Chapter 2

[English text for this chapter is available]

brahmovāca |
atha kārtikamāsasya dharmānvakṣyāmi nārada |
saṃprāptaṃ kārtikaṃ dṛṣṭvā parānnaṃ yastu varjayet || 1 ||
[Analyze grammar]

sa tu mokṣamavāpnoti nātra kāryā vicāraṇā |
sarveṣāmeva dharmāṇāṃ gurupūjā parā matā |
guruśuśrūṣayā sarvaṃ prāpnoti ṛṣisattama || 2 ||
[Analyze grammar]

gurau tuṣṭe ca tuṣṭāḥ syurdevāḥ sarve savāsavā |
gurau ruṣṭe ca ruṣṭāḥ syurdevāḥ sarve savāsavāḥ || 3 ||
[Analyze grammar]

kārtikaṃ māsi saṃprāpte kṛtvā karmāṇi bhūriśaḥ || 4 ||
[Analyze grammar]

akṛtvā guruśuśrūṣāṃ narakāneva viṃdati || 4 ||
[Analyze grammar]

yatkiṃcidvā samādiṣṭo guruṇā tatsamācaret || 5 ||
[Analyze grammar]

ājñapto guruṇā vipra na tadvākyaṃ tu laṃghayet |
yadi duḥkhādikaṃ prāptaṃ guruṃ tu śaraṇaṃ vrajet || 6 ||
[Analyze grammar]

mātṛtve ca pitṛtve ca gurumeva smaredbudhaḥ |
gurau na prāpyate yattannānyatrā'pi hi labhyate || 7 ||
[Analyze grammar]

guruprasādātsarvaṃ tu prāpnotyeva na saṃśayaḥ |
medhāvī kapilaścaiva sumatiśca mahātapāḥ |
gautamasya guroḥ samyaksevayā'maratāṃ gatāḥ || 8 ||
[Analyze grammar]

tasmātsarvaprayatnena kārtike viṣṇutatparaḥ |
gurusevāṃ prakurvīta tato mokṣamavāpnuyāt || 9 ||
[Analyze grammar]

narebhyo vaiṣṇavaṃ dharmaṃ yo dadāti dvijottamaḥ |
sasāgaramahīdāne tatpuṇyaṃ labhate hi saḥ || 10 ||
[Analyze grammar]

tiladhenuṃ hiraṇyaṃ ca rajataṃ bhūmivāsasī |
gopradānāni dāsyaṃti sarvabhāvena suvrata || 11 ||
[Analyze grammar]

sarveṣāmeva dānānāṃ kanyādānaṃ viśiṣyate ||
sahasrameva dhenūnāṃ śataṃ cānaḍuhāṃ samam || 12 ||
[Analyze grammar]

daśānaḍutsamaṃ yānaṃ daśayānasamo hayaḥ |
hayadāna sahasrebhyo gajadānaṃ viśiṣyate || 13 ||
[Analyze grammar]

gajadānasahasrāṇāṃ svarṇadānaṃ ca tatsamam |
svarṇadānasahasrāṇāṃ vidyādānaṃ ca tatsamam || 14 ||
[Analyze grammar]

vidyādānātkoṭiguṇaṃ bhūmidānaṃ viśiṣyate |
bhūmidānasahasreṇa gopradānaṃ viśiṣyate || 15 ||
[Analyze grammar]

gopradānasahasrebhyo hyannadānaṃ viśiṣyate |
annādhāramidaṃ proktaṃ tasmāddeyaṃ tu kārtike || 16 ||
[Analyze grammar]

parānnavarjanādeva labheccāṃdrāyaṇaṃ phalam |
dinedine'tikṛcchrasya phalaṃ prāpnoti mānavaḥ || 17 ||
[Analyze grammar]

kārtike varjayenmāṃsaṃ sandhānaṃ ca viśeṣataḥ |
rākṣasīṃ yonimāpnoti sakṛnmāṃsasya bhakṣaṇāt || 18 ||
[Analyze grammar]

pravṛttānāṃ tu bhakṣyāṇāṃ kārtike niyame kṛte |
avaśyaṃ viṣṇurūpatvaṃ prāpyate mokṣadaṃ padam || 19 ||
[Analyze grammar]

