Chapter 4

[English text for this chapter is available]

| vyāsa uvāca |
yo'sau kapāla utpanno naronāma dhanurdharaḥ |
kimevaṃ so'dhunā jāta utpattau viśvakarmaṇaḥ || 1 ||
[Analyze grammar]

kathaṃ rudreṇa janitaḥ prabhuṇā buddhipūrvakam |
viṣṇunā vā bhagavatā brahmaṇā bhāva bhedataḥ || 2 ||
[Analyze grammar]

kena kasmātsamutpannaḥ śaṃkarācyutabrahmaṇām |
brahmā hiraṇyagarbho yo yo jātaśca caturmukhaḥ || 3 ||
[Analyze grammar]

adbhutaṃ paṃcamaṃ vaktraṃ kathaṃ tasyāpyupasthitam |
sa tasthau bhagavānbrahmā kathaṃ rudre mano'dadhat || 4 ||
[Analyze grammar]

mūḍhātmanā naro yena haṃtuṃ sa prahito haram || 5 ||
[Analyze grammar]

sanatkumāra uvāca |
maheśvaraharī etau dvāveva sati tiṣṭhataḥ |
tayoraviditaṃ nāsti siddhāsiddhaṃ mahātmanoḥ || 6 ||
[Analyze grammar]

brahmaṇaḥ paṃcamaṃ vaktraṃ yattadāsīnmahātmanaḥ |
tasyaiva mānasaḥ sogniḥ śirasā tena vai dhṛtaḥ || 7 ||
[Analyze grammar]

yo naro brahmaṇaḥ proktaḥ so'pyagnistasya mānasaḥ |
dadhāra taṃ mahādevaḥ kṛtvāṃgulyaṃtarāṃtare || 8 ||
[Analyze grammar]

pūrvaṃ dṛṣṭvā samutpatti mevaṃ tasya mahānnaraḥ |
tasmātkapālamaṃgulyāṃ ghaṭṭamānamajāyata || 9 ||
[Analyze grammar]

sa taṃ hatvā śareṇājau brahmaṇo nihitaṃ rajaḥ |
mumoha rajasā sattvaṃ yadṛcchā kṛtprabhuryataḥ || 10 ||
[Analyze grammar]

vyāsa uvāca |
kathamagniḥ samutpanno yoniḥ sarveṇa dhāritaḥ |
vistareṇa tadācakṣva bhagavanmunivaṃdita || 11 ||
[Analyze grammar]

sanatkumāra uvāca |
avyaktādīnsasarjādāvaṃḍaṃ hi tadajāyata |
jajñe sauvarṇavarṇābho brahmā lokapitāmahaḥ || 12 ||
[Analyze grammar]

svayaṃbhūḥ sa tapastaptvā divyaṃ varṣaśataṃ mahat |
sa tapaḥstho vyājahāra bhūrbhuvaḥsvariti śrutīḥ || 13 ||
[Analyze grammar]

śrutiyogāttu manasaḥ paścādagnirajāyata |
adhomukhaḥ papātāgniḥ pṛthivīṃ nirdahanyadā || 14 ||
[Analyze grammar]

pāṇibhyāṃ brahmaṇā sognirbhūmerūrdhvaṃ niveśitaḥ |
tato dakṣiṇahastena vedyāmagniḥ praṇīyate || 15 ||
[Analyze grammar]

purāpatannadhojvāla ūrdhvajvālo yadā dhṛtaḥ |
uttānaśca kṛto yasmādbrahmaṇā nirmito mithaḥ || 16 ||
[Analyze grammar]

jvālābhiḥ prajvalannūrdhvaṃ sarvaśabdasphuliṃgavān |
hiraṇyavarṇaṃ brahmāṇaṃ tadovācānirutkaṭaḥ || 17 ||
[Analyze grammar]

kimarthaṃ tu tvayā deva bhūmibhakṣaṃ nivāritam |
bubhukṣayāhamāviṣṭa āhāro me pradīyatām || 18 ||
[Analyze grammar]

evamukto'gnaye brahmā svaromāṇi juhāva saḥ |
kṛśaścakhāda agnistu sarvaromāṇi brahmaṇaḥ || 19 ||
[Analyze grammar]

abravīcca na me tṛptirna ca me dehanirvṛtiḥ |
tvacaṃ juhāva brahmā ca cakhādāgnistvacaṃ tadā || 20 ||
[Analyze grammar]

