Chapter 23

[English text for this chapter is available]

nārada uvāca |
tataśca śailajā devī cikrīḍa subhagā tadā |
devagaṃdharvakanyābhirnagakiṃnarasaṃbhavāḥ |
munīnāṃ cāpi yāḥ kanyāstābhiḥ sārdhaṃ ca śobhanā || 1 ||
[Analyze grammar]

kadācidatha merustho vāsavaḥ pāṃḍunaṃdana |
sasmārā māṃ yayau cāhaṃ saṃsmṛto vāsavaṃ tadā || 2 ||
[Analyze grammar]

māṃ dṛṣṭvā ca sahasrākṣaḥ samutthāyātiharṣitaḥ |
pūjayāmāsa tāṃ pūjāṃ pratigṛhyāhamabruvam || 3 ||
[Analyze grammar]

mahāsura mahonmādakālānala divaspate |
kuśalaṃ vidyate kaccicca naṃdasi || 4 ||
[Analyze grammar]

pṛṣṭastvevaṃ mayā śakraḥ provāca vacanaṃ smayan |
kuśalasyāṃkurastāvatsaṃbhūto bhuvanatraye || 5 ||
[Analyze grammar]

tatphalodayasaṃpattau tadbhavānsaṃsmṛto mune |
vetsi sarvamataṃ tvaṃ vai tathāpi parinodakaḥ || 6 ||
[Analyze grammar]

nirvṛtiṃ paramāṃ yāti nivedyārthaṃ suhṛjjane || 7 ||
[Analyze grammar]

tadbhavāñchailajāṃ devīṃ śailaṃdraṃ śailavallabhām |
haraṃ saṃbhāvaya varaṃ yannānyaṃ rocayaṃti te || 8 ||
[Analyze grammar]

tatastadvākyamākarṇya gato'haṃ śailasattamam |
oṣadhiprasthanilayaṃ sākṣādiva divaspatim || 9 ||
[Analyze grammar]

tatra haime svayaṃ tena mahābhaktyā nivedite |
mahāsane pūjitohamupaviṣṭo mahāsukham || 10 ||
[Analyze grammar]

gṛhītārghyaṃ tato māṃ ca papraccha ślakṣṇayā girā |
kuśalaṃ tapasaḥ śailaḥ śanaiḥ phullānanāṃbujaḥ || 11 ||
[Analyze grammar]

ahamapyasya tatprocya pratyavocaṃ girīśvaram |
tvayā śaileṃdra pūrvāṃ vāpyaparāṃ ca diśaṃ tathā || 12 ||
[Analyze grammar]

avagāhya sthitavatā kriyate prāṇipālanā |
aho dhanyosi vipreṃdrāḥ sāhāyyena tavācala || 13 ||
[Analyze grammar]

tapojapavratasnānauḥ sādhyaṃtyātmanaḥ param |
yajñāṃgasādhanaiḥ kāṃścitkaṃdādiphaladānataḥ || 14 ||
[Analyze grammar]

tvaṃ samuddharasi viprānkimataḥ procyate tava |
anye'pi jīva bahudhātvāmupāśritya bhūdhara || 15 ||
[Analyze grammar]

muditāḥ prativartaṃte gṛhasthamiva prāṇinaḥ |
śītamātapavarṣāṃśca kleśānnānāvidhānsahan || 16 ||
[Analyze grammar]

upākaroṣi jaṃtūnāmevaṃrūpā hi sādhavaḥ |
kimataḥ procyate tubhyaṃ dhanyastvaṃ pṛthivīdhara || 17 ||
[Analyze grammar]

kaṃdaraṃ yasya cādhyāste svayaṃ tava maheśvaraḥ |
ityuktavati vākyaṃ ca yathārthaṃ mayiphālguna || 18 ||
[Analyze grammar]

himaśailasya mahiṣī menā āgāddidṛkṣayā |
anuyātā duhitrā ca svalpāśca paricārikāḥ || 19 ||
[Analyze grammar]

