Chapter 14

[English text for this chapter is available]

arjuna uvāca |
kumāranāthamāhātmyaṃ yattvayoktaṃ kathāṃtare |
tadahaṃ śrotumicchāmi vistareṇa mahāmune || 1 ||
[Analyze grammar]

nārada uvāca |
tārakaṃ vinihatyaiva vajrāṃgatanayaṃ prabhuḥ |
guhaḥ saṃsthāpayāmāsa liṃgametacca phālguna || 2 ||
[Analyze grammar]

darśanācchravaṇāddhyānātpūjayā śrutivaṃdanaiḥ |
sarvapāpāpahaḥ pārtha kumāreśo na saṃśayaḥ || 3 ||
[Analyze grammar]

arjuna uvāca |
atyāścaryamayī ramyā katheyaṃ pāpanāśinī |
vistareṇa ca me brūhi yāthātathyena nārada || 4 ||
[Analyze grammar]

vajrāṃgaḥ kopyasau daityaḥ kiṃprabhāvaśca tārakaḥ |
kathaṃ sa nihataścaiva jātaścaiva kathaṃ guhaḥ || 5 ||
[Analyze grammar]

kathaṃ saṃsthāpitaṃ liṃgaṃ kumāreśvarasaṃjñitam |
kiṃ phalaṃ cāsya liṃgasya brūhi tadvistarānmama || 6 ||
[Analyze grammar]

nārada uvāca |
praṇipatya kumārāya senānye ceśvarāya ca |
śrṛṇu caikamanāḥ pārtha kumāracaritaṃ mahat || 7 ||
[Analyze grammar]

mānaso brahmaṇaḥ putro dakṣo nāma prajāpatiḥ |
ṣaṣṭiṃ so'janayatkanyā vīriṇyāṃ nāma phālguna || 8 ||
[Analyze grammar]

dado sa daśa dharmāya kaśyapāya trayodaśa |
saptaviṃśatiṃ somāya catasroriṣṭanemine || 9 ||
[Analyze grammar]

bhūtāṃgiraḥ kṛśāśvebhyo dvedve caiva dadau prabhuḥ |
nāmadheyānyamūṣāṃ ca sapatnīnāṃ ca me śrṛṇu || 10 ||
[Analyze grammar]

yāsāṃ prasūtiprabhavā lokā āpūritāstrayaḥ |
bhānurlambā kakudbhūmirviśvā sādhyā marutvatī || 11 ||
[Analyze grammar]

vasursuhūrtā saṃkalpā dharmapatnyaḥ sutāñchṛṇu |
bhānostu devaṛṣabha suto'bhavat || 12 ||
[Analyze grammar]

vidyota āsīllaṃbāyāṃ tataśca stanayitnavaḥ |
kakudaḥ śakaṭaḥ putraḥ kīkaṭastanayo yataḥ || 13 ||
[Analyze grammar]

bhuvo durgastathā svargo naṃdaścaiva tato'bhavat |
viśvedevāśca viśvāyā aprajāṃstānpracakṣate || 14 ||
[Analyze grammar]

sādhyā dvādaśa sādhyāyā arthasiddhistu tatsutaḥ |
marutvānsujayaṃtaśca marutvatyā babhūvatuḥ || 15 ||
[Analyze grammar]

naranārāyaṇau prāhuryau tau jñānavido janāḥ |
vasośca vasavaścāṣṭau muhūrtāyāṃ muhūrtakāḥ || 16 ||
[Analyze grammar]

ye vai phalaṃ prayacchaṃti bhūtānāṃ svaṃ svakālajam |
saṃkalpāyāśca saṃkalpaḥ kāmaḥ saṃkalpajaḥ sutaḥ || 17 ||
[Analyze grammar]

surūpāsūta tanayānrudrānekādaśaiva tu |
kapālī piṃgalo bhīmo virupākṣo vilohitaḥ || 18 ||
[Analyze grammar]

