Chapter 94

[English text for this chapter is available]

nārada uvāca |
kārtikavratināṃ puṃsāṃ niyamā ye prakīrtitāḥ |
tāñchṛṇuṣva mayā rājankathyamānānsamaṃtataḥ || 1 ||
[Analyze grammar]

sarvāmiṣāṇi māṃsāni kṣaudraṃ sauvīrakaṃ tathā |
rājamāṣādikaṃ cāpi naivādyātkārtikavratī || 2 ||
[Analyze grammar]

dvidalaṃ tilatailaṃ ca tathānnamaśrudūṣitam |
bhāvaduṣṭaṃ śabdaduṣṭaṃ varjayetkārtikavratī || 3 ||
[Analyze grammar]

parānnaṃ ca paradrohaṃ paradārāgamaṃ tathā |
tīrthe pratigṛhaṃ nāpi gṛhṇīyātkārtikavratī || 4 ||
[Analyze grammar]

devadevadvijānāṃ ca gurośca vratinastathā |
strīrājamahatāṃ niṃdāṃ varjayetkārtike vratī || 5 ||
[Analyze grammar]

prāṇyaṃgamāmiṣaṃ cūrṇaṃ phale jaṃbīramāmiṣam |
dhānye masūrikā proktā cānnaṃ paryuṣitaṃ tathā || 6 ||
[Analyze grammar]

ajāgomahiṣīkṣīrādanyadugdhādi cāmiṣam |
dvijakrītā rasāḥ sarve lavaṇaṃ bhūmijaṃ tathā || 7 ||
[Analyze grammar]

tāmrapātrasthitaṃ gavyaṃ jalaṃ palvalasaṃsthitam |
ātmārthaṃ pācitaṃ cānnamāmiṣaṃ tatsmṛtaṃ budhaiḥ || 8 ||
[Analyze grammar]

brahmacaryamadhaḥ suptiḥ patrāvalyāṃ ca bhojanam |
caturthakāle bhuṃjīta kuryādevaṃ sadā vratī || 9 ||
[Analyze grammar]

narakasya caturdaśyāṃ tailābhyaṃgaṃ ca kārayet |
anyatra kārtikasnāyi tailābhyaṃgaṃ na kārayet || 10 ||
[Analyze grammar]

palāṃḍuṃ laśunaṃ śigru chatrākaṃ gṛṃjanaṃ tathā |
nālikāṃ mūlakaṃ hiṃguṃ varjayetkārtikavratī || 11 ||
[Analyze grammar]

alābuṃ cāpi vṛṃtākaṃ kūṣmāṃḍaṃ bṛhatīphalam |
śleṣmātakaṃ kapitthaṃ ca varjayedvaiṣṇavavratī || 12 ||
[Analyze grammar]

rajasvalāṃtyaja mleccha patitavrātyakaiḥ saha |
dvijātivedabāhyaiśca na vadetkārtikavratī || 13 ||
[Analyze grammar]

śvabhirdṛṣṭaṃ ca kākaiśca sūtakānnaṃ ca varjayet |
dviḥpācitaṃ ca dagdhānnaṃ varjayetkārtikavratī || 14 ||
[Analyze grammar]

tilābhyaṃgaṃ tathā śayyāṃ parānnaṃ kāṃsyabhojanam |
kārtike varjayedyastu paripūrṇavratī bhavet |
etāni varjayennityaṃ vratī sarvavrateṣvapi |
kṛcchrādyaṃ cāpi kurvīta svaśaktyā viṣṇutuṣṭaye || 15 ||
[Analyze grammar]

kramātkūṣmāṃḍa vṛṃtākaṃ bṛhatī mūlakaṃ tathā |
śrīphalaṃ ca kaliṃgaṃ ca phalaṃ dhātrībhavaṃ tathā || 16 ||
[Analyze grammar]

nārikeraṃ mahālābuṃ paṭolaṃ badarīphalam |
carma vaikatakaṃ cāpi bisaṃ vai kaṭphalaṃ tathā || 17 ||
[Analyze grammar]

śākānyetāni varjyāni kramātpratipadādiṣu |
dhātrīphalaṃ ravau tadvadvarjayetsarvadā gṛhī || 18 ||
[Analyze grammar]

ebhyo'pi varjayetkiṃcidyadviṣṇuprītaye naraḥ |
tatpunarbrāhmaṇe dattvā bhakṣayetsarvadaiva hi || 19 ||
[Analyze grammar]

evameva hi māghe'pi kuryādvai niyamānvratī |
harijāgaraṇaṃ tatra vidhiproktaṃ ca kārayet || 20 ||
[Analyze grammar]

yathoktakāriṇaṃ dṛṣṭvā kārtikavratinaṃ naram |
yamadūtāḥ palāyaṃte gajāḥ siṃhārditā yathā || 21 ||
[Analyze grammar]

varaṃ viṣṇuvrataṃ hyetadatha yajñaśatādhikam |
yajñakṛtprāpnuyātsvargaṃ vaikuṃṭhaṃ kārtikavratī || 22 ||
[Analyze grammar]

bhuktimuktipradānīha yāni kṣetrāṇi bhūtale |
vasaṃti tāni tadgehe kārtikravratakāriṇaḥ || 23 ||
[Analyze grammar]

duḥsvapnnaṃ duṣkṛtaṃ kiṃcinmanovākkāyakarmajam |
kārttikavratinaṃ dṛṣṭvā vilayaṃ yāṃti tatkṣaṇāt || 24 ||
[Analyze grammar]

kārttikavratinaḥ puṃso viṣṇuvākyapraṇoditāḥ |
rakṣāṃ kurvaṃti śakrādyā rājño vai kiṃkarā yathā || 25 ||
[Analyze grammar]

viṣṇuvratakarā nityaṃ yatra tiṣṭhaṃti pūjitāḥ |
grahabhūtapiśācādyā naiva tiṣṭhaṃti tatra vai || 26 ||
[Analyze grammar]

kārttikavratinaḥ puṇyaṃ yathoktavratakāriṇaḥ |
na samartho bhavedvaktuṃ brahmāpīha caturmukhaḥ || 27 ||
[Analyze grammar]

viṣṇupriyaṃ sakalakalmaṣanāśanaṃ ca sarvatra putradhanadhānyasamṛddhikāri |
ūrje vrataṃ saniyamaṃ kurute manuṣyaḥ kiṃ tasya tīrthapariśīlana sevayā ca || 28 ||
[Analyze grammar]

iti śrīpādme mahāpurāṇe paṃcapaṃcāśatsahasrasaṃhitāyāmuttarakhaṃḍe kārttikamāhātmye śrīkṛṣṇasatyabhāmāsaṃvāde niyamavarṇanonāma caturnavatitamo'dhyāyaḥ || 94 ||
[Analyze grammar]