Chapter 21

[English text for this chapter is available]

kṛṣṇa uvāca |
bhagavañchrotumicchāmi śivāśramaniṣeviṇām |
śivaśāstroditaṃ karma nityanaimittikaṃ tathā || 1 ||
[Analyze grammar]

upamanyuruvāca |
prātarutthāya śayanāddhyātvā devaṃ sahāmbayā |
vicārya kāryaṃ nirgacchedgṛhādabhyudite 'ruṇe || 2 ||
[Analyze grammar]

abādhe vijane deśe kuryādāvaśyakaṃ tataḥ |
kṛtvā śaucaṃ vidhānena daṃtadhāvanamācaret || 3 ||
[Analyze grammar]

alābhe daṃtakāṣṭhānāmaṣṭamyādidineṣu ca |
apāṃ dvādaśagaṇḍūṣaiḥ kuryādāsyaviśodhanam || 4 ||
[Analyze grammar]

ācamya vidhivatpaścādvāruṇaṃ snānamācaret |
nadyāṃ vā devakhāte vā hrade vātha gṛhe 'pi vā || 5 ||
[Analyze grammar]

snānadravyāṇi tattīre sthāpayitvā bahirmalam |
vyāpohya mṛdamālipya snātvā gomayamālipet || 6 ||
[Analyze grammar]

snātvā punaḥ punarvastraṃ tyaktvāvātha viśodhya ca |
susnāto nṛpavadbhūyaḥ śuddhaṃ vāso vasīta ca || 7 ||
[Analyze grammar]

malasnānaṃ sugaṃdhādyaiḥ snānaṃ dantaviśodhanam |
na kuryādbrahmacārī ca tapasvī vidhavā tathā || 8 ||
[Analyze grammar]

sopavītaśśikhāṃ baddhā praviśya ca jalāṃtaram |
avagāhya samācāṃto jale nyasyettrimaṃḍalam || 9 ||
[Analyze grammar]

saumye magnaḥ punarmaṃtraṃ japecchaktyā śivaṃ smaret |
utthāyācamya tenaiva svātmānamabhiṣecayet || 10 ||
[Analyze grammar]

gośṛṃgeṇa sadarbheṇa pālāśena dalena vā |
pādmena vātha pāṇibhyāṃ pañcakṛtvastrireva vā || 11 ||
[Analyze grammar]

udyānādau gṛhe caiva vardhanyā kalaśena vā |
avagāhanakāle 'dbhirmaṃtritairabhiṣecayet || 12 ||
[Analyze grammar]

atha cedvāruṇaṃ kartumaśaktaḥ śuddhavāsasā |
ārdreṇa śodhayeddehamāpādatalamastakam || 13 ||
[Analyze grammar]

āgneyaṃ vātha vā māṃtraṃ kuryātsnānaṃ śivena vā |
śivaciṃtāparaṃ snānaṃ yuktasyātmīyamucyate || 14 ||
[Analyze grammar]

svasūtroktavidhānena maṃtrācamanapūrvakam |
ācaredbrahmayajñāṃtaṃ kṛtvā devāditarpaṇam || 15 ||
[Analyze grammar]

maṃḍalasthaṃ mahādevaṃ dhyātvābhyarcya yathāvidhi |
dadyādarghyaṃ tatastasmai śivāyādityarūpiṇe || 16 ||
[Analyze grammar]

atha vaitatsvasūtroktaṃ kṛtvā hastau viśodhayet |
karanyāsaṃ tataḥ kṛtvā sakalīkṛtavigrahaḥ || 17 ||
[Analyze grammar]

vāmahastagatāṃbhobhirgaṃdhasiddhārthakānvitaiḥ |
kuśapuṃjena vābhyukṣya mūlamaṃtrasamanvitaiḥ || 18 ||
[Analyze grammar]

āpohiṣṭhādibhirmantraiḥ śeṣamāghrāya vai jalam |
vāmanāsāpuṭenaiva devaṃ saṃbhāvayetsitam || 19 ||
[Analyze grammar]

arghamādāya dehasthaṃ savyanāsāpuṭena ca |
kṛṣṇavarṇena bāhyasthaṃ bhāvayecca śilāgatam || 20 ||
[Analyze grammar]

tarpayedatha devebhya ṛṣibhiśca viśeṣataḥ |
bhūtebhyaśca pitṛbhyaśca dadyādarghyaṃ yathāvidhi || 21 ||
[Analyze grammar]

raktacaṃdanatoyena hastamātreṇa maṃḍalam |
suvṛttaṃ kalpayedbhūmau raktacūrṇādyalaṃkṛtam || 22 ||
[Analyze grammar]

