Chapter 19

[English text for this chapter is available]

īśvara uvāca |
ekonaviṃśatitamaṃ nāgacaṃḍeśvaraṃ priye |
nirmālyalaṃghanāptapāpānmucyate yasya darśanāta || 1 ||
[Analyze grammar]

tasya prabhāvaṃ subhagaṃ kathayāmyatha vistarāt |
śṛṇvekāgramanā devi sarvapāpapraṇāśanam || 2 ||
[Analyze grammar]

purā devarṣigaṃdharvāścāraṇā guhyakāstathā |
upaviṣṭāḥ sudharmāyāṃ kathayaṃtaḥ śubhāṃ kathām || 3 ||
[Analyze grammar]

etasminnaṃtare śakro devarṣiṃ nāradaṃ munim |
papraccha sādaraṃ devi samāyātaṃ śucivratam || 4 ||
[Analyze grammar]

dṛṣṭvā vinayasaṃpannaṃ brahmacaryaparāyaṇam |
mekhalājinakaupīnaṃ vīṇādaṇḍavibhūṣitam || 5 ||
[Analyze grammar]

tvayā dṛṣṭamidaṃ sarvaṃ trailokyaṃ bhūrbhuvādikam |
utpādyamānamutpannaṃ pralayacca sahasraśaḥ || 6 ||
[Analyze grammar]

tvattulyo nāsti loke'sminmu ktvaikaṃ parameṣṭhinam |
jagatkāraṇamavyaktaṃ nityaṃ sadasadātmakam || 7 ||
[Analyze grammar]

yogena tapasā bhaktyā yattvayā paritoṣitaḥ |
trailokyamabhijānāsi tatsarvaṃ sarvataḥ sphuṭam || 8 ||
[Analyze grammar]

ato'haṃ praṣṭumicchāmi kathyatāṃ mama niścayam |
pṛthivyāṃ pravaraṃ kṣetraṃ pāvanaṃ bhuktimuktidam || 9 ||
[Analyze grammar]

evaṃ śrutvā tadā dhyātvā ciṃtayāmāsa nāradaḥ |
ciṃtayitvā ciraṃ kālamidaṃ vacanamabravīt || 10 ||
[Analyze grammar]

devarāja smṛtaṃ puṇyaṃ kṣetrarājamanuttamam |
kṣetrāṇāmuttamaṃ kṣetraṃ prayāgaṃ ca praśa syate || 11 ||
[Analyze grammar]

tasmāddaśaguṇaṃ kṣetraṃ mahākālasya kathyate |
bhuktidaṃ muktidaṃ tacca darśanādapi vāsava || 12 ||
[Analyze grammar]

etacchrutvā sahasrākṣo varṇayitvā ca taṃ munim |
sarvairdevagaṇaiḥ sārddhaṃ vimānasthastvarānvitaḥ || 13 ||
[Analyze grammar]

aṃtarikṣasthito jiṣṇuradrākṣīcca suraiḥ saha |
kṣetraṃ liṃgaiḥ samākīrṇamaṃgulasyāṃtaraṃ na hi || 14 ||
[Analyze grammar]

ṣaṣṭikoṭisahasrāṇi ṣaṣṭikoṭiśatāni ca |
mahākālavane ramye nirmālyaṃ laṃghyate katham || 15 ||
[Analyze grammar]

nirmālyalaṃghanāddoṣo mahānbhavati niścitam |
ityālocya punardevi jagmuḥ svarge manoramāḥ || 16 ||
[Analyze grammar]

nirmālyadoṣabhītāste kṣetre na viviśuḥ surāḥ |
etasminnaṃtare devi vimānasthā gaṇottamāḥ || 17 ||
[Analyze grammar]

gaṇairnānāvidhaiḥ geyairgīyamānaśca kiṃnaraiḥ |
cāraṇaiḥ stūyamānastu svargalokaṃ vrajansuraiḥ || 18 ||
[Analyze grammar]

