Chapter 47

[English text for this chapter is available]

skaṃda uvāca |
athottarasyāmāśāyāṃ kuṃḍamarkākhyamuttamam |
tatra nāmnottarārkeṇa raśmimālī vyavasthitaḥ || 1 ||
[Analyze grammar]

tāpayanduḥkhasaṃghātaṃ sādhūnāpyāyayanraviḥ |
uttarārko mahātejāḥ kāśīṃ rakṣati sarvadā || 2 ||
[Analyze grammar]

tatretihāso yo vṛttastaṃ niśāmaya suvrata |
vipraḥ priyavrato nāma kaścidātreya vaṃśajaḥ || 3 ||
[Analyze grammar]

āsītkāśyāṃ śubhācāraḥ sadātithijanapriyaḥ |
bhāryā śubhavratā tasya babhūvātimanoharā || 4 ||
[Analyze grammar]

bhartṛśuśrūṣaṇaratā gṛhakarmasupeśalā |
tasyāṃ sa janayāmāsa kanyāmekāṃ sulakṣaṇām || 5 ||
[Analyze grammar]

mūlarkṣaprathamepāde tathā keṃdre bṛhaspatau |
vavṛdhe sā gṛhe pitroḥ śukle pakṣe yathā śaśī || 6 ||
[Analyze grammar]

surūpā vinayācārā pitrośca priyakāriṇī |
atīva nipuṇā jātā gṛhopaskaramārjane || 7 ||
[Analyze grammar]

yathāyathā samaidhiṣṭa sā kanyā pitṛmaṃdire |
tathātathā pitustasyāściṃtā saṃvavṛdhetarām || 8 ||
[Analyze grammar]

kasmai deyā varā kanyā suramyeyaṃ sulakṣaṇā |
asyā anuguṇo labhyaḥ kva mayā vara uttamaḥ || 9 ||
[Analyze grammar]

kulena vayasā cāpi śīlenāpi śrutena ca |
rūpeṇārthenasaṃyuktaḥ kasmai dattā sukhaṃ labhet || 10 ||
[Analyze grammar]

iti ciṃtayatastasya jvarobhūdatidāruṇaḥ |
yaściṃtākhyo jvaraḥ puṃsāmauṣadhairnāpi śāmyati || 11 ||
[Analyze grammar]

tanmūlarkṣavipākena ciṃtākhyena jvareṇa ca |
sa vipraḥ paṃcatāṃ prāptastyaktvā sarvaṃ gṛhādikam || 12 ||
[Analyze grammar]

pitaryuparate tasyāḥ kanyāyāḥ sā jananyapi |
śubhavratā parityajya tāṃ kanyāṃ patimanvagāt || 13 ||
[Analyze grammar]

dharmoyaṃ sahacāriṇyā jīvatājīvatāpi vā |
patyā sahaiva sthātavyaṃ pativratayujā sadā || 14 ||
[Analyze grammar]

nāpatyaṃ pāti no mātā na pitā naiva bāṃdhavāḥ |
patyuścaraṇaśuśrūṣā pāyādvai kevalaṃ striyam || 15 ||
[Analyze grammar]

sulakṣaṇāpi duḥkhārtā pitroḥ paṃcatvamāptayoḥ |
aurdhvadaihikamāpādya daśāhaṃ vinivartya ca || 16 ||
[Analyze grammar]

ciṃtāmavāpa mahatīmanāthā dainyamāgatā |
kathamekākinī pitrā mātrāhīnā bhavāṃbudheḥ || 17 ||
[Analyze grammar]

dustaraṃ pāramāpsyāmi strītvaṃ sarvābhibhāvi yat |
na kasmaicidvarāyāhaṃ pitṛbhyāṃ pratipāditā || 18 ||
[Analyze grammar]

tadadattā kathaṃ svairamahamanyaṃ varaṃ vṛṇe |
vṛtopi na kulīnaścedguṇavānna ca śīlavān || 19 ||
[Analyze grammar]

svādhīnopi na tattena vṛtenāpi hi kiṃ bhavet |
iti saṃciṃtayaṃtī sā rūpaudāryaguṇānvitā || 20 ||
[Analyze grammar]

