Chapter 7

[English text for this chapter is available]

sanatkumāra uvāca |
etacchutvā tu sarveṣāṃ devādīnāṃ vaco haraḥ |
aṃgīcakāra suprītyā śaraṇyo bhaktavatsalaḥ || 1 ||
[Analyze grammar]

etasminnaṃtare devī putrābhyāṃ saṃyutā śivā |
ājagāma mune tatra yatra devānvito haraḥ || 2 ||
[Analyze grammar]

athāgatāṃ śivāṃ dṛṣṭvā sarve viṣṇvādayo drutam |
praṇemuratinamrāste vismitā gatasaṃbhramāḥ || 3 ||
[Analyze grammar]

procurjayeti sadvākyaṃ mune sarve sulakṣaṇam |
tūṣṇīmāsannajānaṃtastadāgamanakāraṇam || 4 ||
[Analyze grammar]

atha sarvaiḥ stutā devairdevyadbhutakutūhalā |
uvāca svāminaṃ prītyā nānālīlāviśāradam || 5 ||
[Analyze grammar]

devyuvāca |
krīḍamānaṃ vibho paśya ṣaṇmukhaṃ ravisaṃnibham |
putraṃ putravatāṃ śreṣṭha bhūṣitaṃ bhūṣaṇairvaraiḥ || 6 ||
[Analyze grammar]

ityevaṃ lokamātrā ca vāgbhissaṃbodhitaśśivaḥ |
na yayau tṛptimīśānaḥ piban skaṃdānanāmṛtam || 7 ||
[Analyze grammar]

na sasmārāgatāndaityānnijatejonipīḍitān |
skaṃdamāliṃgya cāghrāya mugodāti maheśvaraḥ || 8 ||
[Analyze grammar]

jagadambātha tatraiva saṃmaṃtrya prabhuṇā ca sā |
sthitvā kiñcitsamuttasthau nānālīlāviśāradā || 9 ||
[Analyze grammar]

tatassanaṃdī saha ṣaṇmukhena tayā ca sārddhaṃ girirājaputryā |
viveśa śambhurbhavanaṃ sulīlaḥ suraissamastairabhivaṃdyamānaḥ || 10 ||
[Analyze grammar]

dvārasya pārśvataḥ tasthurdevadevasya dhīmataḥ |
te'tha devā mahāvyagrā vimanaskā mune'khilaḥ || 11 ||
[Analyze grammar]

kiṃ kartavyaṃ kva gaṃtavyaṃ kaḥ syādasmatsukhapradaḥ |
kiṃ tu kiṃtviti saṃjātaṃ hā hatāḥ smeti vādinam || 12 ||
[Analyze grammar]

anyonyaṃ prekṣya śakrādyā babhūvuścātivihvalāḥ |
procurvikalavākyaṃ te dhikkurvanto nijaṃ vidhim || 13 ||
[Analyze grammar]

pāpā vayamihetyanye hyabhāgyāśceti cāpare |
te bhāgyavaṃto daityendrā iti cānye'bruvan surāḥ || 14 ||
[Analyze grammar]

tasminnevāṃtare teṣāṃ śrutvā śabdānanekaśaḥ |
kuṃbhodaro mahātejā daṃḍenātāḍayatsurān || 15 ||
[Analyze grammar]

dudruvuste bhayāviṣṭā devā hāheti vādinaḥ |
apatanmunayaścānye vihvalatvaṃ babhūva ha || 16 ||
[Analyze grammar]

indrastu vikalotīva jānubhyāmavanīṃ gataḥ |
anye devarṣayotīva vikalāḥ patitā bhuvi || 17 ||
[Analyze grammar]

sarve militvā munayassurāśca samamākulāḥ |
saṃgatā vidhiharyostu samīpaṃ mitracetasoḥ || 18 ||
[Analyze grammar]

aho vidhibalaṃ caitanmunayaḥ kaśyapādayaḥ |
vadaṃti sma tadā sarve hari lokabhayāpadam || 19 ||
[Analyze grammar]

abhāgyānna samāptaṃ tu kāryamityapare dvijāḥ |
kasmādvighnamidaṃ jātamityanye hyati vismitāḥ || 20 ||
[Analyze grammar]

ityevaṃ vacanaṃ śrutvā kaśyapādyuditaṃ mune |
āśvāsayanmunīndevān harirvākyamupādade || 21 ||
[Analyze grammar]

viṣṇuruvāca |
he devā munayassarve madvacaḥ śṛṇutādarāt |
kimarthaṃ duḥkhamāpannā dukhaṃ tu tyajatākhilam || 22 ||
[Analyze grammar]

mahadārādhanaṃ devā na susādhyaṃ vicāryyatām |
mahadārādhane pūrvaṃ bhavedduḥkhamiti śrutam |
vijñāya dṛḍhatāṃ devāḥ prasanno bhavati dhruvam || 23 ||
[Analyze grammar]

