Chapter 15

[English text for this chapter is available]

varāṃgyuvāca |
nāśitāsmyapaviddhāsmi trāsitā pīḍitāsmi ca |
raudroṇa devanāthena naṣṭanāthena bhūriśaḥ || 1 ||
[Analyze grammar]

duḥkhapāramapaśyaṃtī prāṇāṃstyaktuṃ vyavasthitā |
putraṃ me ghoraduḥkhasya tārakaṃ dehi cetkṛpā || 2 ||
[Analyze grammar]

evamuktastu daityeṃdro duḥkhito'ciṃtayaddhṛdi |
āsureṣvapi bhāveṣu spṛhā yadyapi nāsti me || 3 ||
[Analyze grammar]

tathāpi manye śāstraibhyastvanukaṃpyā priyeti yat |
sarvāśramānupādāya svāśrameṇa kalatravān || 4 ||
[Analyze grammar]

vyasanārṇavamatyeti jalayānairivārṇavam |
yāmāśrityeṃdriyārātīndurjayānitarāśrayaiḥ || 5 ||
[Analyze grammar]

gehino helayā jigyurdasyūndūrga patiryathā |
na ke'pi prabhavastāṃ cāpyanukartuṃ gṛheśvarīm || 6 ||
[Analyze grammar]

athāyuṣā vā kārtsnyena dharme ditsuryathaiva ca |
yasyāṃ bhavati cātmaiva tato jāyā nigadyate || 7 ||
[Analyze grammar]

bhartavyā eva yasmācca tasmādbhāryeti sā smṛtā |
sā eva gṛhamuktaṃ ca gṛhīṇī sā tataḥ smṛtā || 8 ||
[Analyze grammar]

saṃsārakalmaṣāttrātrī kalatramiti sā tataḥ |
evaṃvidhāṃ priyāṃ ko vai nānukaṃpitumarhati || 9 ||
[Analyze grammar]

trīṇi jyotīṃṣi puruṣa iti vai devalo'bravīt |
bhāryā karma ca vidyā ca saṃsādhyaṃ yatnatastrayam || 10 ||
[Analyze grammar]

tadenāṃ pīḍitāṃ cedyaḥ patirbhūtvā na pālaye |
tato yāsye śāstravādānnarakāṃtaṃ na saṃśayaḥ || 11 ||
[Analyze grammar]

aha mapyenamiṃdraṃ vai śakto jetuṃ yathā'nṛṇām |
punaḥ kāmaṃ kariṣye'syā dāsye putraūṃ mahābalam || 12 ||
[Analyze grammar]

iti saṃciṃtya vajrāṃgaḥ kopavyākulalocanaḥ |
pratikartuṃ maheṃdrāya tapo bhūyo vyavasyata || 13 ||
[Analyze grammar]

jñātvā tu tasya saṃkalpaṃ brahmā krūrataraṃ punaḥ |
ājagāma tvarāyukto yatrā'sau ditinaṃdanaḥ || 14 ||
[Analyze grammar]

uvācainaṃ sa bhagavānprabhurmadhurayā girā || 15 ||
[Analyze grammar]

brahmovāca |
kimarthaṃ bhūya eva tvaṃ niyamaṃ krūramicchasi |
āhārābhimukho daitya tanme brūhi mahāvrataḥ || 16 ||
[Analyze grammar]

yāvadabdasahasreṇa nirāhāreṇa vai phalam |
tyajatā prāptamāhāraṃ labdhaṃ te kṣaṇamātrataḥ || 17 ||
[Analyze grammar]

tyāgo hyaprāptakāmānāṃ na tathā ca guruḥ smṛtaḥ |
yathā prāptaṃ parityajya kāmaṃ kamalalocana |
śrutvaitadbrahmaṇo vākyaṃ daityaḥ prāṃjalirabravīt || 18 ||
[Analyze grammar]

daitya uvāca |
patnyarthe'haṃ kariṣyāmi tapo ghoraṃ pitāmaha |
putrārthamudyataścāhaṃ yaḥ syādgīrvāṇadarpahā || 19 ||
[Analyze grammar]

etacchrutvā vaco devaḥ padmagarbhodbhavastadā |
uvāca daityarājānaṃ prasannaścaturānanaḥ || 20 ||
[Analyze grammar]

brahmovāca |
alaṃ te tapasā vatsa mā kleśe vistare viśa |
putraste tārakonāma bhaviṣyati mahābalaḥ || 21 ||
[Analyze grammar]

devasīmaṃtinīkāmyadhammillakavimokṣaṇaḥ |
ityukto daityarājastu praṇamya prapitāmaham || 22 ||
[Analyze grammar]

visṛjya gatvā mahiṣīṃ naṃdayā māsa tāṃ mudā |
tau daṃpatī kṛtārthau ca jagmatuścāśramaṃ tadā || 23 ||
[Analyze grammar]

