Chapter 5

[English text for this chapter is available]

ambarīṣa uvāca |
vaiśākhaḥ sarvadharmebhyastapodharmebhya eva ca |
sa kathaṃ sarvamāsebhyo dānebhyo'pyadhiko'bhavat || 1 ||
[Analyze grammar]

nārada uvāca |
tadvakṣyāmi mahāprājña śṛṇu caikamanā bhava |
kalpāṃte devarāḍviṣṇuḥ śeṣaśāyī mahāprabhuḥ || 2 ||
[Analyze grammar]

kukṣistha lokasaṅgho'yaṃ sa śete pralayārṇave |
aneko hyekatāṃ prāpya bhūtibhiryogamāyayā || 3 ||
[Analyze grammar]

nimeṣasyāvasāne tu śrutibhirbodhitastataḥ |
kukṣisthajīvasaṃghānāṃ rakṣāṃ cakre dayānidhiḥ || 4 ||
[Analyze grammar]

tattatkarmaphalaprāptyai sṛṣṭiṃ sraṣṭuṃ mano dadhe |
tasya nābherabhūtpadma sauvarṇaṃ bhuvanāśrayam || 5 ||
[Analyze grammar]

brahmāṇaṃ janayāmāsa vairājaṃ puruṣāhvayam |
tasminsasarja bhagavānbhuvanāni caturdaśa || 6 ||
[Analyze grammar]

bhinnakarmāśayānprāṇisaṅghāṃśca vividhānbahūn |
triguṇānprakṛtiṃ loke maryādāścādhipāṃstathā || 7 ||
[Analyze grammar]

varṇāśramavibhāgāṃśca dharmaklṛptiṃ ca so'karot |
vedaiścaturbhistatraiśca sahitānsmṛtibhistathā || 8 ||
[Analyze grammar]

purāṇairitihāsaiśca svājñārūpairmaheśvaraḥ |
ṛṣīnpravartakāṃścakre dharmaguptyai mahāprabhuḥ || 9 ||
[Analyze grammar]

taiḥ pravartitadharmāstu varṇāśramavibhāgajāḥ |
prajāḥ śraddadhire sarvāḥ svocitānviṣṇutoṣadān || 10 ||
[Analyze grammar]

tāṃstu pravartamānāṃstu svāśramāndraṣṭumīśvaraḥ |
hṛdistho'pyavyayaḥ sākṣādvibhīṣārthaṃ parīkṣayā || 11 ||
[Analyze grammar]

anūnānkuśalānyatra dharmānkurvaṃti vai prajāḥ |
sa kālaḥ ko bhavedvidvāniti sarcitayatprabhuḥ || 12 ||
[Analyze grammar]

varṣākālo mayā sṛṣṭaḥ sīdaṃtyastā imāḥ prajāḥ |
tatrānūnānna kurvaṃti dharmānpaṃkādyupadrutāḥ || 13 ||
[Analyze grammar]

tāndṛṣṭvā kopa eva syātteṣu tuṣṭirna me bhavet |
mayekṣitā na sīdaṃtu tasmāttānavalokaye || 14 ||
[Analyze grammar]

śaradyapi tathā pūrtiḥ karṣaṇānnaiva jāyate |
kecitpakvaphalāsaktāḥ kecidvṛṣṭibhirarditāḥ || 15 ||
[Analyze grammar]

kecicchītārditāścaiva tāndṛṣṭvā roṣa eva me |
vaiguṇyaṃ paśyataścaiva na me toṣo'bhijāyate || 16 ||
[Analyze grammar]

utthāpanaṃ tu necchaṃti prātarhemaṃta āgate |
kopo me'nutthitāndṛṣṭvā prātaḥ sūryodaye sati || 17 ||
[Analyze grammar]

śiśire'pi tathaivārtāḥ prātaḥkāla imāḥ prajāḥ |
tathā pakvaphalādānāśaktā hyaniśamaṃjasā || 18 ||
[Analyze grammar]

punaḥ śītārditāḥ prātaḥsnānārthamiti ciṃtitāḥ |
teṣāṃ tu karmalopaḥ syānnaiva pūrtiḥ kathaṃcana || 19 ||
[Analyze grammar]

prekṣāyāḥ samayo nā'yamiti ciṃtā'kulo vibhuḥ |
vasaṃta samayaṃ mene sarvāpattinivārakam || 20 ||
[Analyze grammar]

