Chapter 93

[English text for this chapter is available]

nārada uvāca |
nāḍīdvayāvaśiṣṭāyāṃ rātrau gacchejjalāśayam |
tilagaṃdhākṣataiḥ puṣpairdīpādyaiḥ sahitaḥ śuciḥ || 1 ||
[Analyze grammar]

mānuṣe devakhāte ca nadyāṃ nadyośca saṃgame |
kramāddaśaguṇaṃ snānaṃ tīrthe'naṃtaphalaṃ smṛtam || 2 ||
[Analyze grammar]

viṣṇuṃ smṛtvā tataḥ kuryātsaṃkalpaṃ savanasya tu |
tīrthādidevatādibhyaḥ kramādarghādi dāpayet || 3 ||
[Analyze grammar]

oṃnamaḥ kamalanābhāya namaste jalaśāyine |
namaste'stu hṛṣīkeśa gṛhāṇārghaṃ namo'stu te || 4 ||
[Analyze grammar]

vaikuṃṭhe ca prayāge ca tathā badarikāśrame |
yato viṣṇurvicakrame tredhā sa nidadhe padam || 5 ||
[Analyze grammar]

ato devā māmavaṃtu yato viṣṇurvicakrame |
taireva sahitaiḥ sarvairmunidevasamanvitaiḥ || 6 ||
[Analyze grammar]

kārtike'haṃ kariṣyāmi prātaḥsnānaṃ surottama |
prītyarthaṃ devadeveśa dāmodara mayā saha || 7 ||
[Analyze grammar]

dhyātvāhaṃ tvāṃ ca deveśa jale'sminsnātumudyataḥ |
tava prasādātpāpaṃ me dāmodara vinaśyatu || 8 ||
[Analyze grammar]

nityanaimittike kṛṣṇe kārtike pāpanāśane |
gṛhāṇārghyaṃ mayā dattaṃ rādhayā sahito hare || 9 ||
[Analyze grammar]

vratinā kārtike māsi snātasya vidhivanmama |
gṛhāṇārghyaṃ mayā dattaṃ rādhayā sahito hare || 10 ||
[Analyze grammar]

smṛtvā bhāgīrathīṃ viṣṇuṃ śivaṃ sūryaṃ jale viśet |
nābhimātre jale tiṣṭhanvratī snāyādyathāvidhi || 11 ||
[Analyze grammar]

tilāmalakacūrṇena gṛhī snānaṃ samācaret |
vanasthānāṃ yatīnāṃ ca tulasīmūlamṛttikā || 12 ||
[Analyze grammar]

saptamī darśa navamī dvitīyā daśamīṣu ca |
trayodaśyāṃ ca na snāyāddhātrīphala tilaiḥ saha || 13 ||
[Analyze grammar]

ādau kuryānmalasnānaṃ maṃtrasnānaṃ tataḥ param |
strī śūdrāṇāṃ na vedoktairmaṃtraisteṣāṃ purāṇajaiḥ || 14 ||
[Analyze grammar]

snāna mantrāḥ |
tridhābhūddevakāryāya yaḥ purā bhaktibhāvataḥ |
sa viṣṇuḥ sarvapāpaghnaḥ punātu kṛpayātra mām || 15 ||
[Analyze grammar]

viṣṇorājñāmanuprāpya kārtikavratakāraṇāt |
rakṣaṃtu devāste sarve māṃ punaṃtu sadaiva te || 16 ||
[Analyze grammar]

vedamaṃtrāḥ sabījāstu sarahasyāḥ savīryakāḥ |
kaśyapādyāśca munayo māṃ punaṃtu sadaiva te || 17 ||
[Analyze grammar]

gaṃgādyāḥ saritaḥ sarvāstīrthāni jaladā nadāḥ |
sasaptasāgarāḥ sarve māṃ punaṃtu jalāśayāḥ || 18 ||
[Analyze grammar]

pativratāstvadityādyā yakṣāḥ siddhāḥ sapannagāḥ |
oṣadhyaḥ parvatāścāśu māṃ punaṃtu trilokajāḥ || 19 ||
[Analyze grammar]

ebhiḥ snātvā vratī maṃtrairhastanyastapavitrakaḥ |
devarṣīnmānavapitṝṃstarpayecca yathāvidhi || 20 ||
[Analyze grammar]

yāvaṃtaḥ kārtike māsi vartaṃte pitṛtarpaṇe |
tilāstatsaṃkhyakābdāni pitaraḥ svargavāsinaḥ || 21 ||
[Analyze grammar]

tato jalādviniṣkramya śucivastrāvṛto vratī |
prātaḥkāloditaṃ karma samāpyārceddhariṃ punaḥ || 22 ||
[Analyze grammar]

tīrthādidevānsaṃsmṛtya punararcāṃ pradāpayet |
gaṃdhapuṣpaphalairyukto bhaktitatparamānasaḥ || 23 ||
[Analyze grammar]

arghamaṃtraḥ |
vratinaḥ kārtike māsi snātasya vidhivanmama |
gṛhāṇārghyaṃ mayā dattaṃ danujeṃdra niṣūdana || 24 ||
[Analyze grammar]

tataśca brāhmaṇānbhaktyā bhojayedvedapāragān |
gaṃdhapuṣpaiḥ satāṃbūlaiḥ praṇamecca punaḥ punaḥ || 25 ||
[Analyze grammar]

tīrthāni dakṣiṇe pāde vedāśca mukhamāśritāḥ |
sarvāṃge saṃsthitā devāḥ pūjitāḥ syurdvijārcanāt || 26 ||
[Analyze grammar]

avyaktarūpiṇo viṣṇoḥ svarūpaṃ brāhmaṇā bhuvi |
nāvamānyā no virodhyāḥ kadācicchubhamicchatā || 27 ||
[Analyze grammar]

tāṃ vai haripriyāṃ devi tulasīmarcayedvratī |
pradakṣiṇanamaskārānkuryādekāgramānasaḥ || 28 ||
[Analyze grammar]

devaistvaṃ nirmitā pūrvamarcitāsi munīśvaraiḥ |
namo namaste tulasi pāpaṃ hara haripriye || 29 ||
[Analyze grammar]

tato viṣṇukathāṃ śrutvā paurāṇīṃ snigdhamānasaḥ |
taṃ brāhmaṇaṃ muniṃ vipraṃ pūjayedbhaktimānvratī || 30 ||
[Analyze grammar]

evaṃ pūrṇavidhiṃ samyakpūrvoktaṃ bhaktimānnaraḥ |
karoti yaḥ sa labhate nārāyaṇasalokatām || 31 ||
[Analyze grammar]

rogāpahaṃ pāpavināśakṛtparaṃ sadbuddhidaṃ putradhanādisādhanam |
mukternidānaṃ na hi kārtikavratādviṣṇupriyādanyatamaṃ hi bhūtale || 32 ||
[Analyze grammar]

iti śrīpādme mahāpurāṇe paṃcapaṃcāśatsahasrasaṃhitāyāmuttarakhaṃḍe kārtikamāhātmye śrīkṛṣṇasatyabhāmāsaṃvāde snānavidhivarṇanonāma trinavatitamo'dhyāyaḥ || 93 ||
[Analyze grammar]