āhitaṃ ca tato garbhaṃ varāṃgī varavarṇinī |
pūrṇaṃ varṣasahasraṃ tu dadhārodara eva hi || 24 ||
[Analyze grammar]

tato varṣasahasrāṃte varāṃgī samasūyata |
jāyamāne tu daityeṃdre tasmiṃllokabhayaṃkare || 25 ||
[Analyze grammar]

cacāla sakalā pṛthvī proddhūtāśca mahārṇavā |
celurdharādharāścāpi vavurvātā vibhīṣaṇāḥ || 26 ||
[Analyze grammar]

jepurjapyaṃ munivarā vyādhaviddhā mṛgā iva |
jahuḥ kāṃtiṃ ca sūryādyā nīhārāśchāṃdayandiśaḥ || 27 ||
[Analyze grammar]

jāte mahāsure tasminsarva eva mahāsurāḥ |
ājagmurharṣitāstatra tathā cāsurayoṣitaḥ || 28 ||
[Analyze grammar]

jagurharṣasamāviṣṭā nanṛtuścāsurāṃganāḥ |
tato mahotsave jāte dānavānāṃ pṛthāsuta || 29 ||
[Analyze grammar]

viṣaṇṇamanaso devāḥ samaheṃdrāstadābhavan |
jātāmātrastu daityeṃdrastārakaścaṃḍavikramaḥ || 30 ||
[Analyze grammar]

abhiṣikto'suro daityaiḥ kuraṃgamahiṣādibhiḥ |
sarvāsuramahārājye yutaḥ sarvairmahāsuraiḥ || 31 ||
[Analyze grammar]

sa tu prāptamahārājyastārakaḥ pāṃḍusattama |
uvāca dānavaśreṣṭhānyuktiyuktamidaṃ vacaḥ || 32 ||
[Analyze grammar]

śrṛṇudhvamasurāḥ sarve vākyaṃ mama mahābalāḥ |
śrutvā vaḥ stheyasī buddhiḥ kriyatāṃ vacane mama || 33 ||
[Analyze grammar]

asmākaṃ jātidharmeṇa virūḍhaṃ vairamakṣayam |
kariṣyāmyahaṃ tadvairaṃ teṣāṃ ca vijayāya ca || 34 ||
[Analyze grammar]

kiṃ tu tattapasā sādhyaṃ manyehaṃ surasaṃgamam |
tasmādādau kariṣyāmi tapo ghoraṃ danoḥ sutāḥ || 35 ||
[Analyze grammar]

tataḥ surānvijeṣyāmo bhokṣyāmo'tha jagattrayam |
yuktopāyo'hi puruṣaḥ sthiraśrīreva jāyate || 36 ||
[Analyze grammar]

ayuktaścapalaḥ prāptāmapi rakṣitumakṣamaḥ |
tacchrutvā dānavāḥ sarve vākyaṃ tasyāsurasya tu || 37 ||
[Analyze grammar]

sādhusādhvityathocuste vacanaṃ tasya vismitāḥ |
so'gacchatpāriyātrasya gireḥ kaṃdaramuttamam || 38 ||
[Analyze grammar]

sarvartukusumākīrṇanānauṣadhividipitam |
nānādhāturasasrāvicitranānāgṛhāśrayam || 39 ||
[Analyze grammar]

anekākārabahulaṃ pṛthakpakṣikulākulam |
nānāprasravaṇopetaṃ nānāvidhajalāśayam || 40 ||
[Analyze grammar]

prāpya tatkaṃdaraṃ daityaścakāra vipulaṃ tapaḥ |
vahanpāśupatīṃ dīkṣāṃ paṃca maṃtrāñjajāpa saḥ || 41 ||
[Analyze grammar]

nirāhāraḥ paṃcatapā varṣāyutamabhūtkila |
tataḥ svadehādutkṛttya karṣaṃkarṣaṃ dinedine || 42 ||
[Analyze grammar]

