Chapter 90

[English text for this chapter is available]

sūtauvāca |
evamākarṇya tatsarvaṃ samujjvalasya bhāṣitam |
kuṃjalaḥ sa hi dharmātmā pratyuvāca sutaṃ prati || 1 ||
[Analyze grammar]

kuṃjala uvāca |
saṃpravakṣyāmyahaṃ tāta śrūyatāṃ sthiramānasaḥ |
sarvasaṃdehavidhvaṃsaṃ caritraṃ pāpanāśanam || 2 ||
[Analyze grammar]

iṃdraloke pravavṛte saṃvādo deva kautukaḥ |
sabhāyāṃ tasya devasya iṃdrasyāpi mahātmanaḥ || 3 ||
[Analyze grammar]

devaṃ draṣṭuṃ sahasrākṣaṃ nāradastvaritaṃ yayau |
samāgataṃ sahasrākṣaḥ sūryatejaḥsamaprabham || 4 ||
[Analyze grammar]

taṃ dṛṣṭvā harṣamāyātaḥ samutthāya mahāmatiḥ |
dadāvarghaṃ ca pādyaṃ ca bhaktyā praṇatamānasaḥ || 5 ||
[Analyze grammar]

baddhāṃjalipuṭobhūtvā praṇāmamakarottadā |
āsane komale puṇye viniveśya dvijottamam || 6 ||
[Analyze grammar]

papraccha praṇato bhūtvā śraddhayā parayā yutaḥ |
kasmāccāgamanaṃ te'dya kāraṇaṃ vada sāṃpratam || 7 ||
[Analyze grammar]

ityukto devarājena pratyuvāca mahāmuniḥ |
bhavaṃtaṃ draṣṭumāyātaḥ pṛthivyāstu puraṃdaraḥ || 8 ||
[Analyze grammar]

snātvā puṇyapradeśeṣu tīrtheṣu ca suśraddhayā |
devānpitṝnsamabhyarcya dṛṣṭvā tīrthānyanekaśaḥ || 9 ||
[Analyze grammar]

etatte sarvamākhyātaṃ yattvayā pṛcchitaṃ purā |
deveṃdra uvāca |
dṛṣṭāni puṇyatīrthāni sukṣetrāṇi tvayā mune || 10 ||
[Analyze grammar]

kiṃ tīrthaṃ prāpya mucyeta brahmaghno brahmahatyayā |
surāpomucyatepāpādgoghnohemāpahārakaḥ || 11 ||
[Analyze grammar]

svāmidrohānmahābhāga nārīhaṃtā kathaṃ sukhī |
nārada uvāca |
yāni kāni ca tīrthāni gayādīni sureśvara || 12 ||
[Analyze grammar]

teṣāṃ naiva prajānāmi viśeṣaṃ pāpanāśanam |
supuṇyāni sudivyāni pāpaghnāni samāni ca || 13 ||
[Analyze grammar]

sarvāṇyeva sutīrthāni jānāmyahaṃ puraṃdara |
aviśeṣaṃ viśeṣaṃ vai naiva jānāmi sāṃpratam || 14 ||
[Analyze grammar]

pratyayaṃ kriyatāṃ deva tīrthānāṃ gatidāyakam |
evamākarṇya tadvākyaṃ nāradasya mahātmanaḥ || 15 ||
[Analyze grammar]

samāhūtāni ceṃdreṇa tīrthāni bhūgatāni ca |
mūrtivartīni divyāni samāyātāni śāsanāt || 16 ||
[Analyze grammar]

baddhāṃjalīni divyāni bhūṣitāni subhūṣaṇaiḥ |
divyāṃbarāṇi snigdhāni tejovaṃti ca suvrata || 17 ||
[Analyze grammar]

strīpuṃsośca svarūpāṇi kṛtāni ca viśeṣataḥ |
hemacaṃdanakāśāni divyarūpadharāṇi ca || 18 ||
[Analyze grammar]

muktāphalasyavarṇena prabhāsaṃti nareśvara |
taptakāṃcanavarṇāni sāruṇyāni ca tatra vai || 19 ||
[Analyze grammar]

kati śukla supītāni prabhāvaṃti sabhāṃtare |
kāni padmanibhānyeva mūrtivartīni tāni tu || 20 ||
[Analyze grammar]

sūryatejaḥ prakāśāni taḍittejaḥ samāni ca |
pāvakābhāni cānyāni prabhāsaṃti sabhāṃtare || 21 ||
[Analyze grammar]

sarvābharaṇaśobhāḍhyaiḥ praśobhaṃte nareśvara |
hārakaṃkaṇakeyūramālābhistu sucaṃdanaiḥ || 22 ||
[Analyze grammar]

divyacaṃdanadigdhāni surabhīṇi gurūṇi ca |
kamaṃḍalukarāṇyeva āyātāni sabhāṃtare || 23 ||
[Analyze grammar]

gaṃgā ca narmadā puṇyā caṃdrabhāgā sarasvatī |
devikā biṃbikā kubjā kuṃjalā maṃjulā śrutā || 24 ||
[Analyze grammar]

raṃbhā bhānumatī puṇyā pārā caiva sughargharā |
śoṇā ca siṃdhusauvīrā kāverī kapilā tathā || 25 ||
[Analyze grammar]

kumudā vedanadī puṇyā supuṇyā ca maheśvarī |
carmaṇvatī tathā khyātā lopā cānyā sukauśikī || 26 ||
[Analyze grammar]

suhaṃsī haṃsapādā ca haṃsavegā manorathā |
suruthāsvāruṇā veṇā bhadra veṇā supadminī || 27 ||
[Analyze grammar]

