Chapter 100

[English text for this chapter is available]

śrīrājovāca |
kṣīrodajalatulyābhiḥ śītalāmaladṛṣṭibhiḥ |
tathyābhiśca vicitrābhistvayā gīrbhiḥ prabodhitaḥ || 1 ||
[Analyze grammar]

asāgarotthaṃ pīyūṣamadravyaṃ vyasanauṣadham |
tvayāhaṃ pāyitaḥ saumya bhavaroganivāraṇam || 2 ||
[Analyze grammar]

harṣaprado nṛṇāṃ pāpahānikṛjjīvanauṣadham |
jarāmṛtyuharo vipra sadbhiḥ kila samāgamaḥ || 3 ||
[Analyze grammar]

yāni yāni durāpāni vāṃchitāni mahītale |
prāpyaṃte tāni tānyeva sādhūnāmeva saṃgamāt || 4 ||
[Analyze grammar]

yaḥ snātaḥ pāpaharayā sādhusaṃgama gaṃgayā |
kiṃ tasya dānaiḥ kiṃ tīrthaiḥ kiṃ tapobhiḥ kimadhvaraiḥ || 5 ||
[Analyze grammar]

nimajjyonmajjatānnṝṇāṃ bhavābdhau paramāyanam |
saṃto dharmavidaḥ śāṃtā naurdṛḍhe vāpsumajjatām || 6 ||
[Analyze grammar]

yo me bhāvaḥpurā hyāsītkāmaikasukhalālasaḥ |
darśanādvacanātte'dya viparīto'bhavadvibho || 7 ||
[Analyze grammar]

ekajanmasukhasyārthe sahasrāṇi vilopayet |
prājño janmasahasrāṇi saṃcinotyekajanmanā || 8 ||
[Analyze grammar]

hāhā kāmarasāsvāda sukhalālasacetasā |
mayā mūḍhena na kṛtaṃ kiṃcidātmahitaṃ dvija || 9 ||
[Analyze grammar]

aho me manaso moho yenātmā yoṣitāṃ kṛte |
pātito vyasane ghore duḥkhodarke duratyaye || 10 ||
[Analyze grammar]

bhagavanparituṣṭo'smi bodhito vacanena te |
upadeśapradānena māmuddhartumihārhasi || 11 ||
[Analyze grammar]

purā caritapuṇyo'haṃ bhavatā bodhito'smi yat |
tvatpādarajasā vāpi viśeṣādapi pāvitaḥ || 12 ||
[Analyze grammar]

vidhiṃ mādhavamāsasya brūhi me vadatāṃ vara |
sarvapāpakṣayakaro yastvayā parikīrtitaḥ || 13 ||
[Analyze grammar]

kiṃ dānaṃ tatra kiṃ snānaṃ ko devo niyamāstu ke |
etadācakṣva viprarṣe duritottāraṇāya me || 14 ||
[Analyze grammar]

yama uvāca |
ityevamukto bhagavānkaśyapaḥ sa dayānidhiḥ |
provāca vacanaṃ vipra dharmyaṃ viśvahitaṃ śubham || 15 ||
[Analyze grammar]

kaśyapa uvāca |
pūrvāparasamādhāna kṣamabuddhyā ca te nṛpa |
pṛṣṭaṃ prājñe na vaktavyaṃ nādhame pāpamānase || 16 ||
[Analyze grammar]

pāpapravṛttasya tathā datvā bhūpa śubhāṃ matim |
vidyādānaphalaṃ samyakprāpyate nātra saṃśayaḥ || 17 ||
[Analyze grammar]

nāpṛṣṭaḥ kasyacidbrūyānna cānyāyena pṛcchataḥ |
jānannapi hi medhāvī jaḍavallokamācaret || 18 ||
[Analyze grammar]

viduṣāmapi śiṣyāṇāṃ putrāṇāṃ ca kriyāvatām |
apṛṣṭamapi vaktavyaṃ śreyaḥ śraddhāvatāṃ hitam || 19 ||
[Analyze grammar]

sāṃprataṃ śuddhahṛdayo jātastvaṃ vacanānmama |
purācaritapuṇyena kenāpi ca mahīpate || 20 ||
[Analyze grammar]

