Padma Purana [sanskrit]

462,305 words | ISBN-13: 9789385005305

The Padma-purana Book 5 Chapter 101 (Sanskrit text), including grammatical analysis, glossary and relevant print editions. The Padmapurana is a one of the largest of the eighteen Major Puranas containing roughly 50,000 metrical verses. Although popular for its inclusion of the Ramayana and large sections on pilgrimage guides this is also known for its dedication to both Shiva and Vishnu.

[English text for this chapter is available]

yama uvāca |
atha kālakaṭākṣeṇa lakṣito nṛpatistadā |
mṛto'tiratisevottha kṣayakṣīṇakalevaraḥ || 1 ||
[Analyze grammar]

nīyamāno yamagaṇaistāḍyamāno muhurmuhuḥ |
krandamāno mahārāvānsa smarannijapātakam || 2 ||
[Analyze grammar]

viṣṇudūtaiḥ samāgamya tāḍayitvā mamānugān |
dharmavānayamityuktvā vimānamatha ropitaḥ || 3 ||
[Analyze grammar]

nīto haripuraṃ bhūpaḥ stūyamāno'psarogaṇaiḥ |
prātaḥsnānena vaiśākhamāsasya kṣīṇapātakaḥ || 4 ||
[Analyze grammar]

atha dharmavihīno'yamiti matvā ca taiḥ punaḥ |
devadūtairnideśena viṣṇorbhūmipatistadā |
adūrādeva nirayavartmanā sa samāhitaḥ || 5 ||
[Analyze grammar]

sa gacchannapi śuśrāva jīvānāṃ kraṃdatāṃ punaḥ |
niraye pacyamānānāmārāvaṃ vividhaṃ tadā || 6 ||
[Analyze grammar]

pāpināṃ kvathyamānānāmākraṃdamatidāruṇam |
śrutvā vismayavānvipra rājābhūdatiduḥkhitaḥ || 7 ||
[Analyze grammar]

provāca dūtāḥ kimayamākraṃdo dāruṇaḥ śrutaḥ |
punarna śrūyate tanme kāraṇaṃ vaktumarhatha || 8 ||
[Analyze grammar]

dūtā ūcu |
jaṃtavastyaktamaryādāḥ pāpāstvācāravarjitāḥ |
nirayeṣu ca ghoreṣu tāmisrādiṣu pātitāḥ || 9 ||
[Analyze grammar]

kṛtapātakinastvatra prāṇatyāgādanaṃtaram |
yāmyaṃ paṃthānamāśritya duḥkhamaśnaṃti dāruṇam || 10 ||
[Analyze grammar]

yamasya puruṣairghoraiḥ kṛṣyamāṇā itastataḥ |
aṃdhakāre nipatitā bhakṣyaṃte hyatidāruṇaiḥ || 11 ||
[Analyze grammar]

śvabhiḥ śṛgālaiḥ kravyādaiḥ kākakaṃkabakādibhiḥ |
agnituṃḍairvṛkavyāghrairbhujagairvṛścikādibhiḥ || 12 ||
[Analyze grammar]

agninā dāhyamānāśca tudyamānāśca kaṃṭakaiḥ |
krakacaiḥ pāṭyamānāśca pīḍyamānāśca tṛṣṇayā || 13 ||
[Analyze grammar]

kṣudhayā bādhyamānāśca ghorairvyādhigaṇaistathā |
pūyaśoṇitagaṃdhena mūrchyamānāḥ padepade || 14 ||
[Analyze grammar]

kvāthyaṃte ca kvacittailaistāḍyante muśalaiḥ kvacit |
āyasīṣu prapacyaṃte śilāsu kvacideva ca || 15 ||
[Analyze grammar]

kvacidvāṃtamathāśnaṃti kvacitpūyamasṛkkvacit |
kvacidviṣṭhāṃ kvacinmāṃsaṃ pūtigaṃdhiṣu dāruṇam || 16 ||
[Analyze grammar]

kṛmibhirbhakṣyamāṇāśca vahnituṃḍaiḥ kvacitkvacit |
keśaśoṇitamāṃsāsṛgvasāsthinikareṣu ca || 17 ||
[Analyze grammar]

asthitāḥ kuṇapāḥ kīrṇāḥ kṛmibhirbhakṣitāḥ sphuṭam |
kākakaṃkamahāgṛdhravadanairdhvaṃsiteṣu ca || 18 ||
[Analyze grammar]