tatra saṃpūjayedbhānuṃ svakīyāvaraṇaiḥ saha |
svakholkāyeti maṃtreṇa sāṃgatassukhasiddhaye || 23 ||
[Analyze grammar]

punaśca maṃḍalaṃ kṛtvā tadaṃgaiḥ paripūjya ca |
tatra sthāpya hemapātraṃ māgadhaprasthasaṃmitam || 24 ||
[Analyze grammar]

pūrayedgaṃdhatoyena raktacaṃdanayoginā |
raktapuṣpaistilaiścaiva kuśākṣatasamanvitaiḥ || 25 ||
[Analyze grammar]

dūrvāpāmārgagavyaiśca kevalena jalena vā |
jānubhyāṃ dharaṇīṃ gatvā natvā devaṃ ca maṃḍale || 26 ||
[Analyze grammar]

kṛtvā śirasi tatpātraṃ dadyādarghyaṃ śivāya tat |
athavāṃjalinā toyaṃ sadarbhaṃ mūlavidyayā || 27 ||
[Analyze grammar]

utkṣipedambarasthāya śivāyādityamūrtaye |
kṛtvā punaḥ karanyāsaṃ karaśodhanapūrvakam || 28 ||
[Analyze grammar]

buddhveśānādisadyāṃtaṃ pañcabrahmamayaṃ śivam |
gṛhītvā bhasitaṃ mantrairvimṛjyāṅgāni saṃspṛśet || 29 ||
[Analyze grammar]

yā dināṃtaiśśirovaktrahṛdguhyacaraṇānkramāt |
tato mūlena sarvāṃgamālabhya vasanāntaram || 30 ||
[Analyze grammar]

paridhāya dvirācamya prokṣyaikādaśamantritaiḥ |
jalairācchādya vāso 'yaddvirācamya śivaṃ smaret || 31 ||
[Analyze grammar]

punarnyastakaro mantrī tripuṃḍraṃ bhasmanā likhet |
avakramāya taṃ vyaktaṃ lalāṭe gandhavāriṇā || 32 ||
[Analyze grammar]

vṛttaṃ vā caturasraṃ vā bindumardhendumeva vā |
lalāṭe yādṛśaṃ puṇḍraṃ likhitaṃ bhasmanā punaḥ || 33 ||
[Analyze grammar]

tādṛśaṃ bhujayormūrdhni stanayoraṃtare likhet |
sarvāṃgoddhūlanaṃ caiva na samānaṃ tripuṇḍrakaiḥ || 34 ||
[Analyze grammar]

tasmāttripuṇḍramevaikaṃ likheduddhūlanaṃ vinā |
rudrākṣāndhārayedmūrdhni kaṃṭhe śrote kare tathā || 35 ||
[Analyze grammar]

suvarṇavarṇamacchinnaṃ śubhaṃ nānyairdhṛtaṃ śubham |
viprādīnāṃ kramācchreṣṭhaṃ pītaṃ raktamathāsitam || 36 ||
[Analyze grammar]

tadalābhe yathālābhaṃ dhāraṇīyamadūṣitam |
tatrāpi nottaraṃ nīcairdhāryaṃ nīcamathottaraiḥ || 37 ||
[Analyze grammar]

nāśucirdhārayedakṣaṃ sadā kāleṣu dhārayet |
itthaṃ trisaṃdhyamathavā dvisaṃdhyaṃ sakṛdeva vā || 38 ||
[Analyze grammar]

kṛtvā snānādikaṃ śaktyā pūjayetparameśvaram |
prajāsthānaṃ samāsādya baddhvā ruciramāsanam || 39 ||
[Analyze grammar]

dhyāyeddevaṃ ca devīṃ ca prāṅmukho vāpyudaṅmukhaḥ |
śvetādīnnakulīśāṃtāṃstacchiṣyānpraṇamedgurum || 40 ||
[Analyze grammar]

punardevaṃ śivaṃ natvā tato nāmāṣṭakaṃ japet |
śivo maheśvaraścaiva rudro viṣṇuḥ pitāmahaḥ || 41 ||
[Analyze grammar]

saṃsāravaidyassarvajñaḥ paramātmeti cāṣṭakam |
athavā śivamevaikaṃ japitvaikādaśādhikam || 42 ||
[Analyze grammar]

jihvāgre tejaso rāśiṃ dhyātvāvyādhyādiśāṃtaye |
prakṣālya caraṇau kṛtvā karau caṃdanacarcitau || 43 ||
[Analyze grammar]

prakurvīta karanyāsaṃ karaśodhanapūrvakam || 43 ||
[Analyze grammar]