Chapter 50

[English text for this chapter is available]

ṛṣaya ūcuḥ |
bhavatā kathitaṃ sarvaṃ yatkiṃcitpṛṣṭameva ca |
idānīmapi pṛcchāma ekaṃ vada mahāmate || 1 ||
[Analyze grammar]

eteṣāṃ khalu tīrthānāṃ sevanādyatphalaṃ labhet |
sarveṣāṃ kila kṛtvaikaṃ karma kena ca labhyate || 2 ||
[Analyze grammar]

etanno brūhi sarvajña karmaivaṃ yadi vartate |
sūta uvāca |
karmayogaḥ kila prokto varṇānāṃ dvijapūrvaśaḥ || 3 ||
[Analyze grammar]

nānāvidho mahābhāgāstatra caikaṃ viśiṣyate |
haribhaktiḥ kṛtā yena manasā vacasā girā || 4 ||
[Analyze grammar]

jitaṃ tena jitaṃ tena jitameva na saṃśayaḥ |
harireva samārādhyaḥ sarvadeveśvareśvaraḥ || 5 ||
[Analyze grammar]

harināmamahāmaṃtrairnaśyetpāpapiśācakam |
hareḥ pradakṣiṇaṃ kṛtvā sakṛdapyamalāśayāḥ || 6 ||
[Analyze grammar]

sarvatīrthasamāplāvaṃ labhaṃte yanna saṃśayaḥ |
pratimāṃ ca harerdṛṣṭvā sarvatīrthaphalaṃ labhet || 7 ||
[Analyze grammar]

viṣṇunāmaparaṃ japtvā sarvamaṃtraphalaṃ labhet |
viṣṇuprasādatulasīmāghrāya dvijasattamāḥ || 8 ||
[Analyze grammar]

pracaṃḍaṃ vikarālaṃ tadyamasyāsyaṃ na paśyati |
sakṛtpraṇāmī kṛṣṇasya mātuḥ stanyaṃ pibennahi || 9 ||
[Analyze grammar]

haripāde mano yeṣāṃ tebhyo nityaṃ namonamaḥ |
pulkasaḥ śvapaco vāpi ye cānye mlecchajātayaḥ || 10 ||
[Analyze grammar]

te'pi vaṃdyā mahābhāgā haripādaikasevakāḥ |
kiṃ punarbrāhmaṇāḥ puṇyā bhaktā rājarṣayastathā || 11 ||
[Analyze grammar]

harau bhaktiṃ vidhāyaiva garbhavāsaṃ na paśyati |
hareragre svanairuccairnṛtyaṃstannāmakṛnnaraḥ || 12 ||
[Analyze grammar]

punāti bhuvanaṃ viprā gaṃgādi salilaṃ yathā |
darśanātsparśanāttasya ālāpādapi bhaktitaḥ || 13 ||
[Analyze grammar]

brahmahatyādibhiḥ pāpairmucyate nātra saṃśayaḥ |
hareḥ pradakṣiṇaṃ kurvannuccaistannāmakṛnnaraḥ || 14 ||
[Analyze grammar]

karatālādisaṃdhānaṃ susvaraṃ kalaśabditam |
brahmahatyādikaṃ pāpaṃ tenaiva karatālitam || 15 ||
[Analyze grammar]

haribhaktikathāmuktvā khyāyikāṃ śṛṇuyācca yaḥ |
tasya saṃdarśanādeva pūto bhavati mānavaḥ || 16 ||
[Analyze grammar]

kiṃ punastasya pāpānāmāśaṃkā munipuṃgavāḥ |
tīrthānāṃ ca paraṃ tīrthaṃ kṛṣṇanāma maharṣayaḥ || 17 ||
[Analyze grammar]

tīrthīkurvaṃti jagatīṃ gṛhītaṃ kṛṣṇanāma yaiḥ |
tasmānmunivarāḥ puṇyaṃ nātaḥ parataraṃ viduḥ || 18 ||
[Analyze grammar]

viṣṇuprasādanirmālyaṃ bhuktvā dhṛtvā ca mastake |
viṣṇureva bhavenmartyo yamaśokavināśanaḥ || 19 ||
[Analyze grammar]