snāne dāne tathā yāge kriyāyāṃ bhoga eva ca |
nānādharmavidhāne ca hyanukūlastvayaṃ hyṛtuḥ || 21 ||
[Analyze grammar]

aprayāsena labhyāni dravyāṇyasubhṛtāṃ dhuvam |
yena kenāpi dravyeṇa tuṣṭistanubhṛtāṃ bhavet || 22 ||
[Analyze grammar]

viṣṇorādhārabhūtānāṃ taddravyaṃ dharmasādhanam |
vasaṃte sakalaṃ dravyaṃ prāṇināṃ tu sukhāvaham || 23 ||
[Analyze grammar]

dānayogyaṃ dharmayogyaṃ bhogayogyaṃ tu sarvaśaḥ |
nirdhanānāṃ tu paṅvādi vikalānāṃ mahātmanām || 24 ||
[Analyze grammar]

dravyāṇi ca sulabhyāni jalādīni na saṃśayaḥ |
dravyairetaiḥ svātmahitaṃ dharmaṃ kurvaṃti matpriyāḥ || 25 ||
[Analyze grammar]

patraiḥ puṣpaiḥ phalairanyaiḥ śākaiścāpi priyoktibhiḥ |
sraktāṃbūlaiścandanādyaiḥ pādaprakṣālanādibhiḥ || 26 ||
[Analyze grammar]

praśrayādyairaho teṣāṃ varado'hamitīrayan |
saṃciṃtya bhagavānviṣṇuḥ pratasthe ramayā saha || 27 ||
[Analyze grammar]

vanāni sarvataḥ paśyanvikasatkusumāni ca |
hṛṣṭapuṣṭajanākīrṇaṃ mattālidvijasevitam || 28 ||
[Analyze grammar]

āśramāṇāṃ mahārhāṇāṃ vanagrāmanivāsinām |
prāṃgaṇādīni ramyāṇi hyudyānāni sthalāni ca || 29 ||
[Analyze grammar]

ramāyai darśayanviṣṇuḥ saha devairmunīśvaraiḥ |
siddhacāraṇagandharvakinnaroragarākṣasaiḥ || 30 ||
[Analyze grammar]

stūyamāno'bhyagādgehānvarṇāśramanivāsinām |
mīnādikarkaṭāṃtaṃ vai sa tiṣṭhanramayā suraiḥ || 31 ||
[Analyze grammar]

sārddhaṃ pratīkṣya puruṣānkṛtākṛta saparyayā |
tatra dharmavatāṃ puṃsāṃ dadātīṣṭānmanorathān || 32 ||
[Analyze grammar]

mattānna sahate puṃso haratyāyurdhanādikam |
yadi kurvaṃti vaiśākhe saparyā paramātmanaḥ || 33 ||
[Analyze grammar]

tatrāpi calamūrtīnāṃ sādhūnāṃ yatra vai vibhuḥ |
māsevanyeṣu yajjātaṃ karmalopaṃ sahiṣyati || 34 ||
[Analyze grammar]

yathā deśāgataṃ bhūpaṃ dṛṣṭvā jānapadāḥ prajāḥ |
yadi taṃ copatiṣṭhanti praśrayādyairmahārhaṇaiḥ || 35 ||
[Analyze grammar]

tadā karādikaṃ nyūnaṃ pūrṇaṃ jānāti pārthivaḥ |
punarapyadhikaṃ ceṣṭaṃ tuṣṭo dāsyati niścitam || 36 ||
[Analyze grammar]

tadā tvakṛtapūjānāṃ daṇḍaṃ teṣāṃ karoti ca |
tathā viṣṇuḥ svakīyānāṃ vaiśākhe mādhavāgame || 37 ||
[Analyze grammar]

saparyāṃ kurvatāṃ puṃsāṃ dadātīṣṭānmanorathān |
akurvatāṃ tathā puṃsāṃ dhanādīni haratyalam || 38 ||
[Analyze grammar]

dharmagopturmahāviṣṇordevadevasya śārṅgiṇaḥ |
parīkṣākāla evā'yaṃ tasmānmāsottamo hyayam || 39 ||
[Analyze grammar]

iti śrīskāṃde mahāpurāṇa ekāśītisāhasryāṃ saṃhitāyāṃ dvitīye vaiṣṇavakhaṇḍe vaiśākhamāsamāhātmye nāradāṃvarīṣasaṃvāde vaiśākhaśreṣṭhatvanirūpaṇaṃ nāma pañcamodhyāyaḥ || 5 ||
[Analyze grammar]