Chapter 1

[English text for this chapter is available]

śaunaka uvāca |
kalau samāgate sūta prāṇināṃ kena karmaṇā |
uddhāro vai bhavettasmātkathayasva mamāgrataḥ || 1 ||
[Analyze grammar]

sūta uvāca |
sādhusādhu muniśreṣṭha puṇyātmanāṃ varo bhavān |
sarveṣāṃ ca janānāṃ ca śubhavāñcho niraṃtaram || 2 ||
[Analyze grammar]

etadvyāsaḥ purā vipraḥ sarvajñaḥ sarvapūjitaḥ |
pṛṣṭo jaimininā taṃ sa yadāha śṛṇu vaiṣṇava || 3 ||
[Analyze grammar]

daṃḍavatpraṇipatyāsau vyāsaṃ sarvārthapāragam |
guruṃ satyavatīsūnuṃ papraccha munipuṃgavaḥ || 4 ||
[Analyze grammar]

jaiminiruvāca |
kalau nṛṇāṃ bhavetkena mokṣo vai kathayasva me |
alpenāpi ca puṇyena martyāścālpāyuṣo yataḥ || 5 ||
[Analyze grammar]

vyāsa uvāca |
sādhusaṃgādbhavedvipra śāstrāṇāṃ śravaṇaṃ prabho |
haribhaktirbhavettasmāttato jñānaṃ tato gatiḥ || 6 ||
[Analyze grammar]

na rocate kathā bhūmau pāpiṣṭhāya janāya vai |
vaiṣṇavī sa tu vijñeyaḥ pāpiṣṭhapravaro dvijaḥ || 7 ||
[Analyze grammar]

śrīkṛṣṇasya kathāṃ śrutvā''naṃdī bhavati vaiṣṇavaḥ |
asatyāṃ tāṃ tu yo brūyājjñeyaḥ sa pāpināṃ guruḥ || 8 ||
[Analyze grammar]

yasminyasminsthale vipra kṛṣṇasya vartate kathā |
tasmāttasmājjagannātho yāti tyaktvā na karhicit || 9 ||
[Analyze grammar]

kṛṣṇasya yaḥ kathāraṃbhe kuryādvighnaṃ narādhamaḥ |
narakānniṣkṛtirnāsti manvaṃtaraśatāvadhi || 10 ||
[Analyze grammar]

ye purāṇakathāṃ śrutvā niṃdaṃtyupahasaṃti vai |
teṣāṃ karasthā narakā bahukleśakarāḥ sadā || 11 ||
[Analyze grammar]

janmāṃtarārjitaṃ pāpaṃ tatkṣaṇādeva naśyati |
śrīkṛṣṇacaritaṃ yo vai śrotumicchāṃ karotyapi || 12 ||
[Analyze grammar]

bhaktyā yo vai naraḥ kuryātśrīkṛṣṇacaritaṃ tathā |
na jāne śravaṇe tasya kā gatirvā bhaviṣyati || 13 ||
[Analyze grammar]

brahmahatyādikaṃ pāpaṃ akālamaraṇaṃ tathā |
surāpānaṃ tathāsteyaṃ sarvaṃ naśyati pāpinaḥ || 14 ||
[Analyze grammar]

pāpaṃ kṛtvā tu yo martyaḥ paścātpāpaṃ nivartayet |
tasya pāpaṃ vrajennāśamagninā tūlarāśivat || 15 ||
[Analyze grammar]

