Chapter 9

[English text for this chapter is available]

naṃdikeśvara uvāca |
ahameva prabhuriti prarūḍhādhikagarvayoḥ |
viraṃcyapyutayorāsīdvivādo mohasaṃbhavaḥ || 1 ||
[Analyze grammar]

rajovikārābhyadhiko bāhye nīla ivotthitaḥ |
viśvasṛṣṭikaro viṣṇuṃ viraṃcyo'brūta garvataḥ || 2 ||
[Analyze grammar]

brahmovāca |
kathaṃ tvamadhikaścāsi viṣṇo janayiturmama |
pitāmahasya lokānāṃ kimevamatimohitaḥ || 3 ||
[Analyze grammar]

tvatta evoditau daityau nihatya madhukaiṭabhau |
daityāririti mugdha tvaṃ garvaṃ vahasi keśava || 4 ||
[Analyze grammar]

tvāmeva sṛjato nityaṃ bahudhā mama vedhasaḥ |
adyāpyāyāsajāṃ pīḍāṃ na parityajataḥ karau || 5 ||
[Analyze grammar]

mama śramāṃbhasodbhūte mahāṃbhodhau nimajjataḥ |
naiyagrodhaṃ na cotpannaṃ kutaste'stvavalaṃbanam || 6 ||
[Analyze grammar]

madupajñe mahāṃbhodhau sravate ko'pi pannagaḥ |
tadāśrayastvamūrdhvaṃ te padmaṃ taccāsanaṃ mama || 7 ||
[Analyze grammar]

kutastamomaye brūhi tvayi sattvaguṇodayaḥ |
sa vetsi kiṃ tvaṃ prakṛtiṃ nidrājaḍimanirbharaḥ || 8 ||
[Analyze grammar]

jalāśaye prasvapatā daityabhītyā janārdana |
kathaṃ tvayā rakṣitāsau madadhīnā jagattrayī || 9 ||
[Analyze grammar]

caturbhyo mama vaktrebhyo vedāḥ samudayaṃ gatāḥ |
caitanyarūpiṇī śaktiḥ kalatraṃ me sarasvatī || 10 ||
[Analyze grammar]

mayā hi sṛjyate viśvamidaṃ sthāvarajaṃgamam |
rakṣyate ca tadindrādyairmāmakaiḥputrapautrakaiḥ || 11 ||
[Analyze grammar]

tataḥ kathaya vaikuṃṭha manniyojyeṣu kaścana |
jagatāmīśvarānmattaḥ kathaṃ nāmātiricyase || 12 ||
[Analyze grammar]

naṃdikeśvara uvāca |
itthaṃ saroṣasaṃraṃbhe vidhau pauruṣabhāṣiṇi |
nārāyaṇo'pi sāsūyaṃ smitvaivaṃ samabhāṣata || 13 ||
[Analyze grammar]

viṣṇuruvāca |
viraṃce muṃca saṃraṃbhaṃ vṛthā khalu vikatthase |
nābhīsarojasaṃjāto mama tvamavadhāraya || 14 ||
[Analyze grammar]

yoganidrāṃ mayonmucya purā ha madhukaiṭabhau |
na cedyanmathitau tābhyāṃ tathaiva syāḥ praṇāśitaḥ || 15 ||
[Analyze grammar]

somakapramukhāndaityānhaṃtumātmecchayā mama |
dhṛtamatsyādirūpasya ko vānyaḥ sṛṣṭikāraṇam || 16 ||
[Analyze grammar]

na kiṃcidapi paśyaṃti rajasārūḍhadṛṣṭayaḥ |
rajomayena bhavatā kiṃ nirūpayituṃ kṣamam || 17 ||
[Analyze grammar]

avinābhāvinī śaktirnanu me padmavāsinī |
yasyāḥ kaṭākṣamātreṇa jagavitayamedhate || 18 ||
[Analyze grammar]

bhūtānyamūni kālo'yamātmanopyahameva hi |
mayā virahitaṃ ki vā triṣu lokeṣu vidyate || 19 ||
[Analyze grammar]

pra ādityā vasavo rudrā dikpālā manavo'pyaham |
bhūrbhuvaḥsvastrayīmenāṃ madadhīnāṃ viciṃtaya || 20 ||
[Analyze grammar]

mamaiva viniyogena sṛṣṭiśaktiḥ svayaṃ sthitā |
tanme trailokyanāthasyaki tvaṃjyeṣṭhaḥ samo'thavā || 21 ||
[Analyze grammar]

naṃdikeśvara uvāca |
evaṃ mohāṃdhamanasoranyonyaṃ pratigarjatoḥ |
yayāvanalpasamayaḥsavartasadṛśastayo || 22 ||
[Analyze grammar]

udayāstamayau syātāṃ na tadā caṃdrasūryayoḥ |
nakṣatrāṇi ca tārāśca grahāśca kṣīṇatāṃ yayuḥ || 23 ||
[Analyze grammar]

nāvavurmaruto vā na jajvalurjātavedasaḥ |
nāṃtarikṣaṃ na ca kṣoṇī na diśo'pi cakāśire || 24 ||
[Analyze grammar]

samudrāścukṣubhussarve parvatāśca cakaṃpire |
auṣadhyaḥ śoṣamāseduravaseduśca jaṃtavaḥ || 25 ||
[Analyze grammar]

pakṣamāsartuvarṣādikālasya niyamo gataḥ |
ahorātravyavasthāpi praṇāśa samupāyayau || 26 ||
[Analyze grammar]

indrādayo lokapālā marīcyādyā maharṣayaḥ |
sarvepyakāle saṃprāptaṃ kalpāṃtaṃ menire tadā || 27 ||
[Analyze grammar]

evaṃ jāte mahākṣobhe bhūtākrandapracoditaḥ |
bhūtanātho jagajjātamavidyāyāmabudhyata || 28 ||
[Analyze grammar]

vyaciṃtayacca viśvātmā viśvasaṃrakṣaṇodyataḥ |
avāhyayā dṛśā'paśyadanayomohakāraṇam || 29 ||
[Analyze grammar]

svāminaṃ sakalaiśvaryadātāraṃ māṃ madoddhatau |
vismṛtya svaṃ svamevaitāvamaṃsetāṃ jagatprabhū || 30 ||
[Analyze grammar]

aho mohasya māhātmyaṃ vadimau druhiṇācyutau |
jānānāvapi māṃ samyagabhūtāmevamuddhatau || 31 ||
[Analyze grammar]

ajñānatimirodbhūti dūṣitāśayalocanaḥ |
janaḥ prāptaṃ stutamapi prāyo vastu na paśyati || 32 ||
[Analyze grammar]

kṛtāparādhāvapyetau nimagnau mohasāgare |
mayā nopekṣaṇīyau hi lokānāṃ hitakāmyayā || 33 ||
[Analyze grammar]

iti niścitya manasā māyā vaivaśyametayoḥ |
devo dayāmahāṃbhodhirvyapohayitumaihata || 34 ||
[Analyze grammar]

aho'nukampā taruṇeṃdumauleḥ svabhāvasiddhā bhuvanatraye'smin |
asau pramohāṃbudhimadhyatobhūdāvirnirastāvapi dhātṛviṣṇū || 35 ||
[Analyze grammar]

iti śrīskāṃde mahāpurāṇa ekāśītisāhasryāṃ saṃhitāyāṃ prathame māheśvarakhaṇḍe'ruṇācalamāhātmya uttarārdhe śivaviṣṇuvivādavarṇanaṃnāma navamo'dhyāyaḥ || 9 ||
[Analyze grammar]