abravīttaṃ tadā vahnistṛptirnāsti mameti hi |
juhāva svāni māṃsāni tvacotkṛtya prajāpatiḥ || 21 ||
[Analyze grammar]

abravīcca na me tṛptirna ca me dehanirvṛtiḥ |
juhāva brahmā cāsthīni tānyaśnātsa bubhukṣitaḥ || 22 ||
[Analyze grammar]

tato dhātrā hutāśāya kṛto deho vidhātukaḥ |
tamadehamatho dṛṣṭvā brahmāṇamavadacca saḥ || 23 ||
[Analyze grammar]

aho brahmanna me tṛptirna ca me dehanirvṛtiḥ |
kuddheṇa brahmaṇā so'gnirhuṃkāreṇa dvidhā kṛtaḥ || 24 ||
[Analyze grammar]

āhatū rudatāvagnī āhārārthaṃ prajāpatim |
huṃkāreṇa punarbrahmā dvidhaikaikaṃ cakāra vai || 25 ||
[Analyze grammar]

trayasteṣāṃ rudaṃti sma rudanhyeko hyasaṃvṛtaḥ |
kruddhena brahmaṇā vyāsa huṃkāreṇaiva tāḍitaḥ || 26 ||
[Analyze grammar]

rorūyamāṇe cāgnau tu punarbrahmā kṛpānvitaḥ |
prāha kāmābhibhūtānāṃ bhuṃkṣva tvaṃ dehadhātukam || 27 ||
[Analyze grammar]

sa kālastasya kāmasya sā vṛttiḥ saṃprakalpitā |
akārāgniṃ sanniviṣṭaṃ dṛṣṭvā manasi mānasaḥ || 28 ||
[Analyze grammar]

huṃkārāgniḥ prajajvāla kimetaditi cābravīt |
brahmā tamāha tvamapi yatheṣṭāṃ vṛttimāśraya || 29 ||
[Analyze grammar]

devamadhye bahirvāpi munīnāmāśrameṣu ca |
ityevamuktastenāśu vṛttimetāmarocayat || 30 ||
[Analyze grammar]

ahamevaṃ pradāsyāmi punaḥ punaruvāca ha |
yasmādeṣa dvitīyognirhuṃkārātsamajāyata || 31 ||
[Analyze grammar]

sābhimāno'pamāno vā huṃkāro yatra kathyate |
sā ca vṛttirmamādeśādbubhukṣāśāṃtaye tava || 32 ||
[Analyze grammar]

ikārāgniṃ samāhūya brahmā vacanama bravīt |
bhavatogne tviyaṃ vṛttirannaṃ bhuktaṃ daheriti || 33 ||
[Analyze grammar]

ukārāgniṃ samāhūya brahmā vacanamabravīt |
yatpṛthivyāṃ gurudhyānaṃ bhagavaṃstatsamāśraya || 34 ||
[Analyze grammar]

ahaṃ ca te vidhāsyāmi sthānamāhārameva ca |
ityuktaḥ sa tu tenāgniryatpṛthivyāṃ śilācayaḥ || 35 ||
[Analyze grammar]

yato'gnirvyāsa tenokto girau durge mahāmune |
ukārāgniḥ sa cāpyeṣa samudre vaḍavāmukhaḥ || 36 ||
[Analyze grammar]

so'pi bhinnaḥ samāhūto brahmaṇā sthānalipsayā |
tvaṃ cakṣuḥ sarvalokasya brahmā vacanamabravīt || 37 ||
[Analyze grammar]

tasmāttvaṃ saṃskṛtāṃ vāṇīṃ dvijātīnāṃ prakāśaya |
daivī puṇyā hi pāpāṃśca āyuṣyaṃ haṃtyasaṃskṛtā || 38 ||
[Analyze grammar]

tasmāddvijātervijñeyā vāṇī puṇyā prakāśitā |
vākca mātā dvijātīnāṃ mukhe sā saṃpratiṣṭhitā || 39 ||
[Analyze grammar]

anṛtākṣaravinyāsādamaṃgalyā hyasaṃskṛtā |
vaktāraṃ haṃtyato hyagniḥ sadā saṃskṛtakṛddvijaḥ || 40 ||
[Analyze grammar]

