Chapter 20

[English text for this chapter is available]

ṛṣaya ūcuḥ |
brahmā viṣṇuśca rudraśca saguṇāḥ kīrtitāstvayā |
liṃgarūpī tathaiveśo nirguṇo'sau kathaṃ vada || 1 ||
[Analyze grammar]

tribhirguṇairvyāptamidaṃ carācaraṃ jaganmahadvyāpyatha vālpakaṃ vā |
māyāmayaṃ sarvamidaṃ vibhāti liṃgaṃ vinā kena kutovibhāti || 2 ||
[Analyze grammar]

yaddṛśyamānaṃ mahadalpakaṃ ca tannaśvaraṃ kṛtakatvācca sūta || 3 ||
[Analyze grammar]

tasmādvimṛśya bhoḥ sūta saṃśayaṃ chettumarhasi |
vyāsaprasādātsakalaṃ jānāsi tvaṃ na cāparaḥ || 4 ||
[Analyze grammar]

suta uvāca |
vyāsena kathitaṃ sarvamasminnarthe śukaṃ prati |
śuka uvāca |
liṃgarūpī kathaṃ śaṃbhurnirguṇaḥ kathate tvayā |
etanme saṃśayaṃ tāta cchettumarhasyaśeṣataḥ || 5 ||
[Analyze grammar]

vyāsa uvāca |
śruṇu vatsa bravīmyetatpurā proktaṃ ca naṃdinā |
agastyaṃ pṛcchamānaṃ ca yena sarvaṃ śrutaṃ śuka || 6 ||
[Analyze grammar]

nirguṇaṃ paramātmānaṃ viddhi liṃgasvarūpiṇam |
parā śaktistathā jñeyā nirguṇā śāśvatī satī || 7 ||
[Analyze grammar]

yayā kṛtimidaṃ sarvaṃ guṇatrayavibhāvitam |
etaccarācaraṃ viśvaṃ naśvaraṃ paramārthataḥ || 8 ||
[Analyze grammar]

eka eva paro hyātmā liṃgarūpī niraṃjanaḥ |
prakṛtyā saha te sarve triguṇā vilayaṃ gatāḥ || 9 ||
[Analyze grammar]

yasminneva tato liṃgaṃ layanātkathitaṃ purā |
tasmālliṃge layaṃ prāptā parā śaktiḥ kuto'pare || 10 ||
[Analyze grammar]

līnā guṇāśca rudroktyā yairidaṃ baddhameva ca |
carācaraṃ mahābhāga tasmālliṃgaṃ prapūjayet || 11 ||
[Analyze grammar]

liṃgaṃ ca nirguṇaṃ sākṣājjānīdhvaṃ bho drijotamāḥ |
layālliṃgasya māhātmyaṃ guṇānāṃ parikīrtyate || 12 ||
[Analyze grammar]

śaṃkaraḥ sukhadātā hi ucyamāno manīṣibhiḥ |
sarvo hi kathyate viprāḥ sarveṣāmāśrayo hi sa || 13 ||
[Analyze grammar]

śaṃbhurhi kathyate viprā yasmācca śubhasaṃbhavaḥ || 14 ||
[Analyze grammar]

evaṃ sarvāṇi nāmāni sārthakāni mahātmanaḥ |
tenāvṛtaṃ jagatsarvaṃ śaṃbhunā parameṣṭhinā || 15 ||
[Analyze grammar]

