Chapter 21

[English text for this chapter is available]

nārada uvāca |
tato gaccheta rājeṃdra vihageśvaramuttamam |
darśanāttasyarājeṃdra mucyate sarvapātakaiḥ || 1 ||
[Analyze grammar]

tato gaccheta rājendra narmadeśvaramuttamam |
tatra snātvā naro rājansvargaloke mahīyate || 2 ||
[Analyze grammar]

aśvatīrthaṃ tato gacchetsnānaṃ tatra samācaret |
subhago darśanīyaśca bhogavānjāyate naraḥ || 3 ||
[Analyze grammar]

pitāmahaṃ tato gacchedbrahmaṇā nirmitaṃ purā |
tatra snātvā naro bhaktyā pitṛpiṃḍaṃ tu dāpayet || 4 ||
[Analyze grammar]

tiladarbhavimiśraṃ tu udakaṃ tu pradāpayet |
tasya tīrthaprabhāveṇa sarvaṃ bhavati cākṣayam || 5 ||
[Analyze grammar]

sāvitrī tīrthamāsādya yastu snānaṃ samācaret |
vidhūya sarvapāpāni brahmaloke mahīyate || 6 ||
[Analyze grammar]

manoharaṃ ca tatraiva tīrthaṃ paramaśobhanam |
tatra snātvā naro rājanpitṛloke mahīyate || 7 ||
[Analyze grammar]

tato gaccheta rājeṃdra mānasaṃ tīrthamuttamam |
tatra snātvā naro rājanrudraloke mahīyate || 8 ||
[Analyze grammar]

tato gaccheta rājeṃdra kratutīrthamanuttamam |
vikhyātaṃ sarvalokeṣu sarvapāpapraṇāśanam || 9 ||
[Analyze grammar]

yānyānprārthayate kāmānpaśuputradhanāni ca |
prāpnuyāttāni sarvāṇi tatra snātvā narādhipa || 10 ||
[Analyze grammar]

tato gaccheta rājeṃdra tridaśadyoti viśrutam |
tatra tā ṛṣikanyāstu tapastapyaṃti suvratāḥ || 11 ||
[Analyze grammar]

bharttā bhavatu sarvāsāmīśvaraḥ prabhuravyayaḥ |
prītasteṣāṃ mahādevaścaṃḍarūpadharo haraḥ || 12 ||
[Analyze grammar]

vikṛtānana bībhatsastacca tīrthamupāgataḥ |
tatra kanyā mahārāja varāya parameśvaraḥ || 13 ||
[Analyze grammar]

kanyāṛddhiṃ ca yaḥ sevetkanyādānaṃ prayacchati |
tīrthaṃ tatra mahārāja daśakanyeti viśrutam || 14 ||
[Analyze grammar]

tatra snātvārccayeddevaṃ sarvapāpaiḥ pramucyate |
tato gaccheta rājeṃdra svargabiṃduriti śrutam || 15 ||
[Analyze grammar]

tatra snātvā naro rājandurgatiṃ ca na paśyati |
apsareśaṃ tato gacchetsnānaṃ tatra samācaret || 16 ||
[Analyze grammar]

krīḍate nāgalokastho'psarobhiḥ saha modate |
tato gaccheta rājeṃdra narakaṃ tīrthamuttamam || 17 ||
[Analyze grammar]

tatra snātvārccayeddevaṃ narakaṃ ca na gacchati |
bhārabhūtaṃ tato gacchedupavāsaparāyaṇaḥ || 18 ||
[Analyze grammar]

etattīrthaṃ samāsādya avatāraṃ tu śāṃbhavam |
arcayitvā virūpākṣaṃ rudraloke mahīyate || 19 ||
[Analyze grammar]

tasmiṃstīrthe naraḥ snātvā bhārabhūte mahātmanaḥ |
yatratatra mṛtasyāpi dhruvaṃ gāṇeśvarī gatiḥ || 20 ||
[Analyze grammar]

kārtikasya tu māsasya arcayitvā maheśvaram |
aśvamedhācchataguṇaṃ pravadaṃti manīṣiṇaḥ || 21 ||
[Analyze grammar]

dīpakānāṃ śataṃ kṛtvā ghṛtapūrṇaṃ tu dāpayet |
vimānaiḥ sūryasaṃkāśairvrajate yatra śaṃkaraḥ || 22 ||
[Analyze grammar]

vṛṣabhaṃ yaḥ prayaccheta śaṃkhakuṃdeṃdu saṃnibham |
vṛṣayuktena yānena rudralokaṃ sa gacchati || 23 ||
[Analyze grammar]

carumekaṃ tu yo dadyāttasmiṃstīrthe narādhipa |
pāyasaṃ madhusaṃyuktaṃ bhakṣyāṇi vividhāni ca || 24 ||
[Analyze grammar]

yathāśaktyanurājeṃdra bhojayetsahadakṣiṇam |
tasyatīrthaprabhāveṇa sarvaṃ koṭiguṇaṃ bhavet || 25 ||
[Analyze grammar]

narmadāyā jalaṃ siktvā arcayitvā vṛṣadhvajam |
durgatiṃ ca na paṃśyaṃti tasya tīrthaprabhāvataḥ || 26 ||
[Analyze grammar]