brāhmaṇebhyo mahīṃ dattvā grahaṇe sūryacaṃdrayoḥ |
yatphalaṃ labhate vatsa tatphalaṃ bhūmiśāyinaḥ || 20 ||
[Analyze grammar]

bhojanaṃ dvijadaṃpatyoḥ pūjanaṃ ca vilepanaiḥ |
kaṃbalāni ca ratnāni vāsāṃsi vividhāni ca || 21 ||
[Analyze grammar]

tūlikāśca pradātavyāḥ pracchādanapaṭaiḥ saha |
upānahāvātapatraṃ kārtike dehi suvrata || 22 ||
[Analyze grammar]

kārtike kṣitiśāyī ca hanyātpāpaṃ yugārjitam |
jāgaraṃ kārtike māsi yaḥ karotyaruṇodaye || 23 ||
[Analyze grammar]

dāmodarāgre devarṣe gosahasraphalaṃ labhet |
nadīsnānaṃ kathā viṣṇorvaiṣṇavānāṃ ca darśanam || 24 ||
[Analyze grammar]

na bhavetkārtike yasya haretpuṇyaṃ daśābdikam |
puṣkaraṃ yaḥ smaretprājñaḥ karmaṇā manasā girā || 25 ||
[Analyze grammar]

kārtike muniśārdūla lakṣakoṭiguṇaṃ bhavet |
prayāgo māghamāse tu puṣkaraṃ kārtike tathā || 26 ||
[Analyze grammar]

avantī mādhave māsi hanyātpāpaṃ yugārjitam |
dhanyāste mānavā loke kalikāle viśeṣataḥ || 27 ||
[Analyze grammar]

ye kurvaṃti narā nityaṃ prītyarthaṃ haripūjanam |
tāritāstaiśca pitaro narakācca na saṃśayaḥ || 28 ||
[Analyze grammar]

kṣīrādisnapanaṃ viṣṇoḥ kriyate pitṛkāraṇāt |
kalpakoṭiṃ divaṃ prāpya vasanti tridivaiḥ saha || 29 ||
[Analyze grammar]

kārtike nārcito yaistu kṛṣṇastu kamalekṣaṇaḥ |
janmakoṭiṣu viprendra na teṣāṃ kamalā gṛhe || 30 ||
[Analyze grammar]

aho muṣṭā vinaṣṭāste patitāḥ kalikandare |
yairnārcito harirbhaktyā kamalairasitaiḥ sitaiḥ || 31 ||
[Analyze grammar]

padmenaikena deveśaṃ yo'rcayetkamalāpatim |
varṣāyutasahasrasya pāpasya kurute kṣayam |
puṣkarārcanayogena śveto muktimavāpa ha || 32 ||
[Analyze grammar]

aparādhasahasrāṇi tathā saptaśatāni ca |
padmenaikena deveśaḥ kṣamate praṇato'rcitaḥ || 33 ||
[Analyze grammar]

tulasīpatralakṣeṇa kārtike yo'rcayeddharim |
patrepatre muniśreṣṭha mauktikaṃ labhate phalam || 34 ||
[Analyze grammar]

mukhe śirasi dehe tu kṛṣṇottīrṇāṃ tu yo vahet |
tulasī kṛṣṇanirmālyairyo gātraṃ parimārjayet |
sarvarogaistathā pāpairmukto bhavati mānavaḥ || 35 ||
[Analyze grammar]

śaṃkhodakaṃ harerbhaktirnirmālyaṃ pādayorjalam |
candanaṃ dhūpaśeṣaṃ ca brahmahatyāpahārakam || 36 ||
[Analyze grammar]

kārtike māsi viprendra prātaḥsnānaparāyaṇaḥ |
viprebhyaścānnadānaṃ tu kuryācchaktyanusārataḥ || 37 ||
[Analyze grammar]

sarveṣāmeva dānānāmannadānaṃ viśiṣyate |
annena jāyate loko hyannenaivā'bhivarddhate || 38 ||
[Analyze grammar]

