Chapter 20

[English text for this chapter is available]

upamanyuruvāca |
athaivaṃ saṃskṛtaṃ śiṣyaṃ kṛtapāśupatavratam |
ācāryatve 'bhiṣiṃceta tadyogatvena cānyathā || 1 ||
[Analyze grammar]

maṇḍalaṃ pūrvavatkṛttvā saṃpūjya parameśvaram |
sthāpayatpañcakalaśāndikṣu madhye ca pūrvavat || 2 ||
[Analyze grammar]

nivṛttiṃ purato nyasya pratiṣṭhāṃ paścime ghaṭe |
vidyāṃ dakṣiṇataḥ śāṃtimuttare madhyataḥ parām || 3 ||
[Analyze grammar]

kṛtvā rakṣādikaṃ tatra baddhvā mudrāṃ ca dhainavīm |
abhimaṃtrya ghaṭānhutvā pūrṇāṃtaṃ ca yathā purā || 4 ||
[Analyze grammar]

praveśya maṃḍale śiṣyamanuṣṇīṣaṃ ca deśikaḥ |
tarpaṇādyaṃ tu maṃtrāṇāṃ kuryātpūrvāvasānakam || 5 ||
[Analyze grammar]

tataḥ saṃpūjya deveśamanujñāpya ca pūrvavat |
abhiṣekāya taṃ śiṣyamāsanaṃ tvadhirohayet || 6 ||
[Analyze grammar]

sakalīkṛtya taṃ paścātkalāpañcakarūpiṇam |
nyastamaṃtratanuṃ baddhvā śivaṃ śiṣyaṃ samarpayet || 7 ||
[Analyze grammar]

tato nivṛttikuṃbhādighaṭānuddhṛtya vai kramāt |
madhyamāntācchivenaiva śiṣyaṃ tamabhiṣecayat || 8 ||
[Analyze grammar]

śivahastaṃ samarpyātha śiśoḥ śirasi deśikaḥ |
śivabhāvasamāpannaḥ śivācāryaṃ tamādiśet || 9 ||
[Analyze grammar]

athālaṃkṛtya taṃ devamārādhya śivamaṇḍale |
śatamaṣṭottaraṃ hutvā dadyātpūrṇāhutiṃ tataḥ || 10 ||
[Analyze grammar]

punaḥ sampūjya deveśaṃ praṇamya bhuvi daṃḍavat |
śirasyaṃjalimādhāya śivaṃ vijñāpayedguruḥ || 11 ||
[Analyze grammar]

bhagavaṃstvatprasādena deśikoyaṃ mayā kṛtaḥ |
anugṛhya tvayā deva divyājñāsmai pradīyatām || 12 ||
[Analyze grammar]

evaṃ vijñāpya śiṣyeṇa saha bhūyaḥ praṇamya ca |
śivaṃ śivāgamaṃ divyaṃ pūjayecchivavadguruḥ || 13 ||
[Analyze grammar]

punaḥ śivamanujñāpya śivajñānasya pustakam |
ubhābhyāmatha pāṇibhyāṃ dadyācchiṣyāya deśikaḥ || 14 ||
[Analyze grammar]

sa tāmmūrdhni samādhāya vidyāṃ vidyāsanopari |
adhiropya yathānyāyamabhivaṃdya samarcayet || 15 ||
[Analyze grammar]

atha tasmai gururdadyādrājopakaraṇānyapi |
ācāryapadavīṃ prāpto rājyaṃ cāpi yato 'rhati || 16 ||
[Analyze grammar]

athānuśāsanaṃ kuryātpūrvairācaritaṃ yathā |
yathā ca śivaśāstroktaṃ yathā lokeṣu pūjyate || 17 ||
[Analyze grammar]

śiṣyānparikṣya yatnena śivaśāstroktalakṣaṇaiḥ |
saṃskṛtya ca śivajñānaṃ tebhyo dadyācca deśikaḥ || 18 ||
[Analyze grammar]

evaṃ sarvamanāyāsaṃ śaucaṃ kṣāṃtiṃ dayāṃ tathā |
aspṛhāmapyasūyāṃ ca yatnena ca vibhāvayet || 19 ||
[Analyze grammar]

itthamādiśya taṃ śiṣyaṃ śivamudvāsya maṃḍalāt |
śivakuṃbhānalādīṃśca sadasyānapi pūjayet || 20 ||
[Analyze grammar]

yugapadvātha saṃskārānkurvīta sagaṇo guruḥ |
tatra yatra dvayaṃ vāpi prayogasyopadiśyate || 21 ||
[Analyze grammar]

tadādāveva kalaśānkalpayedadhvaśuddhivat |
kṛtvā samayasaṃskāramabhiṣekaṃ vinākhilam || 22 ||
[Analyze grammar]

samabhyarcya śivaṃ bhūyaḥ kṛtvā cādhvaviśodhanam |
tasminparisamāpte tu punardevaṃ prapūjayet || 23 ||
[Analyze grammar]

hutvā maṃtrantu saṃtarpya saṃdīpyāśāsya ceśvaram |
samarpya maṃtraṃ śiṣyasya pāṇau śeṣaṃ samāpayet || 24 ||
[Analyze grammar]

athavā maṃtrasaṃskāramanuciṃtyākhilaṃ kramāt |
adhvaśuddhiṃ guruḥ kuryādabhiṣekāvasānikam || 25 ||
[Analyze grammar]

tatra yaḥ śāntyatītādikalāsu vihito vidhiḥ |
sa sarvo 'pi vidhātavyastattvatrayaviśodhane || 26 ||
[Analyze grammar]

śivavidyātmatattvākhyaṃ tattvatrayamudāhṛtam |
śaktau śivastato vidyāttasyāstvātmā samudbabhau || 27 ||
[Analyze grammar]

śivena śāṃtyatītādhvā vyāptastadaparaḥ paraḥ |
vidyayā pariśiṣṭo 'dhvā hyātmanā nikhilaḥ kramāt || 28 ||
[Analyze grammar]

durlabhaṃ śāṃbhavaṃ matvā maṃtramūlaṃ manīṣiṇaḥ |
śāktaṃ śaṃsīta saṃskāraṃ śivaśāstrārthapāragāḥ || 29 ||
[Analyze grammar]

iti te sarvamākhyātaṃ saṃskārākhyasya karmaṇaḥ |
cāturvidhyamidaṃ kṛṣṇa kiṃ bhūya śrotumicchasi || 30 ||
[Analyze grammar]