Chapter 46

[English text for this chapter is available]

jaiminiruvāca |
ataḥ paraṃ pravakṣyāmi yātrāmakṣayamokṣadām |
anāyāsena mūḍhānāṃ vāsanābaddhacetasām || 1 ||
[Analyze grammar]

vaiśākhasyāmale pakṣe dvitīyārātrimadhyataḥ |
maṇḍapaṃ ca catuṣkoṇaṃ sudhāliptaṃ savedikam || 2 ||
[Analyze grammar]

sudhautavāsasā kuryātpratisīrāsamaṃ tataḥ |
sādhusopānasaṃyuktaṃ cārucaṃdrātapānvitam || 3 ||
[Analyze grammar]

tanmadhye vinyasennūnaṃ sādhu bhadrāsanottamam |
tasminnicolasaṃchanne vinyasetsvarṇabhājanam || 4 ||
[Analyze grammar]

tasya paścimabhāge vai svāsīno brāhmaṇaḥ śuciḥ |
pātrāṃtare tu gṛhṇīyāccaṃdanaṃ pacaviṃśatim || 5 ||
[Analyze grammar]

supiṣṭaṃ kṛṣṇasnehasya gṛhṇīyācca palādhikam |
agurvarddhaṃ kuṃkumaṃ syātkuṃkumārddhaṃ ca sihlakam || 6 ||
[Analyze grammar]

kastūrikākarpurayoḥ pramāṇaṃ sihlasaṃmitam |
sarvamekatra saṃpiṣyātpāṭalodbhavavāriṇā || 7 ||
[Analyze grammar]

paladvayaṃ tato dadyādagurusnehamuttamam |
ekatra loḍitāṃ kṛtvā pūrvapātre nidhāpayet || 8 ||
[Analyze grammar]

ācchādya ketakīpatrairveṣṭayeccīnavāsasā |
gandhaste somamaṃtreṇa rakṣedgaruḍamudrayā || 9 ||
[Analyze grammar]

evaṃ tu maṇḍape tasminsādhivāsaṃ nidhāpayet |
aruṇodayakāle'tha nayetkṛṣṇasya sannidhim || 10 ||
[Analyze grammar]

śaṃkhacāmarachatrādyairbhrāmayitvā surālayam |
devāgre sthāpayitvā ca pūjayetpuruṣottamam || 11 ||
[Analyze grammar]

uddhāṭayettato vastre divyadṛṣṭyāvalokayet |
prokṣitaṃ maṃtrarājena saṃkuryāttāḍanādibhiḥ || 12 ||
[Analyze grammar]

gaṃdhapuṣpākṣataiḥ pūjyaḥ śriyaḥ sūktena lepayet |
śrīśasya sarvagātreṣu mṛdusparśaṃ śanaiḥ śanaiḥ || 13 ||
[Analyze grammar]

vaiṣṇavā jayaśabdaistaṃ varddhayaṃti tadā harim |
nānāsūktopaniṣadairvidvāṃsastaṃ stuvaṃti vai || 14 ||
[Analyze grammar]

veṇuvīṇādikairnṛtyagītavādyairanekaśaḥ |
vyajanaiścāmaraicchatrairanyairnānopahārakaiḥ || 15 ||
[Analyze grammar]

saṃtoṣayañjagannāthaṃ tṛtīyādau vilepayet |
yasya ciṃtanamātreṇa tāpā naśyaṃti dehinām || 16 ||
[Analyze grammar]

so'sau saṃdarśanāttāpānnṛṇāṃ haṃti tadā dvijāḥ |
acintyo mahimā viṣṇorīdṛktādṛktayā sadā || 17 ||
[Analyze grammar]

tataḥ sūkṣmāṃbarairmālyairbhakṣyabhojyādipānakaiḥ |
dravyairnānāvidhairhṛdyairgavyairāvartitaiḥ śubhaiḥ || 18 ||
[Analyze grammar]

tataḥ saṃpūjayeddevaṃ tāṃbūlaiśca susaṃskṛtaiḥ |
tasminkāle tu ye kṛṣṇaṃ bhaktyā paśyaṃti mānavāḥ || 19 ||
[Analyze grammar]

na teṣāṃ punarāvṛttiḥ kalpakoṭiśatairapi |
viṣṇoḥ svarūpamāsādya viṣṇuloke vasaṃti vai || 20 ||
[Analyze grammar]

purā kaliyuge viprā dakṣo nāma prajāpatiḥ |
ādhyātmikādisaṃtāpaiḥ sudīnānvīkṣya mānavān || 21 ||
[Analyze grammar]

tatra gatvā kṛpāyukto mahimānaṃ cakāra vai |
yathāvidhi mayā proktaṃ sa eva prathamaṃ dvijāḥ || 22 ||
[Analyze grammar]

pralipya candanenāṃge mādhavāmalapakṣake |
tṛtīyāyāṃ jagannāthaṃ stutimetāṃ mudā jagau || 23 ||
[Analyze grammar]

dakṣa uvāca |
devadeva jagannātha sahajānaṃdanirmala |
saṃsārārṇavasaṃmagnāṃstrāhi naḥ parameśvara || 24 ||
[Analyze grammar]

nānāvidhaiśca saṃtāpaiḥ saṃtaptānmānavānimān |
mamānukrośabuddhyā vai śubhadṛṣṭyā'mṛtena ca || 25 ||
[Analyze grammar]

