Padma Purana [sanskrit]

462,305 words | ISBN-13: 9789385005305

The Padma-purana Book 3 Chapter 20 (Sanskrit text), including grammatical analysis, glossary and relevant print editions. The Padmapurana is a one of the largest of the eighteen Major Puranas containing roughly 50,000 metrical verses. Although popular for its inclusion of the Ramayana and large sections on pilgrimage guides this is also known for its dedication to both Shiva and Vishnu.

[English text for this chapter is available]

nārada uvāca |
tatastu narakaṃ gacchetsnānaṃ tatra samācaret |
snātamātro narastatra narakaṃ tatra paśyati || 1 ||
[Analyze grammar]

asyatīrthasya māhātmyaṃ śṛṇu tvaṃ pāṃḍunaṃdana |
tasmiṃstīrthe tu rājeṃdra yānyasthīni vinikṣipet || 2 ||
[Analyze grammar]

vilayaṃ yāṃti sarvāṇi rūpavānjāyate naraḥ |
gotīrthaṃ tu tato gaccheddṛṣṭvā pāpātpramucyate || 3 ||
[Analyze grammar]

tato gaccheta rājeṃdra kapilātīrthamuttamam |
tatra snātvā naro rājangosahasraphalaṃ labhet || 4 ||
[Analyze grammar]

jyeṣṭhamāse tu saṃprāpte caturdaśyāṃ viśeṣataḥ |
tatropoṣya naro bhaktyā kapilāṃ yaḥ prayacchati || 5 ||
[Analyze grammar]

ghṛtena dīpaṃ prajvālya ghṛtena snāpayecchivam |
saghṛtaṃ śrīphalaṃ datvā kṛtvā cāṃte pradakṣiṇam || 6 ||
[Analyze grammar]

ghaṃṭābharaṇasaṃyuktāṃ kapilāṃ yaḥ prayacchati |
śivatulyo naro bhūtvā na ceha jāyate punaḥ || 7 ||
[Analyze grammar]

aṃgārakadine prāpte caturthyāṃ tu viśeṣataḥ |
snāpayitvā śivaṃ bhaktyā brāhmaṇebhyastu bhojanam || 8 ||
[Analyze grammar]

aṃgārakanavamyāṃ tu amāvasyāṃ tathaiva ca |
snāpayettatra yatnena rūpavānsubhago bhavet || 9 ||
[Analyze grammar]

ghṛtena snāpayelliṃgaṃ pūjayedbhaktito dvijān |
puṣpakeṇa vimānena sahasraiḥ parivāritaḥ || 10 ||
[Analyze grammar]

śaivaṃ padamavāpnoti nātra cābhigataṃ bhavet |
akṣayaṃ modate kālaṃ yathā rudrastathaiva ca || 11 ||
[Analyze grammar]

yadā tu karmasaṃyogānmartyalokamupāgataḥ |
rājā bhavati dharmiṣṭho rūpavānjāyate balī || 12 ||
[Analyze grammar]

tato gaccheta rājeṃdra ṛṣitīrthamanuttamam |
tṛṇabiṃduṛṣirnāma śāpadagdho vyavasthitaḥ || 13 ||
[Analyze grammar]

tasyatīrthaprabhāveṇa pāpamukto'bhavaddvijaḥ |
tato gaccheta rājeṃdra gaṇeśvaramanuttamam || 14 ||
[Analyze grammar]

