Chapter 10

[English text for this chapter is available]

sāvarṇiruvāca |
kathaṃ prāptā punaḥ skanda śrīrindreṇa gatāmbudhim || etāṃ kathaya me sarvāṃ kathāṃ nārāyaṇāśrayām || 1 ||
[Analyze grammar]

skanda uvāca |
śriyā vihīno devendraḥ śrīhīnairapi dānavaiḥ |
parājito hṛtasthāno naṣṭāśeṣaparicchadaḥ || 2 ||
[Analyze grammar]

girigahvarakuñjeṣu kānaneṣu tatastataḥ |
paribabhrāma sahito digīśairvaruṇādibhiḥ || 3 ||
[Analyze grammar]

valkalājina vastrāśca paśupakṣyāmiṣāśanāḥ |
devā daityā narā nāgāstulyācāraparicchadāḥ || 4 ||
[Analyze grammar]

pātrāṇi mṛnmayānyeva sarveṣāmapi veśmasu |
āsanvarākāḥ sarvepi piśācya iva ca striyaḥ || 5 ||
[Analyze grammar]

ādāvabhūdanāvṛṣṭirbhuvi dvādaśavārṣikī |
tato varṣe kvacidvṛṣṭirāsītsvalpā kvacinna ca || 6 ||
[Analyze grammar]

itthaṃ dāridryaduḥkhānāṃ teṣāṃ varṣaśataṃ gatam |
baliṣṭhārabdhakarmāṇaste'tiduḥkhepi no mṛtāḥ || 7 ||
[Analyze grammar]

ajīvanta mṛtaprāyā narakeṣviva nārakāḥ |
yatantopi śriyaḥ prāptyai yajñādyairnnā'labhanta tām || 8 ||
[Analyze grammar]

tataḥ sahasravarṣānte merau śaraṇamāyayuḥ |
śāpāddurvāsaso devāḥ sarve durvāsaso vidhim || 9 ||
[Analyze grammar]

praṇamya tasmai duḥkhaṃ svaṃ vāsavādyā nyavedayan |
ādāveva hi so'jñāsītsarvajñatvātsurāpadam || 10 ||
[Analyze grammar]

upālabhya tataścendraṃ viriñcaḥ sahaśaṃkaraḥ |
tadduḥkhavāraṇā kalpo viṣṇumaicchatprasāditum || 11 ||
[Analyze grammar]

ārādhayiṣyaṃstapasā tato'sau taṃ tapaḥpriyam |
sarvadevagaṇopeta upāyātkṣīrasāgaram || 12 ||
[Analyze grammar]

tasyottare taṭe ramye sarve te'naśanavratāḥ |
ekapādasthitā ūrddhvabāhavaścakrire tapaḥ || 13 ||
[Analyze grammar]

keśavaṃ hṛdi te dadhyuḥ sarvakleśavināśanam |
lakṣmīpatiṃ vāsudevamekāgrakṛtamānasāḥ || 14 ||
[Analyze grammar]

śatābdānte tato viṣṇuḥ śrīkṛṣṇo bhagavānsvayam |
atyāpanneṣu dīneṣu kṛpāṃ deveṣu so'karot || 15 ||
[Analyze grammar]

adṛśyamūrtirātmajñairapi bhūritapasvibhiḥ |
tatrāvirāsītkṛpayā niyutāhaskaradyutiḥ || 16 ||
[Analyze grammar]

tejomaṇḍalamevādau sahasā sphuritaṃ mahat |
dadṛśurvibudhāḥ sarve sitaṃ ghanamanaupamam || 17 ||
[Analyze grammar]

brahmā śivaśca tanmadhye dadṛśāte ramāpatim |
ghanaśyāmaṃ caturbāhuṃ gadābjābjāridhāriṇam || 18 ||
[Analyze grammar]

kirīṭakāñcīkaṭakakuṇḍalādivibhūṣitam |
pītakauśeyavasanaṃ divyasundaravigraham || 19 ||
[Analyze grammar]

harṣavihvalitānmānau daṇḍavattau praṇematuḥ |
tadicchayā'tha devāśca dṛṣṭvā taṃ ca mudā'naman || 20 ||
[Analyze grammar]

babhūvuratihṛṣṭāste nidhiṃ prāpyā'dhanā iva |
baddhāñjalipuṭāḥ sarve bhaktyā taṃ tuṣṭuvuḥ surāḥ || 21 ||
[Analyze grammar]

