Chapter 12

[English text for this chapter is available]

vyāsa uvāca |
tato devairnṛpaśreṣṭha rakṣārthaṃ satyamaṃdiram |
sthāpitaṃ tattadādyaiva satyābhikhyā hi sā purī || 1 ||
[Analyze grammar]

pūrvaṃ dharmeśvaro devo dakṣiṇena gaṇādhipaḥ |
paścime sthāpito bhānuruttare ca svayaṃbhuvaḥ || 2 ||
[Analyze grammar]

yudhiṣṭhira uvāca |
gaṇeśaḥ sthāpitaḥ kena kasmātsthāpitavānasau |
kiṃ nāmāsau mahābhāga tanme kathaya mā ciram || 3 ||
[Analyze grammar]

vyāsa uvāca |
adhunāhaṃ pravakṣyāmi gaṇeśotpattikāraṇam || 4 ||
[Analyze grammar]

samaye militāḥ sarve devatā mātarastathā |
dharmāraṇye mahārāja sthāpitaścaṃḍikāsutaḥ || 5 ||
[Analyze grammar]

ādau devairnṛpaśreṣṭha bhūmau vai satyayoṣitām |
prākāraścābhavattatra patākādhvajaśobhitaḥ || 6 ||
[Analyze grammar]

brāhmaṇāyatane tatra prākāramaṇḍalāntare |
tanmadhye racitaṃ pīṭhamiṣṭakābhiḥ suśobhitam || 7 ||
[Analyze grammar]

pratolyaśca catasro vai śuddhā eva satoraṇāḥ |
pūrve dharmeśvaro devo dakṣiṇe gaṇanāyakaḥ || 8 ||
[Analyze grammar]

paścime sthāpito bhānuruttare ca svayaṃbhuvaḥ |
dharmeśvarotpattivṛttamākhyātaṃ tattavāgrataḥ || 9 ||
[Analyze grammar]

adhunāhaṃ pravakṣyāmi gaṇeśotpattihetukam |
kadācitpārvatī gātrodvarttanaṃ kṛtavatyabhūt || 10 ||
[Analyze grammar]

malaṃ tajjanitaṃ dṛṣṭvā haste dhṛtvā svagātrajam |
pratimāṃ ca tataḥ kṛtvā surūpaṃ ca dadarśa ha || 11 ||
[Analyze grammar]

jīvaṃ tasyāṃ ca saṃcārya udatiṣṭhattadagrataḥ |
mātaraṃ sa tadovāca ki karomi tavājñayā || 12 ||
[Analyze grammar]

pārvatyuvāca |
yāvatsnānaṃ kariṣyāmi tāvattvaṃ dvāri tiṣṭha me |
āyudhāni ca sarvāṇi paraśvādīni yāni tu || 13 ||
[Analyze grammar]

tvayi tiṣṭhati maddvāre ko'pi vighnaṃ karotu na |
evamukto mahādevyā dvāre'tiṣṭhatsa sāyudhaḥ || 14 ||
[Analyze grammar]

etasminnaṃtare devo mahādevo jagāma ha |
ābhyaṃtare praveṣṭuṃ ca matiṃ dadhre maheśvaraḥ || 19 ||
[Analyze grammar]

dvārasthena gaṇeśena praveśodāyi tasya na |
tataḥ kruddho mahādevaḥ parasparamayudhyata || 16 ||
[Analyze grammar]

yuddhaṃ kṛtvā tataścobhau parasparavadhaiṣiṇau |
paraśuṃ jaghnivāndeva lalāṭe parame śubham || 17 ||
[Analyze grammar]

tato devo mahādevaḥ śūlamudyamya cāhanat |
śiraściccheda śūlena tadbhūmau nipapāta ha || 18 ||
[Analyze grammar]

taṃ dṛṣṭvā patitaṃ putraṃ pārvatī praruroda ha |
hāhākāro mahānāsīttadā tatra nipātite || 19 ||
[Analyze grammar]

pārvatīṃ vikalāṃ dṛṣṭvā devadevo maheśvaraḥ |
ciṃtayāmāsa devo'pi kiṃ kṛtaṃ vā mudhā mayā || 20 ||
[Analyze grammar]