ajakaḥ śāsanaḥ śāstā śaṃbhuścāṃtyo bhavastathā |
rudrasya pārṣadāścānye virūpāyāḥ sutāḥ smṛtāḥ || 19 ||
[Analyze grammar]

prajāpateraṃgirasaḥ svadhā patnī pitṝnatha |
jajñe sanī tathā putramatharvāgirasaṃ prabhum || 20 ||
[Analyze grammar]

kṛśāśvasya ca dve bhārye arciśca diṣaṇā tathā |
astragāmo yayoḥ putraḥ sasaṃhāraḥ prakīrtitaḥ || 21 ||
[Analyze grammar]

pataṃgī yāminī tāmrā timiścāriṣṭaneminaḥ |
pataṃgyasūta patagānyāminī śalabhānatha || 22 ||
[Analyze grammar]

tāmrāyāḥ śyenagṛdhrādyāstimeryādogaṇāstathā |
atha kaśyapapatnīnāṃ yatprasūdamidaṃ jagat || 23 ||
[Analyze grammar]

śrṛṇu nāmāni lokānāṃ mātṝṇāṃ śaṃkarāṇi ca |
aditirditirdanuḥ siṃhī danāyuḥ surabhistathā || 24 ||
[Analyze grammar]

ariṣṭā vinatā grāvā dayā krodhavaśā irā |
kadrurmuniśca te cobhe mātarastāḥ prakīrtitāḥ || 25 ||
[Analyze grammar]

ādityāścāditeḥ putrā diterdaityāḥ prakīrtitāḥ |
danośca dānavāḥ proktā rāhuḥ siṃhīsuto grahaḥ || 26 ||
[Analyze grammar]

danāyuṣastathā jāto danāyuśca gaṇo balī |
gāvaśca surabherjātāriṣṭāputrā yugaṃdharāḥ || 27 ||
[Analyze grammar]

vinatāsūta aruṇaṃ garuḍaṃ ca mahābalam |
grāvāyāḥ śvāpadāḥ putrā gaṇaḥ krodhavaśastathā || 28 ||
[Analyze grammar]

jātaḥ krodhavaśāyāśca irāyā bhūruhāḥ smṛtāḥ |
kadrūsutāḥ smṛtā nāgā munerapsarasāṃ gaṇāḥ || 29 ||
[Analyze grammar]

tatra dvau tanayau yau ca ditestau viṣṇunā hatau |
hiraṇyakaśipurvīro hiraṇyākṣastathā'paraḥ || 30 ||
[Analyze grammar]

tato nihataputrā sā ditirārādhya kaśyapam |
ayācata varaṃ devī putramanyaṃ mahābalam || 31 ||
[Analyze grammar]

samare śakrahaṃtāraṃ sa tasyā adadātprabhuḥ |
niyame cāpi vartasva varṣāṇāṃ ca sahasrakam || 32 ||
[Analyze grammar]

ityuktā sā tathā cakre puṣkarasthā samāhitā |
vartaṃtyā niyame tasyāḥ sahasrākṣaḥ samāhitaḥ || 33 ||
[Analyze grammar]

upāsāmācaradbhaktyā sā cainamanvamanyata |
daśavatsaraśeṣasya sahasrasya tadā ditiḥ || 34 ||
[Analyze grammar]

uvāca śakraṃ suprītā bhaktyā śakrasya toṣitā |
ditiruvāca |
atrottīrṇavrataprāyāṃ viddhi devasattama || 35 ||
[Analyze grammar]

bhaviṣyati tava bhrātā tena sārdhamimāṃ śriyam |
bhokṣyase tvaṃ yathānayāyaṃ trailokyaṃ hatakaṃṭakam || 36 ||
[Analyze grammar]

ityuktvā nidrayāviṣṭā caraṇākrāṃtamūrdhajā |
divā suptā ditirdevī bhāvyarthabalanoditā || 37 ||
[Analyze grammar]

tattu raṃdhramavekṣyaiva yogamūrtistadāviśat |
jaṭharasthaṃ ditergarbhaṃ cakre vajreṇa saptadhā || 38 ||
[Analyze grammar]