yuvabhirbahubhirnityaṃ prārthitāpi muhurmuhuḥ |
na kasyāpi dadau bālā praveśaṃ nija mānase || 21 ||
[Analyze grammar]

pitroruparatiṃ dṛṣṭvā vātsalyaṃ ca tathāvidham |
niniṃda bahudhātmānaṃ saṃsāraṃ ca niniṃda ha || 22 ||
[Analyze grammar]

yābhyāmutpāditā cāhaṃ yābhyāṃ ca paripālitā |
pitarau kutra tau yātau dehino dhiganityatām || 23 ||
[Analyze grammar]

aho dehopyahoṃgatvaṃ yathā pitroḥ puro mama |
iti niścitya sā bālā vijiteṃdriya mānasā || 24 ||
[Analyze grammar]

brahmacaryaṃ dṛḍhaṃ kṛtvā tapa ugraṃ cacāra ha |
uttarārkasya devasya samīpe sthiramānasā || 25 ||
[Analyze grammar]

tasyāṃ tapasyamānāyāmekācchāgī laghīyasī |
tatra pratyahamāgatya tiṣṭhettatpurato'calā || 26 ||
[Analyze grammar]

tṛṇaparṇādikaṃ kiṃcitsāyamabhyavahṛtya sā |
tatkuṃḍapītapānīyā svasvāmisadanaṃ vrajet || 27 ||
[Analyze grammar]

tata itthaṃ vyatītāsu paṃcaṣā susamāsu ca |
līlayā vicarandevastatra devyā sahāgataḥ || 28 ||
[Analyze grammar]

sannidhāvuttarārkasya tapasyatīṃ sulakṣaṇām |
sthāṇuvanniścalāṃ sthāṇuradrākṣīttapasā kṛśām || 29 ||
[Analyze grammar]

tato girijayā śaṃbhurvijñaptaḥ karuṇātmanā |
vareṇānugṛhāṇemāṃ baṃdhuhīnāṃ sumadhyamām || 30 ||
[Analyze grammar]

śarvāṇīgiramākarṇya tataḥ śarvaḥ kṛpānidhiḥ |
samādhimīlitākṣīṃ tāmuvāca varado haraḥ || 31 ||
[Analyze grammar]

sulakṣaṇe prasannosmi varaṃ varaya suvrate |
ciraṃ khinnāsi tapasā kaste'stīha manorathaḥ || 32 ||
[Analyze grammar]

sāpi śaṃbhorgiraṃ śrutvā mukhapīyūṣavarṣiṇīm |
mahāsaṃtāpaśamanīṃ locane udamīlayat || 33 ||
[Analyze grammar]

tryakṣaṃ pratyakṣamāvīkṣya varadānonmukhaṃ puraḥ |
devīṃ ca vāmabhāgasthāṃ praṇanāma kṛtāṃjaliḥ || 34 ||
[Analyze grammar]

kiṃ vṛṇe yāvaditthaṃ sā ciṃtayeccārumadhyamā |
tāvattayāniraikṣiṣṭa varākī barkarī puraḥ || 35 ||
[Analyze grammar]

ātmārthaṃ jīvalokesminko na jīvati mānavaḥ |
paraṃ paropakārārthaṃ yo jīvati sa jīvati || 36 ||
[Analyze grammar]

anayā mattapovṛtti sākṣiṇyā bahvanehasam |
asevyahaṃ tadetasyai varayāmi jagatpatim || 37 ||
[Analyze grammar]

parāmṛśya manasyetatprāha tryakṣaṃ sulakṣaṇā |
kṛpānidhe mahādeva yadi deyo varo mama || 38 ||
[Analyze grammar]

ajaśāvī varākyeṣā tarhi prāganugṛhyatām |
vaktuṃ paśutvānnovetti kiṃcinmadbhaktipeśalā || 39 ||
[Analyze grammar]

iti vācaṃ niśamyeśaḥ paropakṛtiśālinīm |
sulakṣaṇāyā nitarāṃ tutoṣa praṇatārtihā || 40 ||
[Analyze grammar]

devadavastataḥ prāha devi paśya girīṃdraje |
sādhūnāmīdṛśī buddhiḥ paropakaraṇorjitā || 41 ||
[Analyze grammar]

