Chapter 22

[English text for this chapter is available]

nārada uvāca |
evaṃ viprakṛtā devā maheṃdrasahitāstadā |
yayuḥ svāyaṃbhuvaṃ dāma markarūpamupāśritāḥ || 1 ||
[Analyze grammar]

tataśca vismito brahmā prāha tānsurapuṃgavān |
svarūpeṇeha tiṣṭhadhvaṃ nātra vastārakādbhayam || 2 ||
[Analyze grammar]

tato devāḥ svarūpasthāḥ pramlānavadanāṃbujāḥ |
tuṣṭuvuḥ praṇatāḥ sarve pitaraṃ putrakā yathā || 3 ||
[Analyze grammar]

namo jagatprasūtyai te hetave pālakāya ca |
saṃhartre ca namastubhyaṃ tisro'vasthāstava prabho || 4 ||
[Analyze grammar]

tvamapaḥ prathamaṃ sṛṣṭvā tāsu vīryamavāsṛjaḥ |
tadaṇḍamabhavaddhaimaṃ yasmillokāścarācarāḥ || 5 ||
[Analyze grammar]

vedeṣvāhurvirāḍrūpaṃ tvāmekarūpamīdṛśam |
pātālaṃ pādamūlaṃ ca pārṣṇipāde rasātalam || 6 ||
[Analyze grammar]

mahātalaṃ cāsya gulphau jaṃghe cāpi talātalam |
sutalaṃ jānunī cāsya ūrū ca vitalātale || 7 ||
[Analyze grammar]

mahītalaṃ ca jaghanaṃ nābhiścāsya nabhastalam |
jyotiḥ padamuraḥ sthānaṃ svarloko bāhurucyate || 8 ||
[Analyze grammar]

grīvā mahaścavadanaṃ janalokaḥ prakīrtyate |
lalāṭaṃ ca tapolokaḥ śīrṣa satyamudāhṛtam || 9 ||
[Analyze grammar]

candrasūryau ca nayane diśaḥ śrotre nāsikāśvinau |
ātmānaṃ brahmaraṃdhrasthamāhustvāṃ vedavādinaḥ || 10 ||
[Analyze grammar]

evaṃ ye te virāḍrūpaṃ saṃsmaraṃta upāsate |
janmabandhavinirmuktā yāṃti tvāṃ paramaṃ padam || 11 ||
[Analyze grammar]

evaṃ sthūlaṃ prāṇimadhyaṃ ca śūkṣmaṃ bhāvebhāve bhāvitaṃ tvāṃ gṛṇaṃti |
sarvatrasthaṃ tvāmataḥ prāhurvedāstasmai tubhyaṃ padamja idvidhema || 12 ||
[Analyze grammar]

evaṃ stuto viraṃcistu kṛpayābhipariplutaḥ |
jānannapi tadā prāha teṣāmāśvāsahetave || 13 ||
[Analyze grammar]

sarve bhavanto duḥkhārtāḥ parimlānamukhāṃbujāḥ |
bhraṣṭāyudāstathā'kasmādbhraṣṭā bharaṇavāsasaḥ || 14 ||
[Analyze grammar]

mamaivayaṃ kṛtirdevā bhavatāṃ yadvaḍambanā |
yadvairājaśarīre me bhavanto bāhusaṃjñakāḥ || 15 ||
[Analyze grammar]

yadyadvibhūtimatsattvaṃ dhārmikaṃ corjitaṃ mahat |
tatrāsīdbāhunāśo me bāhusthāne ca te mama || 16 ||
[Analyze grammar]

tannūnaṃ mama bhagnau ca bāhū tena durātmanā |
yena copahṛtaṃ devāstanmamākhyātu marhatha || 17 ||
[Analyze grammar]

devā ūcuḥ |
yo'sau vajrāṃgatanayastvayā dattavaraḥ prabho |
bhṛśaṃ viprakṛtāstena tattvaṃ jānāsi tattvataḥ || 18 ||
[Analyze grammar]

yattanmahīsamudrasya taṭaṃ śārvikatīrthakam |
tadākramya kṛtaṃ tena marubhūmisamaṃ prabhoḥ || 19 ||
[Analyze grammar]

