Chapter 99

[English text for this chapter is available]

yama uvāca |
babhūva bhūpatiḥ pūrvaṃ khyāto nāmnā mahīrathaḥ |
pūrvapuṇyaphalāvāpta prabhūtaiśvaryasaṃpadaḥ || 1 ||
[Analyze grammar]

kevalaṃ kāmakalanā lalanā lalitasthitaḥ |
tadekavyasanāsaktirna dharmārtha vyavasthitaḥ || 2 ||
[Analyze grammar]

maṃtriṇi nyasya rājyaśrīrbubhuje viṣayānnṛpaḥ |
sa kāminī sahacaro rājyakāryaparāṅmukhaḥ || 3 ||
[Analyze grammar]

na prajā na dhanaṃ dharmaṃ nārthaṃ kāryaṃ ca paśyati |
kevalaṃ kāminīkeli kalanocitavāsanaḥ || 4 ||
[Analyze grammar]

atha kālena mahatā purodhāstasya kaśyapaḥ |
vacaḥ provāca taṃ dharmyamiti cetasyaciṃtayat || 5 ||
[Analyze grammar]

na vārayati yo mohādadharmānnṛpatiṃ guruḥ |
sopi tatpāpabhuktasmādbodhanīyaḥ purodhasā || 6 ||
[Analyze grammar]

bodhito'pyavajānāti sa cedvākyaṃ purodhasaḥ |
purodhāstatra nirdoṣo rājā syātsarvadoṣabhāk || 7 ||
[Analyze grammar]

śṛṇu rājanmama gurorvaco dharmārthasaṃhitam |
abhinnārthamupetārthamicchārāgādi varjitam || 8 ||
[Analyze grammar]

ayameva paro dharmo yadgurorvacasi sthitiḥ |
gurvājñāyālavo rājñāmāyuḥ śrī saukhyavarddhanaḥ || 9 ||
[Analyze grammar]

na viprāstarpitā dānairviṣṇurnārādhitastvayā |
na vrataṃ na tapaḥ kiṃcinna tīrthaṃ hi kṛtaṃ tvayā || 10 ||
[Analyze grammar]

harināma tvayā kāmavaśagena na ciṃtitam |
hā tvayā bhīrusaṃgatyā na vidvatsaṃgatiḥ kṛtā || 11 ||
[Analyze grammar]

smaracāmaravāhinyo vallabhāḥ kasya na priyāḥ |
kiṃtu tāḥ pavanollolakadalīdalavaccalāḥ || 12 ||
[Analyze grammar]

taraṃgataralairarthairbhogairbhrūbhaṃgabhaṃguraiḥ |
muhūrtapeyaistāruṇyairna tṛpyaṃte mahāśayāḥ || 13 ||
[Analyze grammar]

kiṃ vidyayā ca tapasā kiṃ tyāgena nayena vā |
kiṃ viviktena manasā strībhiryasya hṛtaṃ manaḥ || 14 ||
[Analyze grammar]

eka eva suhṛddharmo nidhaneṣvanuyāti yaḥ |
sarvamanyaccharīreṇa samaṃ nāśaṃ gamiṣyati || 15 ||
[Analyze grammar]

dharmaṃ śanaiḥ saṃcinuyādvalmīkamiva puttikāḥ |
dharmeṇa hi sahāyena tamastarati dustaram || 16 ||
[Analyze grammar]

anilollāsitottāla jalakallola caṃcalam |
kiṃ na jānāsi rājeṃdra nṛṇāṃ jīvita vibhramam || 17 ||
[Analyze grammar]

vinayo ratnamukuṭaḥ satyadharmau ca kuṃḍale |
tyāgaśca kaṃkaṇo yeṣāṃ kiṃ teṣāṃ jaḍamaṃḍanaiḥ || 18 ||
[Analyze grammar]

