Chapter 14

[English text for this chapter is available]

|| vyāsa uvāca |
sanatkumāra sarvajña brahmaputra namostu te |
śruteyamadbhutā me'dya kathā śaṃbhormahātmanaḥ || 1 ||
[Analyze grammar]

kṣipte svatejasi brahmanbhālanetrasamudbhave |
lavaṇāṃbhasi kiṃ tātābhavattatra vadāśu tat || 2 ||
[Analyze grammar]

sanatkumāra uvāca |
śṛṇu tāta mahāprājña śivalīlāṃ mahādbhutām |
yacchrutvā śraddhayā bhakto yogināṃ gatimāpnuyāt || 3 ||
[Analyze grammar]

atho śivasya tattejo bhālanetrasamudbhavam |
kṣiptaṃ ca lavaṇāmbhodhau sadyo bālatvamāpa ha || 4 ||
[Analyze grammar]

tatra vai siṃdhugaṃgāyāḥ sāgarasya ca saṃgame |
rurodoccaissa vai bāla sarvaloka bhayaṃkaraḥ || 5 ||
[Analyze grammar]

rudatastasya śabdena prākaṃpaddharaṇī muhuḥ |
svargaśca satyalokaśca tatsvanādbadhirīkṛtaḥ || 6 ||
[Analyze grammar]

bālasya rodanenaiva sarve lokāśca tatrasuḥ |
sarvato lokapālāśca vihvalīkṛtamānasāḥ || 7 ||
[Analyze grammar]

kiṃ bahūktena viprendra cacāla sacarācaram |
bhuvanaṃ nikhilaṃ tāta rodanāttacchiśorvibho || 8 ||
[Analyze grammar]

atha te vyākulāssarve devāssamunayo drutam |
pitāmahaṃ lokaguruṃ brahmāṇaṃ śaraṇaṃ yayuḥ || 9 ||
[Analyze grammar]

tatra gatvā ca te devā sunayaśca savāsavāḥ |
praṇamya ca susaṃstutya procustaṃ parameṣṭhinam || 10 ||
[Analyze grammar]

devā ūcuḥ |
lokādhīśa surādhīśa bhayannassamupasthitam |
tannāśaya mahāyogiñjātoyaṃ hyadbhuto ravaḥ || 11 ||
[Analyze grammar]

|| sanatkumāra uvāca |
ityākarṇya vacasteṣāṃ brahmā lokapitāmahaḥ |
gaṃtumaicchattatastatra kimetaditi vismitaḥ || 12 ||
[Analyze grammar]

tato brahmā suraistātāvataratsatyalokataḥ |
rasāṃ tajjñātumicchansa samudramagamattadā || 13 ||
[Analyze grammar]

yāvattatrāgato brahmā sarvalokapitāmahaḥ |
tāvatsamudrasyotsaṃge taṃ bālaṃ sa dadarśa ha || 14 ||
[Analyze grammar]

āgataṃ vidhimālokya devarūpyatha sāgaraḥ |
praṇamya śirasā bālaṃ tasyotsaṃge nyaveśayat || 15 ||
[Analyze grammar]

tato brahmābravīdvākyaṃ sāgaraṃ vismayānvitaḥ |
jalarāśe drutaṃ brūhi kasyāyaṃ śiśuradbhutaḥ || 16 ||
[Analyze grammar]

|| sanatkumāra uvāca |
brahmaṇo vākyamākarṇya muditassāgarastadā |
pratyuvāca prajeśaṃ sa natvā stutvā kṛtāṃjaliḥ || 17 ||
[Analyze grammar]

samudra uvāca |
bho bho brahmanmayā prāpto bālako'yamajānatā |
prabhavaṃ siṃdhugaṃgāyāmakasmātsarvalokapa || 18 ||
[Analyze grammar]

jātakarmādisaṃskārānkuruṣvāsya jagadguro |
jātakoktaphalaṃ sarvaṃ vidhātarvaktumarhasi || 19 ||
[Analyze grammar]

sanatkumāra uvāca |
evaṃ vadati pāthodhau sa bālassāgarātmajaḥ |
brahmāṇamagrahītkaṇṭhe vidhunvaṃtaṃ muhurmuhuḥ || 20 ||
[Analyze grammar]

vidhūnanaṃ ca tasyaivaṃ sarvalokakṛto vidheḥ |
pīḍitasya ca kāleya netrābhyāmagamajjalam || 21 ||
[Analyze grammar]

