Chapter 19

[English text for this chapter is available]

lomaśa uvāca |
evaṃ saṃbodhito daityo guruṇā bhārgaveṇa hi |
uvāca prahasanvākyaṃ meghagaṃbhīrayā girā || 1 ||
[Analyze grammar]

tvayoktohaṃ hitārthāya yairvākyaiścālito'smyaham |
tava vākyaṃ mama prītyai hitamapyahitaṃ bhavet || 2 ||
[Analyze grammar]

dāsyāmi bhikṣitaṃ cāsmai viṣmave baṭurūpiṇe |
pātrībhūto hyayaṃ viṣṇuḥ sarvakarmaphaleśvaraḥ || 3 ||
[Analyze grammar]

yeṣāṃ hṛdi sthito viṣṇuste vai pātratamā dhruvam |
yasya nāmnā sarvamidaṃ pavitramiva cocyate || 4 ||
[Analyze grammar]

yena vedāśca yajñāśca maṃtrataṃtrādayo hyamī |
sarve saṃpūrṇatāṃ yāṃti so'yaṃ viśveśvaro hariḥ || 5 ||
[Analyze grammar]

āgataḥ kṛpayā medya sarvātmā harirīśvaraḥ |
uddhartuṃ māṃ na saṃdeha etajjānīhi tattvataḥ || 6 ||
[Analyze grammar]

tasya tadvacanaṃ śrutvā cukopa ca ruṣānvitaḥ |
bhārgavaḥ śaptumārebhe daityeṃdraṃ dharmmavatsalam || 7 ||
[Analyze grammar]

mama vākyamatikramya dātumicchasyariṃdama |
viguṇo bhava re maṃda tasmāttvaṃ niḥśriko bhava || 8 ||
[Analyze grammar]

evaṃ śaśāpa ca tadā paramārthavijñaṃ śiṣyaṃ mahātmānamagādhabodham |
sa vai jagāmātha mahākavistvarātsvamāśramaṃ dharmmavidāṃ variṣṭhaḥ || 9 ||
[Analyze grammar]

gate tu bhārgave tasminbalirvirocanātmajaḥ |
vāmanaṃ cārcayitvā sa mahīṃ dātuṃ pracakrame || 10 ||
[Analyze grammar]

viṃdhyāvaliḥ samāgatya balerarddhāṃgaśobhitā |
avanijya baṭoḥ pādau pradadau viṣṇave mahīm || 11 ||
[Analyze grammar]

saṃkalpapūrveṇa tadā vidhinā vidhikovidaḥ |
saṃkalpenaiva mahatā vavṛdhe bhagavānajaḥ || 12 ||
[Analyze grammar]

yadaikena mahī vyāptā viṣṇunā prabhaviṣṇunā |
sarve svargā dvitīyena vyāptāstena mahātmanā || 13 ||
[Analyze grammar]

satyalokagato viṣṇoścaraṇaḥ parameṣṭhinā |
kamaṇḍalugatenaiva aṃbhasā cāvanenije || 14 ||
[Analyze grammar]

tatpādasaṃparkajalācca jātā bhāgīrathī sarvasumaṃgalā ca |
yayā trilokī ca kṛtā pavitrā yayā ca sarve sagarāḥ samuddhṛtāḥ |
yayā kapardaḥ paripūrito vai śaṃbhostadānīṃ ca bhagīrathena || 15 ||
[Analyze grammar]

tīrthānāṃ tīrthamādyaṃ ca gaṃgākhyamavatāritam |
tadviṣṇoścaraṇenaiva sametaṃ brahmaṇā kṛtam || 16 ||
[Analyze grammar]

trivikramātparo hyātmā nāmnā trivikramo'bhavat |
trivikramakramākrāṃtaṃ trailokyaṃ ca tadā'bhavat || 17 ||
[Analyze grammar]