devā ūcuḥ |
oṃnamo bhagavate tubhyaṃ vāsudevāya dhīmahi |
pradyumnāyāniruddhāya namaḥ saṃkarṣaṇāya ca || 22 ||
[Analyze grammar]

oṃkārabrahmarūpāya tredhāviṣkṛtamūrtaye |
brahmāṇḍasargasthityantahetave nirguṇāya ca || 23 ||
[Analyze grammar]

nayanānandarūpāya praṇatakleśanāśine |
keśavāya namastubhyaṃ svataṃtreśvaramūrtaye || 24 ||
[Analyze grammar]

moditāśeṣabhaktāya kālamāyādimohine |
sadānaṃdāya kṛṣṇāya namaḥ saddharmavarttine || 25 ||
[Analyze grammar]

bhavāmbudhinimagrānāmuddhṛtikṣamakīrtaye |
darśanīyasvarūpāya ghanaśyāmāya te namaḥ || 26 ||
[Analyze grammar]

gadābjadaracakrāṇi bibhrate dīrghabāhubhiḥ |
suragovipradharmāṇāṃ goptre tubhyaṃ namonamaḥ || 27 ||
[Analyze grammar]

vareṇyāya prapannānāmabhīṣṭavaradāyine |
nigamāgamavedyāya vedagarbhāya te namaḥ || 28 ||
[Analyze grammar]

tejomaṇḍalamadhyastha divyasundaramūrtaye |
namāmo viṣṇave tubhyaṃ parātparatarāya ca || 29 ||
[Analyze grammar]

vāṇīmanoviprakṛṣṭamahimne'kṣararūpiṇe |
sarvāntaryāmiṇe tubhyaṃ bṛhate ca namonamaḥ || 30 ||
[Analyze grammar]

sukhadosi tvamevaikaḥ svāśritānāmato vayam |
mahāpadadhikakliṣṭāḥ śaraṇaṃ tvāmupāgatāḥ || 31 ||
[Analyze grammar]

devādhidevabhaktasya tava durvāsaso vayam |
atikramācchriyā hīnāḥ prāptāḥ smo durdaśāmimām || 32 ||
[Analyze grammar]

vāsonnapānasthānādihīnāndharmopi naḥ prabho |
tyaktvā saha śriyā yātastānpātuṃ tvamasīśvaraḥ || 33 ||
[Analyze grammar]

yato vayaṃ ca dharmaśca tvadīyā iti viśrutāḥ |
yathāpūrvaṃ sukhīkarttuṃ tvamevārhasyato hi naḥ || 34 ||
[Analyze grammar]

skanda uvāca |
iti saṃprārthito devairbhagavānsa dayānidhiḥ |
uvācānandayanvācā meghagambhīrayā surān || 35 ||
[Analyze grammar]

śrībhagavānuvāca |
viditaṃ me surāḥ sarvaṃ kaṣṭaṃ vaḥ sadatikramāt |
upāyaṃ kurutādyaiva vacmi yattannivṛttaye || 36 ||
[Analyze grammar]

oṣadhīrambudhau sarvāḥ kṣiptvā mandarabhūbhṛtā |
nāgarājavaratreṇa maṃthadhvamasuraiḥ saha || 37 ||
[Analyze grammar]

ādau saṃdhāya danujaiḥ kurutāmbudhimanthanam |
sāhāyaṃ vaḥ kariṣyāmi khedaḥ kāryo na tatra vaḥ || 38 ||
[Analyze grammar]

amṛtaṃ ca śriyo dṛṣṭiṃ prāpya pūrvādhikaujasaḥ |
bhavitāro madvimukhā daityāstu kleśabhāginaḥ || 39 ||
[Analyze grammar]

skanda uvāca |
ityuktvāṃtardadhe viṣṇurbhaktasaṅkaṭanāśanaḥ |
devāstasmai namaskṛtya taduktaṃ kartumārabhan || 40 ||
[Analyze grammar]

iti śrīskānde mahāpurāṇa ekāśītisāhasryāṃ saṃhitāyāṃ dvitīye vaiṣṇava khaṇḍe śrīvāsudevamāhātmye śrīvāsudevaprasādanirūpaṇaṃ nāma daśamo'dhyāyaḥ || 10 ||
[Analyze grammar]