arcanīyo namaskāryo harireva na saṃśayaḥ |
ye mahāviṣṇumavyaktaṃ devaṃ vāpi maheśvaram || 20 ||
[Analyze grammar]

ekībhāvena paśyaṃti na teṣāṃ punarudbhavaḥ |
tasmādanādinidhanaṃ viṣṇumātmānamavyayam || 21 ||
[Analyze grammar]

hariṃ caikaṃ prapaśyadhvaṃ pūjayadhvaṃ tathaiva hi |
ye samānaṃ prapaśyaṃti hariṃ vai devatāṃtaram || 22 ||
[Analyze grammar]

te yāṃti narakānghorāṃnna tāṃstu gaṇayeddhīraḥ |
mūrkhaṃ vā paṃḍitaṃ vāpi brāhmaṇaṃ keśavapriyam || 23 ||
[Analyze grammar]

śvapākaṃ vā mocayati nārāyaṇaḥ svayaṃ prabhuḥ |
nārāyaṇātparo nāsti pāparāśi davānalaḥ || 24 ||
[Analyze grammar]

kṛtvāpi pātakaṃ ghoraṃ kṛṣṇanāmnā vimucyate |
svayaṃ nārāyaṇo devaḥ svanāmni jagatāṃ guruḥ || 25 ||
[Analyze grammar]

ātmano'bhyadhikāṃ śaktiṃ sthāpayāmāsa suvratāḥ |
atra ye vivadaṃte vai āyāsalaghudarśanāt || 26 ||
[Analyze grammar]

phalānāṃ gauravāccāpi te yāṃti narakaṃ bahu |
tasmāddharau bhaktimānsyāddharināmaparāyaṇaḥ || 27 ||
[Analyze grammar]

pūjakaṃ pṛṣṭhato rakṣennāminaṃ vakṣasi prabhuḥ |
harināmamahāvajraṃ pāpaparvatadāraṇe || 28 ||
[Analyze grammar]

tasya pādau tu saphalau tadarthaṃ gatiśālinau |
tāveva dhanyāvākhyātau yau tu pūjākarau karau || 29 ||
[Analyze grammar]

uttamāṃgamuttamāṃgaṃ taddharau namrameva yat |
sā jihvā yā hariṃ stauti tanmanastatpadānugam || 30 ||
[Analyze grammar]

tāni lomāni cocyaṃte yāni tannāmni cotthitam |
kurvaṃti tacca netrāṃbu yadacyutaprasaṃgataḥ || 31 ||
[Analyze grammar]

aho lokā atitarāṃ daivadoṣeṇa vaṃcitāḥ |
nāmoccāraṇamātreṇa muktidaṃ na bhajaṃti vai || 32 ||
[Analyze grammar]

vaṃcitāste ca kaluṣāḥ strīṇāṃ saṃgaprasaṃgataḥ |
pratiṣṭhaṃti ca lomāni yeṣāṃ no kṛṣṇaśabdane || 33 ||
[Analyze grammar]

te mūrkhā hyakṛtātmānaḥ putraśokādi vihvalāḥ |
rudaṃti bahulālāpairna kṛṣṇākṣarakīrtane || 34 ||
[Analyze grammar]

jihvāṃ labdhvāpi loke'sminkṛṣṇanāmajapennahi |
labdhvāpi muktisopānaṃ helayaiva cyavaṃti te || 35 ||
[Analyze grammar]

tasmādyatnena vai viṣṇuṃ karmayogena mānavaḥ |
karmayogārccito viṣṇuḥ prasīdatyeva nānyathā || 36 ||
[Analyze grammar]

tīrthādapyadhikaṃ tīrthaṃ viṣṇorbhajanamucyate |
sarveṣāṃ khalu tīrthānāṃ snānapānāvagāhanaiḥ || 37 ||
[Analyze grammar]

yatphalaṃ labhate martyastatphalaṃ kṛṣṇasevanāt |
yajaṃte karmayogena dhanyā eva narā harim || 38 ||
[Analyze grammar]

tasmādbhajadhvaṃ munayaḥ kṛṣṇaṃ paramamaṃgalam || 39 ||
[Analyze grammar]

iti śrīpādme mahāpurāṇe svargakhaṃḍe viṣṇubhaktipraśaṃsanaṃ nāma paṃcāśattamo'dhyāyaḥ || 50 ||
[Analyze grammar]