āhūya bhūyo'kārāgniṃ prajāpatiracakṣuṣam |
vāgvedavāṇīmavadatsopi saṃmīlitekṣaṇaḥ || 41 ||
[Analyze grammar]

brahmāṇamāha vahnistu vācohaṃ mukhamasmi he |
sthānaṃ mama prayacchasva sarvatejovaraṃ param || 42 ||
[Analyze grammar]

brahmā tamāha yasmāttvaṃ tejaḥsthānaṃ samīhase |
tasmāttejomayaṃ yatte ravisthānaṃ bhaviṣyati || 43 ||
[Analyze grammar]

yasmāttejaḥ prapaśyaṃti cakṣurbhavati durbalam |
tasmāttattejasā yuktaṃ paśyedanimiṣaṃ kvacit || 44 ||
[Analyze grammar]

ikāramatha saṃbhinnamagnimāha pitāmahaḥ |
saumyadṛṣṭyā tu brahmāṇaṃ samudīkṣamupāgatam || 45 ||
[Analyze grammar]

yasmācchīghraṃ mahāsattva saumyadṛṣṭirihāgataḥ |
tasmāddāsyāmyahaṃ sthānaṃ sarvabhūtamanoramam || 46 ||
[Analyze grammar]

saṃśītātmā śītaraśmiścaṃdramāstvaṃ bhaviṣyasi |
sarvatejodhiko divyaḥ saumyaḥ paramabhāsuraḥ || 47 ||
[Analyze grammar]

tarusthaḥ sarvatejāṃsi tejasā'bhibhaviṣyasi |
ityuktvā taṃ visṛjyātha ukārāgnimathāhvayata || 48 ||
[Analyze grammar]

ihaihītīti śirasi samādāya nyaveśayat |
tatrasthaṃ paṃcamaṃ vaktraṃ ūrdhvametatprajāyate || 49 ||
[Analyze grammar]

sa evaṃ rūpavānagnirukārāgniḥ pratiṣṭhitaḥ |
tasmādagniśca sūryaśca ekametau vinirdiśet || 50 ||
[Analyze grammar]

bhavāgnirūpaṃ paramaṃ brahmāṇamidamabravīt |
mamāpi ruciraṃ sthānaṃ prayacchasva yathā svayam || 51 ||
[Analyze grammar]

brahmā tamāha katamaṃ sthānaṃ te rocate'nala |
agnistaṃ pratyuvācedaṃ sthānaṃ kathaya me param || 52 ||
[Analyze grammar]

sthānaṃ naivāsti te bhavyaṃ tato hyevaṃ bhaviṣyati |
atra te sthātumicchāsti yadi saṃsthāsyate tviha || 53 ||
[Analyze grammar]

loke nityaṃ samācāra lokasaṃsthitihetukaḥ |
saṃbhavārthamihāsa tvaṃ nijasattvaparākramaḥ || 54 ||
[Analyze grammar]

yadiha tvaṃ mahājvālābhābhiḥ kalitaśobhanaḥ |
prāpsyase sarva jaṃtūnāṃ bhāsuratvamanuttamam |
na hyeṣa dharmaścaivādyo māyāmohitakāmyayā || 55 ||
[Analyze grammar]

ityukte brahmaṇā so'gniḥ prajajvāla sahasraśaḥ |
anaṃtajvālābhi tato nānāvarṇādibhiḥ śritaḥ || 56 ||
[Analyze grammar]

akārekāra ūkāro brahmā tamatha dṛṣṭavān |
naivāsau śāmyatāṃ yāti vahnirbhūyo vyavardhata || 57 ||
[Analyze grammar]

vyāptaṃ bhavāgninā sarvaṃ tiryagūrdhvamadhastathā |
jvālābhirupari kṣiptaṃ dṛṣṭvātmānaṃ samaṃtataḥ || 58 ||
[Analyze grammar]

ciṃtayaṃtaṃ tu brahmāṇaṃ bhītaṃ caiva viśeṣataḥ |
śirasyaṃjalimādhāya tuṣṭāvātha praṇamya tam || 59 ||
[Analyze grammar]

tejonidhiṃ ca sarveśaṃ jñātumicchanprajāpatiḥ |
niruktasūktarāhasyairṛgyajuḥsāmabhāṣitaiḥ || 60 ||
[Analyze grammar]

brahmovāca |
saptatejo namaste'stu parasya paramātmane |
adbhutānāṃ pratiśrotre tejasā nidhaye namaḥ || 61 ||
[Analyze grammar]

bījaṃ yo viśvabhāvānāṃ saṃmohanavimohanam |
aṃdhakāro yugāvartakāle kāle ca duḥsaha || 62 ||
[Analyze grammar]