śrīkṛṣṇacaritaṃ vipra tiṣṭhedvai pustakaṃ gṛhe |
tasya gṛhasamīpaṃ hi nāyāṃti yamakiṃkarāḥ || 16 ||
[Analyze grammar]

jaiminiruvāca |
vadaṃti vaiṣṇavānkāṃśca vāṃcchā brūhi guro mama |
idānīṃ tānsamājñātuṃ teṣāṃ māhātmyamuttamam || 17 ||
[Analyze grammar]

vyāsa uvāca |
yo naro mastake bhaktyā vaiṣṇavāṃghrijalaṃ dvija |
karoti secanaṃ pāpī tīrthasnānena tasya kim || 18 ||
[Analyze grammar]

sādhusaṃgaṃ tu yaḥ kuryyātkṣaṇaṃ vārddhakṣaṇaṃ dvija |
tasya naśyaṃti pāpāni brahmahatyāmukhāni ca || 19 ||
[Analyze grammar]

yatrayatra kule caiva eko bhavati vaiṣṇavaḥ |
kulaṃ tasya yadā pāpairyuktaṃ tanmokṣagāmi vai || 20 ||
[Analyze grammar]

hiṃsādaṃbhakāmakrodhairvarjitāścaiva ye narāḥ |
lobhamohaparityaktā jñeyāste vaiṣṇavā dvija || 21 ||
[Analyze grammar]

pitṛbhaktā dayāyuktāḥ sarvaprāṇihite ratāḥ |
amatsarā vaiṣṇavā ye vijñeyāḥ satyabhāṣiṇaḥ || 22 ||
[Analyze grammar]

viprabhaktiratā ye ca parastrīṣu napuṃsakāḥ |
ekādaśīvrataratā vijñeyāste ca vaiṣṇavāḥ || 23 ||
[Analyze grammar]

gāyaṃti harināmāni tulasīmālyadhārakāḥ |
haryaṃghrisalilaiḥ siktā vijñeyāste ca vaiṣṇavāḥ || 24 ||
[Analyze grammar]

śrotrayormastake yeṣāṃ tulasyāḥ parṇamuttamam |
karhiciddṛśyate vipra vijñeyāste ca vaiṣṇavāḥ || 25 ||
[Analyze grammar]

pākhaṃḍasaṃgarahitā vipradveṣavivarjitāḥ |
siṃceyustulasīṃ ye ca jñātavyā vaiṣṇavā narāḥ || 26 ||
[Analyze grammar]

pūjayaṃti hariṃ ye ca tulasyā cārcayaṃti ye |
kanyādānaratā ye ca ye vai hyatithipūjakāḥ || 27 ||
[Analyze grammar]

śṛṇvaṃti viṣṇucaritaṃ vijñeyā vaiṣṇavā narāḥ |
yasya gṛhe supratiṣṭhetśālagrāmaśilāpi ca || 28 ||
[Analyze grammar]

mārjayaṃti hareḥ sthānaṃ pitṛyajñapravartakāḥ |
jane dīne dayāyuktā vijñeyāste ca vaiṣṇavāḥ || 29 ||
[Analyze grammar]

parasvaṃ brāhmaṇadravyaṃ paśyaṃti viṣavacca ye |
harinaivedyaṃ ye'śnanti vijñeyā vaiṣṇavā janāḥ || 30 ||
[Analyze grammar]

vedaśāstrānuraktā ye tulasīvanapālakāḥ |
rādhāṣṭamīvrataratā vijñeyāste ca vaiṣṇavāḥ || 31 ||
[Analyze grammar]

śrīkṛṣṇapurato ye ca dīpaṃ yacchaṃti śraddhayā |
paraniṃdāṃ na kurvaṃti vijñeyāste ca vaiṣṇavāḥ || 32 ||
[Analyze grammar]

sūta uvāca |
pṛṣṭo jaimininā vyāsa ityuktaḥ sa yathākramam |
mayedaṃ kathyate brahmanyatprasaṃgādguroḥ śrutam || 33 ||
[Analyze grammar]

adhyāyaṃ śraddhayā yuktaṃ ye śṛṇvaṃti narottamāḥ |
sarvapāpavinirmuktā yāṃti viṣṇoḥ paraṃ padam || 34 ||
[Analyze grammar]

iti śrīpādme mahāpurāṇe brahmakhaṃḍe vyāsajaiminisaṃvāde prathamo'dhyāyaḥ || 1 ||
[Analyze grammar]