śivadurgaṃdhanīraṃdhra saṃghaṭṭaśatakoṭiṣu |
karapatraśilāpatratapta nistailakeṣu ca || 19 ||
[Analyze grammar]

lohatailavasāstaṃbha kūṭaśālmalasadmasu |
kṣurakaṃṭakakīlogra jvālāstaṃbhavibhātiṣu || 20 ||
[Analyze grammar]

taptaṃ vaitaraṇīpūyapūriteṣu pṛthakpṛthak |
asipatravanotkṛtta naranārīstaneṣu ca || 21 ||
[Analyze grammar]

ghorāṃdhakāragrahaṇadāruṇeṣu muhurmuhuḥ |
pāpacyamānāḥ kraṃdaṃto dāruṇairvividhairvadhaiḥ || 22 ||
[Analyze grammar]

kaṃṭheṣu baddhapāśāśca bhujagāveṣṭitāḥ kvacit |
pīḍyamānāstathā yaṃtraiḥ kṛṣyamāṇāśca jānubhiḥ || 23 ||
[Analyze grammar]

bhagnapṛṣṭhaśirogrīvāḥ stabdhakaṃṭhāḥ sudāruṇāḥ |
kūṭāgāre bhrāmyamāṇāḥ śarīrairyātanākṣamaiḥ || 24 ||
[Analyze grammar]

pīḍyaṃte pāpino rājankraṃdamānā vikarmiṇaḥ |
sahitaṃ viṣayāsvādaiḥ kraṃdanaṃ tairvidhīyate || 25 ||
[Analyze grammar]

bhujyate ca kṛtaṃ pūrvametatsarvaiśca jaṃtubhiḥ |
parastrīṣu kṛtaḥ saṃgaḥ prītaye duḥkhado hi saḥ || 26 ||
[Analyze grammar]

muhūrtaviṣayāsvādo jāto'nekābdaduḥkhadaḥ |
vapuṣastava rājeṃdra prātaḥsnānasya mādhave || 27 ||
[Analyze grammar]

vidhinā pāvanasyaite prāpya sparśaṃ ca mārutaḥ |
labdhasaukhyāḥ kṣaṇaṃ jātā mahasāpyāyitāstava || 28 ||
[Analyze grammar]

ākraṃdarahitāstena jātāste niraye sthitāḥ |
nāmāpi puṇyaśīlānāṃ śrutaṃ saukhyāya kīrtitam || 29 ||
[Analyze grammar]

jāyate tadvapusparśavāyusparśaḥ sukhāvahaḥ |
yama uvāca |
iti dūtavacaḥ śrutvā sa rājā karuṇānidhiḥ || 30 ||
[Analyze grammar]

pratyuvāca hatāndūtānviṣṇoradbhutakarmaṇaḥ |
komalaṃ hṛdayaṃ nūnaṃ sādhūnāṃ navanītavat || 31 ||
[Analyze grammar]

vahnisaṃtāpasaṃtaptaṃ tadyathā dravati sphuṭam |
rājovāca |
nārtaṃ jaṃtumahaṃ hitvā pīḍituṃ gaṃtumutsahe || 32 ||
[Analyze grammar]

taṃ pāpiṣṭhaṃ dhigārtānāmārtiṃ śakto na haṃti yaḥ |
madaṃgasaṃgamocchiṣṭavāyusparśena te yadi || 33 ||
[Analyze grammar]

jaṃtavaḥ sukhino jātāstasmāttatra nayaṃtu mām |
pavitrayaṃti jananīmavanīmapi te narāḥ || 34 ||
[Analyze grammar]

paratāpacchido ye tu caṃdanā iva caṃdanam |
paropakṛtaye ye tu pīḍyaṃte kṛtino hi te || 35 ||
[Analyze grammar]

saṃtasta eva ye loke paraduḥkhavidāraṇāḥ |
ārtānāmārtināśārthaṃ prāṇā yeṣāṃ tṛṇopamāḥ || 36 ||
[Analyze grammar]

tairiyaṃ dhāryate bhūmirnaraiḥ parahitodyataiḥ |
manaso yatsukhaṃ nityaṃ tatsvargo narakopamaḥ || 37 ||
[Analyze grammar]

tasmātparasukhenaiva sukhinaḥ sādhavaḥ sadā |
varaṃ nirayapāto'tra varaṃ prāṇaviyojanam || 38 ||
[Analyze grammar]

na punaḥ kṣaṇamārtānāmārtināśamṛte sukham |
dūtā ūcu |
jaṃtavo niraye ghore pacyaṃte tetra pāpinaḥ || 39 ||
[Analyze grammar]

svakarmaivopajīvaṃti mohasthānaṃ na vidyate |
yairna dattaṃ na ca hutaṃ tīrthe snānaṃ na vā kṛtam || 40 ||
[Analyze grammar]

punarnopakṛtaṃ bhaktyā sukṛtaṃ na kṛtaṃ param |
neṣṭaṃ na taptaṃ no japtaṃ yairna hṛṣṭatayā nṛpa || 41 ||
[Analyze grammar]

parasminniha ghoreṣu pacyaṃte nirayeṣu te |
duḥśīlā ye durācārā vihārāhāraniṃditāḥ || 42 ||
[Analyze grammar]