padadvayena vā pūrṇaṃ jagadetaccarācaram |
vihāya tatsvarūpaṃ ca devadevo janārddanaḥ |
punaśca baṭurūpo'sāvupaviśya nijāsane || 18 ||
[Analyze grammar]

tadā devāḥ sagaṃdharvā munayaḥ siddhacāraṇāḥ |
āgatāśca baleryajñaṃ draṣṭuṃ yajñapatiṃ prabhum || 19 ||
[Analyze grammar]

tatra brahmā samāgatya stutiṃ cakre parātmanaḥ |
balestatraiva cānyena ca daityeṃdrāścāgatāstvaram || 20 ||
[Analyze grammar]

ebhiḥ sarvaiḥ parivṛto vāmano balisadmani |
upaviśyāsane so'tha uvāca garuḍaṃ prati || 21 ||
[Analyze grammar]

daityo'sau bāliśo bhūtvā dattānena mahī mama |
tripadakramaṇenaiva gṛhītaṃ ca padadvayam || 22 ||
[Analyze grammar]

padamekaṃ pratiśrutya na dadāti hi durmatiḥ |
tasmāttvayā gṛhītavyaṃ tṛtīyaṃ padameva ca || 23 ||
[Analyze grammar]

ityukto garuḍastena vāmanena mahātmanā |
vairocaniṃ vinirbhartsya vākyaṃ cedamuvāca ha || 24 ||
[Analyze grammar]

re bale kiṃ tvayā mūḍha kṛtamasti jugupsitam |
avidyamāne hyarthe hi kiṃ dadāsi paramātmane |
audāryeṇa hi kiṃ kāryamalpakena tvayādhunā || 25 ||
[Analyze grammar]

ityukto balirāviṣṭaḥ syamānaḥ khageśvaram |
vakṣyamāṇamidaṃ vākyaṃ garutmantaṃ tadā'bravīt || 26 ||
[Analyze grammar]

samarthosmi mahāpakṣa gṛpaṇo na bhavāmyaham |
yenedaṃ kāritaṃ sarvaṃ tasmai kiṃ pradadāmyaham || 27 ||
[Analyze grammar]

asamartho hyahaṃ tāta kṛto'nena mahātmanā |
tadovāca baliṃ so'pi tārkṣyaputro mahāmanāḥ || 28 ||
[Analyze grammar]

jānannapi ca daityeṃdra guruṇāpi nivāritaḥ |
viṣṇave'pi mahīṃ prādāstvayā kiṃ vismṛtaṃ mahat || 29 ||
[Analyze grammar]

dātavyaṃ tatpadaṃ viṣṇostṛtīyaṃ yatpratiśrutam |
na dadāsi kathaṃ vīra nirayeca patiṣyasi || 30 ||
[Analyze grammar]

na dadāsi tṛtīyaṃ ca padaṃ me svāminaḥ katham |
balādgṛhṇāmi re mūḍha ityuktvā taṃ mahāsuram |
babaṃdha vāruṇaiḥ pāśairvirocana sutaṃ tadā || 31 ||
[Analyze grammar]

nitarāṃ niṣṭhuro bhūtvā garuḍo jayatāṃ varaḥ |
baddhaṃ svapatimālokya viṃdhyāvaliḥ samabhyayāt || 32 ||
[Analyze grammar]

bāṇamekaṃ samāropya vāmanasyāgrataḥ sthitā |
vāmanena tadā pṛṣṭā keyaṃ cātrāgrataḥ sthitā || 33 ||
[Analyze grammar]

tadovāca mahātejāḥ prahlādo hyasurādhipaḥ |
baleḥ patnīti tvāṃ prāptā iyaṃ viṃdhyāvalī satī || 34 ||
[Analyze grammar]

prahlādasya vacaḥ śrutvā vāmano vākyamabravīt |
brūhi viṃdhyāvale vākyaṃ kiṃ kāryaṃ te karomyaham |
evamuktā bhagavatā viṃdhyāvalirabhāṣata || 35 ||
[Analyze grammar]

vindhyāvaliruvāca |
kasmādbaddho mama patirgaruḍena mahātmanā |
tatkathyatāṃ mahābhāga tvaranneva janārddana |
tadovāca mahātejā baṭuveṣadharo hiḥ || 36 ||
[Analyze grammar]

