31 ||
[Analyze grammar]

hīnāṃ rajo'dhikāṃ dīnāṃ tamobahuladhāriṇīm |
kathaṃ svargaṃ parityajya yāsyāmo narakaṃ param || 32 ||
[Analyze grammar]

bruvannevaṃ bhrameṇaiva bhāvyarthena praṇoditaḥ |
ukto mayā viśālākṣi puṣpadaṃto gaṇāgraṇīḥ || 33 ||
[Analyze grammar]

pata tvaṃ mānuṣe loke yasmānme vipriyaṃ kṛtam |
śaptvā taṃ puṣpadaṃtaṃ tu vīrakaḥ prerito mayā || 34 ||
[Analyze grammar]

viprasya putratāṃ tūrṇaṃ putra gaccha mamājñayā |
tataste saṃpradāsyāmi sarvānkāmānyathepsitān || 35 ||
[Analyze grammar]

ityukto vīrako devi gato viprasya putratām |
puṣpadaṃto'pi karuṇaṃ vilalāpa suduḥkhitaḥ || 36 ||
[Analyze grammar]

paścāttāpena saṃyukto niśvasya ca punaḥpunaḥ |
aho tatsaphalaṃ janma yadājñā kriyate naraiḥ || 37 ||
[Analyze grammar]

prabhūṇāmekacittena te bhṛtyā durlabhāḥ smṛtāḥ |
teṣāmarthaśca dharmaśca kulaṃ caiva ca tāritam || 38 ||
[Analyze grammar]

prasannāstridaśāsteṣāṃ prabhu bhaktāśca ye narāḥ |
sevādharmo hi gahano yogināmapi duṣkaraḥ || 39 ||
[Analyze grammar]

na jñeyaḥ kena tattvena durārādhyaḥ prabhurbhavet |
ekenāpyaparādhena prakopaṃ kurute prabhuḥ || 40 ||
[Analyze grammar]

vinaśyaṃtyupakārāṇi tasmātsevā suduṣkarā |
svāmī sarpaśca vahniśca taptabhāvaṃ vrajaṃti hi || 41 ||
[Analyze grammar]

tasmādyatnena saṃsevyā ātmarakṣaṇatatparaiḥ |
so'haṃ bhūmau nipatitaḥ prabhorādeśabhaṃjakaḥ || 42 ||
[Analyze grammar]

kāṃstu lokāngamiṣyāmi kaluṣī bhūṇahā iva |
evaṃ vilapya bahuśo māmeva śaraṇaṃ gataḥ |
uvāca dīnayā vācā praṇipatya punaḥpunaḥ || 43 ||
[Analyze grammar]

dīno'smi jñānahīno'smi praṇato'smi ca śaṃkara |
kuru prasādaṃ deveśa aparādhaṃ kṣamasva me || 44 ||
[Analyze grammar]

na hi nirvahaṇaṃ yāṃti prabhūṇāmāśritā ruṣaḥ |
prasīda devadeveśa dīnasya kṛpaṇasya ca || 45 ||
[Analyze grammar]

api kīṭa pataṃgatvaṃ gaccheyaṃ tava śāsanāta |
bhaktohaṃ sarvadā deva putratve hi pratiṣṭhitaḥ || 46 ||
[Analyze grammar]

iti tasya vacaḥ śrutvā puṣpadaṃtasya pārvati |
mamatvena tadā devi proktamitthaṃ tvayā vacaḥ || 47 ||
[Analyze grammar]

gaccha putra mamādeśānmahākālavanaṃ śubham |
liṃgamārādhaya kṣipraṃ tattvannāmnā bhaviṣyati || 48 ||
[Analyze grammar]

kīrttiste bhavitā putra yāvadābhūtasaṃplavam |
ityukte tu tvayā devi mayāpyuktaṃ varānane || 49 ||
[Analyze grammar]

na me mithyā vacaḥ putra bhaviṣyati kathaṃcana |
darśanādeva liṃgasya mamābhīṣṭo bhaviṣyasi || 50 ||
[Analyze grammar]

