Chapter 53

[English text for this chapter is available]

nārada uvāca |
athānyatsaṃpravakṣyāmi śālāmāhātmya muttamam |
saṃsthāpite purā sthāne proktohaṃ dvijapuṃgavaiḥ || 1 ||
[Analyze grammar]

sthānasya rakṣaṇārthāya upāyaṃ kuru suvrata |
tato mayā pratijñātaṃ kariṣye sthāna rakṣaṇam || 2 ||
[Analyze grammar]

ārādhitā mayā paścādbrahmaviṣṇumaheśvarāḥ |
trayastvekāgracittena tatastuṣṭāḥ surottamāḥ || 3 ||
[Analyze grammar]

samāgamyātha māṃ procurnārada vriyatāṃ varaḥ |
proktaṃ tānārcya ca mayā kriyatāṃ sthānarakṣaṇam || 4 ||
[Analyze grammar]

ayameva varo mahyaṃ deyo devaiḥ sutoṣitaiḥ |
sthānalopo yathā na syādyathā kīrtirbhavenmama || 5 ||
[Analyze grammar]

evamastviti deveśaiḥ pratijñātaṃ tadā mune |
svāṃśena prakaripyāma dvijānāṃ tava rakṣaṇam || 6 ||
[Analyze grammar]

evamuktvā kalā muktā devaistripuruṣaiḥ svayam |
aṃtardhānaṃ tataḥ prāptāḥ sarve'pi surasattamāḥ || 7 ||
[Analyze grammar]

tato mayā dvijaiḥ sārdhaṃ śālāgre sthānarakṣaṇam |
sthāpitāśca pṛthagdevāstrayastribhuvaneśvarāḥ || 8 ||
[Analyze grammar]

pīḍyamānā yadā viprāḥ kenāpi ca bhavaṃti hi |
pūrvāhne cāpi ṛgvedaṃ madhyāhne ca yajūṃ ṣyatha || 9 ||
[Analyze grammar]

yāme tṛtīye sāmāni tārasvaramadhītya ca |
śāpaṃ yasya pradāsyaṃti śālāgre bhṛśaroṣitāḥ || 10 ||
[Analyze grammar]

saptāhādvarṣamadhyādvā trivarṣādbhasmatāṃ vrajet |
pratijñātā sthānarakṣā yadi vo nāradāgrataḥ || 11 ||
[Analyze grammar]

satyena tena no vairī bhasmībhavatu ha kṣaṇāt |
anena śāpa maṃtreṇa bhasmībhavati niścitam || 12 ||
[Analyze grammar]

śālāṃ tripuruṣāṃ tatra yaḥ paśyati dinedine |
arcayettoṣayeccāsau svargaloke mahīyate || 13 ||
[Analyze grammar]

iti tripuruṣaśālāmāhātmyam |
nārada uvāca |
athānyatsaṃpravakṣyāmi madīyasaraso mahat || 14 ||
[Analyze grammar]

māhātmyamatulaṃ pārtha devānāmapi durlabham |
mayā pūrvaṃ saraḥ khātaṃ darbhāṃkuraśalākayā || 15 ||
[Analyze grammar]

mṛttikā tāmrapātreṇa tyaktā bāhye tataḥ svayam |
sarveṣāmeva tīrthānāmāhṛtyodaka muttamam || 16 ||
[Analyze grammar]

tattatra sarasi kṣiptaṃ tena saṃpūritaṃ saraḥ |
āśvine māsi saṃprāpte bhānuvāre naraḥ śuciḥ || 17 ||
[Analyze grammar]

śrāddhaṃ yaḥ kurute tatra snātvā dānaṃ viśeṣataḥ |
pitarastasya tṛpyaṃti yāvadābhūtasaṃplavam || 18 ||
[Analyze grammar]

nāradīyaṃ saro hyetadvikhyāta jagatītale |
mahatā puṇyayogena devairapi hi labhyate || 19 ||
[Analyze grammar]

yadatra dīyate dānaṃ hūyate yacca pāvake |
sarvaṃ tadakṣayaṃ vidyājjapānaśanasādhanāt || 20 ||
[Analyze grammar]

nāradīye saraḥśreṣṭhe snātvā yo nāradeśva ram |
pūjayecchraddhayā martyaḥ sarvapāpaiḥ pramucyate || 21 ||
[Analyze grammar]

atra tīrthe purā pārtha sarvanāgaistapaḥ kṛtam |
kadrūśāpasya mokṣārthamātmano hitakā myayā || 22 ||
[Analyze grammar]

tataḥ siddhiṃ parāṃ prāptā etarttārthaprabhāvataḥ |
tato nāgeśvaraṃ liṃgaṃ sthāpayāmāsurūrjitam || 23 ||
[Analyze grammar]

nāradāduttare bhāge sarve nāgāḥ praharṣitāḥ |
nāradīye saraḥśreṣṭhe yaḥ snātvā pūjayeddharam || 24 ||
[Analyze grammar]

nāgeśvaraṃ mahābhaktyā tasya puṇyamanantakam |
teṣāṃ sarpabhayaṃ nāsti nāgānāṃ vacanaṃ yathā || 25 ||
[Analyze grammar]

iti nāradīyasaromāhātmyam |
nārada uvāca |
aparadvārakānāma devī cātrāsti pāṃḍava || 26 ||
[Analyze grammar]

sā ca brahmāṃḍadvāre vai sadaiva vihitālayā |
caturviṃśatikoṭībhirdevībhiḥ parirakṣitā || 27 ||
[Analyze grammar]

tato dīrghaṃ tapastaptvā mayānītātra toṣitā |
aparasmiṃstato dvāre sthā pitā parameśvarī || 28 ||
[Analyze grammar]

pūrvasminnagaradvāre sthāpitā dvāravāsinī |
navamī caitramāsasya kṛṣṇapakṣe bhavettu yā || 29 ||
[Analyze grammar]

kuṇḍe snānaṃ naraḥ kṛtvā tāṃ ca devīṃ prapūjayet |
balibākulanaivedyairgandhadhūpādipūjanaiḥ || 30 ||
[Analyze grammar]

saptajanmakṛtaṃ pāpaṃ nāśamāyāti tatkṣaṇāt |
yānyānprārthayate kāmāṃstāṃstānā pnoti mānavaḥ || 31 ||
[Analyze grammar]

vandhyā ca labhate putraṃ snānamātreṇa tatra vai |
navamyāṃ caitramāsasya puṣpadhūpārghyapūjayā || 32 ||
[Analyze grammar]

vighnāni nāśayeddevī sarva siddhiṃ prayacchati |
bhaktānāṃ tatkṣaṇādeva satyametanna saṃśayaḥ || 33 ||
[Analyze grammar]

uttaradvārakāṃ cāpi pūjyaivaṃ vidhivannaraḥ |
etadeva phalaṃ sopi prāpnuyānmāna vottamaḥ || 34 ||
[Analyze grammar]

pūrvadvāre tu vai devī yā sthitā dvāravāsinī |
tasyāḥ pūjanamātreṇa prāpnuyādvāṃchitaṃ phalam || 35 ||
[Analyze grammar]

āśvine māsi saṃprāpte nava rātre viśeṣataḥ |
upoṣya navarātraṃ ca snātvā kuṇḍe samāhitaḥ || 36 ||
[Analyze grammar]

pūjayeddevatāṃ bhaktyā puṣpadhūpānnatarpaṇaiḥ |
aputro labhate putrānnirdhano labhate dhanam || 37 ||
[Analyze grammar]

vandhyā prasūyate pārtha nātra kāryā vicāraṇā || 38 ||
[Analyze grammar]

iti śrīskāṃde mahāpurāṇa ekāśītisāhasryāṃ saṃhitāyāṃ prathame māheśvara khaṇḍe kaumārikākhaṃḍe koṭitīrthādimāhātmyavarṇanaṃnāma tripaṃcāśattamo'dhyāyaḥ || 53 || || 5 ||
[Analyze grammar]