praphullanayanairdṛṣṭaḥ ko'yaṃ dhanyo mahātapāḥ |
tejasā dīpyamānoyampasarobhiśca sevyate || 19 ||
[Analyze grammar]

papracchuramarāḥ sarve ko'yaṃ rudranibho gaṇaḥ |
yāti kutra mahābāho hṛṣṭātmā prahasanmukhaḥ || 20 ||
[Analyze grammar]

pṛṣṭastadā suraiḥ sarvairvismayāviṣṭamānasaiḥ |
kastvaṃ puruṣaśārdūla kiṃ tvayā sukṛtaṃ kṛtam || 21 ||
[Analyze grammar]

devānāṃ purato devi niḥśeṣaṃ kathitaṃ tadā |
mahākālo mahādevaḥ pūjito bhaktitaḥ stutaḥ || 22 ||
[Analyze grammar]

hṛṣṭena tena me dattaṃ gaṇatvaṃ yatsudurlabham |
nāma dattaṃ ca subhagaṃ nāgacaṃḍa iti dhruvam || 23 ||
[Analyze grammar]

papracchuramarāstacca sādaraṃ gaṇasattama |
nāgacaṃḍa tvayā tatra nirmālyaṃ patitaṃ tvatha || 24 ||
[Analyze grammar]

mahākālavane puṇye laṃghitaṃ caratā tvayā |
saṃcāro nāsti tatraiva liṃgasaṃkīrṇatā yataḥ || 25 ||
[Analyze grammar]

upāyastena kathito devānāṃ puratastadā |
tatra tiṣṭhati deveśā liṃgaṃ sarvaphalapradam || 26 ||
[Analyze grammar]

īśāneśvaradevasya tiṣṭhatīśānabhāgataḥ |
tasya darśanamātreṇa na sa gacchati duṣkṛtam || 27 ||
[Analyze grammar]

nirmālyalaṃghanodbhūtaṃ yatpāpaṃ jāyate mahat |
tatsarvaṃ nāśamāyāti tasya liṃgasya darśanāt || 28 ||
[Analyze grammar]

tato devagaṇāḥ sarve mahākālavane punaḥ |
samāyātā mahābhāgā mahākālaśca pūjitaḥ || 29 ||
[Analyze grammar]

yathā liṃgaṃ ca taddṛṣṭaṃ sarvadoṣakṣayaṃkaram |
tasya darśanamātreṇa nirmālyalaṃghanādibhiḥ |
doṣo naṣṭaḥ surāṇāṃ ca tato nāmāsya cakrire || 30 ||
[Analyze grammar]

asmākaṃ tena kathitaṃ nāgacaṃḍena dhīmatā |
nāgacaṃḍeśvarākhyānamato loke bhaviṣyati || 31 ||
[Analyze grammar]

kṛtvāsya nāma te devā jagmuḥ svargehamuttamam |
 pūjayiṣyaṃti ye kecinnāgacaṃḍeśvaraṃ śivam |
nirmālyalaṃghanodbhūtaṃ teṣāṃ naśyati pātakam || 32 ||
[Analyze grammar]

nāgacaṃḍeśvaraṃ devaṃ ye paśyaṃti dinedine |
ajñānājjñānataḥ pāpaṃ teṣāṃ naśyati nānyathā || 33 ||
[Analyze grammar]

āhlādaṃ nirvṛtiṃ svāsthyamārogyaṃ cārurūpatām |
sapta janmānyavāpnoti darśanena na saṃśayaḥ || 34 ||
[Analyze grammar]

prāpnotyabhimatānkāmāndevānāmapi durlabhān |
kīrttanānnātra saṃdeho nāgacaṃḍeśvarasya ca || 35 ||
[Analyze grammar]

eṣa te kathito devi prabhāvaḥ pāpanāśanaḥ |
nāgacaṃḍeśvarasyaiva pratīhāreśvaraṃ śṛṇu || 36 ||
[Analyze grammar]