mṛtaṃ śarīramutsṛjya kāṣṭhaloṣṭasamaṃ bhuvi |
vimukhā bāṃdhavā yāṃti dharmastamanugacchati || 19 ||
[Analyze grammar]

gamyamāneṣu sarveṣu kṣīyamāṇe tathāyuṣi |
jīvite lupyamāne ca kimutthāya na dhāvasi || 20 ||
[Analyze grammar]

kuṭuṃbaṃ putradārādi śarīraṃ dravyasaṃcayaḥ |
pārakyamadhruvaṃ kiṃtu svīye sukṛtaduṣkṛte || 21 ||
[Analyze grammar]

yadā sarvaṃ parityajya gaṃtavyamavaśena te |
anarthe kiṃ prasaktastvaṃ svadharmaṃ nānutiṣṭhasi || 22 ||
[Analyze grammar]

aviśrāmamanālaṃbamapātheyamadeśikam |
mṛtaḥ kāṃtāramadhvānaṃ kathameko gamiṣyasi || 23 ||
[Analyze grammar]

na hi tvāṃ prasthitaṃ kaścitpṛṣṭhato'nugamiṣyati |
sukṛtaṃ duṣkṛtaṃ ca tvāṃ yāsyaṃtamanuyāsyati || 24 ||
[Analyze grammar]

śrutismṛtyuditaṃ karma kuladeśocitaṃ hitam |
dharmamūlaṃ niṣevasva sadācāramataṃdritaḥ || 25 ||
[Analyze grammar]

parityajedarthakāmau syātāṃ ceddharmavarjitau |
dharmeṇa prāpyate sarvamarthakāmādikaṃ sukham || 26 ||
[Analyze grammar]

iṃdriyāṇāṃ jayaṃ yogaṃ samātiṣṭheddivāniśam |
jiteṃdriyo hi śaknoti pathi sthāpayituṃ prajāḥ || 27 ||
[Analyze grammar]

atipragalbha lalanā kaṭākṣa capalāśriyaḥ |
vinaye praṇidhānena ciraṃ tiṣṭhaṃti bhūbhujām || 28 ||
[Analyze grammar]

kāmadarpādiśīlānāmavicārita kāriṇām |
āyuṣā saha naśyaṃti saṃpado mūḍhacetasām || 29 ||
[Analyze grammar]

bhūtibhirnaṣṭadṛṣṭābhirnṛtyaṃte na mahāśayāḥ |
nāgatābhirna yātābhirnadībhiścīyateṃbudhiḥ || 30 ||
[Analyze grammar]

vyasanasya ca mṛtyośca vyasanaṃ kaṣṭamucyate |
vyasanyadhodho vrajati svargāmyavyasanī nṛpaḥ || 31 ||
[Analyze grammar]

vyasanāni duraṃtāni kāmajāni viśeṣataḥ |
tyaja tasmānmahārāja kāmaṃ dharmavirodhinam || 32 ||
[Analyze grammar]

jaḍānāmavivekānāmasurāṇāṃ durātmanām |
bhāgyabhogyāni rājyāni saṃtyanītimatāmapi || 33 ||
[Analyze grammar]

naiva sthirāṇi tānīha duritairanusevitaiḥ |
vilīyaṃte yathā vahnisaṃsargeṇeṃdhanāni ca || 34 ||
[Analyze grammar]

gacchatastiṣṭhato vāpi jāgrataḥ svapato'pi vā |
na vicāraparaṃ ceto yasyāsau mṛta eva saḥ || 35 ||
[Analyze grammar]

upadeṣṭā śrutavatāṃ gururityucyate yataḥ |
kiṃtu tvāsannavipadāmupadeśāḥ śiroruhāḥ || 36 ||
[Analyze grammar]

viṣayajvaramutsṛjya samayā svasthayā dhiyā |
yuktyā ca vyavahāriṇyā svārthaḥ prājñena sādhyate || 37 ||
[Analyze grammar]

