Chapter 8

[English text for this chapter is available]

|| vyāsa uvāca |
sanatkumāra sarvajña śaivapravara sanmate |
adbhuteyaṃ kathā tāta śrāvitā parimeśituḥ || 1 ||
[Analyze grammar]

idānīṃ rathanirmāṇaṃ brūhi devamayaṃ param |
śivārthaṃ yatkṛtaṃ divyaṃ dhīmatā viśvakarmaṇā || 2 ||
[Analyze grammar]

|| sūta uvāca |
ityākarṇya vacastasya vyāsasya sa munīśvaraḥ |
sanatkumāraḥ provāca smṛtvā śivapadāṃbujam || 3 ||
[Analyze grammar]

|| sanatkumāra uvāca |
śṛṇu vyāsa mahāprājña rathādernirmitiṃ mune |
yathāmati pravakṣye'haṃ smṛtvā śivapadāmbujam || 4 ||
[Analyze grammar]

atha devasya rudrasya nirmito viśvakarmaṇā |
sarvalokamayo divyo ratho yatnena sādaram || 5 ||
[Analyze grammar]

sarvabhūtamayaścaiva sauvarṇassarvasaṃmataḥ |
rathāṃgaṃ dakṣiṇaṃ sūryastadvāmaṃ soma eva ca || 6 ||
[Analyze grammar]

dakṣiṇaṃ dvādaśāraṃ hi ṣoḍaśāraṃ tathottaram |
areṣu teṣu viprendra ādityā dvādaśaiva tu || 9 ||
[Analyze grammar]

śaśinaḥ ṣoḍaśārāstu kalā vāmasya suvrata |
ṛkṣāṇi tu tathā tasya vāmasyaiva vibhūṣaṇam || 8 ||
[Analyze grammar]

ṛtavo nemayaḥ ṣaṭ ca tayorvai viprapuṃgava |
puṣkaraṃ cāṃtarikṣaṃ vai rathanīḍaśca maṃdaraḥ || 9 ||
[Analyze grammar]

astādrirudayādristu tāvubhau kūbarau smṛtau |
adhiṣṭhānaṃ mahāmerurāśrayāḥ keśarācalāḥ || 10 ||
[Analyze grammar]

vegassaṃvatsarāstasya ayane cakrasaṃgamau |
muhūrtā vaṃdhurāstasya śamyāścaiva kalāḥ smṛtāḥ || 11 ||
[Analyze grammar]

tasya kāṣṭhāḥ smṛtā ghoṇāścākṣadaṃḍāḥ kṣaṇāśca vai |
nimeṣāścānukarṣaśca īṣāścānulavāḥ smṛtāḥ || 12 ||
[Analyze grammar]

dyaurvarūthaṃ rathasyāsya svargamokṣāvubhau dhvajau |
yugāntakoṭitau tasya bhramakāmadughau smṛtau || 13 ||
[Analyze grammar]

īṣādaṃḍastathā vyaktaṃ vṛddhistasyaiva naḍvalaḥ |
koṇāstasyāpyahaṃkāro bhūtāni ca balaṃ smṛtam || 14 ||
[Analyze grammar]

indriyāṇi ca tasyaiva bhūṣaṇāni samaṃtataḥ |
śraddhā ca gatirasyaiva rathasya munisattama || 15 ||
[Analyze grammar]

tadānīṃ bhūṣaṇānyeva ṣaḍaṃgānyupabhūṣaṇam |
purāṇanyāyamīmāṃsā dharmaśāstrāṇi suvratāḥ || 16 ||
[Analyze grammar]

balāśayā varāścaiva sarvalakṣaṇasaṃyutāḥ |
maṃtrā ghaṃṭāḥ smṛtāsteṣāṃ varṇapādāstadāśramāḥ || 17 ||
[Analyze grammar]

atho bandho hyanantastu sahasraphaṇabhūṣitaḥ |
diśaḥ pādā rathasyāsya tathā copadiśaścaha || 18 ||
[Analyze grammar]

puṣkarādyāḥ patākāśca sauvarṇā ratnabhūṣitāḥ |
samudrāstasya catvāro rathakaṃbalinassmṛtāḥ || 19 ||
[Analyze grammar]

gaṃgādyāssarita śreṣṭhāḥ sarvābharaṇabhūṣitāḥ |
cāmarāsaktahastāgrāssarvāstrīrūpaśobhitāḥ || 20 ||
[Analyze grammar]

tatra tatra kṛtasthānāḥ śobhayāṃcakrire ratham |
āvahādyāstathā sapta sopānaṃ haimamuttamam || 21 ||
[Analyze grammar]

lokālokācalastasyopasopānassamaṃtataḥ |
viṣayaśca tathā bāhyo mānasādistu śobhanaḥ || 22 ||
[Analyze grammar]

pāśāssamaṃtatastasya sarve varṣācalāssmṛtāḥ |
talāstasya rathasyā'tha sarve talanivāsinaḥ || 23 ||
[Analyze grammar]

sārathirbhagavānbrahmā devā raśmidharāḥ smṛtāḥ |
pratodo brahmaṇastasya praṇavo brahmadaivatam || 24 ||
[Analyze grammar]

akāraśca mahacchatraṃ maṃdaraḥ pārśvadaṃḍabhāk |
śailendraḥ kārmukaṃ tasya jyā bhujaṃgādhipassvayam || 25 ||
[Analyze grammar]

ghaṃṭā sarasvatī devī dhanuṣaḥ śrutirūpiṇī |
iṣurviṣṇurmahātejāstvagniśśalyaṃ prakīrtitam || 26 ||
[Analyze grammar]

hayāstasya tathā proktāścatvāro nigamā mune |
jyotīṃṣi bhūṣaṇaṃ teṣāmavaśiṣṭānyataḥ param || 27 ||
[Analyze grammar]

anīkaṃ viṣasaṃbhūtaṃ vāyavo vājakā smṛtāḥ |
ṛṣayo vyāsamukhyāśca vāhavāhāstathābhavan || 28 ||
[Analyze grammar]

svalpākṣaraissaṃbravīmi kiṃ bahūktyā munīśvara |
brahmāṃḍe caiva yatkiṃcidvastutadvai rathe smṛtam || 29 ||
[Analyze grammar]

evaṃ samyakkṛtastena dhīmatā viśvakarmaṇā |
sarathādiprakāro hi brahmaviṣṇvājñayā śubhaḥ || 30 ||
[Analyze grammar]