te dhanyāḥ sarvalokeṣu sarvadharmāśrayāśca te |
yataṃte sarvabhāvena paropakaraṇāya ye || 42 ||
[Analyze grammar]

saṃcayāḥ sarvavastūnāṃ ciraṃ tiṣṭhati no kvacit |
suciraṃ tiṣṭhate caikaṃ paropakaraṇaṃ priye || 43 ||
[Analyze grammar]

dhanyā sulakṣaṇā caiṣā yogyā'nugrahakarmaṇi |
brūhi devi varo deyaḥ ko'syaicchāgyai ca kaḥ priye || 44 ||
[Analyze grammar]

śrīdevyuvāca |
sarvasṛṣṭikṛtāṃ kartaḥ sarvajñapraṇatārtihan |
sulakṣaṇā śubhācārā sakhī mestu śubhodyamā || 45 ||
[Analyze grammar]

yathā jayā ca vijayā yathā caiva jayaṃtikā |
śubhānaṃdā sunaṃdā ca kaumudī ca yathormilā || 46 ||
[Analyze grammar]

yathā caṃpakamālā ca yathā malayavāsinī |
karpūralatikā yadvadgaṃdhadhārā yathā śubhā || 47 ||
[Analyze grammar]

aśokā ca viśokā ca yathā malayagaṃdhinī |
yathā caṃdananiḥśvāsā yathā mṛgamadottamā || 48 ||
[Analyze grammar]

yathā ca kokilālāpā yathā madhurabhāṣiṇī |
gadyapadyanidhiryadvadanuktajñā yathā ca sā || 49 ||
[Analyze grammar]

dṛgaṃcaleṃgitajñā ca yathā kṛtamanorathā |
gānacittaharā yadvattathāstveṣā sulakṣaṇā || 50 ||
[Analyze grammar]

atipriyā bhavitrī me yadbāla brahmacāriṇī |
anenaiva śarīreṇa divyāvayavabhūṣaṇā || 51 ||
[Analyze grammar]

divyāṃbarā divyagaṃdhā divyajñānasamanvitā |
samayā māṃ sadaivāstāṃ caṃcaccāmaradhāriṇī || 52 ||
[Analyze grammar]

eṣāpi kāśirājasya kumāryastviha barkarī |
atraiva bhogānsaṃprāpya muktiṃ prāpsyatyanuttamām || 53 ||
[Analyze grammar]

anayā tvarkakuṃḍesminpuṣye māsi raverdine |
snātaṃ tvanudite sūrye śītādakṣubdhacittayā || 54 ||
[Analyze grammar]

rājaputrī tataḥ puṇyādastveṣā śubhalocanā |
varadānaprabhāveṇa tava viśveśvara prabho || 55 ||
[Analyze grammar]

barkarīkuṃḍamityākhyā tvarkakuṃḍasya jāyatām |
etasyāḥ pratimā pūjyā bhaviṣyatyatra mānavaiḥ || 96 ||
[Analyze grammar]

uttarārkasya devasya puṣye māsi raverdine |
kāryā sā vatsarīyātrā na taiḥ kāśīphalepsubhiḥ || 57 ||
[Analyze grammar]

mṛḍānyābhihi taṃ sarvaṃ kṛtvaitadviśvago vibhuḥ |
viśvanātho viveśātha prāsādaṃ svamatarkitaḥ || 58 ||
[Analyze grammar]

skaṃda uvāca |
lolārkasya ca māhātmyamuttarārkasya ca dvija |
kathitaṃ te mahābhāga sāṃbādityaṃ niśāmaya || 59 ||
[Analyze grammar]

śrutvaitatpuṇyamākhyānaṃ śubhaṃ lolottarārkayoḥ |
vyādhibhirnābhibhūyeta na dāridryeṇa bādhyate || 60 ||
[Analyze grammar]

iti śrīskāṃde mahāpurāṇa ekāśītisāhasryāṃ saṃhitāyāṃ caturthe kāśīkhaṃḍe pūrvārddhe uttarārkavarṇanaṃ nāma saptacatvāriṃśodhyāyaḥ || 47 ||
[Analyze grammar]