Chapter 54

[English text for this chapter is available]

| vyāsa uvāca |
bhūyastu śrotumicchāmi tvatto brahmavidāṃvara |
nīlagaṃgā kadā brahmañchiprākuṃḍe samāgatā || 1 ||
[Analyze grammar]

sanatkumāra uvāca |
śṛṇu vyāsa mahātīrthaṃ sarvatīrthaphala pradam |
nīlagaṃgāṃ naraḥ snātvā saṃgameśvaramarcayet || 2 ||
[Analyze grammar]

duḥsaṃgasaṃbhavā doṣā na bhavaṃti kadācana |
ekadā brahmaloke vai gaṃgā tripathagā nadī || 3 ||
[Analyze grammar]

gatā punaṃtī trīllokānnīlavāsā śucārditā |
bhagavankimidaṃ jātaṃ pātakaṃ me kṛtaṃ purā || 4 ||
[Analyze grammar]

duṣṭācārāparādhena yenemāṃ prāpitā daśām |
sarvalokeṣu yatkiṃcijanānāṃ pātakaṃ bhuvi || 5 ||
[Analyze grammar]

tatsarvaṃ tiṣṭhati mayi sarveṣāmapi dehinām |
tenāhaṃ vai bharākrāṃtā no śakyā calituṃ dharām || 6 ||
[Analyze grammar]

nīlabhāsā vivarṇā ca sarvadharmabahirmukhā |
yatkiṃcitkriyate karma śubhaṃ vā yadi vā'śubham || 7 ||
[Analyze grammar]

mayi tyaktvā punaṃtīha jaṃtavaḥ sarvaśo'malāḥ |
tiṣṭhaṃti puṇyalokeṣu bhuktimuktipradeṣu ca || 8 ||
[Analyze grammar]

asmākaṃ ca mahatkaṣṭaṃ jātaṃ dhātaḥ paraṃ malam |
na hi śarma na vai śāṃtirna nidrā na ca nirvṛtiḥ || 9 ||
[Analyze grammar]

na loke ca sthitirmedya pāpiṣṭhāyāḥ sanātanī |
duṣṭasaṃgodbhavaidoṃṣaiḥ plāvitāhaṃ jagadguro || 10 ||
[Analyze grammar]

kiṃ karomi kva gacchāmi yena śāṃtirbhavenmama |
kiṃ tapaḥ kiṃ ca dānaṃ me kiṃ tīrthaṃ kiṃ ca sādhanam || 11 ||
[Analyze grammar]

yenāhaṃ pāpaliptāṃgī punaḥ prakṛtimāpnuyām |
evaṃ jñātvā mahāyo ginyathā yogyaṃ tathā kuru || 12 ||
[Analyze grammar]

brahmovāca |
śrūyatāṃ bhoḥ saricchreṣṭhe kāraṇaṃ pāpanāśanam |
mahākālavane ramye purī hyeṣā 'marāvatī || 13 ||
[Analyze grammar]

tatra śiprā saricchreṣṭhā vartate bhuvi pāvanī |
tasyā darśanamātreṇa sarvapāpakṣayo bhavet || 14 ||
[Analyze grammar]

tatra gaccha mahābhāge sadyaścātma viśuddhaye |
brahmaṇeti samākhyātaṃ śrutvā gaṃgā saridvarā || 15 ||
[Analyze grammar]

tamabhijñāya saṃprāptā mahākālavanaṃ śubham |
puṣkarasyāgnibhāge ca yatra devo marutsutaḥ || 16 ||
[Analyze grammar]

viṃdhyasya cottare bhāge aṃjanyāśramamuttamam |
sā putreṇa tapastepe pavitrā brahmacāriṇī || 17 ||
[Analyze grammar]

pativratābhiḥ sarvābhiḥ patibhirbrahmacāribhiḥ |
devāṃganābhirbahubhiḥ krīḍadbhirbālakuṃjaraiḥ || 18 ||
[Analyze grammar]

sarasīphullakalhārairmattālikulanāditaiḥ |
nirvairajaṃtubhiḥ sevyaṃ brahmarṣigaṇase vitam || 19 ||
[Analyze grammar]

manohrādakaraṃ puṇyaṃ pavitraṃ pāpanāśanam |
tatra praveśamātreṇa nīlavāsāḥ saridvarā || 20 ||
[Analyze grammar]

śuklavāsā'bhavatsadyo naṣṭapāpamalā 'śubhā |
śaraccaṃdranibhākārā dhūtapāpā payasvinī || 21 ||
[Analyze grammar]

tatraiva cāśramaṃ cakre manaḥsaṃharṣakāraṇam |
tatprabhṛti samākhyātaṃ sarvalokeṣu puṇyadam || 22 ||
[Analyze grammar]

nīlagaṃgeti vai vyāsa tīrthaṃ kilviṣanāśanam |
asmiṃstīrthe naraḥ snātvā hanumaṃtamathārcayet || 23 ||
[Analyze grammar]

tasya siddhiḥ karagatā bhaviṣyati na saṃśayaḥ |
āśvine māsi saṃprāpte kṛṣṇapakṣe samāhitaḥ || 24 ||
[Analyze grammar]

darśe pitṝnsamuddiśya śrāddhaṃ kuryānmahālayam |
tāritaṃ ca kulaṃ sarvaṃ tenātmaikottaraṃ śatam || 25 ||
[Analyze grammar]

samagotreṣu ye jātāḥ pūrvajā nirayavāsinaḥ |
te sarve sadgatiṃ yāṃti teṣāṃ lokāḥ sanātanāḥ || 26 ||
[Analyze grammar]

snātvā tilāṃjaliṃ dadyātpitṝ nuddiśya tatparaḥ |
akṣayā jāyate tṛptiḥ svargaloke mahīyate || 27 ||
[Analyze grammar]

bhojayedbrāhmaṇānsapta śrāddhaṃ kṛtvā tu pāyasaiḥ |
akṣayaṃ labhate śrāddha maśvamedhaphalaṃ bhavet || 28 ||
[Analyze grammar]

tīrthaṃ puṇyataraṃ vyāsa śṛṇu cānyadvadāmi te |
dugdhakuṃḍamiti khyātaṃ triṣu lokeṣu viśrutam || 29 ||
[Analyze grammar]

sarvapāpaharaṃ puṇyaṃ sarvakāmavarapradam |
purā dugdhadharā devī pṛthunā dharmamūrtinā || 30 ||
[Analyze grammar]

dugdhaṃ sarvaṃ havirbhāvyaṃ sarveṣāṃ jīvanapradam |
dattaṃ nidhāya kuṃḍesmiṃstena dugdhasaraḥ smṛtam || 31 ||
[Analyze grammar]

kuṃḍe snātvā payaḥ pītvā dattvā gāṃ ca payasvinīm |
sarvabādhāvinirmukto dhanadhānyasamanvitaḥ || 32 ||
[Analyze grammar]

jāyate sarvakāleṣu mṛtaḥ svargapuraṃ vrajet |
tataḥ puṣkaramāsādya snānadānādikaṃ caret || 33 ||
[Analyze grammar]

sarvapāpaviśuddhātmā puṣkarasya phalaṃ labhet || 34 ||
[Analyze grammar]