etasminnaṃtare tatra gajāsuramapaśyata |
taṃ dṛṣṭvā ca mahādaityaṃ sarvalokaikapūjitaḥ || 21 ||
[Analyze grammar]

jaghnivāṃstacchiro gṛhya pārvatyā kṛtamarbhakam |
uttasthau sagaṇastatra mahādevasya sannidhau || 22 ||
[Analyze grammar]

tato nāma cakārāsya gajānana iti sphuṭam |
surāḥ sarve ca saṃpṛktā harṣitā munayastathā || 23 ||
[Analyze grammar]

stuvaṃti stutibhiḥ śaśvatkuṭumbakuśalaṃkaram |
vikrīṇāti kuṭumbaṃ yo modakārthaṃ samarcake || 24 ||
[Analyze grammar]

dakṣiṇasyāṃ pratolyāṃ tamekadaṃtaṃ ca pīvaram |
ārcayacca mahādevaṃ svayaṃbhūḥ surapūjitam || 25 ||
[Analyze grammar]

jaṭilaṃ vāmanaṃ caiva nāgayajñopavītakam |
tryakṣaṃ caiva mahākāyaṃ karadhvajakuṭhārakam || 26 ||
[Analyze grammar]

dadhānaṃ kamalaṃ haste sarvavipravināśanam |
rakṣaṇāya ca lokānāṃ nagarāddakṣiṇāśritam || 27 ||
[Analyze grammar]

suprasannaṃ gaṇādhyakṣaṃ siddhibuddhinamaskṛtam |
siṃdūrābhaṃ suraśreṣṭhaṃ tīvrāṃkuśadharaṃ śubham || 28 ||
[Analyze grammar]

śatapuṣpaiḥ śubhaiḥ puṣpairarcitaṃ hyamarādhipaḥ |
praṇamya ca mahābhaktyā tuṣṭuvu staṃ surāstataḥ || 29 ||
[Analyze grammar]

devā ūcuḥ |
namastestu sureśāya gaṇānāṃ pataye namaḥ |
gajānana namastubhyaṃ mahādevādhidaivata || 30 ||
[Analyze grammar]

bhaktipriyāya devāya gaṇādhyakṣa namostu te |
ityetaiśca śubhaiḥ stotraiḥ stūyamāno gaṇādhipaḥ |
suprītaśca gaṇādhyakṣaḥ tadā'sau vākyamabravīt || 31 ||
[Analyze grammar]

gaṇādhyakṣa uvāca |
tuṣṭo'haṃ vo surā brūta vāṃchitaṃ ca dadāmi vaḥ || 32 ||
[Analyze grammar]

devā ūcuḥ |
tvamatrastho mahābhāga kuru kāryaṃ ca naḥ prabho |
dharmāraṇye ca viprāṇāṃ vaṇigjananivāsinām || 33 ||
[Analyze grammar]

brahmacaryādiyuktānāṃ dhārmikāṇāṃ gaṇeśvara |
varṇāśrametarāṇāṃ ca rakṣitā bhava sarvadā || 34 ||
[Analyze grammar]

tvatprasādānmahābhāga dhanasaukhyayutā dvijāḥ |
bhavaṃtu sarve satataṃ vaṇijaśca mahābalāḥ || 35 ||
[Analyze grammar]

rakṣitavyāstvayā deva yāvaccaṃdrārkamedinī |
evamastviti sovādīdgaṇanātho maheśvaraḥ || 36 ||
[Analyze grammar]

devāśca harṣamāpannāḥ pūjayaṃti gaṇādhipam |
tato devā mudā yuktāḥ puṣpadhūpāditarpaṇaiḥ || 37 ||
[Analyze grammar]

ye cānye manujā loke nirvighnārthaṃ ca pūjayan || 38 ||
[Analyze grammar]

vivāhotsavayajñeṣu pūrvamārādhito bhavet |
dharmāraṇyodbhavānāṃ ca prasanno bhava sarvadā || 39 ||
[Analyze grammar]

iti śrīskāṃde mahāpurāṇa ekāśītisāhasryāṃ sahitāyāṃ tṛtīye brahmakhaṇḍe pūrvabhāge gaṇeśaprasthāpanāvarṇanaṃnāma dvādaśo'dhyāyaḥ || 12 ||
[Analyze grammar]