ṛddhayaḥ sarvadevānāṃ gṛhītāstena sarvataḥ |
mahābhūtasvarūpeṇa sa eva ca jagatpatiḥ || 20 ||
[Analyze grammar]

caṃdrasūryau grahāstārā yaccānyaddevapakṣataḥ |
tacca sarvaṃ nirākṛtya sthāpito daityapakṣakaḥ || 21 ||
[Analyze grammar]

vayaṃ ca vidhṛtā stena bahūpahasitāstathā |
prasādānmuktāśca kathaṃcidiva kaṣṭataḥ || 22 ||
[Analyze grammar]

tadvayaṃ śaraṇaṃ prāptāḥ pīḍitāḥ kṣuttṛṣārditāḥ |
dharmarakṣā karāśceti saṃciṃtya trātumarhasi || 23 ||
[Analyze grammar]

ityuktaḥ svātmabhūrdevaḥ surairdaityaviceṣṭitam |
surānuvāca bhagavānataḥ saṃciṃtya tattvataḥ || 24 ||
[Analyze grammar]

avadhyastārako daityaḥ sarvairapi surāsuraiḥ |
yasya vadhyaśca nādyāpi sa jāto bhagavānpunaḥ || 25 ||
[Analyze grammar]

mayā ca varadānena cchandayitvā nivāritaḥ || 26 ||
[Analyze grammar]

tapasā sa hidīpto'bhūttrailokyadahanātmakaḥ |
sa ca vavre vadhaṃ daityaḥ śiśataḥ saptavāsarāt || 27 ||
[Analyze grammar]

sa ca saptadino bālaḥ śaṃkarādyo bhaviṣyati |
tārakasya ca vīrasya vadhakartā bhaviṣyati || 28 ||
[Analyze grammar]

satīnāmā tu yā devī vinaṣṭā dakṣahelayā |
sā bhaviṣyati kalyāṇī himācalaśarīrajā || 29 ||
[Analyze grammar]

śaṃkarasya ca tasyāśca yatnaḥ kāryaḥ samāgame |
ahamapyasya kāryasya śeṣaṃ kartā na saṃśayaḥ || 30 ||
[Analyze grammar]

ityuktāstridaśāstena sākṣātkalayoninā |
jagmurmeruṃ praṇamyeśaṃ markarūpeṇa saṃvṛtāḥ || 31 ||
[Analyze grammar]

tato gateṣu deveṣu brahmā lokapitāmahaḥ |
niśāṃ sasmāra bhagavānsvāṃ tanuṃ pūrvasaṃbhavām || 32 ||
[Analyze grammar]

tato bhagavatī rātrirupatasthe pitāmaham |
tāṃ vivikte samālokya tathovāca vibhāvarīm || 33 ||
[Analyze grammar]

vibhāvari mahākāryaṃ vibudhānāmupasthitam |
tatkartavyaṃ tvayā devi śrṛṇu kāryasya niścayam || 34 ||
[Analyze grammar]

tārakonāma daityeṃdraḥ suraketuranirjjitaḥ |
tasyābhāvāya bhagavāñjanayiṣyati yaṃ śivaḥ || 35 ||
[Analyze grammar]

sutaḥ sa bhavitā tasya tārakasyāṃtakārakaḥ |
ahaṃ tvādau yadā jātastadāpaśyaṃ puraḥsthitam || 36 ||
[Analyze grammar]

ardhanārīśvaraṃ devaṃ vyāpya viśvamavasthitam |
dṛṣṭvā tamabruvaṃ devaṃ bhajasveti ca bhaktitaḥ || 37 ||
[Analyze grammar]

tato nārī pṛthagjātā puruṣaśca tathā pṛthak |
tasyāścaivāṃśajāḥ sarvāḥ striyastribhuvane smṛtāḥ || 38 ||
[Analyze grammar]

ekādaśa ca rudrāśca puruṣāstasya cāṃśajāḥ |
tāṃ nārīmahāmālokya putraṃ dakṣamathā bravam || 39 ||
[Analyze grammar]

