Chapter 55

[English text for this chapter is available]

| vyāsa uvāca |
ko'sau viṃdhyagirirbrahmankadā kāle samāgataḥ |
mahākālavane ramye kena vā preṣitaḥ purā || 1 ||
[Analyze grammar]

sanatkumāra uvāca |
purā revājalairvyāsa plāviteyaṃ vasuṃdharā |
tadā sarvasurairevamagastirmunisattamaḥ || 2 ||
[Analyze grammar]

ārādhito mahābhāgo dharaṇītrāṇakāraṇāt |
tadāgatya girau ramye viṃdhye sa munisattama || 3 ||
[Analyze grammar]

ekāgramānaso bhūtvā bhavānīṃ viṃdhyavāsinīm |
ārādhayāmāsa tadā tāṃ ca devīṃ varepsayā || 4 ||
[Analyze grammar]

kaṃsavidrāvaṇakarīmasurāṇāṃ kṣayaṃkarīm |
bhārāvatāraṇīṃ puṇyāṃ baladevānujāṃ śubhām || 5 ||
[Analyze grammar]

yaśodāgarbhasaṃbhūtāṃ cāṇūrabalamardinīm |
vidyudābhāṃ nabhaḥsthāṃ ca kṛṣṇāṃ kṛṣṇāhimardinīm || 6 ||
[Analyze grammar]

jananīṃ devasenasya kavīnāṃ vācamīśvarīm |
gāyatrīṃ dvijamukhyānāṃ vyāhṛtiśchaṃdasāṃ varām || 7 ||
[Analyze grammar]

sahasrākṣīṃ tatheṃdrasya ṛṣeścāruṃdhatīṃ parām |
gavāṃ kāmadughāṃ śyāmāṃ latāṃ madhutamapriyām || 8 ||
[Analyze grammar]

aditiṃ sarvamātṝṇāṃ pārvatīṃ sarvayoṣitām |
jyotsnāṃ cāṃdramasīṃ bālāṃ sarvakāmavarapradām || 9 ||
[Analyze grammar]

śāradīmṛtuvelāyāṃ vṛṃdāvanacarīṃ varām |
māyināṃ vaiṣṇavīṃ māyāṃ sarvadaityavimohinīm || 10 ||
[Analyze grammar]

lakṣmīṃ ca śrīmatāmiṣṭāṃ yakṣiṇīṃ dhanadārcitām |
mahodadhīpsitāṃ velāṃ rājñāṃ ca rājasaṃpadam || 11 ||
[Analyze grammar]

vedikāṃ yajñaśālānāṃ havirāhavanīṃ śubhām |
dakṣiṇāṃ sarvadīkṣāṇāṃ sarvakāmaphalapradām || 12 ||
[Analyze grammar]

evaṃ stutā tadā devī pratyakṣā viṃdhyavāsinī |
prāha prasādasumukhī ṛṣīṇāṃ pravaraṃ hyṛṣim || 13 ||
[Analyze grammar]

viyatāṃ bho dvijaśreṣṭha yadasmatto'bhivāṃchitam |
yadīpsitā tvayā vatsa stutirme śucinā kṛtā || 14 ||
[Analyze grammar]

agastiruvāca |
yadi mātarvaro deyo devānāmupakāriṇi |
reveyaṃ varddhitā loke sarvalokabhayapradā || 15 ||
[Analyze grammar]

tayedaṃ plāvitaṃ viśvaṃ tasyāstu grahaṇaṃ kuru |
iti sā prārthitā tena tadā kāle maharṣiṇā || 16 ||
[Analyze grammar]

āgātsādhvī tadā vyāsa mahākālavanaṃ śubham |
sāṃtvapūrvaṃ vacastathyamagasti midamabravīt || 17 ||
[Analyze grammar]

vārayiṣye parāṃ devīṃ vardhamānāṃ drutaṃ hyṛṣe |
tāvatkālaṃ na cottiṣṭhedviṃdhyo nāma mahāgiriḥ || 18 ||
[Analyze grammar]

yāvattrikūṭe dvāre tvaṃ sthāsya si ṛṣisattama |
devakāryodyato nityaṃ dakṣiṇāṃ diśamuttamām || 19 ||
[Analyze grammar]

kuśasthalī mahāpuṇyā pavitrā pāpahāriṇī |
purī hyeṣā muniśreṣṭha triṣu lokeṣu viśrutā |
tatraivāhaṃ ciraṃ kālaṃ mātṛbhirnivasāmi vai || 20 ||
[Analyze grammar]

tatrāpi tvaṃ sadā siddhakṣetrādhipatyamāpnuyāḥ |
matsaro nirmalaṃ puṇyaṃ vimalodaṃ ca viśru tam || 21 ||
[Analyze grammar]

yatra puṇyavatāṃ vāso devyastiṣṭhaṃti koṭiśaḥ |
tasmiṃstīrthe narāḥ snātvā śucībhūya samāhitāḥ || 22 ||
[Analyze grammar]

yajaṃti caiva māṃ bhaktyā dhūpadīpāgnitarpaṇaiḥ |
kṣīrakhaṃḍājyabhojyaiśca bhojayedvidhivaddvijān || 23 ||
[Analyze grammar]

na teṣāṃ durlabhaṃ kiṃcittriṣu lokeṣu vidyate |
dhanadhānyadharaiśvaryaputradārādisaṃ padām || 24 ||
[Analyze grammar]

prāpyaṃte vividhā bhogā devānāmapi durlabhāḥ |
śatruto na bhayaṃ teṣāṃ dasyubhyo vā na rājataḥ || 25 ||
[Analyze grammar]

na śastrānalatoyaughātkadā citsaṃbhaviṣyati |
dīrghāyurbuddhimāṃlloke uṣitvā śāśvatīḥ samāḥ || 26 ||
[Analyze grammar]

sarvapāpaviśuddhātmā mṛtaḥ śivapuraṃ vrajet |
evaṃ vyāsa purīṃ prāpya ramyāṃ cojjayinīṃ śubhām || 27 ||
[Analyze grammar]

samāśritā tadā devī satataṃ viṃdhyavāsinī |
tasmiṃstīrthe naraḥ snātvā sarvapāpaiḥ pramucyate || 28 ||
[Analyze grammar]

striyo vā rajo doṣārtā vaṃdhyāḥ kākabakādikāḥ |
durbhagāḥ śīlahīnāśca sarvakāmavivarjitāḥ || 29 ||
[Analyze grammar]

vimalode'pi tāḥ snātvā dṛṣṭvā vai viṃdhyavāsinīm |
mucyaṃte sarvado ṣaistā nātra kāryā vicāraṇā || 30 ||
[Analyze grammar]

aputrā prāpnuyuḥ putrānkanyā vīrapatiṃ varam |
prāpyate sarvasaubhāgyaṃ sarvakāmavarapradam || 31 ||
[Analyze grammar]

vidyāvāñjāyate vipraḥ kṣatriyo vijayī bhavet |
vaiśyaśca bahulābhāḍhyaḥ śūdraḥ sukhamathāśnute || 32 ||
[Analyze grammar]

kathāṃ puṇyavatīmetāṃ sarvakāmavarapradām |
paṭhanvāpyathavā śṛṇvangosahasraphalaṃ labhet || 33 ||
[Analyze grammar]