śrāvaṇemāsi saṃprāpte kṛṣṇapakṣe caturdaśīm |
snātamātro narastatra rudraloke mahīyate || 15 ||
[Analyze grammar]

pitṝṇāṃ tarpaṇaṃ kṛtvā mucyate ca ṛṇatrayāt |
gaṇeśvarasamīpe tu gaṃgāvadanamuttamam || 16 ||
[Analyze grammar]

akāmo vā sakāmo vā tatra snātvā tu mānavaḥ |
ājanmajanitaiḥ pāpairmucyate nātra saṃśayaḥ || 17 ||
[Analyze grammar]

sarvadā parvadivase snānaṃ tatra samācaret |
pitṝṇāṃ tarpaṇaṃ kṛtvā mucyate ca ṛṇatrayāt || 18 ||
[Analyze grammar]

prayāge yatphalaṃ dṛṣṭaṃ śaṃkareṇa mahātmanā |
tadeva nikhilaṃ puṇyaṃ gaṃgārāhvarkasaṃgame || 19 ||
[Analyze grammar]

tasyaivaṃ paścime sthāne samīpenātidūrataḥ |
daśāśvamedhikaṃ nāma triṣu lokeṣu viśrutam || 20 ||
[Analyze grammar]

upoṣya rajanīmekāṃ māsi bhādrapade tathā |
amāvasyāṃ naraḥ snātvā vrajedvai yatra śaṃkaraḥ || 21 ||
[Analyze grammar]

sarvadā parvadivase snānaṃ tatra samācaret |
pitṝṇāṃ tarpaṇaṃ kṛtvā aśvamedhaphalaṃ labhet || 22 ||
[Analyze grammar]

daśāśvamedhātpaścimato bhṛgurbrāhmaṇasattamaḥ |
divyaṃ varṣasahasraṃ tu īśvaraṃ paryupāsata || 23 ||
[Analyze grammar]

valmīkāvasthitaścāsau dakṣiṇaṃ ca niketanam |
āścaryaṃ ca mahajjātamumāyāḥ śaṃkarasya ca || 24 ||
[Analyze grammar]

gaurī tu pṛcchate devaṃ koyamatra tu saṃsthitaḥ |
devo vā dānavo vātha kathayasva maheśvara || 25 ||
[Analyze grammar]

īśvara uvāca |
bhṛgurnāma dvijaśreṣṭha ṛṣīṇāṃ pravaro muniḥ |
dhyāyate māṃ samādhistho varaṃ prārthayate priye || 26 ||
[Analyze grammar]

tatra prahasitā devī īśvaraṃ pratyabhāṣata |
dhūmāvartaśikhā jātā tato'dyāpi na tuṣyasi |
durārādhyo'si tena tvaṃ nātra kāryā vicāraṇā || 27 ||
[Analyze grammar]

deva uvāca |
na jñāyase mahādevi ayaṃ krodhena ceṣṭitaḥ |
darśayāmi yathātathyaṃ priyaṃ te ca karomyaham || 28 ||
[Analyze grammar]

smārito devadevena dharmarūpo vṛṣastadā |
smaraṇādeva devasya vṛṣaḥ śīghramupasthitaḥ || 29 ||
[Analyze grammar]

prāhāsau mānuṣīṃ vācamādeśo dīyatāṃ prabho |
valmīkaiśchādito vipra enaṃ bhūmau nipātaya || 30 ||
[Analyze grammar]

yogasthastu tato dhyāyaṃstatastena nipātitaḥ |
tatkṣaṇātkrodhasaṃtapto hastamutkṣiptavānvṛṣam || 31 ||
[Analyze grammar]

evaṃ saṃbhāṣamāṇastu kutra gacchasi bho vṛṣa |
adya tvāmatha pāpmānaṃ pratyakṣaṃ hanmyahaṃ vṛṣa || 32 ||
[Analyze grammar]

dharṣitastu tadā vipro hyaṃtarikṣaṃ gataṃ vṛṣam |
ākāśe prekṣate bhūya etadadbhutamuttamam || 33 ||
[Analyze grammar]

tataḥ prahasite rudre ṛṣiragre vyavasthitaḥ |
tṛtīyaṃ locanaṃ dṛṣṭvā vailakṣyātpatito bhuvi || 34 ||
[Analyze grammar]

praṇamya daṃḍavadbhūmau stuvate parameśvaram |
praṇipatya bhūtanāthaṃ bhavodbhavaṃ tvāmahaṃ divyarūpam |
bhavabhīto bhuvanapate bhūtaṃ vijñāpaye kiṃcit || 35 ||
[Analyze grammar]

