Chapter 2

[English text for this chapter is available]

sūta uvāca |
śṛṇu śaunaka vakṣyāmi cānyadharmmaṃ purātanam |
vyāsajaiminisaṃvādaṃ śrotṝṇāṃ pāpanāśanam || 1 ||
[Analyze grammar]

jaiminiruvāca |
karmmaṇā hi guro kena maṃdiraṃ jagatīpateḥ |
yāti tatkathayasvādya naraḥ pāpī ca me prabho || 2 ||
[Analyze grammar]

vyāsa uvāca |
śrīkṛṣṇamaṃdire yo vai lepanaṃ kurute naraḥ |
sarvapāpavinirmuktaḥ śrāṃto yāti harergṛham || 3 ||
[Analyze grammar]

yaścāṃbulepanaṃ kuryātsaṃkṣepācchṛṇu jaimine |
tasyapuṇyamahaṃ vacmi maṃdire jagatīpateḥ || 4 ||
[Analyze grammar]

tatra yāvaṃti paśyaṃti rajāṃsi ca dvijottama |
tāvatkalpasahasrāṇi sa vasedviṣṇumaṃdire || 5 ||
[Analyze grammar]

purāsīddaṃḍako nāmnā cauro lokabhayapradaḥ |
brahmasvahārī mitraghno yuge dvāparasaṃjñake || 6 ||
[Analyze grammar]

asatyabhāṣī krūraśca parastrīgamane rataḥ |
gomāṃsāśī surāpaśca pākhaṃḍajanasaṃgabhāk || 7 ||
[Analyze grammar]

vṛtticchedī dvijātīnāṃ nyāsāpahārakastathā |
śaraṇāgatahaṃtā ca veśyāvibhramalolupaḥ || 8 ||
[Analyze grammar]

ekadā sa dvijaśreṣṭha kasyacidviṣṇumaṃdiram |
jagāma haraṇārthāya viṣṇordravyaṃ sa mūḍhadhīḥ || 9 ||
[Analyze grammar]

atha dvāri praviśyāsāvaṃghriḥ karddamasaṃyutaḥ |
procchitaḥ sakalaṃ nimne bhūmau devagṛhasya ca || 10 ||
[Analyze grammar]

tenaiva karmmaṇā bhūmirnimnariktā babhūva ha |
lohasya ca śalākābhyāṃ mudghāṭyatvararaṃmudā || 11 ||
[Analyze grammar]

praviveśa harergehaṃ vitānavaraśobhitam |
ratnakāṃcanadīpāḍhyaṃ paridhvasta mahattamam || 12 ||
[Analyze grammar]

nānāpuṣpasugaṃdhāḍhyaṃ nānāpātrasamākulam |
suvāsitasya tailasya gaṃdhena paripūritam || 13 ||
[Analyze grammar]

anenahārakeṇātha paryyaṃke sumanohare |
śāyito rādhayā sārddhaṃ dṛṣṭaḥ pītāṃbaro'cyutaḥ || 14 ||
[Analyze grammar]

praṇamya rādhikānāthaṃ niṣpāpaḥ so'bhavattadā |
neṣyāmyatha na neṣyāmi anena kiṃ bhavenmama || 15 ||
[Analyze grammar]

sevāṃ karttumaśakto'haṃ yataścauro'smi sarvadā |
dravyeṇa kāryamastīti tannetuṃ kṛtavānmanaḥ || 16 ||
[Analyze grammar]

pātayitvāṃśukaṃ bhūmau kauśeyaṃ kamalāpateḥ |
babaṃdha vastujātaṃ ca pāṇau kṛtvā sakaṃpitaḥ || 17 ||
[Analyze grammar]

viṣṇormāyāpateścātha tāni sarvāṇi jaimine |
kṛtvā śabdaṃ sughoraṃ ca patitānyatha tāni vai || 18 ||
[Analyze grammar]

parityajya sunidrāṃ ca dhāvaṃta iti kinvaho |
āgatā bahuśo lokāścoro dravyaṃ javena ca || 19 ||
[Analyze grammar]