annaṃ hi sarvabhūtānāṃ prāṇabhūtaṃ paraṃ viduḥ |
annadaḥ sarvado loke sarvayajñādikṛdbhavet || 39 ||
[Analyze grammar]

tīrthasnānena kiṃ tasya devayātrādinā'pi kim |
sarvaṃ saṃpādyate brahmannannadānānna saṃśayaḥ || 40 ||
[Analyze grammar]

satyaketurdvijaḥ pūrvaṃ cānnadānena kevalam |
sarvapuṇyaphalaṃ prāpya mokṣaṃ prāpa sudurlabham || 41 ||
[Analyze grammar]

kārtikavrataniṣṭhastu kuryādgodānamuttamam |
vrataṃ saṃpūrṇatāṃ yāti godānena na saṃśayaḥ || 42 ||
[Analyze grammar]

godānātparamaṃ dānaṃ saṃsārārṇavatārakam |
nāsti nārada loke'sminsuśarmā brāhmaṇo yathā || 43 ||
[Analyze grammar]

kārtike māsi vipreṃdra dattvā dānānyanekaśaḥ |
harismṛtivihīnaścenna punaṃti kadācana || 44 ||
[Analyze grammar]

nāmasmaraṇamāhātmyaṃ mayā vaktuṃ na śakyate |
puṣkareṇa yathā pūrvaṃ nārakīyāśca mocitāḥ || 45 ||
[Analyze grammar]

goviṃda goviṃda hare murāre goviṃda goviṃd mukuṃda kṛṣṇa |
goviṃda goviṃda rathāṃgapāṇe goviṃda dāmodara mādhaveti || 46 ||
[Analyze grammar]

ślokārddhaṃ ślokapādaṃ vā nityaṃ bhāgavatodbhavam |
kārtike yaḥ paṭhanmartyaḥ śraddhābhaktisamanvitaḥ || 47 ||
[Analyze grammar]

yairna śrutaṃ bhāgavataṃ purāṇaṃ nārādhito vai puruṣaḥ purāṇaḥ |
hutaṃ mukhe naiva dharāmarāṇāṃ teṣāṃ vṛthā janma gataṃ narāṇām || 48 ||
[Analyze grammar]

kārtike māsi vipreṃdra yastu gītāṃ paṭhennaraḥ |
tasya puṇyaphalaṃ vaktuṃ mama śaktirna vidyate || 49 ||
[Analyze grammar]

gītāyāstu samaṃ śāstraṃ na bhūtaṃ na bhaviṣyati |
sarvapāpaharā nityaṃ gītaikā mokṣadāyinī || 50 ||
[Analyze grammar]

ekenā'dhyāyapāṭhena sarvapāpakṛto'pi ca |
mucyaṃte narakādghorājjaḍo vai brāhmaṇo yathā || 51 ||
[Analyze grammar]

śāligrāmaśilādānaṃ yaḥ kuryātkārtike mune |
tasya puṇyasya viśrāṃtirviṣṇunā na nirūpitā || 52 ||
[Analyze grammar]

śāligrāmaṃ samabhyarcya śrotriyāya mahāmune |
dānaṃ yaḥ kurute vipra tasya puṇyaphalaṃ śṛṇu || 53 ||
[Analyze grammar]

saptasāgaraparyaṃtaṃ bhūdānādyatphalaṃ bhavet |
śāligrāmaśilādānāttatphalaṃ samavāpnuyāt || 54 ||
[Analyze grammar]

śāligrāmaśilādānātkārtike brāhmaṇī yathā |
vidhavā sadhavā jātā vivāhe paṃcame'hani || 55 ||
[Analyze grammar]

tasmāttu kārtike māsi snānadānapuraḥsaram |
śāligrāmaśilādānaṃ kartavyaṃ nā'tra saṃśayaḥ || 56 ||
[Analyze grammar]

iti śrīskāṃde mahāpurāṇa ekāśīti sāhasryāṃ saṃhitāyāṃ dvitīye vaiṣṇavakhaṇḍe kārtikamāsamāhātmye kārtikavratadharmanirūpaṇaṃnāma dvitīyo'dhyāyaḥ || 2 ||
[Analyze grammar]