ekaikaṃ ca punaḥ khaṇḍaṃ cakāra maghavā tataḥ |
saptadhā saptadhā kopādudbudhya ca tato ditiḥ || 39 ||
[Analyze grammar]

na haṃtavyo na haṃtavya iti sā śakramabravīt |
vajreṇa kṛttyamānānāṃ buddhā sā rodanena ca || 40 ||
[Analyze grammar]

tataḥ śakraśca mā rodīriti tāṃstānyathā'vadat |
nirgatya jaṭharāttasmāttataḥ prāṃjaliragrataḥ || 41 ||
[Analyze grammar]

uvāca vākyaṃ cātrasto mātaraṃ riṣapūritām |
divāsvāpaṃ kṛthā mātaḥ pādākrāṃtaśiroruhā || 42 ||
[Analyze grammar]

suptātha suciraṃ vāte dhinno garbho mayā tava |
kṛtā ekonapaṃcāśadbhāgā vajreṇa te sutāḥ || 43 ||
[Analyze grammar]

satyaṃ bhavatu te vākyaṃ sārdhaṃ bhokṣyāmi taiḥ śriyam |
dāsyāmi teṣāṃ sthānāni divi yāvadahaṃ dite || 44 ||
[Analyze grammar]

mā rodīriti me proktāḥ khyātāśca marutastviti |
ityuktā sā ca savrīḍā ditirjātā niruttarā || 45 ||
[Analyze grammar]

sārdhaṃ tairgatavāniṃdro digaṃte vāyavaḥ smṛtāḥ |
tataḥ punaśca bhartāraṃ ditiḥ provāca duḥkhitā || 46 ||
[Analyze grammar]

putraṃ me bhagavandehi śakrahaṃtāramūrjitam |
yo nāstraśastrairvadhyatvaṃ gacchettridivavāsinām || 47 ||
[Analyze grammar]

na dadāsyuttaraṃ viddhi mṛtāmeva prajāpate |
ityuktaḥ sa tadovāca tāṃ patnīmatiduḥkhitām || 48 ||
[Analyze grammar]

daśavarṣasahasrāṇi taponiṣṭhā tu tapsyase |
vajrasāramayairaṃgairacchedyairāyasairdṛḍhaiḥ || 49 ||
[Analyze grammar]

vajrāṃgonāma putraste bhavitā dharmavatsalaḥ |
sā tu labdhavarā devī jagāma tapase vanam || 50 ||
[Analyze grammar]

daśavarṣasahasrāṇi tapo ghoraṃ samācarat |
tapasoṃ'te bhagavatī janayāmāsa durjayam || 51 ||
[Analyze grammar]

putramapratikarmāṇamajeyaṃ vajraduśchidam |
sa jātāmātra evābhūtsarvaśā strārthapāragaḥ || 52 ||
[Analyze grammar]

uvāca mātaraṃ bhaktyā mātaḥ kiṃ karavāṇyaham |
tamuvāca tato hṛṣṭā ditirdaityādhipaṃ sutam || 53 ||
[Analyze grammar]

bahavo me hatāḥ putrāḥ sahasrākṣeṇa putraka |
teṣaāmapacitiṃ kartumicche śakravadhādaham || 54 ||
[Analyze grammar]

bāḍhamityeva saṃ procya jagāma tridivaṃ balī |
sasainyaṃ samare śakraṃ sa ca bāhvāyudho'jayat || 55 ||
[Analyze grammar]

pādenākṛṣya deveṃdraṃ siṃhaḥ kṣudramṛgaṃ yathā |
māturaṃtikamāgacchadyācamānaṃ bhayāturam || 56 ||
[Analyze grammar]

etasminnaṃtare brahmā kaśyapaśca mahātapāḥ |
āgatā tatra saṃtrastāvatho brahmā jagāda tam || 57 ||
[Analyze grammar]

muṃcāmuṃ putra yācaṃtaṃ kimanena prayojanam |
avamāno vadhaḥ prokto vīrasaṃbhāvitasya ca || 58 ||
[Analyze grammar]