śrībhagavānuvāca |
anenaiva pradattā me mahī tripadalakṣaṇā |
padadvayena ca mayākrāṃtaṃ trailokyamadya vai || 37 ||
[Analyze grammar]

anena mama dātavyaṃ tṛtīyaṃ padameva ca |
tasmādbaddho mayā sādhvi garuḍenaiva te patiḥ || 38 ||
[Analyze grammar]

śrutvā bhagavato vākyamuvāca paramaṃ vacaḥ |
pratiśrutamanenaiva na dattaṃ hi tava prabho || 39 ||
[Analyze grammar]

krāṃtaṃ tribhuvanaṃ cādya tvayā vikramarūpiṇā |
tadasmākaṃ vijaghnīthāḥ svarge vāpyathavā bhuvi || 40 ||
[Analyze grammar]

kiṃcinna dattā hi vibho devadeva jagatpate |
prahasya bhagavānāha tadā viṃdhyāvaliṃ prabhuḥ || 41 ||
[Analyze grammar]

padāni trīṇi me cādya dātavyāni kuto'dhunā |
śīghraṃ vada viśālākṣi yatte manasi varttate |
tadovāca ca sā sādhvī hyurukramamavasthitā || 42 ||
[Analyze grammar]

tvayā kuto veyamurukrameṇa krāṃtā trilokī bhuvanaikanātha |
tathaiva sarvaṃ jagadekabaṃdho deyaṃ kismābhiratulyarūpiṇe || 43 ||
[Analyze grammar]

tasmādvihāya tadviṣṇo tvamevaṃ kuru saṃprati |
prati śrutāni me bhartrā padāni trīṇi cādhunā |
dadāti me patistedya nātra kāryā vicāraṇā || 44 ||
[Analyze grammar]

nidhehi me padaṃ tvaṃ hi śīrṣṇi devavara prabho |
dvitīyaṃ me śiśostvaṃ hi kuru mūrdhni jagatpate || 45 ||
[Analyze grammar]

tṛtīyaṃ ca jagannātha kuru śīrṣṇi patermama |
evaṃ trīṇi padānīśa tava dāsyāmi keśava || 46 ||
[Analyze grammar]

tasyāstadvacanaṃ śrutvā parituṣṭo janārdanaḥ |
uvāca ślakṣṇayā vācā virocanasutaṃ prati || 47 ||
[Analyze grammar]

bhagavānuvāca |
sutalaṃgaccha daityendra mā vilaṃbitumarhasi |
sarvaiścāsurasaṃghaiśca ciraṃ jīva sukhī bhava || 48 ||
[Analyze grammar]

parituṣṭo'smyahaṃ tāta kiṃ kāryaṃ karavāṇi te |
sarveṣāmapi dātṝṇāṃ variṣṭho'si mahāmate || 49 ||
[Analyze grammar]

varaṃ varaya bhadraṃ te sarvānkāmāndadāmi te |
trivikrameṇaivamukto virocanasutastadā || 50 ||
[Analyze grammar]

vimukto hi pariṣvakto devadevena cakriṇā |
tadā baliruvācedaṃ vākyaṃ vākyaviśāradaḥ || 51 ||
[Analyze grammar]

tvayā kṛtamidaṃ sarvaṃ jagadetaccarācaram |
tasmānna kāmaye kiṃcittvatpadābjaṃ vinā prabho || 52 ||
[Analyze grammar]

bhaktirastu padāṃbhoje tava deva janārdana |
bhūyobhūyaśca deveśa bhaktirbhavatu śāśvatī || 53 ||
[Analyze grammar]

