Chapter 28

[English text for this chapter is available]

dharmadatta uvāca |
jayaśca vijayaścaiva viṣṇordvāsthau śrutau mayā |
kiṃ nu tābhyāṃ purā cīrṇaṃ tasmāttadrūpadhāriṇau || 1 ||
[Analyze grammar]

gaṇāvūcatuḥ |
tṛṇabiṃdostu kanyāyāṃ devahūtyāṃ purā dvija |
kardamasya tu dṛṣṭyaiva putrau dvau saṃbabhūvatuḥ || 2 ||
[Analyze grammar]

jyeṣṭho jayaḥ kaniṣṭho'bhūdvijayaścaiva nāmataḥ |
tasyāmevā'bhavatpaścātkapilo yogadharmavit || 3 ||
[Analyze grammar]

jayaśca vijayaścaiva viṣṇubhaktiratau sadā |
tau tanniṣṭhendriyagrāmau dharmaśīlau babhūvatuḥ || 4 ||
[Analyze grammar]

nityamaṣṭākṣarījāpyau viṣṇuvratakarāvubhau |
sākṣātkāraṃ dadau viṣṇustayornityārcane sadā || 5 ||
[Analyze grammar]

maruttena kadācittāvāhūtau yajñakarmaṇi |
jagmaturyajñakuśalau devarṣigaṇapūjitau || 6 ||
[Analyze grammar]

jayastatrābhavadbrahmāyājako vijayo'bhavat |
tato yajñavidhiṃ kṛtsnaṃ paripūrṇaṃ ca cakratuḥ || 7 ||
[Analyze grammar]

marutto'vabhṛthasnātastābhyāṃ vittaṃ dadau bahu |
tatsamādāya tau vittaṃ jagmatuḥ svāśramaṃ prati || 8 ||
[Analyze grammar]

yajanāya pṛthagviṣṇostuṣṭyarthaṃ tau tato munī |
taddhanaṃ vibhajaṃtau tu paspardhāte parasparam || 9 ||
[Analyze grammar]

jayo'bravītsamo bhāgaḥ kriyatāmiti tatra saḥ |
vijayaścābravīnnaitadyallabdhaṃ yena tasya tat || 10 ||
[Analyze grammar]

tato'śapajjayaḥ krodhādvijayaṃ lubdhamānasam |
gṛhītvā na dadāsyetattasmādgrāho bhaveti tam || 11 ||
[Analyze grammar]

vijayastasya taṃ śāpaṃ śrutvā sopyaśapacca tam |
madabhrāṃto'śapastvaṃ māṃ tasmānmātaṃgatāṃ vraja || 12 ||
[Analyze grammar]

tattadācakhyaturviṣṇuṃ dṛṣṭvā nityārcane vibhum |
śāpayośca nivṛttiṃ tau yayācāte ramāpatim || 13 ||
[Analyze grammar]

jayavijayāvūcatuḥ |
bhaktāvāvāṃ kathaṃ deva grāhamātaṃgayonigau |
bhaviṣyāvaḥ kṛpāsiṃdho tacchāpo vinivartyatām || 14 ||
[Analyze grammar]

śrībhagavānuvāca |
madbhaktayorvaco'satyaṃ na kadācidbhaviṣyati |
mayā'pi nānyathā kartuṃ śakyate tatkadācana || 15 ||
[Analyze grammar]

prahlādavacasā staṃbhe'pyāvirbhūto hyahaṃ purā |
tathāṃ'barīṣavākyena jāto garbhe svayaṃ kila || 16 ||
[Analyze grammar]

tasmādyuvāmimau śāpāvanu'bhūya svayaṃkṛtau |
labhethāṃ matpadaṃ nityamityuktvāṃ'tardadhe hariḥ || 17 ||
[Analyze grammar]

gaṇāvūcatuḥ |
tatastau grāhamātaṃgāvabhūtāṃ gaṃḍakītaṭe |
jātismarau tu tadyonyāmapi viṣṇuvrate sthitau || 18 ||
[Analyze grammar]

kadācitsa gajaḥ snātuṃ kārtike gaṃḍakīṃ gataḥ |
tāvajjagrāha taṃ grāhaḥ saṃsmarañcchāpakāraṇam || 19 ||
[Analyze grammar]

grāhagrasto hyasau nāgaḥ sasmāra śrīpatiṃ tadā |
tāvadāvirabhūdviṣṇuścakraśaṃkhagadādharaḥ || 20 ||
[Analyze grammar]

tatastau grāhamātaṃgau cakraṃ kṣiptvā samuddhṛtau |
dattvaiva nijasārūpyaṃ vaikuṇṭhamanayadvibhuḥ || 21 ||
[Analyze grammar]

tataḥprabhṛti tatsthānaṃ harikṣetramitismṛtam |
cakrasaṃgharṣaṇādyasmingrāvāṇo'pi hi lāṃchitāḥ || 22 ||
[Analyze grammar]

tāvubhau viśrutau loke jayaśca vijayastathā |
nityaṃ viṣṇupriyau dvāḥsthau pṛṣṭau yau hi tvayā dvija || 23 ||
[Analyze grammar]

atastvamapi dharmajña nityaṃ viṣṇuvrate sthitaḥ |
tyaktamātsaryadaṃbho'pi bhavasva samadarśanaḥ || 24 ||
[Analyze grammar]

tulāmakarameṣeṣu prātaḥsnāyī sadā bhava |
ekādaśīvrate tiṣṭha tulasīvanapālakaḥ || 25 ||
[Analyze grammar]

brāhmaṇānatha gāścā'pi vaiṣṇavāṃśca sadā bhaja |
masūrikāmāranālaṃ vṛṃtākānyapi khāda mā || 26 ||
[Analyze grammar]

evaṃ tvamapi dehāṃte tadviṣṇoḥ paramaṃ padam |
prāpnoṣi dharmadatta tvaṃ tadbhaktyaiva yathā vayam || 27 ||
[Analyze grammar]

tāvajjanma vratādasmādviṣṇusaṃtuṣṭikārakāt |
na yajñā na ca dānāni na tīrthānyadhikāni vai || 28 ||
[Analyze grammar]

dhanyo'si viprāgrya yatastvayaitadvrataṃ kṛtaṃ tuṣṭikaraṃ jagadguroḥ |
yadardhabhāgā'ptaphalā murāreḥ praṇīyate'smābhiriyaṃ salokatām || 29 ||
[Analyze grammar]

nārada uvāca |
itthaṃ tau dharmadattaṃ tamupadiśya vimānagau |
tayā kalahayā sārddhaṃ vaikuṇṭhabhavanaṃ gatau || 30 ||
[Analyze grammar]

dharmadatto hyasau jātapratyayastadvrate sthitaḥ |
dehāṃ'te tadvibhoḥ sthānaṃ bhāryābhyāṃ saṃyuto'bhyayāt || 31 ||
[Analyze grammar]

itihāsamimaṃ purābhavaṃ śṛṇute śrāvayate ca yaḥ pumān |
harisannidhikāraṇīṃ matiṃ labhate'sau kṛpayā jagadguroḥ || 32 ||
[Analyze grammar]

iti śrīskāṃde mahāpurāṇa ekāśītisāhasryāṃ saṃhitāyāṃ dvitīye vaiṣṇavakhaṇḍe kārtikamāsamāhātmye dharmadattamokṣaprāptikathanaṃnāmā'ṣṭāviṃśo'dhyāyaḥ || 28 ||
[Analyze grammar]