Chapter 108

[English text for this chapter is available]

kuṃjala uvāca |
brahmaputro mahātejā vaśiṣṭhastapatāṃ varaḥ |
nahuṣaṃ taṃ samāhūya idaṃ vacanamabravīt || 1 ||
[Analyze grammar]

vanaṃ gaccha svaśīghreṇa vanyamānaya puṣkalam |
samākarṇya munervākyaṃ nahuṣo vanamāyayau || 2 ||
[Analyze grammar]

tatra kiṃcitsuvṛttāṃtaṃ śuśrāva nahuṣo balaḥ |
ayameṣa sa dharmātmā nahuṣo nāma vīryavān || 3 ||
[Analyze grammar]

āyoḥ putro mahāprājño bālyānmātrā viyojitaḥ |
asyaivātiviyogena āyubhāryā praroditi || 4 ||
[Analyze grammar]

aśokasuṃdarī tepe tapaḥ paramaduṣkaram |
kadā paśyati sā devī putramiṃdumatī śubhā || 5 ||
[Analyze grammar]

nāhuṣaṃ nāma dharmajñaṃ hṛtaṃ pūrvaṃ tu dānavaiḥ |
tapastepe nirālaṃbā śivasya tanayā varā || 6 ||
[Analyze grammar]

aśokasuṃdarī bālā āyuputrasya kāraṇāt |
anenāpi kadā sā hi saṃgatā tu bhaviṣyati || 7 ||
[Analyze grammar]

evaṃ sāṃsārikaṃ vākyaṃ divi cāraṇabhāṣitam |
śuśrāva sa hi dharmātmā nahuṣo vibhramānvitaḥ || 8 ||
[Analyze grammar]

sa gatvā vanyamādāya vaśiṣṭhasyāśramaṃ prati |
vanyaṃ nivedya dharmātmā vaśiṣṭhāya mahātmane || 9 ||
[Analyze grammar]

baddhāṃjalipuṭobhūtvā bhaktyā namitakaṃdharaḥ |
tamuvāca mahāprājñaṃ vaśiṣṭhaṃ tapatāṃ varam || 10 ||
[Analyze grammar]

bhagavañchrūyatāṃ vākyamapūrvaṃ cāraṇeritam |
eṣa vai nahuṣo nāmnā āyuputro viyojitaḥ || 11 ||
[Analyze grammar]

mātrā saha suduḥkhaistu iṃdumatyā hi dānavaiḥ |
śivasya tanayā bālā tapastepe suduścaram || 12 ||
[Analyze grammar]

nimittamasya dhīrasya nahuṣasyeti vai guro |
evamābhāṣitaṃ taistu tatsarvaṃ hi mayā śrutam || 13 ||
[Analyze grammar]

kosāvāyuḥ sa dharmātmā kāsā tviṃdumatī śubhā |
aśokasuṃdarī kāsā nahuṣeti ka ucyate || 14 ||
[Analyze grammar]

etanme saṃśayaṃ jātaṃ tadbhavāṃśchettumarhati |
anyaḥ kopi mahāprājñaḥ kutrāsau nahuṣeti ca || 15 ||
[Analyze grammar]

tatsarvaṃ tāta me brūhi kāraṇāṃtarameva hi |
vaśiṣṭha uvāca |
āyu rājā sa dharmātmā saptadvīpādhipo balī || 16 ||
[Analyze grammar]

bhāryā iṃdumatī tasya satyarūpā yaśasvinī |
tasyāmutpāditaḥ putro bhavānvai guṇamaṃdiram || 17 ||
[Analyze grammar]

āyunā rājarājena somavaṃśasya bhūṣaṇam |
harasya kanyā suśroṇī guṇarūpairalaṃkṛtā || 18 ||
[Analyze grammar]

aśokasuṃdarī nāmnā subhagā cāruhāsinī |
tasya hetostapastepe nirālaṃbā tapovane || 19 ||
[Analyze grammar]

tasyā bhartā bhavānsṛṣṭo dhātrā yogena niścitaḥ |
gaṃgāyāstīramāśritya dhyānayoga samāśritā || 20 ||
[Analyze grammar]

huṃḍaśca dānaveṃdro yo dṛṣṭvā caikākinīṃ satīm |
tapasā prajvalaṃtīṃ ca subhagāṃ kamalekṣaṇām || 21 ||
[Analyze grammar]

rūpaudāryaguṇopetāṃ kāmabāṇaiḥ prapīḍitaḥ |
tāṃ babhāṣe'ntikaṃ gatvā mama bhāryā bhaveti ca || 22 ||
[Analyze grammar]

evaṃ sā tadvacaḥ śrutvā tamuvāca tapasvinī |
mā huṃḍa sāhasaṃ kārṣīrmā jalpasva punaḥ punaḥ || 23 ||
[Analyze grammar]

aprāpyāhaṃ tvayā vīra parabhāryā viśeṣataḥ |
daivena me purā sṛṣṭa āyuputro mahābalaḥ || 24 ||
[Analyze grammar]

nahuṣo nāma medhāvī bhaviṣyati na saṃśayaḥ |
devadatto mahātejā anyathā tvaṃ kariṣyasi || 25 ||
[Analyze grammar]

tataḥ śāpraṃ padāsyāmi yena bhasmī bhaviṣyasi |
evamākarṇya tadvākyaṃ kāmabāṇaiḥ prapīḍitaḥ || 26 ||
[Analyze grammar]

vyājenāpi hṛtā tena praṇītā nijamaṃdire |
jñātvā tayā mahābhāga śapto'sau dānavādhamaḥ || 27 ||
[Analyze grammar]

nahuṣasyaiva hastena tava mṛtyurbhaviṣyati |
ajāte tvayi saṃjātā vadase tvaṃ yathaiva tat || 28 ||
[Analyze grammar]

sa tvamāyusuto vīra hṛto huṃḍena pāpinā |
sūdena rakṣito dāsyā preṣito mama cāśramam || 29 ||
[Analyze grammar]

bhavaṃtaṃ vanamadhye ca dṛṣṭvā cāraṇakinnaraiḥ |
yattu vai śrāvitaṃ vatsa mayā te kathitaṃ punaḥ || 30 ||
[Analyze grammar]

jahi taṃ pāpakartāraṃ huṃḍākhyaṃ dānavādhamam |
netrābhyāṃ hi pramuṃcaṃtīmaśrūṇi parimārjaya || 31 ||
[Analyze grammar]

ito gatvā prapaśya tvaṃ gaṃgātīraṃ mahābalam |
nipātya dānaveṃdraṃ taṃ kārāgṛhātsamānaya || 32 ||
[Analyze grammar]

aśokasuṃdarī yāhi tasyā bhartā bhavasva hi |
etatte sarvamākhyātaṃ praśnasyāsya hi kāraṇam || 33 ||
[Analyze grammar]

ābhāṣya nahuṣaṃ vipro virarāma mahāmatiḥ || 34 ||
[Analyze grammar]

ākarṇya sarvaṃ muninā prayuktamāścaryabhūtaṃ sa hi ciṃtyamānaḥ |
tasyāṃtamekaḥ parikartukāma āyoḥ sutaḥ kopamatho cakāra || 35 ||
[Analyze grammar]

iti śrīpadmapurāṇe bhūmikhaṃḍe venopākhyāne gurutīrthamāhātmye cyavanacaritre nāhuṣākhyāne'ṣṭottaraśatatamo'dhyāyaḥ || 108 ||
[Analyze grammar]