Chapter 3

[English text for this chapter is available]

sūta uvāca |
ekadā nārado draṣṭuṃ pāṃḍavānduḥkhakarśitān |
yayau kāmyavanaṃ vipraḥ satkṛtastairyathāvidhi || 1 ||
[Analyze grammar]

atha natvā muniśreṣṭhaṃ yudhiṣṭhira uvāca ha |
bhagavankarmaṇā kena duḥkhābdhau patitā vayam || 2 ||
[Analyze grammar]

tamuvāca ṛṣirduḥkhaṃ tyaja tvaṃ pāṃḍunaṃdana |
sukhaduḥkhasamāhāre saṃsāre kaḥ sukhī naraḥ || 3 ||
[Analyze grammar]

īśvaropi hi na sthāyī pīḍyate dehasaṃcayaiḥ |
na duḥkharahitaḥ kaściddehī duḥkhasaho yataḥ || 4 ||
[Analyze grammar]

śarīraṃ savituryasmādrāhustadgrasate balī |
rāhorapi śiraśchinnaṃ śauriṇāmṛtabhojane || 5 ||
[Analyze grammar]

so'pi śārṅgadharo devaḥ kṣiptaḥ sāgaragahvare |
jālaṃdhareṇa vīreṇa nihataḥ so'pi śaṃbhunā || 6 ||
[Analyze grammar]

yudhiṣṭhira uvāca |
ko'sau jālaṃdharo vīraḥ kasya putraḥ kuto balī |
kathaṃ jālaṃdharaṃ saṃkhye hatavānvṛṣabhadhvajaḥ || 7 ||
[Analyze grammar]

etatsarvaṃ samācakṣva vistareṇa tapodhana |
rājñā sa eva muktastu kathayāmāsa nāradaḥ || 8 ||
[Analyze grammar]

nārada uvāca |
śṛṇu bhūpa kathāṃ divyāmaśeṣāghaughanāśinīm |
īśānasiṃdhusūnvośca saṃgrāmaṃ paramādbhutam || 9 ||
[Analyze grammar]

ekadā giriśaṃ stotuṃ prayayau pākaśāsanaḥ |
apsarogaṇasaṃkīrṇo devairbahubhirāvṛtaḥ || 10 ||
[Analyze grammar]

gaṃdharvairāvṛto devastaṃtrīśikṣāsu kovidaiḥ |
raṃbhā tilottamā rāmā karpūrākadalī tathā || 11 ||
[Analyze grammar]

madanā bhāratī kāmā sarvābharaṇabhūṣitāḥ |
nartakyaśca tathā cānyāḥ samājagmuḥ surāṃtikam || 12 ||
[Analyze grammar]

gaṃdharvayakṣasiddhāstu nāradastuṃburustathā |
kinnarā muhurājagmustathā kiṃnarayoṣitaḥ || 13 ||
[Analyze grammar]

vāyuśca varuṇaścaiva kubero dhanadastathā |
yamaścāgnirnirṛtiśca ye cānye devatāgaṇāḥ || 14 ||
[Analyze grammar]

vimānasaṃstho maghavā vimānasthāḥ surāṃganāḥ |
svavāhanagatādevāḥ kailāsaṃ prayayurjavāt || 15 ||
[Analyze grammar]

dadṛśuste tato devāḥ kailāsaṃ parvatottamam |
mahīdharāṇāṃ sarveṣāṃ pṛthivyā iva maṃḍanam || 16 ||
[Analyze grammar]

sarvataḥ sukhadaṃ śuddhaṃ siddhirāśimivasthitam |
yatra vṛkṣāḥ kalpavṛkṣāḥ pāṣāṇāściṃtitapradāḥ || 17 ||
[Analyze grammar]

punnāgairnāgacaṃpaiśca tilakairdevadārubhiḥ |
aśokaiḥ pāṭalaiścūtairmaṃdāraiḥ śobhito giriḥ || 18 ||
[Analyze grammar]

paryaṃtakavanāmodavāhakā yatra vāyavaḥ |
paṃgutvaṃ bahucāreṇa yāṃti te malayānilāḥ || 19 ||
[Analyze grammar]

vāpyaḥ sphaṭikasopānā hyagādha vimalodakāḥ |
vaiḍūryanālasaṃsaktasauvarṇanibha paṃkajāḥ || 20 ||
[Analyze grammar]

kumudānāṃ dyutiryatra rājate sarvatodiśam |
kahlāraiḥ śaubhitāvāpyaḥ pinaddhāḥ padmarāgavat || 21 ||
[Analyze grammar]

harinmaṇinibaddhāśca gomedaiḥ sarvato vṛtāḥ |
padmarāgaśilābaddhā nānādhātuvicitritāḥ || 22 ||
[Analyze grammar]

dadṛśuḥ suṃdarataraṃ nākādhikavinirmitam |
kailāsaṃ parvataśreṣṭhaṃ dṛṣṭvā te vismayaṃgatāḥ || 23 ||
[Analyze grammar]

vimānādavatīrṇāśca maghavā devatāśca tāḥ |
dvārapālamathāgamya naṃdinaṃ vākyamabruvan || 24 ||
[Analyze grammar]

bho bho gaṇavaraśreṣṭha śṛṇu me vākyamuttamam |
samājñāpaya śīghraṃ tvaṃ nṛtyārthamihamāgatam || 25 ||
[Analyze grammar]