parāpakāriṇaḥ pāpakāriṇo durvihāriṇaḥ |
vidāriṇo hi marmoktyā pāpāḥ parahṛdāṃ hi ye || 43 ||
[Analyze grammar]

niraye te vipacyaṃte ye parastrīvihāriṇaḥ |
ehi nūnaṃ mahīpāla gacchāmo harimaṃdiram || 44 ||
[Analyze grammar]

na te puṇyavatā yuktamihasthā tu mataḥ param |
rājovāca |
yadyahaṃ sukṛtī dūtāḥ kasmādasminmahābhaye || 45 ||
[Analyze grammar]

nārake pathi vā nītaḥ kiṃ vā me sukṛtaṃ param |
mayāpi na kṛtaṃ tādṛksukṛtaṃ kāmaśālinā || 46 ||
[Analyze grammar]

kathaṃ puri harergaṃtā saṃśayāno'hamasmi vai |
dūtā ūcu |
sukṛtaṃ na kṛtaṃ satyaṃ tvayā kāmavaśātmanā || 47 ||
[Analyze grammar]

neṣṭaṃ yajñairna vā yajñāvaśiṣṭaṃ bhavatāśitam |
kiṃtu mādhavamāse yadvidhinā vatsaratrayam || 48 ||
[Analyze grammar]

prātaḥ snātvā guruvacaḥ preritena purā tvayā |
bhaktyā saṃpūjito viṣṇurviśveśo madhusūdanaḥ || 49 ||
[Analyze grammar]

mahāpāpātipāpaugha nihaṃtā bhaktavatsalaḥ |
sarvadharmaikasāreṇa tenaikena nareśvara || 50 ||
[Analyze grammar]

nīyate puṇyabhavanaṃ pūjyamāno marudgaṇaiḥ |
mahatāmapi pāpānāṃ nihaṃtā mādhavo'rcitaḥ || 51 ||
[Analyze grammar]

tathaiva mādhavo māso martyānāṃ vidhinoditaḥ |
yathaiva visphuliṃgena jvālyate tṛṇasaṃcayaḥ || 52 ||
[Analyze grammar]

prātaḥsnānena vaiśākhe tathāghaugho'pi dahyate |
tāvadvapuṣi pāpāni prabhavaṃti mahāntyapi || 53 ||
[Analyze grammar]

yāvanna mādhave māsi tīrthe majjati coṣasi |
vaiśākhe māsi yo yukto yathoktaniyamairnaraḥ || 54 ||
[Analyze grammar]

haribhaktyaiva pāpaughairmukto'cyutagṛhaṃ vrajet |
ājanmano hi sukṛtaṃ yattvayā na purā kṛtam || 55 ||
[Analyze grammar]

tena tvaṃ nirayasthānamārgaṃ nīto nareśvara |
atha bhūmipate tūrṇamasmābhistu marudgaṇaiḥ || 56 ||
[Analyze grammar]

stūyamāno vimānena gaccha goviṃdamaṃdiram || 57 ||
[Analyze grammar]

iti śrīpadmapurāṇe pātālakhaṃḍe vaiśākhamāsamāhātmye |
ekottaraśatatamo'dhyāyaḥ || 101 ||
[Analyze grammar]

Other editions:

Also see the following editions of the Sanskrit text or (alternative) English translations of the Padma Purana Chapter 101

Cover of edition (2016)

Sri Padma Purana (Sanskrit Text and Hindi Translation)
by Chaukhamba Surbharati Prakashan (2016)

Sanskrit Text and Hindi Translation with Sloka Index (Set of 7 Volumes)

Buy now!
Cover of edition (2007)

Padma Purana (In Six Volumes)
by Chowkhamba Sanskrit Series Office (2007)

Sanskrit Text Only

Buy now!
Cover of Bengali edition

Padma Purana in Bengali
by Navabharat Publishers, Kolkata (0)

Set of 7 Volumes

Buy now!
Cover of edition (2015)

Sri Padma Purana (Tamil)
by Azhwargal Aaivu Maiyam, Chennai (2015)

Translated by S. Jagatrakshgan

Buy now!
Cover of Gujarati edition

Padma Purana in Gujarati
by Shree Harihar Pustakalay, Surat (0)

[પદમ પુરણ:]

Buy now!
Cover of edition (2013)

Padma Mahapurana (Kannada)
by Vijeth Prakashan Gadag, Bangalore (2013)

[ಪದ್ಮ ಮಹಾಪುರಾಣಂ]

Buy now!
Let's grow together!

I humbly request your help to keep doing what I do best: provide the world with unbiased sources, definitions and images. Your donation direclty influences the quality and quantity of knowledge, wisdom and spiritual insight the world is exposed to.

Let's make the world a better place together!

Like what you read? Consider supporting this website: