Chapter 91

[English text for this chapter is available]

kuṃjalauvāca |
brahmahatyābhibhūtastu sahasrākṣo yadā purā |
gautamasya priyāsaṃgādagamyāgamanaṃ mahat || 1 ||
[Analyze grammar]

saṃjātaṃ pātakaṃ tasya tyakto devaiśca brāhmaṇaiḥ |
sahasrākṣastapastepe nirālaṃbo nirāśrayaḥ || 2 ||
[Analyze grammar]

tapoṃte devatāḥ sarvā ṛṣayo yakṣakinnarāḥ |
devarājasya pūjārthamabhiṣekaṃ pracakrire || 3 ||
[Analyze grammar]

deśaṃ mālavakaṃ nītvā devarājaṃ sutottama |
cakre snānaṃ mahābhāga kuṃbhairudakapūritaiḥ || 4 ||
[Analyze grammar]

snāpituṃ prathamaṃ nīto vārāṇasyāṃ svayaṃ tataḥ |
prayāge tu sahasrākṣa arghatīrthe tataḥ punaḥ || 5 ||
[Analyze grammar]

puṣkareṇa mahātmāsau snāpitaḥ svayameva hi |
brahmādibhiḥ suraiḥ sarvairmunivṛṃdairdvijottama || 6 ||
[Analyze grammar]

nāgairvṛkṣairnāgasarpairgaṃdharvaistu sakinnaraiḥ |
snāpito devarājastu vedamaṃtraiḥ susaṃskṛtaḥ || 7 ||
[Analyze grammar]

munibhiḥ sarvapāpaghnaistasminkāle dvijottama |
śuddhe tasminmahābhāge sahasrākṣe mahātmani || 8 ||
[Analyze grammar]

brahmahatyā gatā tasya agamyāgamanaṃ tathā |
brahmahatyā tato naṣṭā agamyāgamanena ca || 9 ||
[Analyze grammar]

pāpena tena ghoreṇa sārddhamiṃdrasya bhūtale |
suprasannaḥ sahasrākṣastīrthebhyo hi varaṃ dadau || 10 ||
[Analyze grammar]

bhavaṃtastīrtharājāno bhaviṣyatha na saṃśayaḥ |
matprasādātpavitrāśca yasmādahaṃ vimokṣitaḥ || 11 ||
[Analyze grammar]

sughorātkilbiṣādatra yuṣmābhirvimalairaham |
evaṃ tebhyo varaṃ datvā mālavāya varaṃ dadau || 12 ||
[Analyze grammar]

yasmāttvayā malaṃ me'dya vidhṛtaṃ śramadāyakam |
tasmāttvamannapānaiśca dhanadhānyairalaṃkṛtaḥ || 13 ||
[Analyze grammar]

bhaviṣyasi na saṃdeho matprasādānna saṃśayaḥ |
suduḥkālairvinā tvaṃ tu bhaviṣyasi supuṇyavān || 14 ||
[Analyze grammar]

evaṃ tasmai varaṃ datvā devarājaḥ puraṃdaraḥ |
kṣetrāṇi sarvatīrthāni deśo mālavakastathā || 15 ||
[Analyze grammar]

ākhaṃḍalena sārddhaṃ te svasthānaṃ pratijagmire |
sūta uvāca |
tadāprabhṛti catvāraḥ prayāgaḥ puṣkarastathā || 16 ||
[Analyze grammar]

vārāṇasī cārghatīrthaṃ prāptā rājatvamuttamam || 17 ||
[Analyze grammar]

kuṃjala uvāca |
asti paṃcāladeśeṣu viduro nāma kṣatriyaḥ |
tena mohaprasaṃgena brāhmaṇo nihataḥ purāḥ || 18 ||
[Analyze grammar]

