Chapter 24

[English text for this chapter is available]

nārada uvāca |
evaṃ śrutvā sabhāryaḥ sa pramodaplutamānasaḥ |
praṇamya māmiti prāha yadyevaṃ puṇyavānaham || 1 ||
[Analyze grammar]

punaḥ kiṃcitpravakṣyāmi putryā me dakṣiṇaḥ karaḥ |
uttānaḥ kāraṇaṃ kiṃ tacchrotumicchāmi nārada || 2 ||
[Analyze grammar]

iti pṛṣṭo'smi śailena prāvocaṃ kāraṇaṃ tadā |
sarvadaiva karo hyasyāḥ sarveṣāṃ prāṇināṃ prati || 3 ||
[Analyze grammar]

abhayasya pradātā'sāvuttānastu karastataḥ |
eṣā bhāryā jagadbharturvṛṣāṃkasya mahīdhara || 4 ||
[Analyze grammar]

jananī sarvalokasya bhāvinī bhūtabhāvinī |
tadyathā śīghramevaiṣā yogaṃ yātu pinākinā || 5 ||
[Analyze grammar]

tvayā vidheyaṃ vidhivattathā śailendrasattama |
astyatra sumahatakāryaṃ devānāṃ himabhūdhara || 6 ||
[Analyze grammar]

iti procya tamāpṛcchya prāvocaṃ vāsavāya tat |
mama bhūyastu kartavyaṃ tanmayā kṛtameva hi || 7 ||
[Analyze grammar]

kiṃ tu paṃcaśaraḥ preryaḥ kāryaśeṣe'tra vāsava |
ityādiśya gataścāhaṃ tārakaṃ prati phālguna || 8 ||
[Analyze grammar]

kalipriyatvāttasyainamarthaṃ kathayituṃ sphuṭam |
himādrirapi me vākyapreritaḥ pārvatīṃ prati || 9 ||
[Analyze grammar]

bhavasyārādhanāṃ kartuṃ sasakhīmādiśattadā |
sā taṃ paricacāreśaṃ tasyā dṛṣṭvā suśīlatām || 10 ||
[Analyze grammar]

puṣpatoyaphalādyāni niyuktā pārvatī vyadhāt |
mahendropi ca madvākyātsmaraṃ sasmāra bhārata || 11 ||
[Analyze grammar]

sa ca tatsmaraṇaṃ jñātvā vasaṃtaratisaṃyutaḥ |
cūtāṃkurāstraḥṛ sahasā prādurāsīnmanobhavaḥ || 12 ||
[Analyze grammar]

tamāha ca vaco dhīmānsmaranniva ca taṃ spṛśan |
upadeśena bahunā kiṃ tvāṃ prati ratipriya || 13 ||
[Analyze grammar]

citte vasasi tena tvaṃ vetsi bhūtamanogatam |
tathāpi tvāṃ vadiṣyāmi svakāryaparatāṃ smaran || 14 ||
[Analyze grammar]

mamaikaṃ sumahatkāryaṃ kartumarhasi manmatha |
maheśvaraṃ kṛpānāthaṃ satībhāryāviyojitam || 15 ||
[Analyze grammar]

saṃyojaya punardevyā himādrigṛhajātayā |
devī devaśca tuṣṭau te kariṣyata ihepsitam || 16 ||
[Analyze grammar]

madana uvāca |
alīkametaddevendra sa hi devasya poratiḥ |
nānyāsādayitavyāni tejāṃsi munarabravīt || 17 ||
[Analyze grammar]

vedānteṣu ca māṃ viprā garhasaṃyati punaḥpunaḥ |
mahāśano mahāpāpmā kāmo'yama nalo gahān || 18 ||
[Analyze grammar]

āvṛtaṃ jñānametena jñānināṃ nityavairiṇā |
tasmādayaṃ sadā tyājyaḥ kāma'hiriva sattamaiḥ || 19 ||
[Analyze grammar]

evaṃ śīlasya me kasmātpratuṣyati maheśvaraḥ |
madyapasyeva pāpasya vāsudevo jagadguraḥ || 20 ||
[Analyze grammar]

iṃdra uvāca |
maivaṃ brūhi mahābhāga tvāṃ vinākaḥ pumānbhuvi |
dharmamarthaṃ tathā kāmaṃ mokṣaṃ vā prāptumīśvaraḥ || 21 ||
[Analyze grammar]

yatkiṃcitsādhyate loke mūlaṃ tasya ca kāmanā |
kathaṃ kāmaṃ viniṃdati tasmātte mokṣasādhakāḥ || 22 ||
[Analyze grammar]

satyaṃ cāpi śrutervākyaṃ tava rūpaṃ tridhāgatam |
tāmasaṃ rājasaṃ caiva sāttvikaṃ cāpi manmatha || 23 ||
[Analyze grammar]

amuktitaḥ kāmanayā rūpaṃ tattāmasaṃ tava |
sukhabuddhyā spṛhā yā ca rūpaṃ tadrājasaṃ tava || 24 ||
[Analyze grammar]

kevalaṃ yāvadarthārthaṃ tadrūpaṃ sāttvikaṃ tava |
tatte rūpatrayamidaṃ brūhi nopāsate hi ke || 25 ||
[Analyze grammar]