ūrdhvavaktra namastestu sattvātmaka dharātmaka |
jvalajjvālotpannajala jalajeśa jalecara || 63 ||
[Analyze grammar]

jalajotphullapatrākṣa jaladeva hutāśana |
kṛṣṇakāṃte kṛṣṇamārga svargamārgapradāyaka || 64 ||
[Analyze grammar]

yajñāhutisamācāra yajñarūpa namonamaḥ |
svarṇagarbha śamīgarbha jaya deva sanātana || 65 ||
[Analyze grammar]

tamohāra mahāhāra svāpriya tamohara |
pradīptarocirdeveśa citrabhāno namostu te || 66 ||
[Analyze grammar]

vaiśvānarānalodagra ūrdhvapāvaka sarvaga |
vibhāvaso mahābhāga kṛṣṇavartmannamonamaḥ || 67 ||
[Analyze grammar]

sanatkumāra uvāca |
evaṃ stutastadā sognirviraṃcimabravīdvacaḥ |
tuṣṭo'haṃ bhavato brahmanbhāvakarma prasidhyati || 68 ||
[Analyze grammar]

evamuktastadā brahmā namaskṛtyābravītpunaḥ |
jñātumicchāmyahaṃ deva ko hi tvaṃ bhagavāniti || 69 ||
[Analyze grammar]

abravītso'tha brahmāṇaṃ puruṣa stvaṃ prajāpatiḥ |
ajñeyaṃ paramaṃ rūpaṃ tena yogyena paśya me || 70 ||
[Analyze grammar]

athāpaśyatsa divyena bhagavaṃtaṃ sanātanam |
sarvajñaṃ vidhikartāramīśvaraṃ sadasatpa ram || 71 ||
[Analyze grammar]

jvalanaṃ gaganaṃ bhūmiṃ dṛśyādṛśyaṃ paraṃ padam |
bhūtaṃ bhavyaṃ bhaviṣyaṃ ca jagatsthāvarajaṃgamam |
sadaiva kurute devo bhuṃkte sarvaṃ yataḥ prabhuḥ || 72 ||
[Analyze grammar]

atisaṃbhūtibhavyena stotreṇātha prajāpatiḥ |
tuṣṭāva devaṃ prakṛtaṃ purāṇamajamavyayam || 73 ||
[Analyze grammar]

tato'tiraktavarṇaṃ ca dṛṣṭvā devaḥ prajāpatiḥ |
viśvatobāhucaraṇaṃ viśvato'gniśiromukham || 74 ||
[Analyze grammar]

vyaktāvyaktapraṇetāraṃ praṇamañchirasā svayam |
paśyate'tha namaste'stu tubhyaṃ viśvabhavātmane || 75 ||
[Analyze grammar]

pṛthivī vāyurākāśaṃ yaccānyadbhuvanatrayam |
lokālokeśvaraṃ caiva jagatsthāvarajaṃgamam || 76 ||
[Analyze grammar]

tattvasargaṃ bhūtasargaṃ bhāvasargaṃ tathaiva ca |
brahmatejomayātmānaṃ saṃpaśyaṃścakṣuṣā svataḥ || 77 ||
[Analyze grammar]

yatkiṃcidvastujātaṃ hi tatsarvamacaraṃ caram |
evaṃ stutaḥ sa tu tadā anādirbhagavānprabhuḥ || 78 ||
[Analyze grammar]

atheśaḥ prāha brahmāṇaṃ tvayā dṛṣṭaṃ yathātatham |
sṛjedānīṃ prajāḥ sarvāḥ sa ca tvaṃ vinayānvitaḥ || 79 ||
[Analyze grammar]

kartāhamanukartā tvaṃ lokānāṃ sthitikāraṇe |
kuruṣvaitattathā bhāvyaṃ mayā pūrvaṃ vinirmitam || 80 ||
[Analyze grammar]