pāpāvasthaṃ śarīraṃ tadgataṃ tava mamāśrayāt |
śravaṇāddharmaśāstrasya dharmāvasthaṃ tu te'bhavat || 21 ||
[Analyze grammar]

pāpāvasthamadharmākhyaṃ dharmajñānavivarjitam |
aparaṃ sadvrataṃ yaddhi vijñeyaṃ taddhi dhārmikam || 22 ||
[Analyze grammar]

dharmādharmopabhogāya tattṛtīyamatīṃdriyam |
tattribhedaṃ śarīraṃ hi dharmmavidbhirihocyate || 23 ||
[Analyze grammar]

yāvatā dharmabhogaśca muktiścaitattribhedakam |
pāpāvasthaṃ śarīraṃ tatpāpasaṃjñaṃ taducyate || 24 ||
[Analyze grammar]

idānīṃ gurubhaktiṃ ca kurvataśca vaco mama |
śṛṇvato dharmarūpaṃ tu śarīraṃ te vyavasthitam || 25 ||
[Analyze grammar]

tenaiva śuddhiramalā jātā dharmakriyocitā |
daivena dehināṃ nāma cetāṃsi caritāni ca || 26 ||
[Analyze grammar]

śarīrāṇi ca puṣyaṃti kālekāle viparyayam |
sāṃprataṃ bhavataśceto nūnaṃ dharme pravartate || 27 ||
[Analyze grammar]

tena tvāṃ kārayiṣyāmi mādhavasnānamuttamam |
yama uvāca |
tatastu kāritastena kaśyapena purodhasā || 28 ||
[Analyze grammar]

sa nṛpo mādhave māsi snānaṃ dānaṃ ca pūjanam |
yathādṛṣṭaṃ purā śāstre vaiśākhasnānajaṃ vidhim || 29 ||
[Analyze grammar]

sa muniḥ pratyuvācāsau bhūpāya ca yathoditam |
śrāvitaḥ stotrasāraṃ ca pāṭhito harimedhasaḥ || 30 ||
[Analyze grammar]

śrute yasminnadhīte ca sa samyakphalamāpnuyāt || 31 ||
[Analyze grammar]

sa kāritastena viśuddhabhāvo rājāpi cakre vidhivattadānīm |
śrīmādhavemāsi vidhānamīḍyaṃ tato yathākarṇitamādareṇa || 32 ||
[Analyze grammar]

prātaḥsnānaṃ ca pādyaṃ ca hyarghaṃ ca haripūjanam |
naivedyaṃ bhaktibhāvena cakāra sa nṛpottamaḥ || 33 ||
[Analyze grammar]

dānaṃ yathā niyamapālanamādareṇa vaiśākhamādividadhāti vidhānamevam |
yo bhaktito'nvahamasau prativarṣamevaṃ kṛtvā prayāti haridhāma mahīsurāgryaḥ || 34 ||
[Analyze grammar]

athetareṣu māseṣu kāminīkucakelivān |
bhogaikalālaso bhūyo bhavatyevaṃ yathāruci || 35 ||
[Analyze grammar]

na dharmaniyamaṃ rājakāryeṣu na vicāraṇam |
karoti kāmavaśago hitvā māsaṃ sa mādhavam || 36 ||
[Analyze grammar]

mahatāmapi viprāgrya durnivāryo manobhavaḥ |
śarīrasahajo nūnamanādirvāsanākramaḥ || 37 ||
[Analyze grammar]

keśakajjalaśālinyo duḥsparśā locanapriyāḥ |
yasmādagniśikhā nāryo dahaṃti tṛṇavannaram || 38 ||
[Analyze grammar]

ghoraḥ śatruḥ śarīrasthaḥ puṃsāṃ kāmo yathocitam |
mohadhūmamayaḥ pāpo na keṣāmaṃdhakāritam || 39 ||
[Analyze grammar]

iti śrīpadmapurāṇepātālakhaṃḍe vaiśākhamāsamāhātmye śatatamo'dhyāyaḥ || 100 ||
[Analyze grammar]