aśubhāccalitaṃ yāti śubhaṃ tasmādapītaram |
jaṃtościttaṃ ca śiśuvattasmāttaccālayedbalāt || 38 ||
[Analyze grammar]

upadhārya matiṃ rājanvṛddhānāṃ dharmadarśinām |
niyacchetparayā buddhyā cittamutpathagāmi yat || 39 ||
[Analyze grammar]

na dhanānyupakurvaṃti na mitrāṇi na bāṃdhavāḥ |
na hastapādacalanaṃ na deśāṃtarasaṃgatam || 40 ||
[Analyze grammar]

na kāyakleśavaidhuryaṃ na tīrthāyatanāśrayaḥ |
kevalaṃ tanmanaskasya japenāsādyate padam || 41 ||
[Analyze grammar]

viṣaye vartamānasya tasmāccittasya saṃyame |
yatnaṃ kuryādbudho rājandhruvaṃ yaṃteva vājinām || 42 ||
[Analyze grammar]

tattatkuryādyato rājanbhavatā yena vaṃcitaḥ |
munibhiśca phalaistaistairatopyākarṇayādhunā || 43 ||
[Analyze grammar]

muhyatāpi manuṣyeṇa praṣṭavyāḥ suhṛdo budhāḥ |
te ca pṛṣṭā yathā brūyustatkarttavyaṃ yathocitam || 44 ||
[Analyze grammar]

sarvopāyena karttavyo nigrahaḥ kāmakopayoḥ |
śreyo'rthinā yatastau hi śreyoghātārthamudyatau || 45 ||
[Analyze grammar]

kāmo hi balavānrājañcharīrastho ripurmahān |
na tasya vaśago bhūyājjanaḥ śreyobhilāṣukaḥ || 46 ||
[Analyze grammar]

yaḥ kāmo devadevena purā tenaiva śūlinā |
lalāṭavahninā dagdhaḥ kṛtonaṃga iti sthitiḥ || 47 ||
[Analyze grammar]

yadā vāṃchatyasau nārīṃ nihaṃtuṃ samanobhavaḥ |
puṃsāṃ kāyaṃ samāśritya svarūpaṃ darśayatyasau || 48 ||
[Analyze grammar]

ciṃtyamānasya vai puṃso nāryā rūpaṃ punaḥpunaḥ |
tamadṛṣṭaṃ samāśritya naramunmādayatyasau || 49 ||
[Analyze grammar]

tathaivonmādayatyeṣa yoṣidaṃgaṃ na saṃśayaḥ |
smaraḥ saṃsmaraṇānnāma jātaṃ tasya tato nṛpa || 50 ||
[Analyze grammar]

yādṛśastādṛśo raṃgo vastraṃ vīrasamāśrayet |
ātmatejaḥ prakāśātso'śrudhārā peyatāṃ vrajet || 51 ||
[Analyze grammar]

nāryārūpaṃ samāruhya dhīraṃ tamapi mohayet |
puruṣaṃ tu samāśritya drāvayatyeṣa yoṣitam || 52 ||
[Analyze grammar]

sa eva sahajo rājannaśarīrī śarīragaḥ |
śarīrakasyāpi vibho kathaṃ pāpaṃ vidhīyate || 53 ||
[Analyze grammar]

yaṃ prāpyātipavitrāṇi paṃcagavyahavīṃṣi ca |
aśucitvaṃ kṣaṇaṃ yāṃti ko'nya syādaśucistataḥ || 54 ||
[Analyze grammar]

jighrannapi svadurgaṃdhaṃ paśyannapi malaṃ svakam |
na virajyati loko'yaṃ pīḍayannapi nāsikām || 55 ||
[Analyze grammar]

hṛdyānnamannapānāni yaṃ prāpya surabhīṇi ca |
aśucitvaṃ prayāṃtyāśu ko'nyasyādaśucistataḥ || 56 ||
[Analyze grammar]