ṛṣaya ūcuḥ |
yadā dākṣāyaṇī cāgnau patitā yajñakarmaṇi |
dakṣasya ca mahābhāgā tirodhānagatā satī || 16 ||
[Analyze grammar]

prādurbhūtā kadā sūta kathyatāṃ tattvayā'dhunā |
parā śaktirmaheśasya militā ca kathaṃ punaḥ || 17 ||
[Analyze grammar]

etatsarvaṃ mahābhāga pūrvavṛttaṃ ca tattvataḥ |
kathanīyaṃ ca asmākaṃ nānyo vaktāsti kaścana || 18 ||
[Analyze grammar]

sūta uvāca |
jajñe dākṣāyaṇī brahmanvidagdhāvayavā yadā |
vinā śaktyā maheśo'pi tatāpa paramaṃ tapaḥ || 19 ||
[Analyze grammar]

līlāgṛhītavapuṣā parvate himavadgirau |
bhṛṃgiṇā saha viśvena naṃdinā ca tathaiva ca || 20 ||
[Analyze grammar]

tathā caṃḍena muṃḍena tathānyairbahubhirvṛtaḥ |
daśabhiḥ koṭiguṇitairgaṇaiśca parivāritaḥ || 21 ||
[Analyze grammar]

gaṇānāṃ caiva koṭyā ca tathā ṣaṣṭisahasrakaiḥ |
evaṃ tatra gaṇairdeva āvṛto vṛṣabhadhvajaḥ || 22 ||
[Analyze grammar]

tapo juṣāṇaḥ sahasā mahātmā himālayasyāgragatastathaiva |
gaṇairvṛto vīrabhadrapradhānaiḥ sa kevalo mūlavidyāvihīnaḥ || 23 ||
[Analyze grammar]

etasminnaṃtare daityāḥ prādurbhūtā hyavidyayā |
viṣṇunā hi balirbaddhastathā te vai mahābalāḥ || 24 ||
[Analyze grammar]

jātā daityāstato viprā iṃdropadravakārakāḥ |
kālakhaṃjā mahāraudrāḥ kālakāyāstathāpare || 25 ||
[Analyze grammar]

nivātakavacāḥ sarve ravarāvakasaṃjñakāḥ |
anye ca bahavo daityāḥ prajāsaṃhārakārakāḥ || 26 ||
[Analyze grammar]

tārako namuceḥ putrastapasā parameṇa hi |
brahmāṇaṃ toṣayāmāsa brahmā tasya tutoṣa vai || 27 ||
[Analyze grammar]

varāndadau yatheṣṭāṃśca tārakāya durātmane |
varaṃ vṛṇīṣva bhadraṃ te sarvānkāmāndadāmi te || 28 ||
[Analyze grammar]

tacchatvā vacanaṃ tasya brahmaṇaḥ parameṣṭhinaḥ |
varayāmāsa ca tadā varaṃ lokabhayāvaham || 29 ||
[Analyze grammar]

yadi me tvaṃ prasanna'si ajarāmaratāṃ prabho |
dehi me yadvijānāsi ajeyatvaṃ tathaiva ca || 30 ||
[Analyze grammar]

evamuktastadā tena tārakeṇa durātmanā |
uvāca prahasanvākyamamaratvaṃ kutastava || 31 ||
[Analyze grammar]

jātasya hi dhruvo mṛtyuretajjānīhi tattvataḥ |
prahasya tārakaḥ prāha ajeyatvaṃ ca dehi me || 32 ||
[Analyze grammar]

brahmovāca tadā daityajeyatvaṃ tavānagha |
vinārbhakeṇa dattaṃ vai hyarbhakastvāṃ vijeṣyate || 33 ||
[Analyze grammar]

tadā sa tārakaḥ prāha brahmāṇaṃ praṇataḥ prabho |
kṛtārtho'haṃ hi deveśa prasādāttava saṃprati || 34 ||
[Analyze grammar]

evaṃ labdhavaro bhūtvā tārako hi mahābalaḥ |
devānyuddhārthamāhūya yuyudhe taiḥ sahāsuraḥ || 35 ||
[Analyze grammar]

mucukundaṃ samāśritya devāste jayino'bhavan |
punaḥ punarvikurvāṇā devāste tārakeṇa hi || 36 ||
[Analyze grammar]

mucukundabalenaiva jayamāpuḥsurāstadā |
kiṃ kartavyaṃ hi cāsmākaṃ yudhyamānairniraṃtaram || 37 ||
[Analyze grammar]