karābhyāmabdhijātasya tatsutasya mahaujasaḥ |
kathaṃcinmuktakaṇṭhastu brahmā provāca sādaram || 22 ||
[Analyze grammar]

|| brahmovāca |
śṛṇu sāgara vakṣyāmi tavāsya tanayasya hi |
jātakoktaphalaṃ sarvaṃ samādhānarataḥ khalu || 23 ||
[Analyze grammar]

netrābhyāṃ vidhṛtaṃ yasmādanenaiva jalaṃ mama |
tasmājjalaṃdharetīha khyāto nāmnā bhavatvasau || 24 ||
[Analyze grammar]

adhunaivaiṣa taruṇassarvaśāstrārthapāragaḥ |
mahāparākramo dhīro yoddhā ca raṇadurmadaḥ || 25 ||
[Analyze grammar]

bhaviṣyati ca gaṃbhīrastvaṃ yathā samare guhaḥ |
sarvajetā ca saṃgrāme sarvasaṃpadvirājitaḥ || 26 ||
[Analyze grammar]

daityānāmadhipo bālaḥ sarveṣāṃ ca bhaviṣyati |
viṣṇorapi bhavejjetā na kuta ścitparābhavaḥ || 27 ||
[Analyze grammar]

avadhyassarvabhūtānāṃ vinā rudraṃ bhaviṣyati |
yata eṣa samudbhūtastatredānīṃ gamiṣyati || 28 ||
[Analyze grammar]

pativratāsya bhavitā patnī saubhāgyavarddhinī |
sarvāṅgasundarī ramyā priyavākchīlasāgarā || 29 ||
[Analyze grammar]

sanatkumāra uvāca |
ityuktvā śukramāhūya rājye taṃ cābhyaṣecayat |
āmaṃtrya saritānnāthaṃ brahmāṃtarddhānamanvagāt || 30 ||
[Analyze grammar]

atha taddarśanotphullanayanassāgarastadā |
tamātmajaṃ samādāya svagehamagamanmudā || 31 ||
[Analyze grammar]

apoṣayanmahopāyaissvabālaṃ muditātmakaḥ |
sarvāṃgasundaraṃ ramyaṃ mahādbhutasutejasam || 32 ||
[Analyze grammar]

athāmbudhissamāhūya kālanemiṃ mahāsuram |
vṛndābhidhāṃ sutāṃ tasya tadbhāryārthamayācata || 33 ||
[Analyze grammar]

kālanemyasuro vīro'surāṇāṃ pravarassudhīḥ |
sādhu yenembudheryāñcāṃ svakarmanipuṇo mune || 34 ||
[Analyze grammar]

jalaṃdharāya vīrāya sāgaraprabhavāya ca |
dadau brahmavidhānena svasutāṃ prāṇavallabhām || 35 ||
[Analyze grammar]

tadotsavo mahānāsīdvivāhe ca tayostadā |
sukhaṃ prāpurnadā nadyo'surāścaivākhilā mune || 36 ||
[Analyze grammar]

samudro'ti sukhaṃ prāpa sutaṃ dṛṣṭvā hi sastriyam |
dānaṃ dadau dvijātibhyo'pyanyebhyaśca yathāvidhi || 37 ||
[Analyze grammar]

ye devairnirjitāḥ pūrvaṃ daityāḥ pātāla saṃsthitāḥ |
te hi bhūmaṃḍalaṃ yātā nirbhayāstamupāśritāḥ || 38 ||
[Analyze grammar]

te kālanemipramukhāstato'surāstasmai sutāṃ siṃdhusutāya dattvā |
babhūvuratyantamudānvitā hi tamāśritā deva vinirjayāya || 39 ||
[Analyze grammar]

sa cāpi vīrombudhibālako'sau jalaṃdharākhyo'suravīravīraḥ |
saṃprāpya bhāryāmatisundarī vaśī cakāra rājyaṃ hi kaviprabhāvāt || 40 ||
[Analyze grammar]

iti śrīśivamahāpurāṇe dvitīyāyāṃ rudrasaṃhitāyāṃ pañcame yuddhakhaṃḍe jalaṃ dharavadhopākhyāne jalaṃdharotpattivivāhavarṇanaṃ nāma caturdaśo'dhyāyaḥ || 14 ||
[Analyze grammar]