nāhalīsumarī cānyā puṇyā cānyā puliṃdikā |
hemā manorathā divyā caṃdrikā vedasaṃkramā || 28 ||
[Analyze grammar]

jvālāhutāśanī svāhā kālā caiva kapiṃjalā |
svadhā ca sukalā liṃgā gaṃbhīrā bhīmavāhinī || 29 ||
[Analyze grammar]

devadrīcī vīravāhā lakṣahomā aghāpahā |
pārāśarī hemagarbhā subhadrā vasuputrikā || 30 ||
[Analyze grammar]

etā nadyo mahāpuṇyā mūrtimatyo nareśvara |
sarvābharaṇaśobhāḍhyāḥ kuṃbhahastāḥ supūjitāḥ || 31 ||
[Analyze grammar]

prayāgaḥ puṣkaraścaiva arghadīrgho manorathā |
vārāṇasī mahāpuṇyā brahmahatyā vyapohinī || 32 ||
[Analyze grammar]

dvārāvatī prabhāsaśca avaṃtī naimiṣastathā |
caṃḍakaśca mahāratno maheśvarakaleśvarau || 33 ||
[Analyze grammar]

kaliṃjaro brahmakṣetraṃ māthuro mānavāhakaḥ |
māyākāṃtī tathānyāni divyāni vividhāni ca || 34 ||
[Analyze grammar]

aṣṭaṣaṣṭiḥ sutīrthāni nadīnāṃ śatakoṭayaḥ |
godāvarīmukhāḥ sarvā samāyātāstadājñayā || 35 ||
[Analyze grammar]

dvīpānāṃ tu samastāni sutīrthāni mahāṃti ca |
mūrtiliṃgadharāṇyeva sahasrākṣaṃ sureśvaram || 36 ||
[Analyze grammar]

samājagmuḥ samastāni tadādeśakarāṇi ca |
praṇemurdevadeveśaṃ nataśīrṣāṇi sarvaśaḥ || 37 ||
[Analyze grammar]

sūta uvāca |
taiḥ proktaṃ tu mahātīrthairdevarājaṃ yaśasvinam |
kasmāttvayā samāhūtā devadeva vadasva naḥ || 38 ||
[Analyze grammar]

brūhi naḥ kāraṇaṃ sarvaṃ namastubhyaṃ surādhipa |
evamākarṇya tadvākyaṃ devarājobhyabhāṣata || 39 ||
[Analyze grammar]

kaḥ samartho mahātīrtho brahmahatyāṃ vyapohitum |
govadhākhyaṃ mahāpāpaṃ strīvadhākhyamanuttamam || 40 ||
[Analyze grammar]

svāmidrohācca saṃbhūtaṃ surāpānācca dāruṇam |
hemasteyāttathā jātaṃ guruniṃdā samudbhavam || 41 ||
[Analyze grammar]

bhrūṇahatyāṃ mahāghorāṃ nāśayetkaḥ samarthavān |
rājadrohānmahāpāpaṃ bahupīḍāpradāyakam || 42 ||
[Analyze grammar]

mitradrohāttathā cānyadanyadviśvāsaghātakam |
devabhedaṃ tathā cānyaṃ liṃgabhedamataḥ param || 43 ||
[Analyze grammar]

vṛtticchedaṃ ca viprāṇāṃ gopracārapraṇāśanam |
āgāradahanaṃ cānyadgṛhadīpanakaṃ tathā || 44 ||
[Analyze grammar]

ṣoḍaśaite mahāpāpā agamyāgamanaṃ tathā |
svāmityāgātsamudbhūtaṃ raṇasthānātpalāyanāt || 45 ||
[Analyze grammar]

etāni nāśayetko vai samarthastīrthauttamaḥ |
samartho bhavatāṃ madhye prāyaścittaṃ vinā dhruvam || 46 ||
[Analyze grammar]

paśyatāṃ devatānāṃ ca nāradasya ca paśyataḥ |
bruvaṃtu sarve saṃciṃtya vicāryaivaṃ suniścitam || 47 ||
[Analyze grammar]

evamukte śubhe vākye devarājñāmahātmanā |
saṃmaṃtrya tīrtharājena procuḥ śakraṃ sabhāgatam || 48 ||
[Analyze grammar]

tīrthānyūcuḥ |
śrūyatāmabhidhāsyāmo devarāja namostu te |
saṃti vai sarvatīrthāni sarvapāpaharāṇi ca || 49 ||
[Analyze grammar]

brahmahatyādikānyāṃśca tvayā proktānsureśvara |
mahāghorānsudīptāṃśca nāśituṃ naiva śaknumaḥ || 50 ||
[Analyze grammar]

prayāgaḥ puṣkaraścaiva arghatīrthamanuttamam |
vārāṇasī mahābhāga samarthā pāpanāśinī || 51 ||
[Analyze grammar]

mahāpātakanāśārthe catvāromitavikramāḥ |
upapātakanāśārthaṃ catvāromitavikramāḥ || 52 ||
[Analyze grammar]

sṛṣṭā dhātrā ca deveṃdra puṣkarādyā mahābalāḥ |
evamākarṇya tadvākyaṃ tīrthānāṃ surarāṭ tataḥ || 53 ||
[Analyze grammar]

harṣeṇa mahatāviṣṭasteṣāṃ stotraṃ cakāra saḥ || 54 ||
[Analyze grammar]

iti śrīpadmapurāṇe bhūmikhaṃḍe venopākhyāne gurutīrthamāhātmye |
cyavanacaritre navatitamo'dhyāyaḥ || 90 ||
[Analyze grammar]