asmadvākyena yo mukto jīvannapi mṛto hi saḥ |
śatruṃ ye ghnaṃti samare na te vīrāḥ prakīrtitāḥ || 59 ||
[Analyze grammar]

kṛtvā mānapariglaniṃ ye muṃcaṃti varā hi te |
yatāmānyatamaṃ matvā tvayā māturvacaḥ kṛtam || 60 ||
[Analyze grammar]

tathā piturvacaḥ kāryaṃ muṃcāmuṃ putra vāsavam |
etacchrutvā tu vajrāṃgaḥ praṇato vākyamabravīt || 61 ||
[Analyze grammar]

na me kṛtyamanenāsti māturājñā kṛtā mayā |
tvaṃ surāsuranātho vai mama ca prapitāmahaḥ || 62 ||
[Analyze grammar]

kariṣye tvadvaco deva eṣa muktaḥ śatakratuḥ |
na ca kāṃkṣe śakrabhuktāmimāṃ trailokyarājatām || 63 ||
[Analyze grammar]

parabhuktā yathā nārī parabhuktāmivasrajam |
yacca tribhuvaneṣvasti sāraṃ tanmama kathyatām || 64 ||
[Analyze grammar]

brahmovāca |
tapaso na paraṃ kiṃcittapo hi mahatāṃ dhanam |
tapasā prāpyate sarvaṃ tapoyogyo'si putraka || 65 ||
[Analyze grammar]

vajrāṃga uvāca |
tapase me ratirdeva na vighnaṃ tatra me bhavet |
tvatprasādena bhagavannityuktvā virarāma saḥ || 66 ||
[Analyze grammar]

brahmovāca |
krūrabhāvaṃ parityajya yadīcchasi tapaḥ suta |
anayā cittabuddhyā tattvayāptaṃ janmanaḥ phalam || 67 ||
[Analyze grammar]

ityuktvā padmajaḥ kanyāṃ sasarjjayatalocanām |
tāmasmai pradadau devaḥ patnyarthaṃ padmasaṃbhavaḥ || 68 ||
[Analyze grammar]

varāṃgīti ca nāmāsyāḥ kṛtavāṃśca pitāmahaḥ |
jagāma ca tato brahmā kaśyapena samaṃ divam || 69 ||
[Analyze grammar]

vajrāṃgo'pi tayā sārdhaṃ jagāma tapase vanam |
ūrddhūbāhuḥ sa daityeṃdro'tiṣṭhadabdasahasrakam || 70 ||
[Analyze grammar]

kālaṃ kamalapatrākṣaḥ śuddhabuddhirmahātapāḥ |
tāvānadhomukhaḥ kālaṃ tāvatpaṃcāgnisādhakaḥ || 71 ||
[Analyze grammar]

nirāhāro ghoratapāstaporāśirajāyata |
tataḥ soṃ'tarjale cakre kālaṃ varṣasahasrakam || 72 ||
[Analyze grammar]

jalāṃtarapraviṣṭasya tasya patnī mahāvratā |
tasyaiva tīre sarasastatparā maunamāśritā || 73 ||
[Analyze grammar]

nirāhāraṃ patiṃ matvā tapastepe pativratā |
tasyāstapasi vartaṃtyā iṃdraścakre vibhīṣikām || 74 ||
[Analyze grammar]

bhūtvā tu markaṭākārastasyāabhyāśamāgataḥ |
apavidhya dṛśaṃ tasyā mūtraviṣṭhe cakāra saḥ || 75 ||
[Analyze grammar]

tathā vilolavasanāṃ vilolavadanāṃ tathā |
vilolakeśāṃ tāṃ cakre vidhitsustapasaḥ kṣatim || 76 ||
[Analyze grammar]

tataśca meṣarūpeṇa kleśaṃ tasyāścakāra saḥ |
tato bhujaṃgarūpeṇa baddhā caraṇayordvayoḥ || 77 ||
[Analyze grammar]

