Chapter 3

[English text for this chapter is available]

| sanatkumāra uvāca |
 chinne vaktre tato brahmā krodhena tamasā vṛtaḥ |
lalāṭe svadamutpannaṃ gṛhītvā'tāḍayadbhuvi || 1 ||
[Analyze grammar]

tatsvedātkuṃḍalī jajñe sadhanuḥ samaheṣudhiḥ |
sahasrakavaco vīraḥ kiṃ karomītyuvāca ha || 2 ||
[Analyze grammar]

tamuvāca viraṃcistu darśayanrudramojasā |
vadhyatāmeṣa durbuddhirjāyate na yathā punaḥ || 3 ||
[Analyze grammar]

brahmaṇo vacanaṃ śrutvā dhanurudyamya pṛṣṭhataḥ |
sa pratasthe maheśasya bāṇahasto'tiroṣabhṛt || 4 ||
[Analyze grammar]

sa dṛṣṭvā puruṣaṃ cogramagamadvismito bhavaḥ |
divyabāṇadhanurhastaṃ vegavikrāṃtagāminam || 5 ||
[Analyze grammar]

mayā na vadhyo'tibalaḥ sakhā viṣṇorbhaviṣyati |
anugrāhyo hyahaṃ tena sakhyārthaṃ tapasi sthitaḥ || 6 ||
[Analyze grammar]

ciṃtayannitthamīśo'pi viṣṇorāśramamabhyagāt |
huṃkāradhvaninā brahmanmohayitvā tato naram || 7 ||
[Analyze grammar]

prapātya ca tadā hṛṣṭaḥ krīḍāṃ kurvañjagatsthitau |
yatra nārāyaṇaḥ śrīmāṃstapastepe pratāpavān || 8 ||
[Analyze grammar]

adṛśyaḥ sarvabhūtānāṃ viśvātmā viśvasṛgvibhuḥ |
tatra prāpto virūpākṣo dadarśa madhusūdanam || 9 ||
[Analyze grammar]

ekāṃguṣṭhasthitaṃ bhūmau tapo'tyaṃtamanāturam |
yugāṃtārkasahasrasya tejasā vṛtamadbhutam || 10 ||
[Analyze grammar]

puṇyā dhārasamāyuktaṃ purāṇapuruṣottamam |
dṛṣṭvā nārāyaṇaṃ devaṃ bhikṣāṃ dehītyuvāca ha || 11 ||
[Analyze grammar]

kapālaṃ darśayitvāgre jvalajjvalanasotkaṭam |
kapālapāṇiṃ saṃprekṣya rudraṃ viṣṇuraciṃtayat || 12 ||
[Analyze grammar]

ko'nyo yogyo bhavedbhikṣurbhikṣādānasya sāṃpratam |
yogyo'yamiti saṃkalpya dakṣiṇaṃ bhujamarpayat || 13 ||
[Analyze grammar]

taṃ bibhedāṃtargatajñaḥ śūlena śaśiśekharaḥ |
tataḥ pravāha utpannaḥ śoṇitasya vibhorbhujāt || 14 ||
[Analyze grammar]

jāṃbūnadarasākārā vahnijvāleva nirmalā |
niṣpapāta kapālāṃte śaṃbhunā saṃpratīcchitā || 15 ||
[Analyze grammar]

ṛjvī vegavatī śiprā dīdhitīvāṃbare raveḥ |
paṃcāśadyojanā dīrghā vistāre daśayojanā || 16 ||
[Analyze grammar]

divyaṃ varṣasahasraṃ sā samuvāha harerbhujāt |
kiyaṃtaṃ kālamīśo hi bhikṣāṃ jagrāha bhāvitaḥ || 17 ||
[Analyze grammar]

dattāṃ nārāyaṇenātha satpātre pātra uttame |
tato nārāyaṇaḥ prāha haraṃ paramidaṃ vacaḥ || 18 ||
[Analyze grammar]

saṃpūrṇaṃ tava pātraṃ hi tato vai parameśvaraḥ |
satoyāṃbudanirghoṣaṃ śrutvā vākyaṃ harerharaḥ || 19 ||
[Analyze grammar]