śikhāsūtravihīnastu tilakena vivarjitaḥ |
bhikṣārthamaṭateso'pi brahmaghnohaṃ samāgataḥ || 19 ||
[Analyze grammar]

brahmaghnāya surāpāya bhikṣā cānnaṃ pradīyatām |
gṛheṣvevaṃ samasteṣu bhramate yācate purā || 20 ||
[Analyze grammar]

evaṃ sarveṣu tīrtheṣu aṭitvaiva samāgataḥ |
brahmahatyā na tasyāpi prayāti dvijasattama || 21 ||
[Analyze grammar]

vṛkṣacchāyāṃ samāśrityadahyamānena cetasā |
saṃsthito viduraḥ pāpo duḥkhaśokasamanvitaḥ || 22 ||
[Analyze grammar]

caṃdraśarmā tato vipro mahāmohena pīḍitaḥ |
nyavasanmāgadhe deśe gurughātakaraśca saḥ || 23 ||
[Analyze grammar]

svajanairbaṃdhuvargaiśca parityakto durātmavān |
sa hi tatra samāyāto yatrāsau viduraḥ sthitaḥ || 24 ||
[Analyze grammar]

śikhāsūtravihīnastu vipraliṃgairvivarjitaḥ |
tadāsau pṛcchitastena vidureṇa durātmanā || 25 ||
[Analyze grammar]

bhavānko hi samāyātoḥ durbhago dagdhamānasaḥ |
vipraliṃgavihīnastu kasmāttvaṃ bhramase mahīm || 26 ||
[Analyze grammar]

vidureṇoktamātrastu caṃdraśarmā dvijādhamaḥ |
ācaṣṭe sarvamevāpi yathāpūrvakṛtaṃ svakam || 27 ||
[Analyze grammar]

pātakaṃ ca mahāghoraṃ vasatā ca gurorgṛhe |
mahāmohagatenāpi krodhenākulitena ca || 28 ||
[Analyze grammar]

gurorghātaḥ kṛtaḥ pūrvaṃ tena dagdhosmi sāṃpratam |
caṃdraśarmā ca vṛttāṃtamuktvā sarvamapṛcchata || 29 ||
[Analyze grammar]

bhavānko hi suduḥkhātmā vṛkṣacchāyāṃ samāśritaḥ |
vidureṇa samāsena ātmapāpaṃ niveditam || 30 ||
[Analyze grammar]

atha kaściddvijaḥ prāptastṛtīyaḥ śramakarṣitaḥ |
vedaśarmeti vai nāma bahupātakasaṃcayaḥ || 31 ||
[Analyze grammar]

dvābhyāmapi susaṃpṛṣṭaḥ ko bhavānduḥkhitākṛtiḥ |
kasmādbhramasi vai pṛthvīṃ vada bhāvaṃ tvamātmanaḥ || 32 ||
[Analyze grammar]

vedaśarmā tataḥ sarvamātmaceṣṭitameva ca |
kathayāmāsa tābhyāṃ vai hyagamyāgamanaṃ kṛtam || 33 ||
[Analyze grammar]

dhikkṛtaḥ sarvalokaiśca anyaiḥ svajanabāṃdhavaiḥ |
tena pāpena saṃlipto bhramāmyevaṃ mahīmimām || 34 ||
[Analyze grammar]

vaṃjulo nāma vaiśyotha surāpāyī samāgataḥ |
sa goghnaśca viśeṣeṇa taiśca pṛṣṭo yathā purā || 35 ||
[Analyze grammar]

tena āveditaṃ sarvaṃ pātakaṃ yatpurākṛtam |
tairākarṇitamanyaiśca sarvaṃ tasyaprabhāṣitam || 36 ||
[Analyze grammar]

evaṃ catvāraḥpāpiṣṭhā ekasthānaṃ samāgatāḥ |
kaḥ kasyāpi na saṃparkaṃ bhojanācchādanena ca || 37 ||
[Analyze grammar]

karoti ca mahābhāga vārtāṃ cakruḥ parasparam |
na viśaṃtyāsane caike na svapaṃtyekasaṃstare || 38 ||
[Analyze grammar]

evaṃ duḥkhasamāviṣṭā nānātīrtheṣu vai gatāḥ |
teṣāṃ tu pāpakā ghorā na naśyaṃti ca naṃdana || 39 ||
[Analyze grammar]

sāmarthyaṃ nāsti tīrthānāṃ mahāpātakanāśane |
vidurādyāstataste tu gatāḥ kālaṃjaraṃ girim || 40 ||
[Analyze grammar]