evamabhyarthitastena bhagavānbhūtabhāvanaḥ |
uvāca paramaprīto virocanasutaṃ tadā || 54 ||
[Analyze grammar]

bhagavānuvāca |
bale tvaṃ sutalaṃ yāhi jñātisaṃbaṃdhibhirvṛtaḥ |
evamuktastadā tena asuro vākyabravīt || 55 ||
[Analyze grammar]

sutale kiṃ nu me kāryaṃ devadeva vadasva me |
tiṣṭhāmi tava sāṃnidhye nānyathā vaktumarhasi || 56 ||
[Analyze grammar]

tadovāca hṛṣīkeśo baliṃ taṃ kṛpayā'nvitataḥ |
ahaṃ tava samīpastho bhavāmi satataṃ nṛpa || 57 ||
[Analyze grammar]

dvāri sthitastava vibho nivāsāmi nityaṃ mā khidyatāmasuravarya bale śrṛṇuṣva |
vākyaṃ tu me vara maho varadastavādya vaikuṃṭhavāsibhipalaṃ ca bhajāmi geham || 58 ||
[Analyze grammar]

tacchrutvā vacanaṃ tasya viṣmoratulatejasaḥ |
jagāma sutalaṃ daityau hyasuraiḥ parivāritaḥ || 59 ||
[Analyze grammar]

tadā putraśatenaiva bāṇamukhyena satvaram |
vasamāno mahābāhurdātṝṇāṃ ca parā gatiḥ || 60 ||
[Analyze grammar]

trailokye yācakā ye ca sarve yāṃti baliṃ prati |
dvāri sthitastasya viṣṇuḥ prayacchati yathepsitam || 61 ||
[Analyze grammar]

bhuktikāmāśca ye kecinmuktikāmāstathā pare |
yeṣāṃ yajñe ca te viprāstattebhyaḥ saṃprayacchati || 62 ||
[Analyze grammar]

evaṃvidho balirjātaḥ prasādācchaṃkarasya ca |
purā hi kitavatvena yaddattaṃ paramātmane || 63 ||
[Analyze grammar]

aśuciṃ bhūmimāsādya gaṃdhapuṣpādikaṃ mahat |
patitaṃ cārppitaṃ tena śivāya paramātmane || 64 ||
[Analyze grammar]

kiṃ punaḥ parayā bhaktyā cārcayaṃti maheśvaram |
puṣpaṃ phalaṃ toyaṃ te yāṃti śivasannidhim || 65 ||
[Analyze grammar]

śivātparataro nāsti pūjanīyo hi bho dvijāḥ |
ye hi mūkāstathāṃdhāśca paṃgavo ye jaḍāstathā || 66 ||
[Analyze grammar]

jātihīnāśca caṃḍālāḥ śvapacā hyaṃtyajā hyamī |
śivabhaktiparā nityaṃ te yāṃti paramāṃ gatim || 67 ||
[Analyze grammar]

tasmātsadāśivaḥ pūjyaḥ sarvairevamanīṣibhiḥ |
pūjanīyo hi saṃpūjyo hyarcanīyaḥ sadāśivaḥ || 68 ||
[Analyze grammar]

maheśaṃ paramārathajñāściṃtayaṃti hṛdi sthitam |
yatra jīvo bhavatyeva śivastatraiva tiṣṭhati || 69 ||
[Analyze grammar]

vinā śivena yatkiṃcidaśivaṃ bhavati kṣaṇāt |
brahmā viṣṇuśca rudraśca guṇakāryakarā hyamī || 70 ||
[Analyze grammar]

rajoguṇānvito brahmā viṣṇuḥ sattvaguṇānvitaḥ |
tamoguṇāśrito rudro guṇātīto maheśvaraḥ || 71 ||
[Analyze grammar]

liṃgarūpo mahādevo hyarcanīyo mumukṣubhiḥ |
śivātparataro nāsti bhuktimuktipradāyakaḥ || 72 ||
[Analyze grammar]