Chapter 6

[English text for this chapter is available]

rājovāca |
tiṣṭhātraiva mahābāho mama rājye suśobhane |
kartavyā te mayā vṛttiḥ saṃśayo nātra vidyate || 1 ||
[Analyze grammar]

tato vīravarastasya sannidhau dharaṇīpateḥ |
uvāsa satataṃ vipra tatsevā gatamānasaḥ || 2 ||
[Analyze grammar]

athaikadā tasya pure jaimine sakalāḥ prajāḥ |
bhīmanādo nāma khaḍgaḥ kṣobhayāmāsa saṃtatam || 3 ||
[Analyze grammar]

tadvadhāya tato rājā preṣayāmāsa taṃ ruṣā |
tato'sau gaṃḍakaṃ haṃtu yayau vīravaro janaiḥ || 4 ||
[Analyze grammar]

dadarśa parvatākāraṃ suptaṃ taṃ dharaṇītale |
daṃṣṭrākarālavadanaṃ khaḍginaṃ taṃ saśaktidhṛk || 5 ||
[Analyze grammar]

nabhasi bhrāmayansaptiṃ sa ca vīravaro ruṣā |
khaḍginaṃ tamiti prāha meghagaṃbhīrayā girā || 6 ||
[Analyze grammar]

upārjitāstvayā ye ye durātmanpāpapādapāḥ |
babhūvuḥ phalinaste te ṛtuṃ prāpya yathā drumāḥ || 7 ||
[Analyze grammar]

khāditāḥ prāṇino ye ye rājye'sminpāpinā tvayā |
yamālaye samastaistairdarśanaṃ te bhaviṣyati || 8 ||
[Analyze grammar]

muṃca nidrāmare duṣṭa māṃ paśyāntakaraṃ nijam |
anayā nidrayā kinte mahānidra bhaviṣyati || 9 ||
[Analyze grammar]

tataḥ so'pi samuttasthau krodhasaṃraktalocanaḥ |
dhūlidhūsarasarvāṅgastyaktanidro mahābalaḥ || 10 ||
[Analyze grammar]

bhīmanāda uvāca |
garvaṃ mā kuru durbuddhe tavāyuḥ śeṣatāṃ gatam |
tatsaṃdarśanamātreṇa prāptaḥ konu vimucyate || 11 ||
[Analyze grammar]

jvaladagniśikhāśreṇīṃ praviśecchalabho yathā |
matkopānalarāśau tvaṃ tathaiva nipatiṣyasi || 12 ||
[Analyze grammar]

iti bruvaṃtaṃ taṃ draṣṭuṃ śaktyā niśitayā tayā |
sa jajvāla mahākopātkṛtvā huṃkāraniḥsvanam || 13 ||
[Analyze grammar]

sa papāta mahīpṛṣṭhe gatāyurgaṃḍakastataḥ |
cālayanpṛthivīṃ sarvāṃ svanitaugha pariplutaḥ || 14 ||
[Analyze grammar]

khaḍginaṃ patitaṃ dṛṣṭvā gaṅgābdhirodhasi dvija |
samīpaṃ tasya bhūpasya sa gaṃtumupacakrame || 15 ||
[Analyze grammar]

sa gacchanpathiviprarṣe dadarśaikaṃ mahāśayam |
jājvalyamānaṃ tejobhirdvitīyamiva bhāskaram || 16 ||
[Analyze grammar]

viṣṇudūtagaṇairyuktaṃ tulasīmālyabhūṣitam |
divyāmbaradharaṃ divyaṃ rathārūḍhaṃ smitānanam || 17 ||
[Analyze grammar]

papraccheti tato bhaktyā sa ca vīravaraśca tam |
kastvaṃ kuta ihāyātaḥ kva gacchasi vadasva naḥ || 18 ||
[Analyze grammar]

puruṣa uvāca |
kanyevidhṛtapuṃveśe madvṛttāṃtaṃ niśāmaya |
kathayāmi samāsena śrotumicchasi cenmudā || 19 ||
[Analyze grammar]

ahamāsaṃ purā rājā cauravaṃśavanānalaḥ |
dharmabuddhiriti khyātaḥ sarvadharmaparāyaṇaḥ || 20 ||
[Analyze grammar]