tvaṃ sākṣātparamaḥ pūjyaḥ kuru kāryamidaṃ hi naḥ |
atha vā pīḍitāndṛṣṭvā sāmānyānapi paṃḍitāḥ |
svaprāṇairapi trāyāṃti parametanmahāphalam || 26 ||
[Analyze grammar]

iti saṃciṃtya kāryaṃ tvaṃ sarvathā kuru tatsphuṭam || 27 ||
[Analyze grammar]

ityā karṇya tathetyuktvā vasaṃtaratisaṃyutaḥ |
pikādisainyasaṃpanno himādriṃ prayayau smaraḥ || 28 ||
[Analyze grammar]

tatrāpaśyata śaṃbhoḥ sa puṇyamāśramamaṃḍalam |
nānāvṛkṣasamākīrṇaṃ śāṃtasattvasamākulam || 29 ||
[Analyze grammar]

tatrāpaśyattrinetrasya vīrakaṃnāma dvārapam |
yathā sākṣānmaheśānaṃ gaṇaāṃścāyutaśo'sya ca || 30 ||
[Analyze grammar]

dadarśa ca maheśānaṃ nāsāgrakṛtalocanam |
devadārudrumacchāyāvedikā madhyamāśritam |
samākāyaṃ sukhāsīnaṃ samādhisthaṃ maheśvaram || 31 ||
[Analyze grammar]

nistaraṃgaṃ vinirgṛhya sthitamiṃdriyagocarān |
ātmānamātmanā devaṃ praviṣṭaṃ tapaso nidhim || 32 ||
[Analyze grammar]

taṃ tathāvidhamālokya soṃtarbhedāya yatnavān |
bhramaradhvanivyājena viveśa madano manaḥ || 33 ||
[Analyze grammar]

etasminnaṃtare devo vikāsitavilocanaḥ |
sasmāra nagarājasya tanayāṃ raktamānasaḥ || 34 ||
[Analyze grammar]

niveditā vīrakeṇa viveśa ca gireḥ sutā |
tasminkāle mahābhāgā sadā yadvadupaiti sā || 35 ||
[Analyze grammar]

tatastasyāṃ manaḥ svīyamanuraktamavekṣya ca |
nigṛhya līlayā devaḥ svakaṃ pṛṣṭhamavaikṣata |
tāvadāpūrṇadhanuṣamapaśyata ratipriyam || 36 ||
[Analyze grammar]

tannāśakṛpayā devo nānāsthāneṣu so'gamat |
tāvatpasyati pṛṣṭhastamākṛṣya dhanuṣaḥ śaram || 37 ||
[Analyze grammar]

sa nadīḥ parvatāścaiva āśramānsarasīstathā |
paribhramanmahādevaḥ pṛṣṭhasthaṃ tamavaikṣata || 38 ||
[Analyze grammar]

jagattrayaṃ paribhramya punarāgātsvamāśramam |
pṛṣṭhasthameva taṃ vīkṣya niḥśvāsaṃ mumuce haraḥ || 39 ||
[Analyze grammar]

tatastṛtīyanetrotthavahninā nākavāsinām |
krośatāṃ gamitaḥ kāmo bhasmatvaṃ pāṃḍunaṃdana || 40 ||
[Analyze grammar]

sasa tu taṃ bhasmasātkṛtvā haranetrodbhavo'nalaḥ |
vyajṛṃbhata jagaddagdhuṃ jvālāpūritadiṅmukhaḥ || 41 ||
[Analyze grammar]

tato bhavo jagaddhetorvyabhajajjātavedasam |
sāhaṃkāre jane caṃdre sumanassu ca gītake || 42 ||
[Analyze grammar]

bhṛṃgeṣu kokilāsyeṣu vihāreṣu smarānalam |
tatprāptau snehasaṃyuktaṃ kāmināṃ hṛdayaṃ kila || 43 ||
[Analyze grammar]

jvālayatyaniśaṃ so'gnirduścikitsyo'sukhāvahaḥ |
vilokya haraniḥśvāsajvālābhasmīkṛtaṃ smaram || 44 ||
[Analyze grammar]

vilalāpa ratirddīnā madhunā baṃdhunā saha |
vilapaṃtī subahuśo madhunā parisāṃtvitā || 45 ||
[Analyze grammar]

ratyāḥ pralāpamākarṇya devadevo vṛṣadhvajaḥ |
kṛpayā parayā prāha kāmapatnīṃ nirīkṣya ca || 46 ||
[Analyze grammar]

amūrto'pi hyayaṃ bhadre kāryaṃ sarvaṃ patistava |
ratikāle dhruvaṃ bāle kariṣyati na saṃśayaḥ || 47 ||
[Analyze grammar]

yadā viṣṇuśca bhavitā vasudevātmajo vibhuḥ |
tadai tasya suto yaḥ syātsapatiste bhaviṣyati || 48 ||
[Analyze grammar]

sā praṇamya tato rudramiti proktā ratistataḥ |
jagāma svecchayā gatyā vasaṃtādibhiranvitā || 49 ||
[Analyze grammar]