bhajasva putrīṃ jagatī mamāpi ca tavāpi ca |
puṃduḥkhanakāttrātrī putrī te bhāvinī tviyam || 40 ||
[Analyze grammar]

evamukto mayā dakṣaḥ putrītve pari kalpitām |
rudrāya dattavānbhaktyā nāma dattvā satīti yat || 41 ||
[Analyze grammar]

tataḥ kāle caṃ kasmiṃścidavamene ca tāṃ pitā |
mumūrṣuḥ pāpasaṃkalpo durātmā kulakajjalaḥ || 42 ||
[Analyze grammar]

ye rudraṃ naiva manyaṃte te sphuṭaṃ kulakajjalāḥ |
piśācāste durātmāno bhavaṃti brahmarākṣasāḥ || 43 ||
[Analyze grammar]

avamānena tasyāpi yathā devī jahau tanum |
yathā yajñaḥ sa ca dhvasto bhavena viditaṃ hi te || 44 ||
[Analyze grammar]

adhunā himaśailasya bhavitrī duhitā ca sā |
maheśvaraṃ patiṃ sā ca punaḥ prāpsyati niścitam || 45 ||
[Analyze grammar]

tadidaṃ ca tvayā kāryaṃ menāgarbhe praviśya ca |
tasyāśchaviṃ kuru kṛṣṇāṃ yathā kālī bhavettu sā || 46 ||
[Analyze grammar]

yadā rudropahasitā tapastapsyati sā mahat |
samāptaniyamā devī yadā cogrā bhaviṣyati || 47 ||
[Analyze grammar]

svayameva yadā rūpaṃ sugauraṃ pratipatsyate |
viraheṇa haraścāsyā matvā śūnyaṃ jagattrayam || 48 ||
[Analyze grammar]

tasyaiva himaśailasya kaṃdare siddhasevite |
pratīkṣamāṇastāṃ devīmugraṃ saṃtapsyate tapaḥ || 49 ||
[Analyze grammar]

tayoḥ sutaptatapasorbhavitā yo mahānsutaḥ |
bhaviṣyati sa daityasya tārakasya nivārakaḥ || 50 ||
[Analyze grammar]

tapaso hi vinā nāsti siddhiḥ kutrāpi śobhane |
sarvāsāṃ karmasiddhīnāṃ mūlaṃ hi tapa ucyate || 51 ||
[Analyze grammar]

tvayāpi dānavo devi dehanirgatayā tadā |
caṃḍamuṃḍapurogāśca haṃtavyā lokadurjayāḥ || 52 ||
[Analyze grammar]

yasmāccaṃḍaṃ ca muṃḍaṃ ca tvaṃ devi nihaniṣyasi |
cāmuṃḍeti tato loke khyātā devi bhaviṣyasi || 53 ||
[Analyze grammar]

tatastvāṃ varade devī lokaḥ saṃpūjayiṣyati |
bhederbahuvidhākāraiḥ sarvagāṃ kāmasādhanīm || 54 ||
[Analyze grammar]

oṃkāravaktrāṃ gāyatrīṃ tvāmarcaṃti dvijottamāḥ |
ūrjitāṃ baladāṃ pāpi rājānaḥ sumahābalāḥ || 55 ||
[Analyze grammar]

vaiśyāśca bhūtimityeva śivāṃ śūdrāstathā śubhe |
kṣāṃtirmunīnāmakṣobhyā dayā niyamināmapi || 56 ||
[Analyze grammar]

tvaṃ mahopāya sandohā nītirnayavisarpiṇām |
paristhitistvamarthānāṃ tvamaho prāṇikā matā || 57 ||
[Analyze grammar]

tvaṃ yuktiḥ sarvabhūtānāṃ tvaṃ gatiḥ sarvadehinām |
ratistvaṃ raticittānāṃ prītistvaṃ hṛdyadarśinām || 58 ||
[Analyze grammar]

tvaṃ kāṃtiḥ śubharūpāṇāṃ tvaṃ śāṃti śubhakarmiṇām |
tvaṃ bhrāṃtirmūḍhacittānāṃ tvaṃ phalaṃ kratuyājinām || 59 ||
[Analyze grammar]

jaladhīnāṃ mahāvelā tvaṃ ca līlā vilāsinām |
saṃbhūtistvaṃ padārthānāṃ sthitistvaṃ lokapālinī || 60 ||
[Analyze grammar]

tvaṃ kālarātrirniḥśeṣa bhuvanāvalināśinī |
priyakaṃṭhagrahānandadāyinī tvaṃ vibhāvarī || 61 ||
[Analyze grammar]

prasīda praṇatānasmānsaumyadṛṣṭyā vilokaya || 62 ||
[Analyze grammar]

iti stuvaṃto ye devi pūjayiṣyaṃti tvāṃ śubhe |
te sarvakāmānāpsyaṃti niyatā nātra saṃśayaḥ || 63 ||
[Analyze grammar]

ityuktā tu niśādevī tathetyuktvā kṛtāñjaliḥ |
jagāma tvaritā pūrvaṃ gṛhaṃ himagirermahat || 64 ||
[Analyze grammar]

tatrā'sīnāṃ mahāharmye ratnabhittisamāśraye |
dadarśa menāmāpāṃḍucchavivaktrasaroruhām || 65 ||
[Analyze grammar]

kiṃcicchayāmamukhodagrastanabhāgāvanāmitām |
mahauṣadhigaṇabaddhamaṃtrarājaniṣevitām || 66 ||
[Analyze grammar]

tataḥ kiṃcitpramilite menānetrāṃbujadvaye |
āviveśamukhaṃ rātrirbrahmaṇo vacanāttadā || 67 ||
[Analyze grammar]

janmadāyā jaganmātuḥ krameṇa jaṭharāṃtaram |
araṃjayacchaviṃ devyā guhamāturvibhāvarī || 68 ||
[Analyze grammar]

tato jaganmaṃ galadā menā himagireḥ priyā |
brāhme muhūrte subhage prāsūyata śubhānanām || 69 ||
[Analyze grammar]

tasyāṃ tu jāyamānāyāṃ jaṃtavaḥ sthāṇujaṃgamāḥ |
abhavansukhinaḥ sarve sarvalokanivāsinaḥ || 70 ||
[Analyze grammar]

abhavatkrūrasattvānāṃ cetaḥ śāṃtaṃ ca dehinām |
jyotiṣāmapi tejastvamabhavatsutarāṃ tadā || 71 ||
[Analyze grammar]

vanāśritāścauṣadhayaḥ svādavaṃti phalāni ca |
gaṃdhavaṃti ca mālyāni vimalaṃ ca nabho'bhavat || 72 ||
[Analyze grammar]

mārutaśca sukhasparśo diśaśca sumanoharāḥ |
vismṛtā ni ca śāstrāṇi prādurbhāvaṃ prapedire || 73 ||
[Analyze grammar]

prabhāvastīrthamukhyānāṃ tadā puṇyatamo'bhavat |
satye dharme cādhyayane yajñe dāne tapasyapi || 74 ||
[Analyze grammar]

sarveṣāmabhavacchraddhā janmakāle guhāraṇeḥ |
aṃtarikṣemarāścāpi praharṣotphullalocanāḥ || 75 ||
[Analyze grammar]

haribrahmamaheṃdrārkavāyuvahnipurogamāḥ |
puṣpavṛṣṭiṃ pramumucustasminmenāgṛhe śubhe || 76 ||
[Analyze grammar]

meruprabhṛtayaścāpi mūrtimaṃto mahānagāḥ |
tasminmahotsave prāptā vīrakāṃsyopaśobhitāḥ || 77 ||
[Analyze grammar]

sāgarāḥ saritaścaiva samājagmuśca sarvaśaḥ || 78 ||
[Analyze grammar]

himaśailo'bhavalloke tadā sarvaiścarācaraiḥ |
sevyaścāpyabhigamyaśca pūjanīyaśca bhārata || 79 ||
[Analyze grammar]

anubhūyotsavaṃ te ca jagmuḥ svānālayāṃstadā || 80 ||
[Analyze grammar]