tvadguṇanikarānvaktuṃ kaḥ śakto bhavati mānuṣo nātha |
vāsukirayaṃ hi kadācidvadanasahasraṃ bhavedyasya || 36 ||
[Analyze grammar]

bhaktyā tavāpi śaṃkarabhuvanapate tvatstutau tu mukharasya |
vaṃdya kṣamasva bhavanprasīda me tava caraṇapatitasya || 37 ||
[Analyze grammar]

satvaṃ rajastamastvaṃ sthityutpattau vināśane deva |
tvāṃ muktvā bhuvanapate bhuvaneśvara naiva daivataṃ kiṃcit || 38 ||
[Analyze grammar]

yamaniyamayajñadānairvedābhyāsāvadhāraṇodyogāt |
tvadbhakteḥ sarvamidaṃ nārhati kalāsahasrāṃśena || 39 ||
[Analyze grammar]

utkṛṣṭarasarasāyanakhaḍgāṃjanapādukādi siddhirvā |
cihnāni bhavatpraṇatānāṃ dṛśyaṃta iha janmani prakaṭam || 40 ||
[Analyze grammar]

śāṭhyena namati yadyapi dadāsi tvaṃ dharmamicchatāṃ deva |
bhaktirbhavacchedakarī mokṣāya vinirmitā nātha || 41 ||
[Analyze grammar]

paradāraparasvarataṃ paribhavapariduḥkhaśokasaṃtaptam |
paravadanavīkṣaṇaparaṃ parameśvara māṃ paritrāhi || 42 ||
[Analyze grammar]

alīkābhimānadagdhaṃ kṣaṇabhaṃguravibhavavilasitaṃ deva |
krūraṃ kupathābhimukhaṃ patitaṃ māṃ trāhi deveśa || 43 ||
[Analyze grammar]

dīneṃdriyagaṇasārthairbaṃdhujanaireva pūritā āśā |
tucchā tathāpi śaṃkara kiṃ mūḍhaṃ māṃ viḍaṃbayasi || 44 ||
[Analyze grammar]

tṛṣṇāṃ harasva śīghraṃ lakṣmīṃ māṃ dehi hṛdayavāsinīṃ nityām |
chiṃdhi madamohapāśānuttāraya māṃ mahādeva || 45 ||
[Analyze grammar]

karuṇābhyudayaṃ nāma stotramidaṃ siddhidaṃ divyam |
yaḥ paṭhati bhaktiyuktastasya tu tuṣyedbhṛgoryathāhi śivaḥ || 46 ||
[Analyze grammar]

īśvara uvāca |
ahaṃ tuṣṭosmi te vipra varaṃ prārthaya svepsitam |
umayā sahito devo varaṃ tasya hi dāpayet || 47 ||
[Analyze grammar]

bhṛguruvāca |
yadi tuṣṭosi deveśa yadi deyo varo mama |
rudravedī bhavedevametatsaṃpādayasva me || 48 ||
[Analyze grammar]

īśvara uvāca |
evaṃ bhavatu vipreṃdra krodhasthānaṃ bhaviṣyati |
na pitā putrayoścaiva ekavākyaṃ bhaviṣyati || 49 ||
[Analyze grammar]

tadāprabhṛti brahmādyāḥ sarve devāḥ sakinnarāḥ |
upāsaṃto bhṛgostīrthaṃ tuṣṭo yatra maheśvaraḥ || 50 ||
[Analyze grammar]

darśanāttasya tīrthasya sadyaḥ pāpātpramucyate |
avaśāḥ svavaśāścāpi mriyaṃte tatra jaṃtavaḥ || 51 ||
[Analyze grammar]

guhyātiguhyasya gatisteṣāṃ niḥsaṃśayā bhavet |
etatkṣetraṃ suvipulaṃ sarvapāpapraṇāśanam || 52 ||
[Analyze grammar]