etattīrthaṃ samāsādya yastuprāṇānparityajet |
sarvapāpaviśuddhātmā vrajate yatra śaṃkaraḥ || 27 ||
[Analyze grammar]

jalapraveśaṃ yaḥ kuryāttasmiṃstīrthe narādhipa |
haṃsayuktena yānena rudralokaṃ sa gacchati || 28 ||
[Analyze grammar]

yāvaccaṃdraśca sūryaśca himavāṃśca mahodadhiḥ |
gaṃgādyāḥ sarito yāvattāvatsvarge mahīyate || 29 ||
[Analyze grammar]

anāśanaṃ tu yaḥ kuryāttasmiṃstīrthe narādhipa |
garbhavāse tu rājeṃdra na punarjāyate naraḥ || 30 ||
[Analyze grammar]

tato gaccheta rājeṃdra aṭavītīrthamuttamam |
tatra snātvā naro rājanniṃdrasyārddhāsanaṃlabhet || 31 ||
[Analyze grammar]

śṛṃgatīrthaṃ tato gacchetsarvapāpapraṇāśanam |
tatrāpi snātamātrasya dhruvaṃ gāṇeśvarī gatiḥ || 32 ||
[Analyze grammar]

eraṃḍīnarmadāyāśca saṃgamaṃ lokaviśrutam |
tatra tīrthaṃ mahāpuṇyaṃ sarvapāpapraṇāśanam || 33 ||
[Analyze grammar]

upavāsaparo bhūtvā nityaṃ brahmaparāyaṇaḥ |
tatra snātvā tu rājeṃdra mucyate brahmahatyayā || 34 ||
[Analyze grammar]

tato gaccheta rājendra narmadodadhisaṃgamam |
jamadagniriti khyātaṃ siddho yatra janārdanaḥ || 35 ||
[Analyze grammar]

yatreṣṭvā bahubhiryajñairiṃdro devādhipobhavat |
tatra snātvā naro rājannarmadodadhisaṃgame || 36 ||
[Analyze grammar]

triguṇasyāśvamedhasya phalaṃ prāpnoti mānavaḥ |
paścimodadhisāyujyaṃ muktidvāravighāṭanam || 37 ||
[Analyze grammar]

tatra devāḥ sagaṃdharvā ṛṣayaḥ siddhacāraṇāḥ |
ārādhayaṃti deveśaṃ trisaṃdhyaṃ vimaleśvaram || 38 ||
[Analyze grammar]

sarvapāpaviśuddhātmā rudraloke mahīyate |
vimaleśvaraparaṃ tīrthaṃ na bhūtaṃ na bhaviṣyati || 39 ||
[Analyze grammar]

tatropavāsaṃ kṛtvā ye paśyaṃti vimaleśvaram |
sarvapāpaviśuddhātmā rudralokaṃ vrajaṃti te || 40 ||
[Analyze grammar]

tato gaccheta rājeṃdra keśinītīrthamuttamam |
tatra snātvā naro rājannupavāsaparāyaṇaḥ || 41 ||
[Analyze grammar]

upoṣya rajanīmekāṃ niyato niyatāśanaḥ |
tatra tīrthaprabhāveṇa mucyate brahmahatyayā || 42 ||
[Analyze grammar]

sarvatīrthābhiṣekaṃ ca yaḥ paśyetsāgareśvaram |
yojanābhyaṃtare tiṣṭhedāvarte saṃsthitaḥ śivaḥ || 43 ||
[Analyze grammar]

taṃ dṛṣṭvā sarvatīrthāni dṛṣṭāni syurna saṃśayaḥ |
sarvapāpavinirmukto yatra rudra saḥ gacchati || 44 ||
[Analyze grammar]

narmadāsaṃgamaṃ yāvadyāvaccāmarakaṃṭakam |
tatrāṃtare mahārājantīrthakoṭyodakasthitāḥ || 45 ||
[Analyze grammar]

tīrthāttīrthāṭanaṃ caryā ṛṣikoṭiniṣevitā |
agnihotraiśca divyāṃśaiḥ sarvairjñānaparāyaṇaiḥ || 46 ||
[Analyze grammar]

sevitāstena rājeṃdra īpsitārthapradāyikāḥ |
yaścedaṃ vai paṭhennityaṃ śṛṇuyādvāpi bhaktitaḥ || 47 ||
[Analyze grammar]

taṃ tu tīrthāni sarvāṇi abhiṣiṃcaṃti pāṃḍava |
narmadā ca sadā prītā bhavedvai nātra saṃśayaḥ || 48 ||
[Analyze grammar]

prītastasya bhavedrudro mārkaṃḍeyo mahāmuniḥ |
vaṃdhyā ca labhate putrāndurbhagā subhagābhavet || 49 ||
[Analyze grammar]

kumārīṃ labhate bharttā yacca yo vāñchate phalam |
tadeva labhate sarvaṃ nātra kāryā vicāraṇā || 50 ||
[Analyze grammar]

brāhmaṇo vedamāpnoti kṣatriyo vijayī bhavet |
vaiśyastu labhate dhānyaṃ śūdraḥ prāpnoti sadgatim || 51 ||
[Analyze grammar]

mūrkhastu labhate vidyāṃ trisaṃdhyaṃ yaḥ paṭhennaraḥ |
narakaṃ ca na paśyeta viyoniṃ ca na gacchati || 52 ||
[Analyze grammar]