yasyodaragataṃ cānnaṃ svaṃ hi rūpaṃ parityajet |
kṛmimiśramamedhyatvaṃ śīghraṃ prajñāyate kila || 57 ||
[Analyze grammar]

tathāpi dehe bhūpāla nijarūpaṃ parityajet |
śunatāṃ yāti vai paścātkṛmidurgaṃdhisaṃkule || 58 ||
[Analyze grammar]

jāyaṃte tatra vai yūkāḥ kṛmayo vā na saṃśayaḥ |
sakṛmiḥ kurute sphoṭaṃ kaṃḍūśca paridāruṇaḥ || 59 ||
[Analyze grammar]

vyathāmutpādayedbhūyaḥ sarvāṃgaṃ paricālayet |
nakhāgrairghṛṣyamāṇā sā kaṃḍūḥ śāṃtā prajāyate || 60 ||
[Analyze grammar]

tadvatsukhaṃ bhavatyeva suratasya na saṃśayaḥ |
bhuṃjatyevaṃ rasānmartyaḥ subhakṣānpibate punaḥ || 61 ||
[Analyze grammar]

tatrasthaṃ pacate vahnirapāne pātayenmalam |
sārabhūto rasastatra udriktastu prajāyate || 62 ||
[Analyze grammar]

nirmalaḥ śuddhavīryastu brahmasthānaṃ prayāti ca |
ākṛṣṭaḥ sa samānena nītastenāpi vāyunā || 63 ||
[Analyze grammar]

sthānaṃ na labhate vīryaṃ caṃcalatvena vartate |
prāṇināṃ hi kapāleṣu kṛmayaḥ saṃti paṃca vai || 64 ||
[Analyze grammar]

dvāvetau karṇamūle tu netrasthāne tataḥ punaḥ |
kaniṣṭhāṃgulimānena raktapucchāśca bhūpate || 65 ||
[Analyze grammar]

navanītasya varṇena kṛṣṇapucchā na saṃśayaḥ |
teṣāṃ nāmāni bhadraṃ te matto nigadataḥ śṛṇu || 66 ||
[Analyze grammar]

piṅgalī śṛṃgalī nāma dvau kṛmī karṇamūlayoḥ |
śṛṃgalī jaṃgalī cānyau netrayoraṃtarasthitau || 67 ||
[Analyze grammar]

kṛmīṇāṃ śatapaṃcāśattādṛgbhūtā na saṃśayaḥ |
lalāṭāṃtaḥ sthitāḥ sarve rājikāyāḥ pramāṇataḥ || 68 ||
[Analyze grammar]

kapālarogiṇaḥ sarve kurvaṃti na saṃśayaḥ |
anyamevaṃ pravakṣyāmi prājāpatyo mahākṛmiḥ || 69 ||
[Analyze grammar]

sataṃḍulapramāṇena tadvadvarṇena saṃśayaḥ |
keśadvayaṃ mukhe tasya vidyate śṛṇu bhūpate || 70 ||
[Analyze grammar]

prāṇināṃ saṃkṣayābuddhistatkṣaṇāddhi na saṃśayaḥ |
svasthāne saṃsthitasyāpi prājāpatyasya vai mukhe || 71 ||
[Analyze grammar]

tadvīryaṃ rasarūpeṇa patate nātra saṃśayaḥ |
sukhena pibate vīryaṃ tena mattaḥ prajāyate || 72 ||
[Analyze grammar]

tālusthānaṃ prabhedyaiva caṃcalatvena varttate |
iḍā ca piṃgalā nāḍī suṣumnā tatra saṃsthitāḥ || 73 ||
[Analyze grammar]

svabalenāpi tasyaiva kaṃpitā nāḍikā kṣaṇam |
kāmakaṃḍūrbhavedrājansarveṣāṃ prāṇināṃ kila || 74 ||
[Analyze grammar]

