Chapter 92

[English text for this chapter is available]

pṛthuruvāca |
mahāphalaṃ tvayā proktaṃ mune kārttikamāghayoḥ |
tayoḥ snānavidhiṃ samyaṅniyamānapi nārada |
udyāpanavidhiṃ caivaṃ yathāvadvaktumarhasi || 1 ||
[Analyze grammar]

nārada uvāca |
tvaṃ viṣṇoraṃśasaṃjāto nājñātaṃ vidyate tava |
tathāpi vadataḥ samyaṅmāhātmyaṃ śṛṇu venaja || 2 ||
[Analyze grammar]

āśvinasya tu māsasya yā śuklaikādaśī bhavet |
kārtikavrataniyamaṃ tasyāṃ kuryādataṃdritaḥ || 3 ||
[Analyze grammar]

rātryāṃ turyāṃśaśeṣāyāṃ mudo tiṣṭhatsadā vratī |
nairṛtyāṃ saṃvrajedvāsādbahiḥ sodakabhājanaḥ || 4 ||
[Analyze grammar]

divāsaṃdhyā sukarṇastha brahmasūtra udaṅmukhaḥ |
aṃtardhāya tṛṇaṃ bhūmau śiraḥ prāvṛtya vāsasā || 5 ||
[Analyze grammar]

vaktraṃ niyamya yatnena ṣṭhīvanaśvāsavarjitaḥ |
kuryānmūtrapurīṣe ca rātrau ceddakṣiṇāmukhaḥ || 6 ||
[Analyze grammar]

gṛhītaśiśnaścotthāya gṛhītvā śucimṛttikām |
gaṃdhalepakṣayakaraṃ śaucaṃ kuryādataṃdritaḥ || 7 ||
[Analyze grammar]

ekā liṃge gude paṃca tathā vāmakare daśa |
ubhayoḥ sapta dātavyāstathā tisrastu pādayoḥ || 8 ||
[Analyze grammar]

etaddvi triguṇaṃ proktaṃ brahmacāri vanasthayoḥ |
yateścaturguṇaṃ rātrau tadarddhaṃ śaucamācaret || 9 ||
[Analyze grammar]

tadarddhamapi mārgasthaḥ strīśūdrāṇāṃ tadarddhakam |
śaucakarmavihīnasya sakalā niṣphalāḥ kriyāḥ || 10 ||
[Analyze grammar]

mukhaśuddhivihīnasya no maṃtrāḥ phaladāḥ smṛtāḥ |
daṃta jihvā viśuddhiṃ ca tataḥ kuryātprayatnataḥ || 11 ||
[Analyze grammar]

āyurbalaṃ yaśo varcaḥ prajāḥ paśuvasūni ca |
brahma prajñāṃ ca medhāṃ ca tvanno dehi vanaspate || 12 ||
[Analyze grammar]

iti maṃtraṃ samuccārya dvādaśāṃgulakaṃ sadā |
samidhā kṣīravṛkṣāsya kṣayāhopoṣaṇaṃ vinā || 13 ||
[Analyze grammar]

pratipaddarśa navamī ṣaṣṭhīścārkadinaṃ vinā |
caṃdrasūryoparāge ca na kuryāddaṃtadhāvanam || 14 ||
[Analyze grammar]

kaṃṭakīvṛkṣakārpāsa nirguṃḍī brahmavṛkṣajam |
bilvairaṃḍavigaṃdhāḍhyaṃ varjayeddaṃtadhāvanam || 15 ||
[Analyze grammar]

tato viṣṇoḥ śivasyāpi gṛhaṃ gacchetprasannadhīḥ |
gaṃdhapuṣpasutāṃbūlāngṛhītvā bhaktitatparaḥ || 16 ||
[Analyze grammar]

tatra devasya pādyārghādyupacārānpṛthakpṛthak |
kṛtvā stutvā punarnatvā kuryādgītādimaṃgalam || 17 ||
[Analyze grammar]

tālaveṇumṛdaṃgādi dhvaniyuktānsanṛttakān |
puṣpairgaṃdhaiḥ satāṃbūlairgāyanānapi cārcayet || 18 ||
[Analyze grammar]

devālaye gānaparā yataste viṣṇumūrttayaḥ |
tapāṃsi yajñadānāni kṛtāni ca jagadguroḥ || 19 ||
[Analyze grammar]

tuṣṭidāni kalau nityaṃ bhaktyā devasya satpateḥ |
kva tvaṃ vasasi deveśa mayā pṛṣṭastu pārthiva || 20 ||
[Analyze grammar]

viṣṇurevaṃ tadā prāha madbhaktiparitoṣitaḥ |
nāhaṃ vasāmi vaikuṃṭhe yogināṃ hṛdaye na ca || 21 ||
[Analyze grammar]

madbhaktā yatra gāyaṃti tatra tiṣṭhāmi nārada |
satpurāṇakathāṃ śrutvā madbhaktānāṃ ca gāyanam || 22 ||
[Analyze grammar]

necchaṃti ye narā mūḍhā maddveṣyāste bhavaṃti hi |
teṣāṃ pūjādikaṃ gaṃdhapuṣpādi krayate naraiḥ || 23 ||
[Analyze grammar]

tena prītiṃ tathā yāmi na tathā matprapūjanāt |
śirīṣonmattagirijā mallikā śālmalībhavaiḥ || 24 ||
[Analyze grammar]

arkajaiḥ karṇikāraiśca viṣṇurnārcyastathākṣataiḥ |
japā kuṃda śirīṣaiśca yūthikā mālatī bhavaiḥ || 25 ||
[Analyze grammar]

ketakībhava puṣpaiśca naivārcyaḥ śaṃkarastathā |
gaṇeśaṃ tulasīpatrairdurgāṃ naiva ca dūrvayā || 26 ||
[Analyze grammar]

munipuṣpaistathā sūryaṃ lakṣmīkāmo na cārcayet |
sugaṃdhīni praśastāni pūjāyāṃ sarvadaiva tu || 27 ||
[Analyze grammar]

evaṃ pūjāvidhiṃ kṛtvā devadevaṃ kṣamāpayet |
maṃtrahīnaṃ kriyāhīnaṃ bhaktihīnaṃ sureśvara || 28 ||
[Analyze grammar]

yatpūjitaṃ mayā deva paripūrṇaṃ tadastu me |
tataḥpradakṣiṇaṃkṛtvādaṃḍavatpraṇipatyaca || 29 ||
[Analyze grammar]

punaḥkṣamāpayeddevaṃgāyanādyaṃkṣamāpayet |
viṣṇoḥ śivasyāpi ca pūjanādikaṃ kurvaṃti samyaṅniśi kārtike ye |
nirdhūtapāpāḥ saha pūrvajaiste prayāṃti viṣṇorbhavanaṃ manuṣyāḥ || 30 ||
[Analyze grammar]

iti śrīpādme mahāpurāṇe paṃcapaṃcāśatsahasrasaṃhitāyāmuttarakhaṃḍe kārtikamāhātmye śrīkṛṣṇasatyabhāmāsaṃvāde niyamavarṇanaṃ nāma dvinavatitamo'dhyāyaḥ || 92 ||
[Analyze grammar]