apākarṣata dūraṃ sa tasmāddevabhṛtastathā |
tapobālācca sā tasya na vadhyatvaṃ jagāma ha || 78 ||
[Analyze grammar]

kṣamayā ca mahābhāgā krodhamaṇvapi nākarot |
tato gomāyurūpeṇa tamadūṣayadāśramam || 79 ||
[Analyze grammar]

agnirūpeṇa tasyāśca sa dadāha mahāśramam |
cakarṣa vāyurūpeṇa mahogreṇa ca tāṃ śubhām |
evaṃ sihavṛkādyābhirbhīṣikābhiḥ punaḥpunaḥ || 80 ||
[Analyze grammar]

virarāma yadā naiva vajrāṃgamahiṣī tadā |
śailasya duṣṭatāṃ matvā śāpaṃ dātuṃ vyavasyata || 81 ||
[Analyze grammar]

tāṃ śāpābhimukhīṃ dṛṣṭvā śailaḥ puruṣāvigrahaḥ |
uvāca tāṃ varārohāṃ tvarayātha sulocanām || 82 ||
[Analyze grammar]

śaila uvāca |
nāhaṃ mahāvrate duṣṭaḥ sevyo'haṃ sarvadehinām |
atikhedaṃ karotyeṣa tataḥ kruddhastu vṛtrahā || 83 ||
[Analyze grammar]

etasminnaṃtare jātaḥ kālo varṣasahasrikaḥ |
tasminyāte sa bhagavānkāle kamalasaṃbhavaḥ || 84 ||
[Analyze grammar]

tuṣṭaḥ provāca vajrāṃgaṃ tamāgamya jalāśaye || 85 ||
[Analyze grammar]

brahmovāca |
dadāmi sarvakāmāṃste uttiṣṭha ditinandana |
evamuktastadotthāya daityeṃdrastapaso nidhiḥ |
uvāca prāṃjalirvākyaṃ sarvalokapitāmaham || 86 ||
[Analyze grammar]

vajrāṃga uvāca |
āsuro me'stu mā bhāvaḥ śakrarājye ca mā ratiḥ |
tapodharmaratiścāstu vṛṇomyetatpitāmaha || 87 ||
[Analyze grammar]

evamastviti taṃ brahmā prāha vismitamānasaḥ |
upekṣate ca śakraṃ sa bhāvyarthaṃ ko'tivartate || 88 ||
[Analyze grammar]

ṛṣayo manujā devāḥ śivabrahmamukhā api |
bhāvyarthaṃ nāti vartaṃte velāmiva mahodadhiḥ || 89 ||
[Analyze grammar]

iti ciṃtya viriṃco'pi tatraivāṃtaradhīyata |
vajrāṃgo'pi samāpte tu tapasi sthirasaṃyamaḥ || 90 ||
[Analyze grammar]

āhāramicchansvāṃ bhāryāṃ na dadarśāśrame svake |
bhāryāhīno'phalaśceti sa saṃciṃtya itastataḥ || 91 ||
[Analyze grammar]

vilokayansvakāṃ bhāryāṃ vidhitsuḥ karma naityakam |
vilokayandadarśātha ihāmutra sahayinīm || 92 ||
[Analyze grammar]

rudantīṃ svāṃ priyāṃ dīnāṃ tarupracchāditānanām |
tāṃ vilokya tato daityaḥ provāca parisāṃtvayan || 93 ||
[Analyze grammar]

vajrāṃga uvāca |
kena te'pakṛtaṃ bhīru vartaṃtyāstapasi svake |
kathaṃ rodiṣi vā bāle mayi jīvati bhartari |
kaṃ vā kāmaṃ prayacchāmi śīghraṃ prabrūhi bhāmini || 94 ||
[Analyze grammar]

gṛheśvarīṃ sadguṇabhūṣitāṃ śubhāṃ paṃgvaṃdhayogena patiṃ sametām |
na lālayetpūrayennaiva kāmaṃ sa kiṃ pumānna pumānme matosti || 95 ||
[Analyze grammar]