īśvaraṃ pratideveśaṃ sarvadevaiḥ samāvṛtam |
iṃdrasya vacanaṃ śrutvā giriśaṃ naṃdirabravīt || 26 ||
[Analyze grammar]

prabho'yamāgataḥ sarvairdevarājaḥ puraṃdaraḥ |
nṛtyārthamatha taṃ prāhānaya śīghraṃ śacīpatim || 27 ||
[Analyze grammar]

praveśayāmāsa tadā naṃdī taiḥ saha vāsavam |
sa dṛṣṭvā giriśaṃ devaṃ tuṣṭāva vṛṣabhadhvajam || 28 ||
[Analyze grammar]

raṃbhādyāstāstadā sarvā narttakyo harasannidhau |
mṛdaṃgavīṇāvāditraiḥ mudā nāṭyaṃ pracakrire || 29 ||
[Analyze grammar]

kāṃsyavādyānpragṛhyānyā vaṃśatālānsakāhalān |
cakrustā nṛtyasaṃraṃbhaṃ svayaṃdevaḥ puraṃdaraḥ || 30 ||
[Analyze grammar]

atīvanartanaṃ cakre suṃdaraṃ devadurllabham |
īśvarastoṣamāpanno vāsavaṃ vākyamabravīt || 31 ||
[Analyze grammar]

prasanno'haṃ suraśreṣṭha jātaste vriyatāṃ varaḥ |
ityuktavati deveśe svabāhubalagarvitaḥ || 32 ||
[Analyze grammar]

pratyuvāca haraṃ vākyaṃ saṃgrāmaḥ savṛto mayā |
yatra tvatsadṛśo yoddhā tadyuddhaṃ dehi me prabho || 33 ||
[Analyze grammar]

ityuktvā nirgato jiṣṇurlabdhvā śaṃbhorvaraṃ prabhoḥ |
tasmingate tadā śakre giriśo vākyamabravīt || 34 ||
[Analyze grammar]

gaṇā me śrūyatāṃ vākyaṃ devarājo'tigarvitaḥ |
ityuktvā krodhasaṃyukto babhūva ca tato haraḥ || 35 ||
[Analyze grammar]

āvirāsīttataḥ krodho mūrttimānpurataḥ sthitaḥ |
ghanāndhakārasadṛśo mṛḍaṃ krodhastato'bravīt || 36 ||
[Analyze grammar]

dehi me tvaṃ hi sandeśaṃ kiṃ karomi tava prabho |
umāpatistadovāca gaccha tvaṃ vāsavaṃ jaya || 37 ||
[Analyze grammar]

svargasiṃdhuṃ samāsādya sāgarasya ca vīryavān |
ityuktoṃtardadhe krodho gaṇāste vismayaṃ yayuḥ || 38 ||
[Analyze grammar]

īśānakalpe jāte tu kāmenārṇavasaṃgame |
nākasiṃdhustadā mattā svayauvanabharoṣmaṇā || 39 ||
[Analyze grammar]

tāṃ dṛṣṭvā siṃdhurājaśca jalakallolavānabhūt |
tadā babhūva rājeṃdra gaṃgāsāgarasaṃgamaḥ || 40 ||
[Analyze grammar]

mahānadī tadā prāpya reme cātmabalena ca |
atrāṃtare samudrasya babhūva subhaṭastataḥ || 41 ||
[Analyze grammar]

sūnustasyāṃ mahānadyāṃ samudrādabhavadbalī |
mahārṇavatanūjena jātamātreṇa pārthiva || 42 ||
[Analyze grammar]

rudatotkaṃpitā pṛthvī trilokī nāditābhavat |
samādhibaddhamudrāṃ ca saṃtatyāja caturmukhaḥ || 43 ||
[Analyze grammar]

atrāṃtare paritrastāṃ tāṃ saṃvīkṣya jagattrayīm |
dhātā sureṃdravākyena prajagāma mahārṇavam || 44 ||
[Analyze grammar]

āścaryamiti saṃciṃtya haṃsārūḍho javādyayau |
brahmāṇamāgataṃ vīkṣya saparyāṃ vidadhe'rṇavaḥ |
tamuvāca tato brahmā kiṃ garjasi vṛthāṃbudhe || 45 ||
[Analyze grammar]

samudra uvāca |
nāhaṃ garjāmi deveśa matsuto balavānprabho |
śiśorvai kuru rakṣāṃ ca durllabhaṃ tava darśanam || 46 ||
[Analyze grammar]

saṃdṛśyatāṃ ca tanayo bhāryāṃ prāhātiśobhanām |
yayau sā bharturādeśātsaputrā brahmaṇoṃtike || 47 ||
[Analyze grammar]

utsaṃgadeśe caturānanasya vidhāya putraṃ caraṇau nanāma |
tadā samudrātmajamadbhutaṃ taṃ dṛṣṭvā vidhātuḥ kila vismayo'bhūt || 48 ||
[Analyze grammar]

gṛhītakūrcasya śiśoḥ karaṃ ca yadā viriṃcirna śaśāka mocitum |
tadā samudraḥ prahasanprayātaḥ kūrcaṃ pragṛhyārbhakaraṃ vimocayan || 49 ||
[Analyze grammar]

tādṛśaṃ tasya bālasya dṛṣṭvā vikramamātmabhūḥ |
prītyā jālaṃdharetyāha nāmnā jālaṃdharo'bhavat || 50 ||
[Analyze grammar]

varaṃ dadāvatho tasya praṇayena prajāpatiḥ |
ayaṃ jālaṃdharo devairajeyaśca bhaviṣyati || 51 ||
[Analyze grammar]

pātālasahitaṃ nākaṃ matprasādena bhokṣyati |
ityuktvāṃtardadhe brahmā haṃsamāruhya satvaraḥ || 52 ||
[Analyze grammar]

iti śrīpādme mahāpurāṇe paṃcapaṃcāśatsahasrasaṃhitāyāṃ yudhiṣṭhiranāradasaṃvāde uttara |
khaṃḍe jālaṃdharotpatti brahmāgamonāma tṛtīyo'dhyāyaḥ || 3 ||
[Analyze grammar]