narasya sphuṭate ligaṃ nāryā yoniśca bhūpate |
strīnarau ca pramattau tau gacchataḥ saṃgamaṃ tataḥ || 75 ||
[Analyze grammar]

kāyena kāyaṃ saṃghṛṣya maithunena hi jāyate |
kṣaṇamātraṃ sukhaṃ tatra punaḥ kaṃḍūśca tādṛśī || 76 ||
[Analyze grammar]

sarvatra dṛśyate vīra bhāva evaṃvidhaḥ kila |
virasaḥ paripāko'yaṃ viṣayasya na saṃśayaḥ || 77 ||
[Analyze grammar]

dharma eva punaḥ śreyānvidhinā samanuṣṭhitaḥ |
dhairyamālaṃbya ca tato dharmameva samācara || 78 ||
[Analyze grammar]

śvāsa eṣa capalaḥ kṣaṇamadhye yo gatāgata śatāni vidhatte |
jīvitaṃ tanubhṛtāṃ tadadhīnaṃ kaḥ samācarati dharmavilaṃbam || 79 ||
[Analyze grammar]

daśamīmapi yātasya ceto nādyāpi bhūpate |
viṣayebhyo niṣiddhebhyo hāhā na virameccalam || 80 ||
[Analyze grammar]

na jātukāmaḥ kāmānāmupabhogena śāmyati |
haviṣā kṛṣṇavartmeva bhūya evābhivarddhate || 81 ||
[Analyze grammar]

puṃścalyāpahṛtaṃ cittaṃ kaścānyo mocituṃ kṣamaḥ |
ātmārāmeśvaramṛte bhagavaṃtaṃ ca mādhavam || 82 ||
[Analyze grammar]

tasmātsarvaṃ niṣphalatvaṃ prayātaṃ kāmakaśmalāt |
vayaste'pyadhunā bhūpa samācara hitaṃ nijam || 83 ||
[Analyze grammar]

vadāmyahaṃ tava nṛpahitaṃ sarvottamottamam |
purohito yataste'haṃ sadasatkarmabhāgapi || 84 ||
[Analyze grammar]

ekataḥ sarvapuṇyāni pāpanāśāya pāpinām |
ekato mādhave māso mādhavasyapriyaḥ sadā || 85 ||
[Analyze grammar]

brahmahatyā surāpānaṃ steyaṃ gurvaṃganāgamaḥ |
mahāṃti pātakānyeva kīrtitāni munīśvaraiḥ || 86 ||
[Analyze grammar]

tatra yanmanasā kāye vratenāpi kṛtaṃ naraiḥ |
nāśayenmādhavo māsaḥ sarvaṃ pāpatamo mahat || 87 ||
[Analyze grammar]

divākara iva dhvāṃtaṃ nāśayennṛpasarvaśaḥ |
tathā śrī mādhavomāsastamācara vidhānataḥ || 88 ||
[Analyze grammar]

ājanmano'pi vihitāni mahāṃti rājanghorāṇi tāni duritāni vihāya martyāḥ |
vaiśākhamāsavihitācaraṇaprabhāva puṇyena te haripuraṃ muditā labhaṃte || 89 ||
[Analyze grammar]

yadyekamapi vaiśākhamācaraṃti vidhānataḥ |
bhāvataḥ pāpino'pyaṃte prayāṃti harimaṃdiram || 90 ||
[Analyze grammar]

tasmāttvamapi rājeṃdra māse'sminmādhavedhunā |
prātaḥsnātvā vidhānena samarcaya madhudviṣam || 91 ||
[Analyze grammar]

taṃḍulasya yathā carma yathā tāmrasya kālimā |
naśyaṃti kriyayā vīra puruṣasya tathā malaḥ || 92 ||
[Analyze grammar]

jīvasya taṃḍulasyeva sahajo'pi malo mahān |
naśyatyeva na saṃdehastasmātkarmoditaṃ kuru || 93 ||
[Analyze grammar]