tatra snātvā divaṃ yāṃti ye mṛtāste'punarbhavāḥ |
aupānahaṃ tadā chatraṃ deyamannaṃ ca kāṃcanam || 53 ||
[Analyze grammar]

bhojanaṃ ca yathāśaktyā akṣayaṃ tasya tadbhavet |
sūryoparāge yo dadyāddānaṃ caiva yathecchayā || 54 ||
[Analyze grammar]

tīrthasnānaṃ tu yaddānamakṣayaṃ tasya tadbhavet |
caṃdrasūryoparāgeṣu vṛṣotsargamanuttamam || 55 ||
[Analyze grammar]

na jānaṃti narā mūḍhā viṣṇumāyāvimohitāḥ |
narmadāyāṃ sthitaṃ divyaṃ vṛṣatīrthaṃ narādhipa || 56 ||
[Analyze grammar]

bhṛgutīrthasya māhātmyaṃ yaḥ śṛṇoti naraḥ sakṛt |
vimuktaḥ sarvapāpebhyo rudralokaṃ sa gacchati || 57 ||
[Analyze grammar]

tato gaccheta rājeṃdra gautameśvaramuttamam |
tatra snātvā naro rājannupavāsaparāyaṇaḥ || 58 ||
[Analyze grammar]

kāṃcanena vimānena brahmaloke mahīyate |
dhautapāpaṃ tato gaccheddhautaṃ yatra vṛṣeṇa tu || 59 ||
[Analyze grammar]

narmadāyāṃ sthitaṃ rājansarvapātakanāśanam |
tatra tīrthe naraḥ snātvā brahmahatyāṃ vyapohati || 60 ||
[Analyze grammar]

tasmintīrthe mahārāja prāṇatyāgaṃ karoti yaḥ |
caturbhujastrinetrastu rudratulyabalo bhavet || 61 ||
[Analyze grammar]

vasetkalpāyutaṃ sāgraṃ rudratulyaparākramaḥ |
kālena mahatā prāptaḥ pṛthivyāmekarāḍbhavet || 62 ||
[Analyze grammar]

tato gaccheta rājeṃdra eraṃḍītīrthamuttamam |
prayāge yatphalaṃ dṛṣṭaṃ mārkaṃḍeyena bhāṣitam || 63 ||
[Analyze grammar]

tatphalaṃ labhate rājansnātamātrastu mānavaḥ |
māsi bhādrapade caiva śuklapakṣasya cāṣṭamīm || 64 ||
[Analyze grammar]

upoṣya rajanīmekāṃ tatra snānaṃ samācaret |
yamadūtairna bādhyeta iṃdralokaṃ sa gacchati || 65 ||
[Analyze grammar]

tato gaccheta rājeṃdra siddho yatra janārdanaḥ |
hiraṇyadvīpavikhyātaṃ sarvapāpapraṇāśanam || 66 ||
[Analyze grammar]

tatra snātvā naro rājandhanavānrūpavānbhavet |
tato gaccheta rājeṃdra tīrthaṃ kanakhalaṃ mahat || 67 ||
[Analyze grammar]

garuḍena tapastaptaṃ tasmiṃstīrthe narādhipa |
vikhyātaṃ sarvalokeṣu yoginī tatra tiṣṭhati || 68 ||
[Analyze grammar]

krīḍate yogibhiḥ sārdhaṃ śivena saha nṛtyati |
tatra snātvā naro rājanrudraloke mahīyate || 69 ||
[Analyze grammar]

tato gaccheta rājeṃdra īśatīrthamanuttamam |
īśastatra vinirmukto gata ūrdhvaṃ na saṃśayaḥ || 70 ||
[Analyze grammar]

tato gaccheta rājeṃdra siddho yatra janārdanaḥ |
vārāhaṃ rūpamāsthāya aciṃtyaḥ parameśvaraḥ || 71 ||
[Analyze grammar]