mayā yajñāḥ kṛtāḥ sarve dānāni sakalāni ca |
caturvarṣasahasrāṇi pālitā ca vasundharā || 21 ||
[Analyze grammar]

pākhaṇḍajanavākyena mayā bhūmirdvijanmanaḥ |
laṃghitā kopamāsādya doṣitā na hi kutracit || 22 ||
[Analyze grammar]

mayā tenāparādhena svayameva vidhistataḥ |
jahāra tatkṣaṇādeva sarvāṃ rājaśriyaṃ ruṣā || 23 ||
[Analyze grammar]

athāhaṃ gatasaṃpattiḥ śokāgnidagdhamānasaḥ |
kiyidbhirdivasaiḥ sādhvi yamarājavaśaṃ gataḥ || 24 ||
[Analyze grammar]

māṃ dṛṣṭvā citraguptena tatkarmaprakaṭīkṛtam |
uktaśca bhāskarirdevaścāruhāsagatiḥ prabhuḥ || 25 ||
[Analyze grammar]

dharmabuddhirayaṃ rājā kṛtapuṇyakriyaḥ sadā |
astyasya duritaṃ kiñcittanniśāmaya vacmyaham || 26 ||
[Analyze grammar]

pākhaṇḍairbodhito'yaṃ tu jahāra dvijaśāsanam |
tenaiva karmaṇā sthānaṃ narake cāsyaduttare || 27 ||
[Analyze grammar]

vṛtticchedaḥ sūryaputra yasya yena vidhīyate |
sa tasya vadhamāpnoti śāstreṣu iti niścitam || 28 ||
[Analyze grammar]

tasmādayaṃ pāpakarmā brahmahā pṛthivīpatiḥ |
etasya niraye sthānaṃ kalpakoṭiśatāvadhi || 29 ||
[Analyze grammar]

ātmadattāṃ haredyastu paradattāṃ ca medinīm |
sa koṭikulasaṃyuktaḥ prayāti narakaṃ vibho || 30 ||
[Analyze grammar]

yo harecca mahīṃ tāvaddevasya brāhmaṇasya ca |
na tasya niṣkṛtirdṛṣṭā kalpakoṭiśatāvadhi || 31 ||
[Analyze grammar]

paradattāṃ kṣitiṃ yastu rakṣituryastu rakṣati |
sa koṭiguṇamāpnoti puṇyaṃ dātṛguṇādapi || 32 ||
[Analyze grammar]

tato'haṃ śamanādeśādbhuktvā vai pūtimṛttikām |
kalpayonau prāṇihiṃsā sarvadaiva mayā kṛtā || 33 ||
[Analyze grammar]

gāvaśca brāhmaṇāścaiva tathaivānye'pi jīvinaḥ |
mayā duṣṭena nihatāḥ koṭikoṭisahasraśaḥ || 34 ||
[Analyze grammar]

kālena preritā sādhvi māṃ sarvakṣayitāśrayam |
khaḍgayoniṃ samutpannaṃ bhavatī prajaghāna ha || 35 ||
[Analyze grammar]

gaṅgābdhisaṅgamaṃ tīrthaṃ durllabhaṃ daivatairapi |
sthale'pi mṛtyumāsādya yatreyaṃ mama sadgatiḥ || 36 ||
[Analyze grammar]

gaccha suśroṇi bhadraṃ te bhaviṣyati na saṃśayaḥ |
acireṇaiva patinā darśanaṃ te bhaviṣyati || 37 ||
[Analyze grammar]

vyāsa uvāca |
tasyaitadvacanaṃ śrutvā sā kanyā paramādbhutam |
vavaṃde caraṇau tasya dharmabuddhirmahīpatiḥ || 38 ||
[Analyze grammar]

tato rathaṃ samāruhya sa rājā tridivaṃ yayau |
so'pi vīravaro vipra jagāma nṛpateḥ sabhām || 39 ||
[Analyze grammar]

rājā ca taṃ mṛtaṃ śrutvā khaḍginaṃ bhīmavikramam |
tasyai dadau vivāhena jayaṃtīṃ nijakanyakām || 40 ||
[Analyze grammar]

jayaṃtīṃ tāṃ samādāya sā kanyā puruṣākṛtiḥ |
tapastaptuṃ manaścakre gaṅgāsāgarasaṅgame || 41 ||
[Analyze grammar]

gaṅgābdhisaṃgame snātvā prabhāte dvijasattama |
gītairvādyaiśca nṛtyaiśca yajennārāyaṇaṃ prabhum || 42 ||
[Analyze grammar]

nirāmiṣaṃ haviṣyaṃ ca phalāhāraṃ dvijottama |
kadācidupavāsaṃ sā kurute ca varāṅganā || 43 ||
[Analyze grammar]

ekākinīṃ samālokya ko'grahīdatra bhūtale |
māṃ nīcamiti matvāsau samāruhya ca vājinam || 44 ||
[Analyze grammar]

bhūya eva nijaṃ rājyaṃ sājagāma varāṅganā |
mādhavasya viyogena tasya vidyādharasya vā || 45 ||
[Analyze grammar]

mṛtā sā rājatanayā yato'nyaṃ na bhajatyapi |
tasyāṃ mṛtāyāṃ bhṛtyo'sau nirjagāma yadṛcchayā || 46 ||
[Analyze grammar]

vilapya bahudhā tatra praceṣṭo'tyaṃta śokabhāk |
jagāma maraṇārthāya gaṅgāsāgarasaṅgamam || 47 ||
[Analyze grammar]

gaṅgābdhisaṅgame snātvā tulasīmṛdvibhūṣitaḥ |
kṛtāñjaliriti prāha praceṣṭo bhīṣmamātaram || 48 ||
[Analyze grammar]

pavitre tvajjale mātastyajāmyatra kalevaram |
sulocanā me kāṃtāsyādyathātattvaṃ kariṣyasi || 49 ||
[Analyze grammar]

bhūyobhūyo bruvaṃtaṃ tamiti tasyāśca kiṃkarāḥ |
badhvā pāśena taṃ ninyurniruktāṃ tatsabhāṃ prati || 50 ||
[Analyze grammar]

taptā vīravarādeśātkiṃkarāste sudāruṇāḥ |
kārāyāṃ sthāpayāmāsuḥ praceṣṭamanuvihvalam || 51 ||
[Analyze grammar]

etasminneva kāle tu dṛṣṭvā tatkāryamadbhutam |
hāhākāro mahānāsīttadrājye dvijasattama || 52 ||
[Analyze grammar]

etacchrutvādbhutaṃ karma sa ca rājā guṇākaraḥ |
āyāto'tyaṃta saṃtapto vadatīti dvijottama || 53 ||
[Analyze grammar]

niṣaṃgiṇaśca rathinaścarmiṇaḥ khaḍginastathā |
dhānuṣkāśca kauṃtakāśca koṭikoṭisahasraśaḥ || 54 ||
[Analyze grammar]

sthāne sthāne pure tasminrājā vai śokavihvalaḥ |
niyojayāmāsa tadā rakṣāyai dvijasattama || 55 ||
[Analyze grammar]

tenājñaptāstataḥ sarve yoddhāro'mitavikramāḥ |
satvarāḥ patirakṣāsu tasthustasminpure ruṣā || 56 ||
[Analyze grammar]

gītāni gāyakaiḥ sarvairnṛtyāni nartakaistathā |
vādyāni vādakaiścaiva tatra tyaktāni sādhvasaiḥ || 57 ||
[Analyze grammar]

tataḥ sa rājā viprarṣe samāhūya svamaṃtriṇaḥ |
kimetaditi papraccha śokopahatamānasaḥ || 58 ||
[Analyze grammar]

maṃtriṇa ūcuḥ |
devādbhutamidaṃ karma na dṛṣṭaṃ na śrutaṃ kvacit |
etāvatāṃ nṛṇāṃ madhye paśyatāṃ kva jagāma sā || 59 ||
[Analyze grammar]

ko'pi jalpati sā lakṣmīḥ śāpenāgatya bhūtale |
tvadīyaṃ saudhametarhi svayamaṃtaradhīyata || 60 ||
[Analyze grammar]