śivassarvagaṇāyakṣassahasā parameśvaraḥ |
vicāryatāṃ hṛdā sarvaiḥ kathaṃ vaśyo bhavediti || 24 ||
[Analyze grammar]

praṇavaṃ pūrvamuccāryya namaḥ paścādudāharet |
śivāyeti tataḥ paścācchubhadvayamataḥ param || 25 ||
[Analyze grammar]

kurudvayaṃ tataḥ proktaṃ śivāya ca tataḥ punaḥ |
namaśca praṇavaścaiva maṃtramevaṃ sadā budhāḥ || 26 ||
[Analyze grammar]

avartadhvaṃ punaryūyaṃ yadi śaṃbhukṛte tadā |
koṭimekaṃ tathā japtvā śivaḥ kāryaṃ kariṣyati || 27 ||
[Analyze grammar]

ityukte ca tadā tena hariṇā prabhaviṣṇunā |
tathā devāḥ punaścakrurharasyārādhanaṃ mune || 28 ||
[Analyze grammar]

saṃjajāpa hariścāpi savidhiśśivamānasaḥ |
devānāṃ kāryasiddhyarthaṃ munīnāṃ ca viśeṣataḥ || 29 ||
[Analyze grammar]

muhuḥ śiveti bhāṣaṃto devā dhairyasamanvitāḥ |
koṭisaṃkhyaṃ tadā kṛtvā sthitāste munisattama || 30 ||
[Analyze grammar]

etasminnaṃtare sākṣācchivaḥ prādurabhūtsvayam |
yathoktena svarūpeṇa vacanaṃ cedamabravīt || 31 ||
[Analyze grammar]

śrīśiva uvāca |
he hare he vidhe devā munayaśca śubhavratāḥ |
prasanno'smi varaṃ brūta jayenānena cepsitam || 32 ||
[Analyze grammar]

|| devā ūcuḥ |
yadi prasanno deveśa jagadīśvara śaṃkara |
surān vijñāya vikalān hanyaṃtāṃ tripurāṇi ca || 33 ||
[Analyze grammar]

rakṣāsmānparameśāna dīnabaṃdho kṛpākara |
tvayaiva rakṣitā devāssadāpadbhyo muhurmuhuḥ || 34 ||
[Analyze grammar]

|| sanatkumāra uvāca |
ityuktaṃ vacanaṃ teṣāṃ śrutvā saharivedhasām |
vihasyāṃtastadā brahmanmaheśaḥ punarabravīt || 35 ||
[Analyze grammar]

|| maheśa uvāca |
he hare he vidhe devā munayaścākhilā vacaḥ |
madīyaṃ śṛṇutādṛtya naṣṭaṃ matvā puratrayam || 36 ||
[Analyze grammar]

rathaṃ ca sārathiṃ divyaṃ kārmukaṃ śaramuttamam |
pūrvamaṃgīkṛtaṃ sarvamupapādayatāciram || 37 ||
[Analyze grammar]

he viṣṇo he vidhe tvaṃ hi trilokādhipatirdhruvam |
sarvasamrāṭprakāraṃ me kartumarhasi yatnataḥ || 38 ||
[Analyze grammar]

naṣṭaṃ puratrayaṃ matvā devasāhāyyamityuta |
kariṣyathaḥ prayatnenādhikṛtau sargapālane || 39 ||
[Analyze grammar]

ayaṃ maṃtro mahāpuṇyo matprītijanakaśśubhaḥ |
bhuktimuktipradassarvakāmadaśśaivakāvaha || 40 ||
[Analyze grammar]

dhanyo yaśasya āyuṣyaḥ svargakāmārthināṃ nṛṇām |
apavargo hyakāmānāṃ muktānāṃ bhuktimuktidaḥ || 41 ||
[Analyze grammar]

ya imaṃ kīrtayenmaṃtraṃ śucirbhūtvā sadā naraḥ |
śṛṇuyācchrāvayedvāpi sarvānkāmānavāpnuyāt || 42 ||
[Analyze grammar]

sanatkumāra uvāca |
iti śrutvā vacastasya śivasya paramātmanaḥ |
sarve devā mudaṃ prāpurharirbrahmādhikaṃ tathā || 43 ||
[Analyze grammar]

sarvadevamayaṃ divyaṃ rathaṃ paramaśobhanam |
racayāmāsa viśvārthe viśvakarmā tadājñayā || 44 ||
[Analyze grammar]

iti śrīśivamahāpurāṇe dvitīyāyāṃ rudrasaṃhitāyāṃ pañcame yuddhakhaṃḍe devastutivarṇanaṃ nāma saptamo'dhyāyaḥ || 7 ||
[Analyze grammar]