Chapter 46

[English text for this chapter is available]

yudhiṣṭhira uvāca |
śrutaṃ me brahmaṇā proktaṃ purāṇe puṇyasammitam |
tīrthānāṃ tu sahasrāṇi śatāni niyutāni ca || 1 ||
[Analyze grammar]

sarve puṇyāḥ pavitrāśca gatiśca paramā smṛtā |
pṛthivyāṃ naimiṣaṃ puṇyamaṃtarikṣe ca puṣkaram || 2 ||
[Analyze grammar]

prayāgamapi lokānāṃ kurukṣetraṃ viśiṣyate |
sarvāṇi saṃparityajya kathamekaṃ praśaṃsasi || 3 ||
[Analyze grammar]

apramāṇamidaṃ proktamaśraddheyamanuttamam |
gatiṃ ca paramāṃ divyāṃ bhogāṃścaiva yathepsitān || 4 ||
[Analyze grammar]

kimarthamalpayogena bahudharmaṃ praśaṃsasi |
etaṃ me saṃśayaṃ brūhi yathādṛṣṭaṃ yathāśrutam || 5 ||
[Analyze grammar]

mārkaṃḍeya uvāca |
aśraddheyaṃ na vaktavyaṃ pratyakṣamapi tadbhavet |
narasya śraddadhānasya pāpopahatacetasaḥ || 6 ||
[Analyze grammar]

aśraddadhāno hyaśucirdurmatistyaktamaṃgalaḥ |
ete pātakinaḥ sarve tenedaṃ bhāṣitaṃ mayā || 7 ||
[Analyze grammar]

śṛṇu prayāgamāhātmyaṃ yathādṛṣṭaṃ yathāśrutam |
pratyakṣaṃ ca parokṣaṃ ca yathānyatsaṃbhaviṣyati || 8 ||
[Analyze grammar]

yathaivānyanmayā dṛṣṭaṃ purā rājanyathāśrutam |
śāstraṃ pramāṇaṃ kṛtvā tu pūjyate yogamātmanaḥ || 9 ||
[Analyze grammar]

kliśyate cāparastatra naiva yogamavāpnuyāt |
janmāṃtarasahasrebhyo yogo labhyeta mānavaiḥ || 10 ||
[Analyze grammar]

yathāyogasahasreṇa yogo labhyeta mānavaiḥ |
yastu sarvāṇi ratnāni brāhmaṇebhyaḥ prayacchati || 11 ||
[Analyze grammar]

tena dānena dattena yogo labhyeta mānavaiḥ |
prayāge tu mṛtasyedaṃ sarvaṃ bhavati nānyathā || 12 ||
[Analyze grammar]

pradhānahetuṃ vakṣyāmi śraddadhatsu ca bhārata |
yathā sarveṣu bhūteṣu sarvatraiva tu dṛśyate || 13 ||
[Analyze grammar]

brahma naivāsti vai kiṃcidyadvaktuṃ tvidamucyate |
yathā sarveṣu bhūteṣu brahma sarvatra pūjyate || 14 ||
[Analyze grammar]

evaṃ sarveṣu lokeṣu prayāgaḥ pūjyate budhaiḥ |
pūjyate tīrtharājasya satyametadyudhiṣṭhira || 15 ||
[Analyze grammar]

brahmāpi smarate nityaṃ prayāgaṃ tīrthamuttamam |
tīrtharājamanuprāpya naivānyatkiṃcidicchati || 16 ||
[Analyze grammar]

ko hi devatvamāsādya mānuṣatvaṃ cikīrṣati |
anenaivānumānena tvaṃ jñāsyasi yudhiṣṭhira || 17 ||
[Analyze grammar]

yathā puṇyamapuṇyaṃ vā tathaiva kathitaṃ mayā |
yudhiṣṭhira uvāca |
śrutaṃ tadyattvayā proktaṃ vismito'haṃ punaḥ punaḥ || 18 ||
[Analyze grammar]

kathaṃ yogena tatprāptiḥ svargalokastu karmaṇā |
tadā ca labhate bhogāngāṃ ca tatkarmaṇāṃ phalam || 19 ||
[Analyze grammar]

tāni karmāṇi pṛcchāmi punaryaiḥ prāpyate mahīm |
mārkaṃḍeya uvāca |
śṛṇurājanmahābāho yathoktakarmmaṇā mahī || 20 ||
[Analyze grammar]

gāmagniṃ brāhmaṇaṃ śāstraṃ kāṃcanaṃ salilaṃ striyaḥ |
mātaraṃ pitaraṃ caiva yo niṃdati narādhipa || 21 ||
[Analyze grammar]

naiteṣāmūrdhvagamanamevamāha prajāpatiḥ |
evaṃ yogasya saṃprāptiḥ sthānaṃ paramadurlabham || 22 ||
[Analyze grammar]

gacchaṃti narakaṃ ghoraṃ ye narāḥ pāpakāriṇaḥ |
hastyaśvaṃ gāmanaḍvāhaṃ maṇimuktādi kāṃcanam || 23 ||
[Analyze grammar]

parokṣaṃ harate yastu paścāddānaṃ prayacchati |
na te gacchaṃti vai svargaṃ dātāro yatra bhoginaḥ || 24 ||
[Analyze grammar]

anena karmmaṇā yuktāḥ pacyaṃte narake'dhamāḥ |
evaṃ yogaṃ ca dharmmaṃ ca dātāraṃ ca yudhiṣṭhira || 25 ||
[Analyze grammar]

yathā satyamasatyaṃ vā asti nāstīti yatphalam |
niruktaṃ tu pravakṣyāmi yathāyaṃ svayamāpnuyāt || 26 ||
[Analyze grammar]

iti śrīpādme mahāpurāṇe svargakhaṃḍe prayāgamāhātmye |
ṣaṭcatvāriṃśo'dhyāyaḥ || 46 ||
[Analyze grammar]