Chapter 11

[English text for this chapter is available]

yudhiṣṭhira uvāca |
ataḥ paraṃ kimabhavadbravītu dvijasattama |
tvadvacanāmṛtaṃ pītvā tṛptirnāsti mama prabho || 1 ||
[Analyze grammar]

vyāsa uvāca |
atha kiṃcidgate kāle yugāṃtasamaye sati |
tretādau lolajihvākṣa abhavadrākṣaseśvaraḥ || 2 ||
[Analyze grammar]

tena vidrāvitaṃ sarvaṃ trailokyaṃ sacarācaram |
jitvā sa sakalāṃllokāndharmāraṇye samāgataḥ || 3 ||
[Analyze grammar]

taddṛṣṭvā sakalaṃ puṇyaṃ ramyaṃ dvijaniṣe vitam |
brahmadveṣācca tenaiva dāhitaṃ ca puraṃ śubham || 4 ||
[Analyze grammar]

dahyamānaṃ puraṃ dṛṣṭvā praṇaṣṭā dvijasattamāḥ |
yathāgataṃ prajagmuste dharmāraṇyanivāsinaḥ || 5 ||
[Analyze grammar]

śrīmātādyāstadā devyaḥ kopitā rākṣasena vai |
ghātayaṃtyeva śabdena tarjayitvā ca rākṣasam || 6 ||
[Analyze grammar]

samucchritāstadā devyaḥ śataśo'tha saha sraśaḥ |
triśūlavaradhāriṇyaḥ śaṃkhacakragadādharāḥ || 7 ||
[Analyze grammar]

kamaṃḍaludharāḥ kāścitkaśākhaṅgadharāḥ parāḥ |
pāśāṃkuśadharā kācitkhaḍgakheṭakadhāriṇī || 8 ||
[Analyze grammar]

kācitparaśuhastā ca divyāyudhadharā parā |
nānābharaṇabhūṣāḍhyā nānāratnābhiśobhitā || 9 ||
[Analyze grammar]

rākṣasānāṃ vināśāya brāhmaṇānāṃ hitāya ca |
ājagmustatra yatrāste lolajihvo hi rākṣasaḥ || 10 ||
[Analyze grammar]

mahādaṃṣṭro mahākāyo vidyujjihvo bhayaṃkaraḥ |
dṛṣṭvā tā rākṣaso ghoraṃ siṃhanādamathākarot || 11 ||
[Analyze grammar]

tena nādena mahatā trāsitaṃ bhuvanatrayam |
āpūritā diśaḥ sarvāḥ kṣubhitānekasāgarāḥ || 12 ||
[Analyze grammar]

kolāhalo mahānāsīddharmāraṇye tadā nṛpa |
tacchrutvā vāsavenātha preṣito nalakūbaraḥ || 13 ||
[Analyze grammar]

kimidaṃ paśya gatvā tvaṃ dṛṣṭvā mahyaṃ nivedaya |
tattasya vacanaṃ śrutvā gato vai nalakūbaraḥ || 14 ||
[Analyze grammar]

dṛṣṭvā tatra mahāyuddhaṃ śrīmātālolajihvayoḥ |
yathādṛṣṭaṃ yathājātaṃ śakrāgre sa nyavedayat || 15 ||
[Analyze grammar]

udvejayati lokāṃstrīndharmāraṇyamito gataḥ |
tacchrutvā vāsavo viṣṇuṃ nivedya kṣitimāgamat || 16 ||
[Analyze grammar]

dāhitaṃ tatpuraṃ ramyaṃ devānāmapi durlabham |
na dṛṣṭā vāḍavāstatra gatāḥ sarve diśo daśa || 17 ||
[Analyze grammar]

śrīmātā yoginī tatra kurute yuddhamuttamam |
hāhābhūtā prajā sarvā itaścetaśca dhāvati || 18 ||
[Analyze grammar]

tacchrutvā vāsudevo hi gṛhītvā ca sudarśanam |
satyalokāttadā rājansamāgacchanmahītale || 19 ||
[Analyze grammar]

dharmāraṇyaṃ tato gatvā taccakraṃ pramumoca ha |
lolajihvastadā rakṣo mūrcchito nipapāta ha || 20 ||
[Analyze grammar]

triśūlena tato bhinnaḥ śaktibhiḥ krodhamūrcchitaḥ |
hanyamānastadā rakṣaḥ prāṇāṃstyaktvā divaṃ gataḥ || 21 ||
[Analyze grammar]

tato devāḥ sagaṃdharvā harṣanirbharamānasāḥ |
tuṣṭuvustaṃ jagannāthaṃ satyalokātsamāgatāḥ || 22 ||
[Analyze grammar]

udvasaṃ tatsamālokya viṣṇurvacanamabravīt |
kva ca te brāhmaṇāḥ sarve ṛṣīṇāmāśrame punaḥ || 23 ||
[Analyze grammar]

tato devāḥ sagaṃ dharvā itastataḥ palāyitān |
saṃśodhya tarasā rājanbrāhmaṇānidamabruvan || 24 ||
[Analyze grammar]

śrūyatāṃ no vaco viprā nihato rākṣasādhamaḥ |
vāsudevena devena cakreṇa nirakṛṃtata || 25 ||
[Analyze grammar]

tacchrutvā vāḍavāḥ sarve praharṣotphullalocanāḥ |
samājagmustadā rājansvasvasthāne samāviśan || 26 ||
[Analyze grammar]

śrīkāṃtāya tadā rājanvākyamuktaṃ manoramam |
yasmāttvaṃ satyalokācca āgato'si jagatprabhuḥ |
sthāpitaṃ ca puraṃ cedaṃ hitāya ca dvijātmanām || 27 ||
[Analyze grammar]

satyamaṃdiramiti khyātaṃ tadā loke bhaviṣyati |
kṛte yuge dharmāraṇyaṃ tretāyāṃ satyamaṃdiram || 28 ||
[Analyze grammar]

tacchrutvā vāsudevena tatheti pratipadya ca |
tataste vāḍavāḥ sarve putrapautrasamanvitāḥ || 29 ||
[Analyze grammar]

sapatnīkāḥ sānucarā yathāpūrvaṃ nyavātsiṣuḥ |
tapoyajñakriyādyeṣu vartaṃte'dhyayanādiṣu || 30 ||
[Analyze grammar]

evaṃ te sarvamākhyātaṃ dharma vai satyamaṃdire || 31 ||
[Analyze grammar]