Chapter 13

[English text for this chapter is available]

munaya ūcuḥ || |
kapoteśasthalī cāpi kathaṃ khyātā mahāmune |
ko vā kapotaḥ kaśceśa etanno vaktumarhasi || 1 ||
[Analyze grammar]

jaiminiruvāca |
purā kuśasthalī sā vai asevyā sarvajaṃtubhiḥ |
tīkṣṇadhāraiḥ kuśāgraistu paritaḥ kaṃṭakaiścitā || 2 ||
[Analyze grammar]

nistarurnirjalādhārā piśācavasatiryathā |
yadā pūrvaṃ bhagavato nānyo devo'pi pūjyate || 3 ||
[Analyze grammar]

pūjyaḥ syāmahamapyevaṃ spardhāsīddhūrjaṭestadā |
ciṃtayanniti tasyaiva viṣṇorbhaktau mano'dadhat || 4 ||
[Analyze grammar]

sarvanirviṣaye deśe sthitvā'haṃ niṣparigrahaḥ |
sumahattapa āsthāya toṣayiṣyāmi taṃ harim || 5 ||
[Analyze grammar]

kiṃ vadeyaṃ rameśāya kā stutiḥ śāradāpateḥ |
sarvabrahmāṃḍanāthasya kiṃ vānyattuṣṭikārakam || 6 ||
[Analyze grammar]

tasmānna bāhyaṃ vastvanyadupayogāya tasya vai |
aṃtaryāgaṃ samāsthāya nirvyalīkena cetasā || 7 ||
[Analyze grammar]

bhaktebhya ātmapradadaṃ carācaraguruṃ harim |
ārādhayiṣye sarveṣāṃ pūjyaḥ syāṃ tatprasādataḥ || 8 ||
[Analyze grammar]

tata ityabhisaṃdhāya yayau puṇyāṃ kuśasthalīm |
samīpe nīlagotrasya sarvadvaṃdvavivarjitaḥ || 9 ||
[Analyze grammar]

tatastepe tapastīvraṃ vāyubhakṣo maheśvaraḥ |
kapota iva sūkṣmo'bhūdaṣṭamūrtirapi prabhuḥ || 10 ||
[Analyze grammar]

tataḥ prasanno bhagavānaiśvaryaṃ pradadau tadā |
yenātmatulyaḥ saṃjātaḥ pūjāsaṃmānanādiṣu || 11 ||
[Analyze grammar]

tapaḥprabhāvāttasyāsītsthalī vṛndāvanopamā |
sarastaḍāgasarasī nadībhiḥ śobhitāṃtarā || 12 ||
[Analyze grammar]

nānādrumairlatābhiśca sarvartuphalapuṣpakaiḥ |
madhumattadvirephāṇāṃ jhaṃkārairmukharāśayā || 13 ||
[Analyze grammar]

nānāpakṣigaṇākīrṇā sarvajaṃtusukhāśrayā |
kapotasadṛśo jāto yataḥ sa tapasā śivaḥ || 14 ||
[Analyze grammar]

murārerājñayā so'tra kapoteśvaratāṃ gataḥ |
tadājñayā'tra vasati mṛḍānyā tryaṃbakaḥ sadā || 15 ||
[Analyze grammar]

ye'rcayanti kapoteśaṃ stuvanti praṇamaṃti vā |
nirdhūtakalmaṣāste vai prayāṃti puruṣottamam || 16 ||
[Analyze grammar]

ataḥ paraṃ pravakṣyāmi bilveśamahimāṃ dvijāḥ |
pātālavāsinaḥ pūrvaṃ daityā bhittvā mahītalam || 17 ||
[Analyze grammar]

upadravaṃti bhūrlokaṃ bhakṣayanti janāṃstathā |
bhārāvataraṇārthāya devakīgarbhasaṃbhavaḥ || 18 ||
[Analyze grammar]

pālayāmāsa pṛthivīṃ yadā sa bhagavānprabhuḥ |
yādavaiḥ pāṃḍavaiḥ sārddhaṃ tadā tatsthānamāgataḥ || 19 ||
[Analyze grammar]

tīrtharājasya salile snātvā taṃ nīlamādhavam |
dūrātpraṇamya manasā daityadvāramupāgataḥ || 20 ||
[Analyze grammar]

dṛṣṭvā tadvivaraṃ ghoramapraveśyaṃ tu mānavaiḥ |
bhrāṃtyā saṃmohayaṃllokānprathayañchivapūjyatām || 93 ||
[Analyze grammar]

bailvaṃ phalaṃ samādāya tatrāvāhya trilocanam |
pūjayitvā purārātiṃ tuṣṭāvāsurasūdanaḥ || 22 ||
[Analyze grammar]

śrī bhagavānuvāca |
namaste triguṇātīta guṇatrayavibhāgakṛt |
trayīmaya trayātīta trikālajñānine namaḥ || 23 ||
[Analyze grammar]

śaśisūryāgninetrāya brahmaṇyāya varātmane |
aṣṭaiśvaryanidhānāya tubhyamaṣṭātmane namaḥ || 24 ||
[Analyze grammar]

yasya rūpaṃ tamaḥpāre tamonāśanamavyayam |
ajñānānāṃ tamaśchinnaṃ tasmai vitamase namaḥ || 25 ||
[Analyze grammar]

evaṃ svamātmanātmānaṃ stutvā sa bhagavānprabhuḥ |
tasya prasādādvivaraṃ supraveśamapaśyata || 26 ||
[Analyze grammar]

tena mārgeṇa pātālaṃ sasainyo'bhyagamatprabhuḥ |
hatvā tatra balodagrāndaityānbhārāvatāraṇaḥ || 27 ||
[Analyze grammar]

punarāgamya tatraiva sthitvā sa vṛṣabhadhvajam |
saṃpūjya bhagavāndvārarodhāya sthāpayañchivam || 28 ||
[Analyze grammar]

idamāha mahābuddhirbhaktivaśyo gadādharaḥ |
dhūrjaṭe tiṣṭha prāsāde rundhāno'sura nirgamam || 29 ||
[Analyze grammar]

tvadanyaḥ kaḥ kṣamaḥ śaṃbho karbūrabalanāśane |
sthāpayitvā mahādevaṃ tato dvārāvatīṃ yayau || 30 ||
[Analyze grammar]

tataḥprabhṛti bilveśaḥ pṛthivyāṃ khyātimāgataḥ |
pūrvavidhiḥ sa bilveśaḥ kṣetrarājasya bho dvijāḥ || 31 ||
[Analyze grammar]

taṃ dṛṣṭvā pāpahaṃtāraṃ mṛḍrānīpatimavyayam |
sarvānkāmānavāpnoti vipattiṃ dustarāṃ jayet || 32 ||
[Analyze grammar]

kapotabilveśvarayormāhātmyaṃ kathitaṃ tu vaḥ |
ataḥ paraṃ bho munayaḥ kimanyacchrotumicchatha || 33 ||
[Analyze grammar]

iti śrīskāṃde mahāpurāṇa ekāśītisāhasryāṃ saṃhitāyāṃ dvitīye vaiṣṇavakhaṇḍe puruṣottamakṣetramāhātmye jaiminiṛṣisaṃvāde trayodaśo'dhyāyaḥ || 13 ||
[Analyze grammar]