māṃsasyāgnau juhāvaiva tato nirmāṃsatāṃ gataḥ |
tato nirmāṃsadehaḥ sa taporāśirajāyata || 43 ||
[Analyze grammar]

jajvaluḥ sarvabhūtāni tejasā tasya sarvataḥ |
udvignāśca surāḥ sarve tapasā tasya bhīṣitāḥ || 44 ||
[Analyze grammar]

etasminnaṃtare brahmā paramaṃ toṣamāgataḥ |
tārakasya varaṃ dātuṃ jagāma śikharaṃ gireḥ || 45 ||
[Analyze grammar]

prāpya taṃ śailarājānaṃ haṃsasyaṃdanamāsthitaḥ |
uvāca tārakaṃ devo girā madhurayā tadā || 46 ||
[Analyze grammar]

brahmovāca |
uttiṣṭha putra tapaso nāstyasādhyaṃ tavādhunā |
varaṃ vṛṇīṣvābhimataṃ yatte manasi vartate || 47 ||
[Analyze grammar]

ityuktastārako daityaḥ prāṃjaliḥ prāha taṃ vibhum || 48 ||
[Analyze grammar]

tāraka uvāca |
vayaṃ prabho jātidharmāḥ kṛtavairāḥ sahamaraiḥ |
taiśca niḥśeṣitā daityāḥ kṛtāḥ krūrainṛśaṃ savat || 49 ||
[Analyze grammar]

teṣāmahaṃ samuddhartā bhaveyamiti me matiḥ |
avadhyaḥ sarvabhūtānāmastrāṇāṃ ca mahaujasām || 50 ||
[Analyze grammar]

syāmahaṃ cāmaraiścaiṣa varo mama hṛdisthitaḥ |
etanme dehi deveśa nānyaṃ vai rocaye varam || 51 ||
[Analyze grammar]

tamuvāca tato daityaṃ viraṃco'maranāyakaḥ |
na yujyate vinā mṛtyuṃ dehino dehadhāraṇam |
jātasya hi dhruvo mṛtyuḥ satyametacchrutīritam || 52 ||
[Analyze grammar]

iti saṃciṃtya varaya varaṃ yasmānna śaṃkase |
tataḥ saṃciṃtya daityeṃdraḥ śiśutaḥ saptavāsarāt || 53 ||
[Analyze grammar]

tāraka uvāca |
vāsarāṇāṃ ca saptānāṃ varjayitvā tu bālakam |
devānāmapyavadhyo'haṃ bhūyāsaṃ tena yācitaḥ || 54 ||
[Analyze grammar]

vavre mahāsuro mṛtyuṃ brahmāṇaṃ mānamohitaḥ |
brahmā proce tatastaṃ ca tatheti haravākyataḥ || 55 ||
[Analyze grammar]

jagāma tridivaṃ devo daityo'pi svakamālayam |
uttīrṇaṃ tapasastaṃ ca daityaṃ daityeśvarāstadā || 56 ||
[Analyze grammar]

parivavruḥ phalākīrṇaṃ vṛkṣaṃ śakunayo yathā |
tasminmahati rājyasthe tārake ditinaṃdane || 57 ||
[Analyze grammar]

brahmaṇābhihi tasthāne mahārṇavataṭottare |
taravo jajñire pārtha tatra sarvartavaḥ śubhāḥ || 58 ||
[Analyze grammar]

kāṃtirdyutirdhṛtirmedhā śrīrakhaṃḍā ca dānavam |
parivavrurguṇā kīrṇaṃ niśchidrāḥ sarva eva hi || 59 ||
[Analyze grammar]

kālāgaruviliptāṃgaṃ mahāmukuṭamaṃḍitam |
rucirāṃgadasannaddhaṃ mahāsiṃhāsane sthitam || 60 ||
[Analyze grammar]

nṛtyaṃtyapsarasaḥ śreṣṭhā gandharvā gāyayaṃti ca |
candrārkau dīpamārgeṣu vyajaneṣu ca mārutaḥ |
grahā agresarāstasya jīvādeśaprabhāṣiṇaḥ || 61 ||
[Analyze grammar]

evaṃ svakādbāhubalātsa daityaḥ saṃprāpya rājyaṃ parimodamānaḥ |
kadācidābhāṣya jagāda maṃtriṇaḥ proddhṛttasarvāṃgabalena darpitaḥ || 62 ||
[Analyze grammar]