vimāne puṣpapāde tu samārūḍho bhaviṣyasi |
puṣpaiḥ saṃpūjyamānastu padaṃ prāpsyasi śāśvatam || 51 ||
[Analyze grammar]

gaṇaiḥ sārddhaṃ mayā caiva mudito vicariṣyasi |
mamāpi na ratirvatsa bhaviṣyati tvayā vinā || 52 ||
[Analyze grammar]

ahaṃ tatrāgamiṣyāmi mahākālavane śubhe |
tuṣṭo'haṃ sarvadā vatsa gaṇānāmagraṇīḥ kṛtaḥ || 53 ||
[Analyze grammar]

anayā śuddhayā bhaktyā lokānāmupakārakaḥ |
bhaviṣyasi na saṃdehastasminkṣetre gato dhruvam || 54 ||
[Analyze grammar]

ityukto hi mayā devi puṣpadaṃto gaṇāgraṇīḥ |
mānī mamājñayā maunī mahākālavane śubham || 55 ||
[Analyze grammar]

liṃgamārādhayāmāsa durvāseśādathottare |
liṃgenoktastu sahasā tuṣṭo'haṃ gaṇasattama |
tvannāmnā khyātimeṣyāmi prasādaste kṛto'dhunā || 56 ||
[Analyze grammar]

etasminnantare devi tvayā sārddhamahaṃ gataḥ |
śakrādyaistridaśaiḥ sārddhaṃ gaṇairnānāvidhaistathā || 57 ||
[Analyze grammar]

hṛṣṭastu puṣpadaṃto'pi puṣpapaṭṭāsane śubhe |
puṣpaiḥ prakīryamāṇo'pi punaḥ prāpto mamāṃtikam || 58 ||
[Analyze grammar]

mayā saṃśleṣitaḥ snehādutsaṃge'pyadhiropitaḥ |
sthānaṃ dattaṃ viśālākṣi idamuktaṃ mayā tadā || 59 ||
[Analyze grammar]

ye paśyaṃti narā liṃgaṃ tvayā saṃpūjitaṃ bhuvi |
te yāsyaṃti puṣpakeṇa krīḍanto vai triviṣṭapam || 60 ||
[Analyze grammar]

gaṇādhyakṣā bhaviṣyaṃti sarvakāmairalaṃkṛtāḥ |
mama loke gaṇādhyakṣā yāvadiṃdrāścaturdaśa || 61 ||
[Analyze grammar]

darśanātkṣīyate pāpamaihikaṃ pūrvakaṃ tathā |
tataḥ prasādānme sarvaṃ jñānaṃ samyagbhaviṣyati || 62 ||
[Analyze grammar]

yaḥ pūjayeccaturddaśyāmaṣṭamyāṃ somavāsare |
amaraiḥ saha saṃhṛṣṭo modate divi sarvadā || 63 ||
[Analyze grammar]

paitṛkairmātṛkaiḥ sārddhaṃ kulaistu saptabhiryutaḥ |
na vadetkenacitsārddhaṃ naro yaḥ prātarutthitaḥ || 64 ||
[Analyze grammar]

puṣpadaṃteśvaraṃ dṛṣṭvā so'śvamedhaphalaṃlabhet |
mucyate pātakādyaiśca yaḥ śāṭhyenāpi paśyati || 65 ||
[Analyze grammar]

mṛto gāṃdharvaloke tu yāti vidyādharairvṛtaḥ |
na tasya saṃtati cchedo yaḥ paśyati dinedine |
niyamena gaṇādhyakṣa jāyate brahmaṇo dinam || 66 ||
[Analyze grammar]

aiśvaryaṃ saptalokeṣu bhuktvā bhogānyathākramam |
pṛthivyāmekarāḍbhūtvā mamāṃge saṃbhaviṣyati || 67 ||
[Analyze grammar]

eṣa te kathito devi prabhāvaḥ pāpanāśanaḥ |
puṣpadanteśvareśasya avimukteśvaraṃ śṛṇu || 68 ||
[Analyze grammar]