ityukto devadevena brahmā vacanamabravīt |
namaste'stu mahādeva bhava śarva namo'stu te || 81 ||
[Analyze grammar]

tvatprasādātprajāsargaṃ kurvato me maheśvara |
sakhāyaṃ prāptumicchāmi tvayā dattaṃ jagatpate || 82 ||
[Analyze grammar]

mahe3vara uvāca |
dhyāyataḥ putrakāmasya sraṣṭu kāmasya te yataḥ |
kalpitaṃ bhavitā deva madutpattiṃ yadīpsyasi || 83 ||
[Analyze grammar]

putratvaṃ prāpya hīśaste chetsyāmi paṃcamaṃ śiraḥ |
tatra cotpādayiṣyāmi naranārāyaṇāvubhau || 84 ||
[Analyze grammar]

brahmovāca |
kathaṃ nārāyaṇo devastapasā manyate sa naḥ |
kīrtayasva sakhā dhanyaḥ sa naḥ pūjyo bhaviṣyati || 85 ||
[Analyze grammar]

athāpaśyattato brahmā tejasā harimacyutam |
taṃ sarvagamanaṃ gamyaṃ śivaṃ nārāyaṇātmakam || 86 ||
[Analyze grammar]

maheśvarasya tejordhvaṃ saṃtaṃ nārāyaṇaṃ prabhum |
cakāra vyāharannārtaṃ śrīrūpaṃ śaktisāmyataḥ || 87 ||
[Analyze grammar]

aṃgulyā saṃspṛśandevo brahmāṇamabravīdvacaḥ |
brahmaṃste paramaṃ dhāma ṛṣirnārāyaṇānugaḥ || 88 ||
[Analyze grammar]

bhavitā lokarakṣārthaṃ śreṣṭhaḥ sarvadhanuṣmatām |
nārāyaṇa mahāvīrya śaktireṣā madīyikā || 89 ||
[Analyze grammar]

ityuktvā bhagavāndevastamagniṃ pāṇinā' grahīt |
dakṣahastāṃgulinakhamadhyasthaṃ samacīkarat || 90 ||
[Analyze grammar]

iti satkṛtya satataṃ naraṃ caiva maheśvaraḥ |
brahmaṇo darśayitvātha tatraivāṃtaradhīyata || 91 ||
[Analyze grammar]

athābravīttato brahmā agniṃ taṃ tu yugakṣaye |
spṛśandakṣiṇavāmābhyāṃ sāṃtvayanniva taṃ girā || 92 ||
[Analyze grammar]

bhṛguścaivāṃgirāḥ putrau bhavitārau na saṃśayaḥ |
atraiva mama bhavatāṃ vaṃśe vikhyātakarmaṇau || 93 ||
[Analyze grammar]

dvidhā saṃbhajya tenāgniṃ sṛṣṭeryajño bhaviṣyati |
bhavaṃtau tiṣṭhatastatra pṛthivyāṃ dānamāśritau || 94 ||
[Analyze grammar]

brahmaṇā'gnī sametau tu brahmāṇamanunoditau |
tasmādevaṃ vidhātavyau nirmathya vidhipūrvakam || 95 ||
[Analyze grammar]

ato'śvatthe śamīgarbhe saṃyogastatra paṭhyate |
bhārgavāṃgirasaścaiva dvividho daiva ucyate || 96 ||
[Analyze grammar]

tasmātsutahitaḥ śreṣṭhaścaturtha iti kathyate |
evaṃ vyāsa samutpanno naro'sau pūrvajanmani || 97 ||
[Analyze grammar]

evaṃ tu brahmaṇo vaktraṃ pañcamaṃ samapadyata || 98 ||
[Analyze grammar]

etadyo budhyate deva tejaḥsargamanuttamam |
brahmaṇo yāti sālokyaṃ śāṃto dāṃto jitendriyaḥ || 99 ||
[Analyze grammar]

etadyognisamudbhavaṃ paśupatermāhātmyasaṃsūcakaṃ vahneḥ sādhumatiḥ śṛṇoti satataṃ yaḥ śraddhayā bhāvitam |
yo vyāsa dvijadevatāpramukhataḥ saṃśrāvayedbhaktitaḥ so'tyarthaṃ bhavabhāvitaḥ śivapure saṃpūjyate daivataiḥ || 100 ||
[Analyze grammar]