śaśisūryāgni nayanaḥ śaśiśekharaśobhitaḥ |
kapāle dṛṣṭimāveśya trinetraiśca janārdanam || 20 ||
[Analyze grammar]

aṃgulyā ghaṭayanprāha kapālaṃ cātipūritam |
śrutvā hariridaṃ vākyaṃ raktadhārāṃ samāharat || 21 ||
[Analyze grammar]

pārśvatotha harerīśaḥ svāṃgulyā rudhiraṃ tadā |
divyaṃ varṣasahasraṃ ca dṛṣṭipātaṃ mamaṃtha vai || 22 ||
[Analyze grammar]

mathyamāne tato rakte kalalaṃ budbudaṃ kramāt |
babhūva ca tataḥ paścātkirīṭī saśarāsanaḥ || 23 ||
[Analyze grammar]

sahasrabāhū raktākṣo dhanurjyāṃ saṃspṛśanmuhuḥ |
babhūva tūṇīragalo vṛṣaskaṃdhoṃ'gulitravān || 24 ||
[Analyze grammar]

puruṣo'rjunasaṃkāśaḥ kapāle saṃprakāśayan |
taṃ dṛṣṭvā bhagavānviṣṇuḥ prāha rudramidaṃ vacaḥ || 25 ||
[Analyze grammar]

kapāle bhagavanko'yaṃ prādurbhūto'bhavannaraḥ |
uktiṃ śrutvā harerīśastamuvāca hare śṛṇu || 26 ||
[Analyze grammar]

naro nāmeti puruṣaḥ paramāstravidāṃvaraḥ |
yastvayokto nara iti narastasmādbha viṣyati || 27 ||
[Analyze grammar]

naranārāyaṇau cobhau yuge khyātau bhaviṣyataḥ |
saṃgrāme devakāryeṣu lokānāṃ paripālane || 28 ||
[Analyze grammar]

eṣa nārāyaṇa sakhā narastava bhaviṣyati |
tava ekākinaḥ saṃkhye tapasaśca mahāmuniḥ || 29 ||
[Analyze grammar]

vijñānasya parīkṣāyai tejo loke bhaviṣyati |
tejodhikamidaṃ divyaṃ brahmaṇaḥ paṃcamaṃ śiraḥ || 30 ||
[Analyze grammar]

tejasā brahmaṇo dīpto bhujasya tava śoṇitāt |
mama dṛṣṭinipātācca trīṇi tejāṃsi yānyataḥ || 31 ||
[Analyze grammar]

tatsaṃyogātsamutpannaḥ śatrūnudvejayiṣyati |
avadhyā ye bhaviṣyaṃti durjayāstava cāpare || 32 ||
[Analyze grammar]

śakrasya cāmarārīṇāṃ teṣāmeva bhayaṃkaraḥ |
evamuktavataḥ śaṃbhorvismitastasya tejasā || 33 ||
[Analyze grammar]

harirapi sa tatraiva tuṣṭāva harakeśavau |
namo hara hare tubhyaṃ namaḥ śaṃkara viṣṇave || 34 ||
[Analyze grammar]

namaste śūlahastāya namaste khaṅgapā ṇaye |
namonamaste medhyāya hṛṣīkeśa namo'stu te || 35 ||
[Analyze grammar]

namo'stu vācāṃ pataye śrīdharāya namonamaḥ |
evaṃ stuvantaṃ taṃ bhaktyā kṛtāṃjali puṭaṃ naram || 36 ||
[Analyze grammar]

tathaivāṃjalisaṃbaddhaṃ gṛhītvāśu karadvayam |
uddhṛtyātha kapālāttu punarvacanamabravīt || 37 ||
[Analyze grammar]

ya eva puruṣo raudro brahmaṇaḥ svedasaṃ bhavaḥ |
mama huṃkāraśabdena mohanidrāmupāgataḥ || 38 ||
[Analyze grammar]

nibodha taṃ ca tvaritamityuktvāṃtarhito haraḥ |
nārāyaṇasya pratyakṣaṃ bodhayitvā drutaṃ hi tam || 39 ||
[Analyze grammar]

vāmapādena hatvā ca samuttasthau naro ruṣā |
tayoryuddhaṃ samabhavatsvedaraktajayormahat || 40 ||
[Analyze grammar]

visphāritadhanuḥśabdairnāditāśeṣabhūta lam |
kavacaṃ svedajasyaikaṃ raktajasya tathā bhujau || 41 ||
[Analyze grammar]