māyāmayī sā ramaṇī māyayā tvadgṛhe sthitā |
māyāṃ svakīyāṃ darśitvā gatetyanye vadaṃti vai || 61 ||
[Analyze grammar]

kecidvadaṃti ramaṇī sarvalakṣaṇasaṃyutā |
āgamiṣyati bhūyo'pi bhagāṅgo maghavā yataḥ || 62 ||
[Analyze grammar]

tanmukhaṃcandravanmatvā viciṃtyātmānamātmanā |
kecidvadaṃti candreṇa nītā supratipattaye || 63 ||
[Analyze grammar]

vadaṃti ke'pi sā kanyā sadguṇā dīrghavāsanā |
bhrāntyā candramasā grastā pūrṇacaṃdranibhānanā || 64 ||
[Analyze grammar]

diggajairnalinī bhrāntyā praphullakamalānanā |
viṣadaṇḍaprahastā ca nīrajā kalikākucā || 65 ||
[Analyze grammar]

kecidvadaṃti sṛṣṭvā sā sraṣṭumanyāṃ striyaṃ nṛpaṃ |
tadrūpādarśanālokye nītā rūpaguṇāsthitā || 66 ||
[Analyze grammar]

kecidvadaṃti bhūpāla tvayā sarvadiśo jitāḥ |
rūpairdaivāṃganā jetuṃ gatā sā tridivaṃ prati || 67 ||
[Analyze grammar]

atha te maṃtriṇo'nyonyamālokyeti mukhaśriyaḥ |
stabdhā ivābhavansarve nirutsāhāḥ sasādhvasāḥ || 68 ||
[Analyze grammar]

bhūpaḥ sulocane putri kva gatāsi vihāya mām |
ityuktvā sa mahīpālaḥ pṛthivyāṃ mūrcchito'patat || 69 ||
[Analyze grammar]

rājānaṃ patitaṃ dṛṣṭvā śokena mahatā tataḥ |
jajñe hāhāravastasminnagare dvijasattama || 70 ||
[Analyze grammar]

tatkraṃdanadhvaniṃ vipra pratiśrutvā ca jāyate |
utprekṣate tatra loke kraṃdaṃti kakubho daśa || 71 ||
[Analyze grammar]

dhūlidhūsaratāṃ gaṃtuṃ nṛpatiṃ muktakeśakam |
vidhṛtya maṃtriṇaḥ sarve tarasā saudhamāyayuḥ || 72 ||
[Analyze grammar]

atha vidyādharastatra śrīvikramadevajaḥ |
tasyāḥ pīṭhaṃ samāliṅgya ruroda karuṇasvanaiḥ || 73 ||
[Analyze grammar]

hā priye caṃcalāpāṅgi suvarṇakusumaprabhe |
śokābdhau pātayitvā māṃ kva gatāsi varānane || 74 ||
[Analyze grammar]

mama kiṃ dūṣaṇaṃ dṛṣṭaṃ tvayā nirdoṣayā priye |
na dadāsi kathaṃ bhadre darśanaṃ kamalānane || 75 ||
[Analyze grammar]

na jīviṣyāmyaṃhaṃ bhadre kṣaṇamātraṃ tvayā vinā |
ato me darśanaṃ datvā kriyatāṃ prāṇarakṣaṇam || 76 ||
[Analyze grammar]

kiṃ dhanaiḥ kiṃ janaiḥ kiṃ me mitraiḥ kiṃ vā dhanairgṛhaiḥ |
nāpnomi yadi bhadre tvāṃ prāṇebhyo'pi garīyasīm || 77 ||
[Analyze grammar]

etaccānyacca viprarṣe sa kṛtvā karuṇaṃ mahat |
śokānmṛtyuṃ viniściṃtya yayau gaṅgābdhisaṅgamam || 78 ||
[Analyze grammar]

tatra gaṅgāmbhasi snātvā samudrajalamiśrite |
nivedya bhāskarāyārghaṃ gaṃgāṃ natvāha mātaram || 79 ||
[Analyze grammar]

gaṃṅge devi jaganmātastvajjale vimale tanum |
tyajāmi tāṃ yathā bhūyaḥ prāpnomi tatkariṣyasi || 80 ||
[Analyze grammar]

iti bruvaṃtaṃ taṃ vipra tatkiṃkaravarāstataḥ |
vidhiṃ vininyuḥ sadṛśaṃ kruddhā vīravarasya ca || 81 ||
[Analyze grammar]

tato vīravaraḥ prāha kastvaṃ bhoḥ kuta āgataḥ |
kathamatra tanutyāgaṃ kuruṣe tadvadasva me || 82 ||
[Analyze grammar]

tadvākyametadākarṇya tato vidyādharo'khilām |
tāṃ kathāṃ kathayāmāsa śṛṇvatāṃ vismayapradām || 83 ||
[Analyze grammar]

atha tvaṃ mūrkhalokānāṃ pravarosi na saṃśayaḥ |
gāndharvī rākṣasī vāpi pannagī vāpi kinnarī || 84 ||
[Analyze grammar]

śāpāgateva sā kanyā tasmādantarhitā svayam |
sā devarūpiṇī kanyā devānāṃ nilayaṃ gatā || 85 ||
[Analyze grammar]

kathaṃ tayā samaṃ bhūyo darśanaṃ te bhaviṣyati |
cakorapeyaṃ pīyūṣaṃ gagane rohiṇīpateḥ || 86 ||
[Analyze grammar]

kiṃ śaknuvaṃti taṃ pāpā vāyasā balino'pi ca |
yadaprāpyaṃ na tatprāpyaṃ prāpyaṃ yattacca labhyate || 87 ||
[Analyze grammar]

jānaṃti tajjanaṃ kaścinmohaṃ prati na gacchati |
kenāpi dīyate kanyā kanyā kenāpi gṛhyate || 88 ||
[Analyze grammar]

pūrvajanmani yā kanyā tāṃ kanyāṃ labhate patiḥ |
putraprayojanā bhāryā putrāḥ piṇḍaprayojanāḥ || 89 ||
[Analyze grammar]

kurvaṃti dāragrahaṇamataeva manīṣiṇaḥ |
yatheha dīyate nāryā tathā nārī samaśnute || 90 ||
[Analyze grammar]

kraṃdanrajanyāmapyeṣa bhṛṅgaḥ kumudinīṃ sahet |
sadrūpo'pi patiḥ strīṇāṃ saṃtoṣāya bhavennahi || 91 ||
[Analyze grammar]

ravau sthite'pi padminyā madhūni bhramaraḥ pibet |
nārīṣu satataṃ cittaṃ viṣṇubhaktiṣvanādaraḥ || 92 ||
[Analyze grammar]

śokaiḥ kaiścittanutyāgastisraḥ puṃsāṃ viḍaṃbanāḥ |
dārāḥ putrāstathā bhrātā deśāśca bāṃdhavāstathā || 93 ||
[Analyze grammar]

punarlabhyā ime sarve punarlabhyā na cāsavaḥ |
na mukto viṣayo dharmo na ca karma kṛtaṃ tvayā || 94 ||
[Analyze grammar]

vartamāne gate mūḍha bhaviṣyaṃ janma durllabham |
mama mātā mama pitā bhāryā bhrātā dhanaṃ mama || 95 ||
[Analyze grammar]

niṣphalaṃ yāti vai janma nṛṇāṃ mamatayā tayā |
evaṃ prabodhitaḥ samyaktena dhīravareṇa saḥ || 96 ||
[Analyze grammar]

daurmanasyaṃ parityajya tasthau tatraiva jaimine |
tatastu gandhinī prītyā hasaṃtī svagṛhaṃ gatā || 97 ||
[Analyze grammar]

gatvā ca mādhavaṃ maṃce svapaṃtaṃ sā dadarśa ha |
gandhinyuvāca |
uttiṣṭhottiṣṭha durbuddhe bhramaste viphalo'bhavat || 98 ||
[Analyze grammar]

vivāhakāle sā kanyā babhūvāṃtarhitā svayam |
evaṃ tasyā vacaḥ śrutvā samuttasthau sa mādhavaḥ || 99 ||
[Analyze grammar]

vilalāpākulaḥ śokairmahadbhiḥ kṣmātale luṭhan |
kanyāyā dūṣaṇaṃ nāsti nāsti vidyādharasya vā || 100 ||
[Analyze grammar]