saṃtarpaya tṛṇāñchuṣkānkṛṣṇa me'gha namo'stute |
kalikalmaṣasaṃmūḍhānuddhartuṃ jagatāṃ pate || 26 ||
[Analyze grammar]

avatāro'yametasminnīlācalaguhāṃtare |
cirakālaprarūḍhānāṃ dustyajānāṃ mahāṃhasām || 27 ||
[Analyze grammar]

rāśiṃ dagdhuṃ tvameveśo dīnānāthakṛpākara |
tvaddarśanamahāyoge yamādyaṣṭāṃgavarjite || 28 ||
[Analyze grammar]

yeṣāṃ matiḥ samutpannā caturvargaikasādhane |
na te śocaṃti duṣpāre bhavāraṇye mahābhaye || 29 ||
[Analyze grammar]

karmānapekṣaṃ deveśa nātmajñānaṃ vimocakam |
idaṃ te darśanaṃ nātha vinā karmāpi mocayet || 30 ||
[Analyze grammar]

jaya kṛṣṇa jayeśāna jayākṣara jayāvyaya |
prasīdānugṛhāṇemāndīnānmūḍhānvicetasaḥ || 31 ||
[Analyze grammar]

iti stutvā daṃḍapātaṃ papāta caraṇāṃbuje |
prasīdeśa prasīdeśa prasīdeśeti ghoṣayan || 32 ||
[Analyze grammar]

tato jagāda bhagavānsusvareṇa prajāpatim |
uttiṣṭha vatsa te dattaṃ durlabhaṃ yadvaraṃ tvayā || 33 ||
[Analyze grammar]

kāṃkṣitaṃ matprasādena bhaviṣyati na saṃśayaḥ |
madanugraho'lpapuṇyānāṃ durlabho viditastava || 34 ||
[Analyze grammar]

madaṃgajāto'sti bhavānmāṃ tvaṃ prārthitavānasi |
mamotsavena santoṣya tataste pradadāmyaham || 35 ||
[Analyze grammar]

imāmakṣayayātrāṃ ye bhaktyā paśyaṃti harṣitāḥ |
tasminkāle yadicchaṃti manasā tadavāpnuyuḥ || 36 ||
[Analyze grammar]

yathā saṃtāpaharaṇaṃ candanenānulepanam |
tathotsavo'yaṃ me dakṣa saṃtāpatrayanāśanaḥ || 37 ||
[Analyze grammar]

matpreritamatistvaṃ hi utsavaṃ kṛtavānasi |
saṃkalpito'yaṃ manasā dīnoddhṛtyai mayā dhruvam || 38 ||
[Analyze grammar]

tvayābhikākṣitaṃ sarvaṃ dāsyāmyeva prajāpate |
dvādaśaitā mahāyātrā guṇḍicādyāstu pāvanāḥ || 39 ||
[Analyze grammar]

ekaikā muktidā sarvā dharmakāmārthavarddhanāḥ || 40 ||
[Analyze grammar]

tāsāmekatamāṃ vāpi yo bhaktyā cāvalokayet |
ekayāpi bhavābdhiṃ sa tīrtvā viṣṇupadaṃ vrajet || 41 ||
[Analyze grammar]

jaiminiruvāca |
ityudīrya prajānāthaṃ bhagavānsa tirodadhe || 42 ||
[Analyze grammar]

dakṣaḥ prajāpatiḥ so'pi śraddadhānastadājñayā |
saṃvatsaraṃ girau sthitvā saṃdadarśa mahotsavān || 43 ||
[Analyze grammar]

sarvajño brāhmaṇo bhūtvā kauśikasya kulottame |
lokānpravartayāmāsa yathāvidhi maheṣu saḥ || 44 ||
[Analyze grammar]

viśvāsāyālpabuddhīnāṃ yātrā vai parikīrtitāḥ |
ayaṃ ca sākṣātparamabrahmarūpī jagadguruḥ |
prasāditaḥ sureśena lokānugrahaṇāya vai || 45 ||
[Analyze grammar]

yathā tathā dṛṣṭipathaṃ yāto muktiprado dhuvam |
sarvānkāmāndadātyeva nārīṇāṃ nātra saṃśayaḥ || 46 ||
[Analyze grammar]

satyapratijño bhagavāṃstatrāste madhusūdanaḥ |
śokaṃ tarati yaṃ dṛṣṭvā bhavapāthodhisaṃbhavam |
kiṃ vrataiḥ kiṃ tapodānaiḥ kiṃ kṛcchraiḥ kratubhistathā || 47 ||
[Analyze grammar]

kimaṣṭāṃgena yogena kiṃ sāṃkhyena pareṇa ca || 48 ||
[Analyze grammar]

tīrtharājajale snātvā kṣetre śrīpuruṣottame |
nyagrodhamūlavasatau vasantaṃ carmacakṣuṣā |
dṛṣṭvā dārumayaṃ brahma dehabaṃdhātpramucyate || 49 ||
[Analyze grammar]

iti śrīskāṃde mahāpurāṇa ekāśītisāhasryāṃ saṃhitāyāṃ dvitīye vaiṣṇavakhaṇḍe puruṣottamakṣetramāhātmye ṣaṭcatvāriṃśo'dhyāyaḥ || 46 ||
[Analyze grammar]