evaṃ samena vai yuddhaṃ divyaṃ jātaṃ tu bhūtale |
trivarṣonāni varṣāṇāṃ śatāni daśa sudvija || 42 ||
[Analyze grammar]

yudhyato samatītāni svedaraktajayormune |
raktajo dvibhujo dṛṣṭvā kavacaikena svedajam || 43 ||
[Analyze grammar]

bibheda bāṇavegena brahmaṇastaṃ naraṃ param |
sasaṃbhramamu vācedaṃ brahmāṇaṃ madhusūdanaḥ || 44 ||
[Analyze grammar]

mannareṇocchrito brahmaṃstvadīyo vinipātitaḥ |
śrutvā tadākulo brahmā babhāṣe madhusūdanam || 45 ||
[Analyze grammar]

hare'nyajanmani naro madīyo yadi hīyate |
tena tuṣṭena saṃproktaṃ hariṇaivaṃ bhaviṣyati || 46 ||
[Analyze grammar]

kṛtvā tayo raṇamapi nivārya tāvuvāca ha |
athānyajanmani naro madīyo bhavitā kalau || 47 ||
[Analyze grammar]

tato mahāraṇe jāte tatrāhaṃ yojayāmi tam |
viṣṇunātha samāhūya maheśvarasureśvarau || 48 ||
[Analyze grammar]

uktāvimau narau rudrau pālanīyau svaśaktitaḥ |
svedajātāsṛgjātau tu svakīyāṃśau dharātale |
svāṃśabhūtau dvāparāṃte niyojyau bhūtale tvayā || 49 ||
[Analyze grammar]

tato'bravīttadā viṣṇuṃ sureśo duḥkhitaṃ vacaḥ || 50 ||
[Analyze grammar]

asminmanvaṃtare deva tretāyugaṃ tadā yadā |
tvadrūpeṇeha mahatā sūryaputrahitārthinā |
vālīnāma mahābāhuḥ sugrīvārthe nipātitaḥ || 51 ||
[Analyze grammar]

tena duḥkhena tapto'haṃ nāhaṃ gṛhṇāmi te naram |
agṛhṇamānaṃ deveśaṃ kāraṇāṃtaravādinam || 52 ||
[Analyze grammar]

viṣṇuḥ provāca maghavanbhuvo bhārāvatāraṇe |
avatāraṃ kariṣyāmi martyaloke'pyahaṃ vibho || 53 ||
[Analyze grammar]

tato hṛṣṭo'bhavacchakro viṣṇuvākyena tena vai |
pratigṛhya naraṃ hṛṣṭaḥ satyamastu vacastava || 54 ||
[Analyze grammar]

ityuktvā tu ravīndrau sa preṣayitvā ca tau punaḥ |
gatvā ca puṇḍarīkākṣo brahmāṇaṃ brahmaveśmani || 55 ||
[Analyze grammar]

kṛtaṃ jugupsitaṃ karma brahmannīśaṃ jighāṃsatā |
yattvayā devadeveśa pumānkopena bhāṣitaḥ || 56 ||
[Analyze grammar]

śuddhyarthamasya pāpasya prāyaścittaṃ paraṃ kuru |
gṛhṇanvahnitrayaṃ brahmannagni hotramupāsva ha || 57 ||
[Analyze grammar]

eko vai gārhapatyo'stu dvitīyāhavanīyakaḥ |
dakṣiṇāgnistṛtīyastu trikuṇḍeṣu prakalpaya || 58 ||
[Analyze grammar]

vartule tarpayātmānaṃ māmatho dhanuṣākṛtau |
catuṣkoṇe haraṃ devamṛgyajuḥsāmanāmabhiḥ || 59 ||
[Analyze grammar]

hutvā tvagniṃ ca tapasā haramevārcya tatkṣaṇāt |
divyaṃ varṣasahasraṃ tu hutvāgniṃ siddhimāpsyasi || 60 ||
[Analyze grammar]

prāyaścittaviśuddhātmā pratipadya maheśvaram |
tato niṣkalmaṣo bhūtvā viṣādaste gamiṣyati || 61 ||
[Analyze grammar]

ityevamuktvā harirugratejā gataḥ svakīyaṃ nilayaṃ mahātmā |
brahmāpi cittaṃ tapase nidhāya samādadhe sarvamathācyutoktam || 62 ||
[Analyze grammar]