bhavitavyamiti smṛtvā gatāste brahmaṇaḥ padam |
brahmaṇaścāgrato bhūtvā hyabruvaṃste savāsavāḥ || 38 ||
[Analyze grammar]

devā ūcūḥ |
balinā saha pātālamāste'sau madhusūdanaḥ |
viṣṇuṃ vinā hi te sarve vṛṣādyāḥ patitāḥ paraiḥ || 39 ||
[Analyze grammar]

daityeṃdraiśca mahābhāga trātumarhasi naḥ prabho |
tadā nabhogatā vāṇī hyuvāca parisāṃtvya vai || 40 ||
[Analyze grammar]

he devāḥ kriyatāmāśu mama vākyaṃ hi tattvataḥ |
śivātmajo yadā devā bhaviṣyati mahābalaḥ || 41 ||
[Analyze grammar]

yuddhe punastārakaṃ ca vadhiṣyati na saṃśayaḥ |
yenopāyena bhagavāñchaṃbhuḥ sarvaguhāśayaḥ || 42 ||
[Analyze grammar]

dārāparigrahī devāstathā nītirvidhīyatām |
kriyatāṃ ca paro yatno bhavadbhirnānyathā vacaḥ || 43 ||
[Analyze grammar]

yūyaṃ devā vijānīdhvamityuvācāśarīravāk |
paraṃ vismayamāpannā ūcurdevāḥ parasparam || 44 ||
[Analyze grammar]

śrutvā nabhogatāṃ vāṇīmājagmuste himālayam |
bṛhaspatiṃ puraskṛtya sarve devā vaco'bruvan || 45 ||
[Analyze grammar]

himālayaṃ mahābhāgāḥ sarve kāryārthagauravāt |
himālaya mahābhāga śrūyatāṃ no'dhunā vacaḥ || 46 ||
[Analyze grammar]

tārakastrāsayatyasmānsāhāyyaṃ tadvadhe kuru |
tvaṃ śaraṇyo bhavāsmākaṃ sarveṣāṃ ca tapasvinām |
tasmātsarve vayaṃ yātā maheṃdrasahitā vibho || 47 ||
[Analyze grammar]

lomaśa uvāca |
evamabhyarthito devairhimavāngirisattamaḥ |
uvāca devānprahasanvākyaṃ vākyavidāṃ varaḥ || 48 ||
[Analyze grammar]

mahendra muddiśya tadā hyupahāsasamanvitaḥ |
akṣamāśca vayaṃ sarve mahendreṇa kṛtāḥ surāḥ || 49 ||
[Analyze grammar]

kiṃ kurmaḥ surakāryaṃ ca tārakasya vadhaṃ prati |
pakṣayuktā vayaṃ sarve yadi syāma surottamāḥ || 50 ||
[Analyze grammar]

tadā vayaṃ ghātayāmastārakaṃ saha bāṃdhavaiḥ |
acalohaṃ vipakṣaśca kiṃ kāryaṃ karavāṇi va || 51 ||
[Analyze grammar]

tasya tadvacanaṃ śrutvā sarve devāstamabruvan |
sarve yūyaṃ vayaṃ caiva asamarthā vadhaṃ prati |
tārakasya mahābhāga etatkāryaṃ vicaṃtyatām || 52 ||
[Analyze grammar]

yena sādhyo bhavecchatrustārako hi mahābalaḥ |
tadovāca mahātejā himavānsa surānprati || 53 ||
[Analyze grammar]

kenopāyena bho devāstārakaṃ haṃtumicchatha |
kathayaṃtutvareṇaiva kāryaṃ vettuṃ mamaiva hi || 54 ||
[Analyze grammar]

tadā suraiḥ kathitaṃ sarvametadvāṇyā coktaṃ yatpurā kāryahetoḥ |
śrutaṃ tadā giriṇā vākyameta himavānparvato hi || 55 ||
[Analyze grammar]