varāhatīrthe naraḥ snātvā dvādaśyāṃ tu viśeṣataḥ |
viṣṇulokamavāpnoti narakaṃ tu na gacchati || 72 ||
[Analyze grammar]

tato gaccheta rājeṃdra somatīrthamanuttamam |
paurṇimāsyāṃ viśeṣeṇa tatra snānaṃ samācaret || 73 ||
[Analyze grammar]

praṇipatya ca īśānaṃ balistasya prasīdati |
hariścandrapuraṃ divyamaṃtarikṣe tu dṛśyate || 74 ||
[Analyze grammar]

cakradhvaje samāvṛtte supte nāgāriketane |
narmadātoyavegena rurukacchopasevitam || 75 ||
[Analyze grammar]

tasminsthāne nivāsaṃ ca viṣṇuḥ śaṃkaramabravīt |
dvīpeśvare naraḥ snātvā labhedbahusuvarṇakam || 76 ||
[Analyze grammar]

tato gaccheta rājeṃdra rudrakanyāṃ tu saṃgame |
snātamātro narastatra devyāḥ sthānamavāpnuyāt || 77 ||
[Analyze grammar]

devatīrthaṃ tato gacchetsarvadevanamaskṛtam |
tatra snātvā tu rājeṃdra daivataiḥ saha modate || 78 ||
[Analyze grammar]

tato gaccheta rājeṃdra śikhitīrthamanuttamam |
tatra vai dīyate dānaṃ sarvaṃ koṭiguṇaṃ bhavet || 79 ||
[Analyze grammar]

aparapakṣe amāvāsyāṃ snānaṃ tatra samācaret |
brāhmaṇaṃ bhojayedekaṃ koṭirbhavati bhojitā || 80 ||
[Analyze grammar]

bhṛgutīrthe tu rājeṃdra tīrthakoṭirvyavasthitā |
akāmo vā sakāmo vā tatra snāyīta mānavaḥ || 81 ||
[Analyze grammar]

aśvamedhamavāpnoti daivataiḥ saha modate |
tatra siddhamavāpnoti bhṛgustu munipuṃgavaḥ |
avatāraḥ kṛtastena śaṃkareṇa mahātmanā || 82 ||
[Analyze grammar]

iti śrīpādme mahāpurāṇe svargakhaṃḍe viṃśatitamo'dhyāyaḥ || 20 ||
[Analyze grammar]

Other editions:

Also see the following editions of the Sanskrit text or (alternative) English translations of the Padma Purana Chapter 20

Cover of edition (2016)

Sri Padma Purana (Sanskrit Text and Hindi Translation)
by Chaukhamba Surbharati Prakashan (2016)

Sanskrit Text and Hindi Translation with Sloka Index (Set of 7 Volumes)

Buy now!
Cover of edition (2007)

Padma Purana (In Six Volumes)
by Chowkhamba Sanskrit Series Office (2007)

Sanskrit Text Only

Buy now!
Cover of Bengali edition

Padma Purana in Bengali
by Navabharat Publishers, Kolkata (0)

Set of 7 Volumes

Buy now!
Cover of edition (2015)

Sri Padma Purana (Tamil)
by Azhwargal Aaivu Maiyam, Chennai (2015)

Translated by S. Jagatrakshgan

Buy now!
Cover of Gujarati edition

Padma Purana in Gujarati
by Shree Harihar Pustakalay, Surat (0)

[પદમ પુરણ:]

Buy now!
Cover of edition (2013)

Padma Mahapurana (Kannada)
by Vijeth Prakashan Gadag, Bangalore (2013)

[ಪದ್ಮ ಮಹಾಪುರಾಣಂ]

Buy now!
Let's grow together!

I humbly request your help to keep doing what I do best: provide the world with unbiased sources, definitions and images. Your donation direclty influences the quality and quantity of knowledge, wisdom and spiritual insight the world is exposed to.

Let's make the world a better place together!

Like what you read? Consider supporting this website: