Chapter 109

[English text for this chapter is available]

kuṃjala uvāca |
praṇipatya prasādyaiva vaśiṣṭhaṃ tapatāṃ varam |
āmaṃtrya nirjagāmātha bāṇapāṇirdhanurdharaḥ || 1 ||
[Analyze grammar]

eṇasya māṃsaṃ suvipācyabhojitaṃ bālastayā rakṣita eva buddhyā |
āyoḥ suputraḥ saguṇaḥ surūpo devopamo devaguṇaiśca yuktaḥ || 2 ||
[Analyze grammar]

tenaiva māṃsena susaṃskṛtena mṛṣṭena pakvena rasānugena |
tameva daityaṃ paribhāṣya sūdo duṣṭaṃ suharṣeṇa vyabhojayattadā || 3 ||
[Analyze grammar]

bubhuje dānavo māṃsaṃ rasasvādusamanvitam |
harṣeṇāpi samāviṣṭo jagāmāśokasuṃdarīm || 4 ||
[Analyze grammar]

tāmuvāca tatastūrṇaṃ kāmopahatacetanaḥ |
āyuputro mayā bhadre bhakṣitaḥ patireva te || 5 ||
[Analyze grammar]

māmeva bhaja cārvaṃgi bhuṃkṣva bhogānmanonugān |
kiṃ kariṣyasi tena tvaṃ mānuṣeṇa gatāyuṣā || 6 ||
[Analyze grammar]

pratyuvāca samākarṇya śivakanyā tapasvinī |
bhartā me daivatairdatto ajaro doṣavarjitaḥ || 7 ||
[Analyze grammar]

tasya mṛtyurna vai dṛṣṭo devairapi mahātmabhiḥ |
evamākarṇya tadvākyaṃ dānavo duṣṭaceṣṭitaḥ || 8 ||
[Analyze grammar]

tāmuvāca viśālākṣīṃ prahasyaiva punaḥ punaḥ |
adyaiva bhakṣitaṃ māṃsamāyuputrasya suṃdari || 9 ||
[Analyze grammar]

jātamātrasya bālasya nahuṣasya durātmanaḥ |
evamākarṇya sā vākyaṃ kopaṃ cakre sudāruṇam || 10 ||
[Analyze grammar]

provāca satyasaṃsthā sā tapasā bhāvitā punaḥ |
tapa eva mayā taptaṃ manasā niyamena vai |
āyusutaścirāyuśca satyenaiva bhaviṣyati || 11 ||
[Analyze grammar]

ito gaccha durācāra yadi jīvitumicchasi |
anyathā tvāmahaṃ śapsye punareva na saṃśayaḥ || 12 ||
[Analyze grammar]

evamākarṇitaṃ tasyāḥ sūdena nṛpatiṃ prati |
parityajya mahārāja etāmanyāṃ samāśraya || 13 ||
[Analyze grammar]

sūdena preṣito daityaḥ sa huṃḍaḥ pāpacetanaḥ |
nirjagāma tvarāyuktaḥ sa svāṃ bhāryāṃ priyāṃ prati || 14 ||
[Analyze grammar]

ceṣṭitaṃ naiva jānāti dāsyā sūdena yatkṛtam |
tasyai niveditaṃ sarvaṃ priyāyai vṛttameva ca || 15 ||
[Analyze grammar]

sūta uvāca |
aśokasuṃdarī sā ca mahatā tapasā kila |
duḥkhaśokena saṃtaptā kṛśībhūtā tapasvinī || 16 ||
[Analyze grammar]

ciṃtayaṃtī priyaṃ kāṃtaṃ taṃ dhyāyati punaḥ punaḥ |
kiṃ na kurvaṃti vai daityā upāyairvividhairapi || 17 ||
[Analyze grammar]

upāyajñāḥ sadā buddhyā udyamenāpi sarvadā |
vartaṃte danujaśreṣṭhā nānābhāvaiśca sarvadā || 18 ||
[Analyze grammar]

māyopāyena yogena hṛtāhaṃ pāpinā purā |
tathā sa ghātitaḥ putra āyoścaiva bhaviṣyati || 19 ||
[Analyze grammar]

yaṃ dṛṣṭvā daivayogena bhavitāramanāmayam |
udyamenāpi paśyeta kiṃ vā naśyati vā na vā || 20 ||
[Analyze grammar]

kiṃ vā sa udyamaḥ śreṣṭhaḥ kiṃ vā tatkarmajaṃ phalam |
bhāvibhāvaḥ kathaṃ naśyettato vedaḥ pratiṣṭhati || 21 ||
[Analyze grammar]

viśeṣo bhāvito devaiḥ sa kathaṃ cānyathā bhavet |
evamevaṃ mahābhāgā ciṃtayaṃtī punaḥ punaḥ || 22 ||
[Analyze grammar]

kinnaro vidvaro nāma bṛhadvaṃśomahātanuḥ |
sanābhyordhanaraḥ kāyaḥ pakṣābhyāṃ hi vivarjitaḥ || 23 ||
[Analyze grammar]

dvibhujo vaṃśahastastu hārakaṃkaṇaśobhitaḥ |
divyagaṃdhānuliptāṃgo bhāryayā saha cāgataḥ || 24 ||
[Analyze grammar]

tāmuvāca nirānaṃdāṃ sa sutāṃ śaṃkarasyahi |
kimarthaṃ ciṃtase devi vidvaraṃ viddhi cāgatam || 25 ||
[Analyze grammar]

kinnaraṃ viṣṇubhaktaṃ māṃ preṣitaṃ devasattamaiḥ |
duḥkhamevaṃ na kartavyaṃ bhavatyā nahuṣaṃ prati || 26 ||
[Analyze grammar]

huṃḍena pāpacāreṇa vadhārthaṃ tasya dhīmataḥ |
kṛtamevākhilaṃ karma hṛtaścāyusutaḥ śubhe || 27 ||
[Analyze grammar]

sa tu vai rakṣito devairupāyairvividhairapi |
huṃḍa evaṃ vijānāti āyuputro hṛto mayā || 28 ||
[Analyze grammar]

bhakṣitastu viśālākṣi iti jānāti vai śubhe |
bhavatāṃ śrāvayitvā hi gatosau dānavo'dhamaḥ || 29 ||
[Analyze grammar]

svenakarmavipākena puṇyasyāpi mahāyaśāḥ |
pūrvajanmārjitenaiva tava bharttā sa jīvati || 30 ||
[Analyze grammar]

puṇyasyāpi balenaiva yeṣāmāyurvinirmitam |
svarjitasya mahābhāge nāśamicchaṃti ghātakāḥ || 31 ||
[Analyze grammar]

duṣṭātmāno mahāpāpāḥ paratejovidūṣakāḥ |
teṣāṃ yaśovināśārthaṃ prapaṃcaṃti dine dine || 32 ||
[Analyze grammar]

nānāvidhairupāyaiste viṣaśastrādibhistataḥ |
haṃtumicchaṃti taṃ puṇyaṃ puṇyakarmābhirakṣitam || 33 ||
[Analyze grammar]

pāpinaścaiva huṃḍādyā mohanastaṃbhanādibhiḥ |
pīḍayaṃti mahāpāpā nānābhedairbalāvilaiḥ || 34 ||
[Analyze grammar]

sukṛtasya prayogeṇa pūrvajanmārjitena hi |
puṇyasyāpi mahābhāge puṇyavaṃtaṃ surakṣitam || 35 ||
[Analyze grammar]

vaiphalyaṃ yāṃti teṣāṃ vai upāyāḥ pāpināṃ śubhe |
yaṃtrataṃtrāṇi maṃtrāśca śastrāgniviṣabaṃdhanāḥ || 36 ||
[Analyze grammar]

rakṣayaṃti mahātmānaṃ devapuṇyaiḥ surakṣitam |
kartāro bhasmatāṃ yāṃti sa vai tiṣṭhati puṇyabhāk || 37 ||
[Analyze grammar]

āyuputrasya vīrasya rakṣakā devatāḥ śubhe |
puṇyasya saṃcayaṃ sarve tapasāṃ nidhimeva tu || 38 ||
[Analyze grammar]

tasmācca rakṣito vīro nahuṣo balināṃ varaḥ |
satyena tapasā tena puṇyaiśca saṃyamairdamaiḥ || 39 ||
[Analyze grammar]

mā kṛthā dāruṇaṃ duḥkhaṃ muṃca śokamakāraṇam |
sa hi jīvati dharmātmā mātrā pitrā vinā vane || 40 ||
[Analyze grammar]

tapovaneva satyekastapasvi paripālitaḥ |
vedavedāṃgatattvajño dhanurvedasya pāragaḥ || 41 ||
[Analyze grammar]

yathā śaśī virājeta svakalābhiḥ svatejasā |
tathā virājate so'pi svakalābhiḥ sumadhyame || 42 ||
[Analyze grammar]

vidyābhistu mahāpuṇyaistapobhiryaśasā tathā |
rājate paravīraghno ripuhā suravallabhaḥ || 43 ||
[Analyze grammar]

huṃḍaṃ nihatya daityeṃdraṃ tvāmevaṃ hi pralapsyate |
tvayā sārddhaṃ striyā caiva pṛthivyāmekabhūpatiḥ || 44 ||
[Analyze grammar]

bhaviṣyati mahāyogī yathā svarge tu vāsavaḥ |
tvaṃ tasmātprāpsyase bhadre suputraṃ vāsavopamam || 45 ||
[Analyze grammar]

yayātiṃ nāmadharmajñaṃ prajāpālanatatparam |
tathā kanyāśataṃ cāpi rūpaudāryaguṇānvitam || 46 ||
[Analyze grammar]

yāsāṃ puṇyairmahārāja iṃdralokaṃ prayāsyati |
iṃdratvaṃ bhokṣyate devi nahuṣaḥ puṇyavikramaḥ || 47 ||
[Analyze grammar]

yayātirnāma dharmātmā ātmajaste bhaviṣyati |
prajāpālo mahārājaḥ sarvajīvadayāparaḥ || 48 ||
[Analyze grammar]

tasya putrāstu catvāro bhaviṣyaṃti mahaujasaḥ |
balavīryasamopetā dhanurvedasya pāragāḥ || 49 ||
[Analyze grammar]

prathamaśca tururnāma pururnāma dvitīyakaḥ |
ururnāma tṛtīyaśca caturtho vīryavānyaduḥ || 50 ||
[Analyze grammar]

evaṃ putrā mahāvīryāstejasvino mahābalāḥ |
bhaviṣyaṃti mahātmānaḥ sarvatejaḥ samanvitāḥ || 51 ||
[Analyze grammar]

yadoścaiva sutā vīrāḥ siṃhatulyaparākramāḥ |
teṣāṃ nāmāni bhadraṃ te gadataḥ śṛṇu sāṃpratam || 52 ||
[Analyze grammar]

bhojaśca bhīmakaścāpi aṃdhakaḥ kuñjarastathā |
vṛṣṇirnāma sudharmātmā satyādhāro bhaviṣyati || 53 ||
[Analyze grammar]

ṣaṣṭhastu śrutasenaśca śrutādhārastu saptamaḥ |
kāladaṃṣṭro mahāvīryaḥ samare kālajidbalī || 54 ||
[Analyze grammar]

yadoḥ putrā mahāvīryā yādavākhyā varānane |
teṣāṃ tu putrāḥ pautrāste bhaviṣyaṃti sahasraśaḥ || 55 ||
[Analyze grammar]

evaṃ nahuṣavaṃśo vai tava devi bhaviṣyati |
duḥkhamevaṃ parityajya sukhenānupravartaya || 56 ||
[Analyze grammar]

sameṣyati mahāprājñastava bhartā śubhānane |
nihatya dānavaṃ huṃḍaṃ tvāmevaṃ pariṇeṣyati || 57 ||
[Analyze grammar]

duḥkhajātāni soṣṇāni netrābhyāṃ hi pataṃti ca |
aśrūṇi ceṃdumatyāśca saṃmārjayati mānadaḥ || 58 ||
[Analyze grammar]

āyośca duḥkhamuddhṛtya svakulaṃ tārayiṣyati |
sukhinaṃ pitaraṃ kṛtvā prajāpālo bhaviṣyati || 59 ||
[Analyze grammar]

etatte sarvamākhyātaṃ devānāṃ kathanaṃ śubhe |
duḥkhaṃ śokaṃ parityajya sukhena parivarttaya || 60 ||
[Analyze grammar]

aśokasuṃdaryuvāca |
kadā hyeṣyati me bharttā vihito daivatairyadi |
satyaṃ vada svadharmajña mama saukhyaṃ vivarddhaya || 61 ||
[Analyze grammar]

vidvara uvāca |
acirāddrakṣyasi bhartāraṃ tvamevaṃ śṛṇu suṃdari |
evamuktvā jagāmātha gaṃdharvo vibudhālayam || 62 ||
[Analyze grammar]

aśokasuṃdarī sā ca tapastepe hi tatra vai |
kāmaṃ krodhaṃ parityajya lobhaṃ cāpi śivātmajā || 63 ||
[Analyze grammar]

iti śrīpadmapurāṇe bhūmikhaṃḍe venopākhyāne gurutīrthamāhātmye cyavanacaritre nāhuṣākhyāne navādhikaśatatamo'dhyāyaḥ || 109 ||
[Analyze grammar]