śivasya putreṇa ca dhīmatā yadā vadhyo daityastārako vai mahātmā |
tadā sarvaṃ suragakāryaṃ śubhaṃsyādvāṇyā coktaṃ satyametadbhavecca || 56 ||
[Analyze grammar]

tasmāttadenatkriyatāṃ bhavadbhiryathā maheśaḥ kurute parigraham |
kanyā yathā tasya śivasya yogyā nirīkṣyatāmāśu surairidānīm || 57 ||
[Analyze grammar]

tasya tadvacanaṃ śrutvā prahasyocuḥ surāstadā |
janitavyā tvayā kanyā śivārthaṃ kāryasiddhaye || 58 ||
[Analyze grammar]

surāṇāṃ ca gire vākyaṃ kuru śīghraṃ mahāmate |
ādhārastvaṃ tu devānāṃ bhaviṣyasi na saṃśayaḥ || 59 ||
[Analyze grammar]

ityukto girirājo'tha devaiḥ svagṛhamāmāviśat |
patnīṃ menāṃ ca papraccha sukāryaṃ samāgatam || 60 ||
[Analyze grammar]

janitavyā sukanyaikā surakāryārthasiddhaye |
devānāṃ ca ṛṣīṇāṃ ca tathaiva ca tapasvinām || 61 ||
[Analyze grammar]

priyaṃ na bhavati strīṇāṃ kanyājananaseva ca |
tathāpi janitavyā ca kanyaikā ca varānane || 62 ||
[Analyze grammar]

prahasya menā provāca svapatiṃ ca himālayam |
yaduktaṃ bhavatā vākyaṃ śrūyatāṃ me tvayā'dhunā || 63 ||
[Analyze grammar]

kanyā sadā duḥkhakarī nṛṇāṃ pate strīṇāṃ tathā śokakarī mahāmate |
tasmādvimṛśya suciraṃ svayameva buddhyā yathā hitaṃ śailapate taducyatām || 64 ||
[Analyze grammar]

himavāṃstadupaśrutyā priyāyā vacanaṃ tadā |
uvāca vākyaṃ medhāvī paropakaraṇānvitam || 65 ||
[Analyze grammar]

yenayena prakāreṇa pareṣāmupajīvanam |
bhaviṣyati ca tatkāryaṃ dhīmatā puruṣeṇa hi || 66 ||
[Analyze grammar]

striyāpi caiva tatkāryaṃ paropakaraṇānvitam |
evaṃ pravartitā tena giriṇā mahiṣī tadā |
dadhāra jaṭhare kanyāṃ menā bhāgyavatī tadā || 67 ||
[Analyze grammar]

mahāvidyā mahāmāyā mahāmedhāsvarūpiṇī |
rudrakālī ca aṃbā ca satī dākṣāyaṇī parā || 68 ||
[Analyze grammar]

tāṃ vibhūtiṃ viśālākṣī jaṭhare paramāṃ satī |
babhāra sā mahābhāgā menā cāruvilocanā || 69 ||
[Analyze grammar]

stutiṃ cakrustadā devā ṛṣayo yakṣakinnarāḥ |
menāyā bhūribhāgyāyāstathā himavato gireḥ || 70 ||
[Analyze grammar]

etasminnaṃtare jātā girijā nāma nāmataḥ |
prādurbhūtā yadā devī sarveṣāṃ ca sukhapradā || 71 ||
[Analyze grammar]

devaduṃdubhayo nedurnanṛtuścāpsarogaṇāḥ |
jagurgaṃdharvapatayo nanṛtuścāpsarogaṇāḥ || 72 ||
[Analyze grammar]

puṣpavarṣeṇa mahatā vavṛṣurvibudhāstathā |
tadā prasannamabhavatsarvaṃ trailokyameva ca || 73 ||
[Analyze grammar]

yadāvatīrṇā girijā mahāsatī tadaiva daityā bhayamāviśaṃste |
prāptā mudaṃ devagaṇā maharṣayaḥ sacāraṇāḥ siddhagaṇāstathaiva || 74 ||
[Analyze grammar]