lajjayānatasarvāṃgī praviveśa sado mahat |
tato māṃ śailamahiṣī vavaṃde praṇipatya sā || 20 ||
[Analyze grammar]

vastranirgūḍhavadanā pāṇipadmakṛtāṃjaliḥ |
tāmahaṃ satyarūpābhirāśīrbhiḥ samavardhayam || 21 ||
[Analyze grammar]

pativratā śubhācārā subagā vīrasūḥ śubhe |
sadā vīravatī cāpi bhava vaṃśonnatiprada || 22 ||
[Analyze grammar]

tato'haṃ vismitākṣīṃ ca himavadgiriputrikām |
mṛduvāṇyā pratyavocamehi bāle mamāṃtikam || 23 ||
[Analyze grammar]

tato devī jaganmātā bālabāvaṃ svakaṃ mayi |
darśayaṃtī svapitaraṃ kaṃṭhe gṛhyāṃkamāvi śat || 24 ||
[Analyze grammar]

uvāca vācaṃ tāṃ maṃdaṃ muniṃ vaṃdaya putrike |
muneḥ prasādato'vaśyaṃ patimāpsyasi saṃmatam || 25 ||
[Analyze grammar]

ityuktā sā tato bālā vastrāṃtapi hitānanā |
kiṃcitsahuṃkṛtotkaṃpaṃ procya novāca kiṃcana || 26 ||
[Analyze grammar]

tato vismitacittohamupacāravidāṃvaraḥ |
pratyavocaṃ punardevīmehi dāsyāmi te śubhe || 27 ||
[Analyze grammar]

ratnakrīḍanakaṃ ramyaṃ stāpitaṃ suciraṃ mayā |
ityuktā sā tadotthāya pituraṃkātsavegataḥ || 28 ||
[Analyze grammar]

vaṃdamānā ca me pādau mayā nītāṃka mātmanaḥ |
manyatā tāṃ jagatpūjyāmuktaṃ bāle tavocitam || 29 ||
[Analyze grammar]

na tatpaśyāmi yattubhyaṃ dadmyāśīḥ kā tavocitā |
ityukte mātṛvātsalyācchailendra mahiṣī tadā || 30 ||
[Analyze grammar]

nodayāmāsa māṃ maṃdamānaśīḥśaṃkitā tadā |
bhagavanvetsi sarvaṃ tvamatītānāgataṃ prabho || 31 ||
[Analyze grammar]

tadahaṃ jñātumicchāmi kīdṛśo'syāḥ patirbhavet |
śrutveti sasmitamukhaḥ prāvocaṃ narmavallabhaḥ || 32 ||
[Analyze grammar]

na jāto'syāḥ patirbhadre vartate ca kulakṣaṇaḥ |
nagno'tinirdhanaḥ krodhīvṛtaḥ krūraiśca sarvadā || 33 ||
[Analyze grammar]

śrutveti saṃbhramāviṣṭo dhvastavīryo himācalaḥ |
māṃ tadā pratyuvācedaṃ sāśrukaṇṭho mahāgiriḥ || 34 ||
[Analyze grammar]

aho vicitraḥ saṃ sāro durvedyo mahatāmapi |
pravarastvapi śaktyā yo nareṣu na kṛpāyate || 35 ||
[Analyze grammar]

yatnena mahatā tāvatpuṇyairbahuvidhairapi |
sādhayatyātmano loko mānuṣya matidurlabham || 36 ||
[Analyze grammar]

adhruvaṃ taddhravatve ca kathaṃcitparikalpyate |
tatrāpi durlabhānāma samānavratacāriṇī || 37 ||
[Analyze grammar]

sādhvī mahākulotpannā bhāryāyā syātpativratā |
tatrāpi durlabhaṃ yacca tayā dharmaniṣevaṇam || 38 ||
[Analyze grammar]

saha vedapurāṇoktaṃ jagattrayahitāvaham |
etatsudurlabhaṃ yacca tasyāṃ caiva prajāyate || 39 ||
[Analyze grammar]

tadapatyamapatyārthaṃ saṃsāre kila nārada |
eteṣāṃ durlabhānāṃ hi kiṃcitprāpnoti puṇyavān || 40 ||
[Analyze grammar]

sarvametadavāpnoti sa kopi yadivā na vā |
kiṃcitkenāpi hi nyūnaṃ saṃsāraḥ kurute naram || 41 ||
[Analyze grammar]

atha saṃsāriko doṣaḥ svakṛtaṃ yatra bhujyate |
gārhasthyaṃ ca praśaṃsaṃti vedāḥ sarve'pi nārada || 42 ||
[Analyze grammar]

neti kecittatra punaḥ kathaṃ te yadi no gṛhī |
ato dhātrā ca śāstreṣu sutalābhaḥ praśaṃsitaḥ || 43 ||
[Analyze grammar]

punaścasṛṣṭivṛddhyarthaṃ narakatrāṇanāya ca |
tatra strīṇāṃ samutpattiṃ vinā sṛṣṭirna jāyate || 44 ||
[Analyze grammar]

sā ca jātiprakṛtyaiva kṛpaṇā dainyabhāginī |
tāsāmupari māvajñā bhavediti ca vedhasā |
śāstreṣūktamasaṃdigdhaṃ vākyametanmahātphalam || 45 ||
[Analyze grammar]

daśaputrasamā kanyā daśaputrānpravarddhayan |
yatphalaṃ labhate martyastallabhyaṃ kanyayaikayā || 46 ||
[Analyze grammar]

tasmātkanyā pituḥ śocyā sadā duḥkhavivardhinī || 47 ||
[Analyze grammar]

yāpi syātpūrṇasarvārthā patiputradhanānvitā |
tvayoktaṃ ca kṛte hyasyāstadvākyaṃ mama śokadam || 48 ||
[Analyze grammar]

kena doṣeṇa me putrī na yogyā āśiṣāmatā |
na jāto'syāḥ patiḥ kasmādvartate vā kulakṣaṇaḥ || 49 ||
[Analyze grammar]

nirdhanaśca mune kasmātsarveṣāṃ sarvadaḥ kutaḥ |
iti durghaṭavākyaṃ te mano mohayatīva me || 50 ||
[Analyze grammar]

iti taṃ putravātsalyātsabhāryaṃ śokasaṃplutam |
ahamāśvāsayaṃ vāgbhiḥ satyābhiḥ pāṃḍunaṃdana || 51 ||
[Analyze grammar]

mā śucaḥ śailarāja tvaṃ harṣasthāne'tipuṇyabhāk |
śrṛṇu tadvacanaṃ mahyaṃ yanmayoktaṃ ca hyarthavat || 52 ||
[Analyze grammar]

jaganmātā tviyaṃ bālā putrī te sarvasiddhidā |
purā bhave'bhavadbhāryā satīnāmnā bhavasya yā || 53 ||
[Analyze grammar]

tadasyāḥ kimahaṃ dadmi raverdīpamivālpakaḥ |
saṃciṃtyeti mahādevyā nāśiṣaṃ dattavānaham || 54 ||
[Analyze grammar]

na jāto'bhavadbhāryā patiśceti vartate ca bhavo hi saḥ |
na sa jāto mahādevo bhūtabhavyabhavodbhavaḥ || 55 ||
[Analyze grammar]

śaraṇyaḥ śāśvataḥ śāstā śaṃkaraḥ parameśvaraḥ || 56 ||
[Analyze grammar]

sarve devā yatpadamāmanaṃti vedaiśca sarvairapi yo na labhyaḥ |
brahmādiviśvaṃ nanu yasya śaila bālasya vā krīḍanakaṃ vadaṃti || 57 ||
[Analyze grammar]

sa cāmaṃgalyaśīlo'pi maṃgalāṃ yatano haraḥ |
nirdhanaḥ sarvadaścāsau veda svaṃ svayameva saḥ || 58 ||
[Analyze grammar]

sa ca devo'calaḥ sthāṇurmahādevo'jaro haraḥ |
bhaviṣyati patiḥ so'syāstatkimarthaṃ tu śocasi || 59 ||
[Analyze grammar]