Chapter 4

[English text for this chapter is available]

nārada uvāca |
tailābhyaṅgaṃ divāsvāpaṃ tathā vai kāṃsya bhojanam |
khaṭvā nidrāṃ gṛhe snānaṃ niṣiddhasya ca bhakṣaṇam || 1 ||
[Analyze grammar]

vaiśākhe varjayedaṣṭau dvibhu'ktaṃ naktabhojanam |
padmapatre tu yo bhuṃkte vaiśākhe bratasaṃsthitaḥ || 2 ||
[Analyze grammar]

sa tu pāpavinirmukto viṣṇulokaṃ ca gacchati |
vaiśākhe māsi madhyāhne śrautānāṃ tu dvijanmanām |
pādāvanejanaṃ kuryāttadvrataṃ suvratottamam || 3 ||
[Analyze grammar]

adhvaśrāntaṃ dvijaṃ yastu madhyāhne svagṛhāgatam |
upaveśyāsane ramye kṛtvā pādāvanejanam || 5 ||
[Analyze grammar]

dhṛtvā śirasi tāścāpo vidhvastākhilabaṃdhanaḥ |
gaṃgādisarvatīrtheṣu snāto bhavati niścitam || 6 ||
[Analyze grammar]

asnāyī vā'pyapatrāśī vaiśākhaṃ tu nayedyadi |
rāsabhī yonimāsādya paścādaśvataro bhavet || 7 ||
[Analyze grammar]

dṛḍhāṅgo rogahīnaśca tathā svastho'pi mānavaḥ |
vaiśākhe tu gṛhe snātvā cāṃḍālīṃ yonimāpnuyāt || 8 ||
[Analyze grammar]

vaiśākhe māsi rājendra meṣasaṃsthe divākare |
na karoti bahiḥsnānaṃ śvānayoniśataṃ vrajet || 9 ||
[Analyze grammar]

asnātvā cāpyadattvā ca vaiśākho yena nīyate |
sa piśāco bhavennūnamavaiśākhādatho vrajet || 10 ||
[Analyze grammar]

yo na dadyājjalaṃ cānnaṃ vaiśākhe lobhamānasaḥ |
pāpahāniṃ duḥkhahāniṃ naivāpnoti na saṃśayaḥ || 11 ||
[Analyze grammar]

nadīsnānaṃ tu yaḥ kuryādvaiśākhe viṣṇutatparaḥ |
janmatrayārjitātpāpānmucyate nātra saṃśayaḥ || 12 ||
[Analyze grammar]

samudraganadīsnānaṃ kuryātprātarbhagodaye |
saptajanmārjitaiḥ pāpaistatkṣaṇādeva mucyate || 13 ||
[Analyze grammar]

kuryāduṣasi yaḥ snānaṃ saptagaṅgāsu mānavaḥ |
koṭijanmārjitātpāpānmucyate nātra saṃśayaḥ || 14 ||
[Analyze grammar]

jāhnavī vṛddhagaṅgā ca kāliṃdī ca sarasvatī |
kāverī narmadā veṇī saptagaṃgāḥ prakīrtitāḥ || 15 ||
[Analyze grammar]

devakhāteṣu yaḥ kuryātprātarvaiśākhamajjanam |
janmārabhya kṛtātpāpānmucyate nātra saṃśayaḥ || 16 ||
[Analyze grammar]

vaiśākhe māsi saṃprāpte yo vāpīṣvavagāhanam |
prātaḥ kuryānmahārāja mahāpātakanāśanam || 17 ||
[Analyze grammar]

api goṣpadamātreṣu bahiḥstheṣu jaleṣu ca |
tiṣṭhaṃti saritaḥ sarvā gaṃgādyā iti niścayaḥ |
iti jānansamāpnoti sarvatīrthādhikaṃ phalam || 18 ||
[Analyze grammar]

kṣīraṃ rasādhikaṃ kṣīrādadhikaṃ dadhi bhūmipa |
dadhno'dhikaṃ ghṛtaṃ yadvadūrjo māso'dhikastathā || 19 ||
[Analyze grammar]

kārtikādadhiko māgho māghādvaiśākha uttamaḥ |
tasminmāse kṛto dharmo varddhate vaṭabījavat || 20 ||
[Analyze grammar]

āḍhyo vā'tidaridro vā parataṃtro'tha vā naraḥ |
yadvastu labhate tena taddātavyaṃ dvijātaye || 21 ||
[Analyze grammar]

kandamūlaphalaṃ śākaṃ lavaṇaṃ guḍameva ca |
kolaṃ patraṃ jalaṃ takramānaṃtyāyopakalpate || 22 ||
[Analyze grammar]

nādattaṃ labhate kvāpi brahmādyaistridaśairapi || 23 ||
[Analyze grammar]

dānena hīno hi bhavedakiṃcano niṣkiñcanatvācca karoti pāpam |
pāpādavaśyaṃ narakaṃ prayāti dātavyamasmātsukhamicchatā tadā || 24 ||
[Analyze grammar]

yathā gṛhaṃ sarvaguṇopapannaṃ paricchadairhīnamaśobhanaṃ tathā |
māseṣu dharmaḥ sakaleṣvanuṣṭhito vaiśākhahīnastu vṛthaiva yāti || 25 ||
[Analyze grammar]

yathaiva kanyā sakalaiśca lakṣaṇairyuktā'pi jīvatpatilakṣaṇā na hi |
kriyā'pi sāṃgā sakalā'pi rājanvaiśākhahīnā tu vṛthaiva tāṃ viduḥ || 26 ||
[Analyze grammar]

dayāvihīnāstu yathā guṇā vṛthā vaiśākhadharmeṇa vinā tathā kriyāḥ |
śākaṃ tu yadvallavaṇena hīnaṃ na rocate sarvaguṇopapannam || 27 ||
[Analyze grammar]

vaiśākhahīnaṃ tu tathaiva puṇyaṃ na sādhusevyaṃ na phalāptihetuḥ |
yadvanna bhūṣāsahitā'pi śobhate vastreṇa hīnā lalanā surūpā |
kriyākalāpaḥ sukṛto'pi puṃbhirna bhāsate tanmadhumāsahīnam || 28 ||
[Analyze grammar]

tasmātsarvaprayatnena yena kenā'pi jantunā |
dharmo vaiśākhamāse tu kartavya iti niścayaḥ || 29 ||
[Analyze grammar]

madhusūdanamuddiśya meṣasaṃsthe divākare |
prātaḥ snātvā'rcayadviṣṇumanyathā narakaṃ vrajet || 30 ||
[Analyze grammar]

kaścinmahīratho rājā kāmāsakto jitendriyaḥ |
vaiśākhasnānayogena vaikuṇṭhaṃ gatavānsvayam || 31 ||
[Analyze grammar]

vaiśākhaḥ saphalo māso madhusūdanadaivataḥ |
tīrthayātrātapoyajñadānahomaphalādhikaḥ || 32 ||
[Analyze grammar]

prārthanāmaṃtraḥ |
madhusūdana deveśa vaiśākhe meṣage ravau |
prātaḥ snānaṃ kariṣyāmi nirvighnaṃ kuru mādhava || 33 ||
[Analyze grammar]

arghyamaṃtrāḥ |
vaiśākhe meṣage bhānau prātaḥsnānaparāyaṇaḥ |
arghyaṃ te'haṃ pradāsyāmi gṛhāṇa madhusūdana || 34 ||
[Analyze grammar]

gaṃgādyāḥ saritaḥ sarvāstīrthāni ca hradāśca ye |
pragṛhṇīta mayā dattamarghyaṃ samyakprasīdatha || 35 ||
[Analyze grammar]

ṛṣabhaḥ pāpināṃ śāstā tvaṃ yamaḥ samadarśanaḥ |
gṛhāṇārghyaṃ mayā dattaṃ yathoktaphalado bhava || 36 ||
[Analyze grammar]

iti cārghyaṃ samarpyātha paścātsnānaṃ samācaret |
vāsasī paridhāyātha kṛtvā karmāṇi sarvaśaḥ || 37 ||
[Analyze grammar]

madhusūdanamabhyarcya prasūnairmādhavodbhavaiḥ |
śrutvā viṣṇukathāṃ divyāmetanmāsapraśaṃsinīm || 38 ||
[Analyze grammar]

koṭijanmārjitātpāpānmukto mokṣamavāpnuyāt || 39 ||
[Analyze grammar]

na jātu khidyate bhūmau na svarge na rasātale |
na garbhe jāyate kvāpi na bhūyaḥ stanapo bhavet || 40 ||
[Analyze grammar]

vaiśākhe kāṃsyabhojī yastathā cāśrutasatkathaḥ |
na snāto nāpi dātā ca narakāneva gacchati || 41 ||
[Analyze grammar]

brahmahatyāsahasrasya pāpaṃ śāmyetkathaṃcana |
vaiśākhe yena na snātaṃ tatpāpaṃ naiva gacchati || 42 ||
[Analyze grammar]

svādhīnena svakāyena jale svātaṃtrya vartini |
svādhīnajihvayoccāryaṃ harirityakṣaradvayam || 43 ||
[Analyze grammar]

na kuryādyadi vaiśākhe prātaḥsnānaṃ narādhamaḥ |
jīvanneva sa paṃcatvamāgato nātra saṃśayaḥ || 44 ||
[Analyze grammar]

yena kenāpyupāyena mādhave madhusūdanam |
nārcayedyadi mūḍhātmā śaukarīṃ yonimāpnuyāt || 45 ||
[Analyze grammar]

yo'rcayettulasīpatrairvaiśākhe madhusūdanam |
nṛpo bhūtvā sārvabhaumaḥ koṭijanmasu bhogavān |
paścātkoṭikulairyukto viṣṇoḥ sāyujyamāpnuyāt || 46 ||
[Analyze grammar]

vividhairbhaktimārgaiśca viṣṇuṃ seveta yau vrataiḥ |
saguṇaṃ nirguṇaṃ vā'pi nityaṃ dhyāyedananyadhīḥ || 47 ||
[Analyze grammar]

iti śrīskānde mahāpurāṇa ekāśītisāhasryāṃ sahitāyāṃ dvitīye vaiṣṇavakhaṇḍe vaiśākhamāsamāhātmye nāradāmbarīṣasaṃvāde vaiśākhadharmapraśaṃsā nāma caturtho'dhyāyaḥ || 4 ||
[Analyze grammar]