tyaktvā dhanaṃ ca cauro'pi trastaḥ kiṃcijjagāma ha |
daṃśitaḥ kālasarpeṇa mṛto'sau gatakilbiṣaḥ || 20 ||
[Analyze grammar]

yamājñayā tasya dūtāḥ pāśamudgarapāṇayaḥ |
āgatāstaṃ samānetuṃ daṃṣṭriṇaścarmavāsasaḥ || 21 ||
[Analyze grammar]

babaṃdhuścarmapāśena ninyurdurgamavartmanā |
dṛṣṭvā taṃ śamanaḥ kruddhaḥ papraccha sacivaṃ prati || 22 ||
[Analyze grammar]

yama uvāca |
anena kiṃ kṛtaṃ karma pāpaṃ vā puṇyameva vā |
samūlaṃ vada he prājña citragupta mamāgrataḥ || 23 ||
[Analyze grammar]

citragupta uvāca |
sṛṣṭāni yāni pāpāni vidhātrā pṛthivītale |
kṛtānyanena mūḍhena satyametanmayoditam || 24 ||
[Analyze grammar]

kiṃtvākarṇaya lokeśa sukṛtaṃ cāsya varttate |
manye'haṃ yamunābhrātaḥ sarvapāpavilopi tat || 25 ||
[Analyze grammar]

dharmarāja uvāca |
kiṃ puṇyaṃ varttate'mātya vada sāraṃ mamāṃtike |
śrutvaivaṃ tadvidhāsyāmi yatra yogyo bhavedasau || 26 ||
[Analyze grammar]

yamasya vacanaṃ śrutvā sabhayaścitraguptakaḥ |
kṛtvā hastāṃjaliṃ prāha cātmanaḥ svāmine dvija || 27 ||
[Analyze grammar]

citragupta uvāca |
haraṇārthaṃ harerdravyaṃ gato'sau pāpināṃ varaḥ |
projjhitaḥ karddamo rājanpādayordvārato hareḥ || 28 ||
[Analyze grammar]

babhūva liptā sā bhūmirbilacchidra vivarjitā |
tena puṇyaprabhāveṇa nirgataṃ pātakaṃ mahat |
vaikuṃṭhaṃ pratiyogyo'sau nirgatastava daṃḍataḥ || 29 ||
[Analyze grammar]

vyāsa uvāca |
śrutvā sa vacanaṃ tasya pīṭhaṃ kanakanirmitam |
dadau tasmai copaviṣṭastatra pūjyoyamenasaḥ || 30 ||
[Analyze grammar]

nanāma śirasā taṃ vai provāca vinayānvitaḥ |
yama uvāca |
pavitraṃ maṃdiraṃ me'dya pādayostaddhi reṇubhiḥ || 31 ||
[Analyze grammar]

kṛtārtho'smi kṛtārtho'smi kṛtārtho'smi na saṃśayaḥ |
idānīṃ gaccha bho sādho harermaṃdiramuttamam || 32 ||
[Analyze grammar]

nānābhogasamāyuktaṃ janmamṛtyunivāraṇam |
vyāsa uvāca |
ityuktvā dharmarājo'sau syaṃdane svarṇanirmite || 33 ||
[Analyze grammar]

rājahaṃsayute divye tamāropya gatainasam |
samastasukhadaṃ sthānaṃ preṣayāmāsa cakriṇaḥ || 34 ||
[Analyze grammar]

evaṃ praviṣṭo vaikuṃṭhe tatra tasthau sukhaṃ ciram |
lepanaṃ ye prakurvaṃti bhaktyā tu harimaṃdiram || 35 ||
[Analyze grammar]

teṣāṃ kiṃ vā bhaviṣyati na jāne'haṃ dvijottama |
ya idaṃ śṛṇuyādbhaktyā paṭhedyo vā samāhitaḥ || 36 ||
[Analyze grammar]

koṭijanmārjitaṃ pāpaṃ naśyatyeva na saṃśayaḥ || 37 ||
[Analyze grammar]

iti śrīpādmemahāpurāṇe brahmakhaṃḍe harimaṃdiralepanamāhātmyaṃ |
nāma dvitīyo'dhyāyaḥ || 2 ||
[Analyze grammar]